كان عندى قلم

كان عندى قلم ان كتب شعر يهز القلب
ان كتب قصة يبان الحب
يكتب مواضيع من شرق وغرب
دلوقتى مالك يا قلم نايم فى هدوء
مع ان الارض اتهزت من كتر الدب

لا امان للإلكترونيات

فى بداية الامر تشعر انه يمكنه ان يحفظ اشيائك الخاصة (زكرياتك ..صور خاصة ..فيديو خاص )...تعطى له الامان .

ثم تتفاجىء ...مرة واحدة تلاقى النسخة وقعت ...تحاول تسطبها ..المحاولة فشلت فى اليوم الاول والتانى والثالث ...هناك مشكلة فى الهارد حسناً سأحاول مرة اخرة ...نجحت المحاولة ... يتم الان تشغيل الكمبيوتر ..كل شئ خاص بمكيروسوفت موجود ولكن هناك شئ ناقص ..."اين الزكريات ..الصور ..الفيديو "
مدام يوجد شىء اسمه فورمات فــ " لا امان للالكترونيات "

رسائل الى صديقى القديم

(1)

يا صديقى القديم اتتذكرنى .. اليوم وانا فى فلسطين شعرت بالوحدة شعرت اننى اريد التحدث الى احد ...اتتذكر عندما كنا نتحدث .
لعلك تسأل مثل الجميع ...كيف ذهبت من مصر الى فلسطين ..
حسناً...فى يوم " كنت اتذكر تلك المشاهد ام تحضن ابنتها وتبكى نساء يجروون فى الشوارع اثناء القذف الاسرائيلى لغزة " اتتذكر تلك المشاهد ..انها اصبحت تتكرر كل يوم ..كل يوم شهداء ونساء تبكى من الخوف .وصمت عربى ..فى مساء هذا اليوم نظرت الى السماء تمنيت لوأكون مجاهد ..اقتل اعداء الله ..اقتل من قتلوا الفلسطنيين ..اقتل من اخذوا القدس ..اقتل من يحاولون هدم المسجد الاقصى ..ولكن شبح امن الدولة وحرس الحدود ..كانوا يخيفونى بداخلى ...تمنيت لو اعبر تلك الحواجز واذهب الى ارض الميعاد ..الى فلسطين ..كانت السماء صافية وكنت صادق النية ...ذهبت لانام ...واندمجت عينى فى النوم ..ولم يوقظنى إلا اصوات الصواريخ التى تضرب هنا وهناك ...وجدت نفسى نائما على الارض ..فى شارع وهناك من يحدثنى ويقول لى ماذا تفعل هنا ..المكان خطر ..اسرائيل تضرب صواريخ علينا ابتعد عن هنا ..وقفت احدث نفسى هل انا فى حلم ..والرجل يردد ابتعد عن هنا ..كان هناك ام تحمل طفلين ..وتحاول حمل الثالث ولا تستطيع ..ذهبت حملت منها الطفل الثالث وانا اسئلها ..هو احنا هنا فين ...قالت نحن الان فى الدنيا وبعد قليل ربما نكون فى الاخرة .
صديقى القديم سوف احدثك فيما بعد فهناك اصوات طائرات اسرائلية تحلق فوق المنزل .
......
(2)

يا صديقى القديم لا تهتم لأمر تلك الطائرات الاسرائلية انها تأتى الى هنا حتى تبث الخوف فى قلوب الفلسطنيين ...ولكن الفلسطنين لا يخافوا (الا بذكر الله تتطمئن القلوب )..تعرفت على فصيلة من الفصائل الفلسطينية عندما علموا بحكايتى قرروا ان انضم اليهم ..رغم ان بعض منهم لا يصدقنى ويظننى من المخابرات المصرية او أعمل لحساب اسرائيل ...عندما قام ابراهيم قائد الفصيلة ليعرفنى على المجموعة التى تضم 11 رجلاً وامرأة ...مددت يدى لاسلم على رجل ..قال لى ابراهيم هذا اسمه على وأتى من الجزائر حتى يجاهد فى سبيل الله ...قلت فى نفسى لو كنت اعلم انه جزائرى لمنعت يدى ...اكرههم ....أما الاخرين كانوا فلسطنين ..وأما الاخرى هى تبلغ من العمر 22 عام اسمها مريم وهى اخت ابراهيم .....انام فى غرفة تضم مراتب على الارض لكل منا مرتبة ..انا وعلى الجزائرى ومعنا 3 اخرين ....يحاول" على" التقرب منى ولكننى دائما ابتعد عنه هو شعر بذلك وجميعهم شعروا بذلك .
اخذنى ابراهيم وذهبنا الى المسجد الاقصى وانا اصلى ركعتين داخل المسجد تذكرت ذلك الدعاء الذى كان مكتوب على احد اتوبيسات الهيئة كان الدعاء يقول (اللهم اكتب لنا ركعتين فى مسجدك الاقصى ) دعوت الدعاء وقلت فى نفسى ياترى ممكن يتحقق ."انه يتحقق الان يا صديقى القديم ..لعلى جئت هنا من اجل هذا الدعاء ".
بعد صلاة الجمعة تجمعنا حتى يعرض علينا ابراهيم خطة جهادية سوف ننفذها بالمناسبة انا تدربت على السلاح واشياء اخرى .
كانت الخطة عن عربية ملغمة سوف تدخل فى احد الاسواق الاسرائلية ثم تنفجر وفى نفس الوقت سوف نطلق ثلاث صواريخ على جنوب اسرائيل .الجميع وافق ولكننى رفضت .نعم رفضت
يبدوا اننى طولت فى الكلام فى هذا الخطاب حسناً سوف اكمل فى الخطاب القادم .
......
(3)

صديقى القديم ..أتتذكر عندما كنت استمع لعمرو خالد ...ذلك الرجل الذى احببته من كل قلبى ..اتتذكر عندما كان يتحدث عن غزوة مؤتة ..عندما قال (وأوصاهم الرسول عليه الصلاة والسلام بأن لا يقتلوا امرأةً ولا صغيراً ، ولا شيخاً فانياً ولا تقطعوا شجراً ولا تهدموا بناءً )..هذا ماقلتوه لهم كيف بصواريخنا نهدم بناء يسكن فيه من لا يعرف حتى ان يحمل بندقية ...كيف بعربية ملغمة نفجر احد الاسواق وان بعض من عرب اسرائيل يعمل بهذه الاسواق حتى يأتى بقوت يومه وان من عرب اسرائيل من هم مسلمين وان الرسول عليه الصلاة والسلام نهى المسلمين من ان يقتلوا رجل قال (لا اله الا الله )....بعضهم اقتنع بكلامى وتغيرت الخطة سوف نواجه مجموعة من الجنود الاسرائلية وجه لوجه .
وبالفعل نفذنا الخطة واستشهد منا ثلاثة فلسطنين وبعضهم بدأ يردد " انت سبب موتهم" ...
مريم كانت تستمع كثيراً لدكتور ابراهيم الفقى استاذ التنمية البشرية وكان كلامها مثله جميل قالت لى بإسلوب جميل اننى بطل ...أما على الجزائرى قال لى بلهجته التى تحتوى "على" النطق الفرنساوى ..انت خير جنود الارض .
بدأت الاخبار تتحدث عن العملية وكيف هى بطولية ولا تحتوى على نسبة من الارهاب ..وبدأت تتحدث الاخبار اننا ابطال ومن يومها اصبح اسمنا الابطال وقمنا بعمليتين بعد الاولى مباشرة وتموا بنجاح نحارب الاعداء وجهاً لوجه ..لا نقتل ابرياء .
وفى يوم كان هناك مجموعة من الصحفيين مع ابراهيم يحدثهم عن العمليات التى قمنا بها وكيف هى بطولية وخالية من الارهاب ...وعندما دخلت البيت ندانى ابراهيم وقال هذا هو البطل اللى حكيت لكم عنه ..وبدأوا يصورونى .
فى المساء ناتدنى مريم وقالت "يتحدثوا عنك فى التلفزيون "...كانت قناة "دريم 2" كانت منى الشاذلى فى برنامجها (العاشرة مساءاً) تستضيف صوت امى على الهاتف ..كانت امى تقول ..هو اختفى فجأة ..انا نفسى يرجع ..امن الدولة كل يوم عندنا ومبتبهديلن منهم ...كانت امى تطالبنى بالرجوع بصوت يملؤه الدموع ....دمعت عينى لبكاء امى ..قمت مسرعاً حتى لا احد يرى دموعى وأبتعدت عن الجميع ...جاء اللى "على الجزائرى "وبدأ يحدثنى ويقول" انت جئت هنا من اجل ان تحرر مقدسات المسلمين من اجل القدس من اجل الاقصى ..وقال لا تحزن ان الله معنا .....رغم اننى اكره على الجزائرى ولكن للمرة الاولى اشعر انه مسلم مثلى وان هناك شئ يجمعنا .
قال لى ابراهيم اننى يمكننى ان اكتب خطاب لأمى وهو سوف يرسله عن طريق الذين يساعدوننا من مصر .
صديقى القديم سوف اذهب لكى اكتب خطاب لامى اراك لاحقا .

.........
(4)

صديقى القديم ....وصل الخطاب الى امى أرجوها ان تسامحنى ..وجائنى منها رد على الخطاب كان عليه اثار دموعها ..تطالبنى بأن ارجع ..وتحكى لى عن المضايقات التى يتعرضوا لها من قبل الشرطة بسببى .
صديقى القديم اشياء كثيرة تغيرت ..اخذنى ابراهيم وذهبنا الى فصائل اخرى ادعوهم فيها ان نتوحد ونحارب وكأننا رجل واحد كنت اتمنى ان اضم فتح وحماس وننسى كلمة فتح وننسى كلمة حماس وننسى كلمة فصائل ونكون جيش واحد ...تمكنا ان نضم الينا 4 فصائل ...اشياء كثيرة تغيرت ..اصبح لى شأن ..اقول رأيى فى كل شئ ..استقبل المجاهدين الجدد حتى اعرفهم ثقافة الجهاد .......من ضمن المجاهدين الجدد مجاهد اسمه حمد هو سعودى حكى لى انه كان له اخ وكانوا يصلوون فى احد الجوامع التى كانت قريبة من قاعدة امريكية جوية اثناء غزو العراق .يقول لى كنا نبكى فى الجامع وندعوا الله ان يسقط هذه الطائرات التى تقتل اخواننا المسلمين وانه هو واخوه استأذنوا امهم حتى يذهبوا يجاهدوا فى العراق وبعد الحاح منهم وافقت الام على ان يذهب واحد ذهب اخوه واستشهد هناك ...ومن يومها وهو يستأذن امه حتى يجاهد وهى ترفض ولكنه لم ييأس حتى وافقت بعد سنين فجاء الى فلسطين .
تمنيت لو اجد امى ابوس قدمها ويدها واطلب منها ان تأذن لى بالجهاد...اخذنى النوم فى المساء استيقظت وجدت نفسى فى بيتنا على سريرى قلت لعله كان حلم ولكن وجد بجسمى جرح قديم من رصاصة اسرائلية .فعلمت انه الواقع ..كانت امى نائمة هى واخوتى اعطيت لكل منهم قبلة وقبلت يد امى ونزلت بركبى على الارض ويداها على وجهى اخذنى النوم واستيقظت على صوت "علىِ" يصحينى حتى اصلى الفجر ......كان علىِ هو الامام عندما بدأ يقرأ القرءان كان صوته جميل يقرئه بتجويد كان نفسى احضنه واقول له ايوة كدة ياراجل دا النبى (عليه الصلاة والسلام)عربى ...بعد الصلاة حدثنى "علىِ" اننا يمكن ان نستشهد فى اى وقت وانه حريص على قراءة القرءان وحفظه واوصانى بالقرءان ...وقال لى لا املك الا هذا المصحف فإنه الان بينى وبينك وان استشهدت فهو لك ...قلت له تعلم يا علىِ ...قال لى قل لى يا علَىْ..فأنا اسمى "علَىْ"تنطق مثل اسم (علَىْ بن ابى طالب ) قلت يا علَىْ انا كفرت بوحدة العروبة وامنت بوحدة الاسلام وكهرتك جزائرى واحببتك مسلم تنطق القرءان باللغة العربية ..يا علَىْ والله انى احبك فى الله .
بعدها استشهد علَىْ واحسست بالوحدة كنت كل يوم اسمع صوت علَىْ يوقظنى من نومى اسمع صوته وهو يقرأ القرءان ابحث عنه لا اجده أجلس واقرأ فى المصحف .
صديقى القديم ...وحشتنى امى واخوتى .. سوف اكتب لهم خطاب ..اراك لحقاً

........
(5)

صديقى القديم ...هنا كل يوم يموت شهيد ..تنتهى حياة ..ولكن بدأت حياة جديدة تتمثل فى زهرة صغيرة كنت قد زرعهتا وارويها كل يوم..تمنيت لو ارويها بمياه النيل
ارسلت خطاب الى امى ارجوها ان تسامحنى وتأذن لى بالجهاد ...ردت على خطابى وقالت " رأيت امس بمنامى ابوك الله يرحمه واخوتك وانا كنت احملك اتعلم انت الوحيد الذى كنت صغير اضمك الى صدرى وانت تريد ان تبتعد قال لى ابوك اتركيه يذهب فهو لا يغضب الله ....يا ابنى اعلم مهما كبرت انت صغيرى ومكانك هو حضنى نعم انا احبك ولكن الله اولى بك منى ...جاهد فى سبيل الله انا ادعوا لك كل يوم ولمن معك يا صغيرى كن رجلٌ ولا تلهى فى ذكر الله ....امك الحبيبة "
الان اطمئن قلبى ..يا صديقى القديم سوف نقوم بخطة جديدة وانا فى المقدمة ..قد اموت شهيدا .
ان لم تجىء اليك رسائل اخرى قل .... بسم الله الرحمن الرحيم
(ولا تحسبن الذين قتلوا في سبيل الله أمواتا بل أحياء عند ربهم يرزقون . فرحين بما آتاهم الله من فضله ويستبشرون بالذين لم يلحقوا بهم من خلفهم ألا خوف عليهم ولا هم يحزنون . يستبشرون بنعمة من الله وفضل وأن الله لا يضيع أجر المؤمنين . الذين استجابوا لله والرسول من بعد ما أصابهم القرح للذين أحسنوا منهم واتقوا أجر عظيم)صدق الله العظيم
يا صديقى القديم الزهرة بدأت تفتح اوراقها.. قلت لها وانا ارويها .. من يرويكى بعدى ..سمعتها بأُذن قلبى تتحدث ..قالت "لعله صديقك القديم"

انتهت

يا اصدقائى القدامى انتظرتعليقاتكم

الحياة الطيبة

الحياة الطيبة مدونة تستحق الزيارة

مـعـتـز الـصـيـنـى 私は私が逃す愛するتانى مرة

مـعـتـز الـصـيـنـى تانى مرة 私は私が逃す愛する :

بعد الرعد والبرق والمطرة كان لازم البس الجاكت اللى اشترته الشتا اللى فات ..هو جاكت صينى بس شكله حلو بجد ..واول ما اشتريته جات فى بالى قصة معتز الصينى ونشرتها على المدونة اللى كانت لسه جديدة طازة ..النهاردة وانا بنظر الى الجاكت افتكرت معتز الصينى وعشان كدة قررت اعيد مـعـتـز الـصـيـنـى 私は私が逃す愛する: هتعجبكوا ان شاء الله

المشهد الاول

######## لقاء الحبايب

معتز ينتظر نيرفانا عند محطة كوبرى القبة
نيرفانا تتقدم من معتز وتحمل ابتسامة
نيرفانا .. عامل اى يا حبيبى
معتز..الحمد لله
نيرفانا تنظر الى جاكت معتز
نيرفانا .. أش أش اى الحجات الحلوة دى
معتز.. اى رئيك
نيرفانا .. حلو الجاكت ده
معتز.. جيبتوا امبارح
نيرفانا .. بس حلو أوي ..شكله غالى
معتز.. تديلوه كام
نيرفانا ..اممم 250 جنية
معتز .. هاتى 200 جنيه وخديي
نيرفانا .. ههـ .. انت جيبتوا بكام اصلا
معتز .. بـ 150 جنيه
نيرفانا .. بس بجد حلو
معتز .. هو رخيص بس علشان صينى
نيرفانا .. اممم
نيرفانا .. نسيتنى صح .. فى اى ياعم
جايبنى على مالا وشى
معتز .. مفاجأة . . مشكلتنا اتحلت
نيرفانا .. بتكلم جد .. يعنى جبت الشقة
معتز .. لأ . بس جبت الشبكة
نيرفانا .. بجد يا معتز
معتز .. ايوة يا نيرفانا .. والشبكة كتيرة
نيرفانا.. كتيرة .. انت جيبت فلوسها منين يامعتز
معتز.. مش مهم جبت فلوسها منين المهم انها جات
نيرفانا .. معتز اوعى تكونــ..
معتز.. اكون اى بس .. ماتبقيش عبيطة انا مش بتاع الكلام ده
نيرفانا.. يعنى الشبكة دى فلوسها حلال
معتز .. ايوة ياستى فلوسها حلال
نيرفانا .. عارف يا معتز ممكن بعد ما تشبكنى
نبيع الشبكة ونكمل عليها ونجيب الشقة .. منى بنت خلتى عملت كدة
معتز .. ابيع الشبكة ...مش انا اللى ااقلعك الشبكة علشان ابيعها يا ماما
نيرفانا .. طول عمرك راجل يا معتز
معتز.. انا جي بكرة انا ومصطفى ابن خالتى الساعة 7 علشان
أورى الشبكة لأبوكى وامك
نيرفانا .. انت ومصطفى .. طب وأمك
معتز .. امي تعبانة شوية
نيرفانا .. الف سلامة عليها .. طب وأختك
معتز .. اختى قعدة معاها .. مينفعش تسيبها لوحدها
نيرفانا .. خلاص ماشى يا معتز
********
المشهد التانى

#######
في بيت نيرفانا
كيمو .. ايي . اسمع منى وركزلى
وكل واحد يجهزلى عل ترمادول
انا هتكلم ورييت محدش يغمزلى
نيرفانا ..انت يا زفت ياكيمو وطى الكمبيوتر
ده شوية معتز زمانه جى
ام نيرفانا .. ماتسيبى الواد يفرح يابت
دانا النهاردة هنشوف الشبكة
نيرفانا.. ياماما طب يشغل اغانى فاررحى
مش يشغلى الترمادول
ابو نيرفانا .. ما هى دى برضوا اغانى
بتاعت افراح .. شغل ياض

اغنية سيجارة بنى
ام نيرفانا.. تفتكري يا بت الواد معتز جاب
فلوس الشبكة منين ..اوعي
يابت يكون سارقهم
نيرفانا.. يا ماما هو معتز برضوا بتاع كدة
ابو نيرفانا..هو ده لو كان بتاع كدة
كان ده بقه حاله
جرس الباب يرن
نيرفانا .. ياكيمو اطفى الزفت ده وافتح الباب ده اكيد معتز
كيمو يفتح الباب يجد معتزشايل علبة شوكلاته
في اليمين وشنطة الشبكة فى الشمال
ومعاه مصطفى بن خالته
ابو نيرفانا .. ادخل ياعريس بنتى نورت البيت
ادخل يا مصطفى يا ابنى
يجلسوا داخل غرفة الصالون
مصطفى ينظر الى معتز ويغمزله برجله
معتز .. عامل اى يا عمى
ابو نيرفانا.. الحمد لله
معتز.. وانتى ياحماتى عاملة اي
ام نيرفانا.. الحمد لله .. انا زعلت على امك لما عرفت انها تعبانة
قولها ان انا جيا ازورها انا ونيرفانا
معتز.. فيكى الخير ياحماتى
ام نيرفانا .. ماتورينا يابنى الشبكة
معتز يفتح علبة الشبكة والجميع ينظر فى زهول
ام نيرفانا تمسك غويشة وتقعد تبص فيها
ام نيرفانا .. ده اى ده يا ابنى
معتز .. دي.. الشبكة
ابو نيرفانا..دى عيار كام دى يا ابنى
معتز .. ده ده عيار
معتز.. ده ياعمى دهب صينى
ام نيرفانا .. صينى .. انا بنتى تشبك بدهب صينى
هي بنات الناس لعبة فى اديك ولا اى
معتز .. ولا لعبة ولا حاجة ياحماتى
ام نيرفانا.. اخرس متجيبش كلمة حماتى دى على لسانك
مصطفى .. ياجماعة وحدوا الله بس مش كدة
ابو نيرفانا .. لا اله الا الله .. انت مش سامع
يامصطفى ابن خالتك بيقول اى
ابن خالتك بيقول صينى بذمتك

يا مصطفى يا ابنى انت ترضاها لاختك
معتز.. ياعمى اي بس المشكلة ماهو ده دهب وده دهب
ام نيرفانا .. اسمع يا ابنى . انا بنتى مش لعبة فى اديك
وياحبيبى اللى معهوش مايلزموش
نيرفانا مازالت مزهولة تريد ان تغير عقارب الساعة
وترجع بالزمن .. ترجع لغاية محطة كوبرى القبة
وتقول لمعتز ..ليه كدة يا معتز .. انا بس كنت عملتلك اى
ولا هى دى غلطتى علشان حبيتك.

************

المشهد الثالث..

######### علــ القهوة

معتز يجلس هو ومصطفى على القهوة

معتز يخرج سيجارة من العلبة LM بتاعت مصطفى

ويولع بالولاعة السخان

مصطفى .. يا ابنى حرام عليك دى تاسع سيجارة بتشربها

وانت اصلا مبتشربش سجاير .. وكمان دى

خامس كباية شاى ..

معتز .. سيبنى وحياة ابوك يامصطفى .. يحسن انا مخنوق

مصطفى ..أنت بتحسسنى ان انت بتشرب خمرة علشان تنسى

معتز.. انسى .. انا مش ممكن انسى الا لما اقتلها

مصطفى .. حرام عليك يا ابنى تقتلها اى بس .. دى البت بنت حلال وبتحبك

معتز.. بنت اى اللى اقتلها .. انا اقصد امها الحيزبون المملة .. نفسى افش غلى فيها

مصطفى .. حيزبون .. ومملة .. وعايز تفش غلك ..انا عندى اللى يحققلك حلمك

مصطفى يخرج التليفون من جيبه وأصابعه تلامس زراير التليفون

معتز .. هو أنت..هـتكلم مين

مصطفى .. تسمع عن اللهو الخفى ..ده بقى اجمد من اللهو الخفى

معتز..ده مجرم ده ولا اى

مصطفى..ههــ ال مجرم ال __ ده بقه ياعم وخدها هيواية

مصطفى .. الو .. ازيك ياباشا .. ليك عندى حتة من اللى قلبك يحبها

..حيزبون ومملة .. ايوة مملة ..طب اكتب العنوان عندك

*******

المشهد الرابع

#######نهاية طاغية

ام نيرفانا قاعدة فى الاوضة بتاعتها

والواد كيمو مشغل اغنية سيجارة بنى بصوت عالى قوى

ام نيرفانا تنظر الى الغوايش اللى لبساها وتقول

ام نيرفانا..ال صينى ال ..ده عبيط ده ولا شكله كدة

.. الحق مش عليه الحق على الهبلة بنتى

.. ال بتحبه ال ...

ام نيرفانا ..بصوت عالى .. ياض ياكيمو وطى الزفت ده

ام نيرفانا.. شربت سيجارة بنى لللا للللااا .. ياعم ولع يا سيدى ولع

وفجأة ام نيرفانا تحس ان حد واقف وراها . تبص تلاقى واد عجل

لابس اصفر فى اصفر وعامل جناحات سودة ..يمسك النضارة وينزلها

على عينه ويقولها .

الواد العجل ..دانا اللى هولع فيكى

طاخ..طرااااااااااااااااااااااااااااخ....بـــ..ـومممم

ام نيرفانا .. اه ........اه..............ه

طــ...........ــ.......ــ..ــراااااااااخ

**********مولدى تتحدى المملل**********

************The End*************

جوايا نور

جوايا نور.. وانا مش إزاز علشان انور

جوايا نور شوفه بقلبك إبحث ودَوّرْ

حس المشاعر وافهم..الصمت لما يطول

اقرا العيون لما ..تبتسم او تزعل

جوايا نور المسه ..علشان يفضل

الارض لو اتشققت أرويها نور مقدرش يطفيه المطر

قلبك لو عطش ..يشوف نورى ويعكسه يصبح قمر

جوايا نور يلا المسه قبل ما يعدى الزمن

اصل الحقيقة ان الحياة ...سكة سفر

مصر ..كرمها الله

سعات بسأل نفسى هو ليه الرسول عليه الصلاة والسلام قال استوصوا بأهل مصر خيرا فإن لهم نسبا وصهرا.....وكمان حس المسلمين على فتح مصر عندما قال اذا فتح الله عليكم مصر فأتخذوا منها جندا كثيفا فأنهم خير جنود الارض ..مع ان سعتها مصر كانت لا تنطق العربية بل وكانت غير مسلمة ..وكانت بالنسبة للعرب دولة قوية ...ورغم كدة الرسول صلى الله عليه وسلم وصى علينا احنا ..يمكن كان عارف ان هيجى يوم ويحصل فينا كدة ..يمكن كان عارف ان هيجى يوم نحب العرب ونقف جمبهم وكأن الرسول عليه الصلاة والسلام وصانا عليهم وهما يعملوا فينا كدة ..يا رسول الله صلى الله عليك وسلم المسلمين والعرب المسلمين خاصة لم يستوصوا بنا خيرا الا ما رحم ربى ...احنا اللى استوصينا بيهم خيرا ..احنا اللى شهدائنا فى فلسطين واحنا اللى حررنا القدس فى عهد صلاح الدين وهزمنا المغول وشهدائنا فى اليمن وكل مكان زكر فيه اسم الله ..احنا خير جنود الارض احنا اللى لينا نسب فى نبى الله ابراهيم ونبى الله محمد عليهم الصلاة والسلام ..يا ترى كنت عارف ان هيتعمل فينا كدة ...انا بحبك وعارف ان هما كمان بيحبوك وربنا يحكم بنا وبنهم بالحق ويكفينى ان ربنا عارف اننا مظلومين ..مش هقدر اسامحهم ومش هقدر اقول غير حسبنا الله ونعم الوكيل فى كل جزائرى اهان مصر والمصريين ..

بحاول اتخيل واحد جزائرى اهان مصر والمصريين وحرق العلم المصرى مع الاسرائيلى وكأن مصر هى اسرائيل التانية بحاول اتخيلوه بعد كل ده وبعد ما يعدى الوقت بيفتح مصحف ويقرأ القرأن ويلاقى أمامه الاية اللى بتقول﴿ادْخُلُوا مِصْرَ إِنْ شَاءَ اللَّهُ آمِنِينَ﴾ (يوسف: من الآية 99)..يا ترى ساعتها هيحس بأى ..الحمد لله ان الله كرم مصر وزكرها فى القرءان والحمد لله ان رسول الله محمد صلى الله عليه وسلم وصى علينا ووصى على اهل مصر حتى قبل ما يبقوا مسلمين فما بالك وهما مسلمين ..الحمد لله

هقول يا رب وادعيلك

هقول يا رب وادعيلك

وهسمى واشرب من نيلك

واحلم بنور الحق

يظهر بقه ويزيح ليلك

هقول يا رب وهخطى

واخد الخطوة.. واعدى

ولو وقعت ..اسندينى

مدى اديكى وضمينى

دانا برضوا ابنك ..ابن حلال

محمد رسولى (ص) والاسلام دينى

وهقول يا رب وادعيلك

وهسمى واشرب من نيلك

ما تقوم يا مصرى

ما تقوم يا مصرى كفاية نوم
دا انت يا دوب فاضلك جون
وتحقق حلم السنين
حلم ضاع معاك وسط الهموم
ما تقوم يا مصرى ويلا فوق
علمك اهو مرفوع لفوق
دعوتك استجابت
ومن السما جتلك لحظة شروق
ما تقوم يا مصرى سمعنى صوتك
واهتف لبلدك بعلو صوتك
ويلا بينا نعدى الخطوة
قبل ما الحلم يفوتك
ما تقوم يا مصرى كفاية نوم
دا انت يا دوب فاضلك جون

اتفاق

(اقرأ)..جميعنا يعلم ان هذه اول كلمة نزلت من القران بل هى اول كلمة فى الرسالة وعلى كل مسلم ان يقرأ القران وجميعنا نتفق على ذلك ..ومن هنا دعونا نذهب الى اتفاق اخر ...
سوف اقرأ لكل من يكتب وسوف اكتب لكل من يقرأ
ان كنت تقرأ للكل فعليك ان تكتب للكل
وان كنت تكتب للكل فعليك ان تقرأ للكل
فالثقافة هى امتزاج من الكل وللكل
ولا تعجبك مدونة صاحبها قد قرأ للكل وعندما كتب كلماته اصبحب المدونة تلمع بلمعان الثقافة ولكن صاحب المدونة اخطأ عندما بدأ يتلاعب بكلمة الالوهية ..وهى كلمة تخص الله الواحد فقط...وبدأ يتلاعب فى مواضيعه بمضمون ...قلة ادب...واستخدم الصور الجريئة او ان شئت قل الصور الاباحية ..اعترف انه مثقف ولكنه غير اخلاقى.
ولا تعجبك ايضاً مدونة صاحبها اخلاقى يحمل البراءة فى قلبه وكلماته تحكمها الاخلاق ولكنه كتب فقط دون ان يقرأ للكل فلم يضئ فى كلماته نور الثقافة ..
نعم نحن نكتب او نقرأ تحت بند الثقافة
لماذا لا نقرأ للأخرين وقد طلب منا ان نطلب العلم ولو فى الصين وان ندعوا الله ونقول ربى زدنى علما ...
على المدرس ان يقرأ كل شئ حتى يعلم كل شئ حتى اذا سأله التلميذ سؤال يمكنه الجواب عليه.
كذلك على المدون ان يقرأ كل شئ حتى يمكنه ان يكتب موضوع عن اى شئ او يكتب تعليق عن اى موضوع دون ان يجامل ولكنه يكتب تحت ببد المعرفة والثقافة .
لنرجع الى البداية والى الرسالة (اقرأ)...لم نتعب كثيراً اذا فكرنا ان نقرأ ثم نكتب ..فالاغلبية العظمى تمتلك التفكير ولكن ليس الجميع يمتلك التفكير الابداعى ..فالتفكير الابداعى يكون هدية مجانية تمنح مع العلم والمعرفة والثقافة ...فهنيئاً لك تلك الهدية .

مش باقى مِنك شئ

الظلم كرباج اسود. علم على ضهرى

وصرختى ليها صوت ومين يسمعنى

يكفينى فى الاخرة نبى يشفعلى



مش باقى مِنك شئ يقدر يداوينى

مش باقى غير نيلك وصعب يروينى

مش باقى غير ليلك تملى يندهلى

والليل سواده طال .علم على ضهرى

منتج صينى

عندما رن جرس الباب ذهبت لافتح...كان على الباب رجل صينى يعرض بعض الملابس من المنتج الصينى .. كثيرا ما يذهب الصينيون الى المنازل لكى يبيعوا بضاعتهم ...وفى بعض الاحيان اشترى منهم ...بعد ان قفلت الباب ذهبت اشاهد معها التلفزيون كانت تشاهد فى الاخبار الاتفاقية المصرية الصينية ..عندما شعرت بوجودى داخل الغرفة ..نظرت لى وابتسمت وكأنها النجوم تضئ ...كانت تلبس اجمل ما يمكن ان تلبس الزوجة لزوجها ... قامت واحضرت لى بعض العنب ...كانت تتحدث وكأنها كمنجه تعزف الحان اسمع لها وابتسم ولكن سريعا ما ذهبت ابتسامتى ..فقد كان العنب طعمه مر ..رغم انه شكله ممتاز ..ولكنه صينى ..بدأت امرر عينى بالغرفة ..العنب صينى والتلفزيون صنع فى الصين كل شئ تراه عينى صينى كل شئ بالغرفة صينى حتى ذلك التيشيرت الذى البسه اشتريته من بائع صينى حتى الذهب التى هى تلبسه ذهب صينى ..وهى مازالت تتحدث ..طلبت منها بلطف ان تتوقف عن الكلام ..لاننى افكر فى شئ مهم ...نعم افكر فى ان نمتنع عن شراء ما هو صينى فكل منتج صينى مثل ذلك العنب شكله جميل وطعمه مر سريعا ما يتلف .ولكن ان لم يكن هذا الشئ موجود معك فأنت اذن لست موجود ..يجب ان نأخذ وقفة ...وهى مازالت تتحدث ...طلبت منها اكثر من مرة ان تتوقف عن الكلام ...ولم اهتم بأمرها حتى بدأت تحدثنى عن اشياء المنزل يحتاجها وأوصتنى ان اشتريها منتج صينى فهو رخيص الثمن وهنا زاد غضبى ...طلبت منها ان تسكت ولكنها لم تسكت .فجأة وبدون وعى منى وجد كفى يدى يذهب بسرعة الريح ويصدم بوجهها ..لا اعلم كيف فعلت ذلك ..نعم فكرت فى ان نأخذ وقفة ...ولكن ما ذنبها هى ..نظرت لها وانا مذهول كانت قد وقعت على الارض وفصلت رأسها عن جسمها وخرجت منها بعض الاسلاك ...احضرت الكاتلوج لكى اصلحها ...ولكنى لم استطع ...فقد كان الكاتلوج مكتوب بالغة الصينية .

لما انطفى النور

لما انطفى النور

كان القمر طالع

منور الشوارع

والنيل والبحور

...

لما انطفى النور

كانت الصفوف تتوحد

ليها رب واحد تعبد

وتخطط للعبور

...

لما انطفى النور

كانت الجنود بتعبر

وتقول الله اكبر

خير جنود الارض

كما قال الرسول ..(عليه افضل الصلوات واتم التسليم)



.....6 اكتوبر ....عيد النصر ... وصباح النصر يا سينا

عندما تقرر ان تكتب

عندما تقرر ان تكتب لن تحتاج الى اشياء كثيرة كل ما تحتاج اليه هو ورقة وقلم وانت

القلم موجود والورقة موجودة ولكن هل انت موجود ؟

هل انت موجود هل ثقافتك موجودة ان كنت تكتب ما بداخلك فماذا يعيش بداخلك ؟

كم كتاب قرأته وعاش بداخلك كم قصة كم مقالة كم شعر كم مساحة الاسلام داخلك ؟

كم كتاب قرأت عن الاسلام كم سورة تحفظ من كتاب الله الكريم كم حديث تحفظ ..

عندما تكتب هل تخاطب القارئ بالاسلام الذى بداخلك؟

عندما تقرر ان تكتب لا تبحث كثيرا عن الورقة والقلم ولكن ابحث عنك انت ..

واسئل هل انا موجود؟

وأخرج الصوت الذى تسمعه بداخلك وترجم ذلك الصوت الى كلمات .... كلمات ليست كالكلمات .

عندما تتحدث الفراعنة

اتكلم ..هى مجموعة قصصية ..اتمنى ان تعجبكم


2- عندما تتحدث الفراعنة





بينما كنت فى الجيزة اشاهد الاهرامات .. فجأة لقيت مصباح علاء الدين .. دعكت المصباح طلع منه عفريت لابس فرعونى


قالى ..حاما تاما تاحاتون ... انا طبعا استنتجت ان هو بيقول تطلب اى .. قولتله انا عاوز ابو الهول يتكلم بس بالعربى وكمان مصرى


قالى ..تان ماح تون ...وفجأة سمعت صوت غريب


#اى ده يا عم انت رجعنى زى ما كنت رجعنى ساكت ..اى ده انا مش عارف اقفل بقى مش عارف اسكت


قال له العفريت الفرعونى وهو يشاور عليا .. تاحا تام تاحنوت


# يا كابتن قوله يخلينى اسكت


$ وأنت عاوز تسكت ليه


# اصلى ... أصلى كلامى مش هيعجبهم


$ مش لازم كلامك يعجب كل الناس


# اصل هما لو كلامى معجبهمش مش هيسبونى فى حالى


$ ليه هو انت هتقول اى


# هقول اى !! هقول التاريخ طبعاً


$ يا راجل ..


# اى ده هو انت متعرفش ان انا شاهد على التاريخ ولا أى .


$ بجد !


# اى طبعا أومال انت فكرك اى


$ بس اللى بيقبى شاهد على التاريخ بيتكلم ويقول الحقيقة .


# حقيقة واحدة دا أنا عندى حقايق ....تعرف انا هقولك على واحدة منهم بس خلى بالك لان الحقيقة دى ممكن تغير حجات كتير اوى انت متتخيلهاش


$ واو ... قول بسرعة


# الحقيقة دى بقى هى ...اى ده... انتو مين ؟ ...هى الناس دى واخدانى على فين ..انا مقولتش حاجة ..يا كابتن قولهم ان انا برئ انا مقولتش حاجة .. يا خفرع قولهم ان انا تابعك ..يا جماعة حد يتصل بإخناتون ....يا كابتن اطلب من العفريت انه يخلينى اسكت ..انا مش عارف اسكت..مش عارف



.

ممكن بقى تفوق شوية

ممكن بقى تفوق شوية

ممكن تفوق للقضية

ممكن تبطل رقص راب

ممكن تطفى الاغنية

ركز معايا ولو دقايق

ركز هقولك علـ الحقايق

ركز كدة وخليك فايق

ارضك خدوها من بين ايديك

ارضك خدوها قدام عنيك

ارضك..يعنى عرضك

يعنى وطنك

يعنى معنى الرجولة فيك

ارضك خدوها وانت ساكت

مقطوع لسانك ولا الرجولة ماتت

حرك شعورك رجع بلادك

وشيل سلاح وبندقية

ممكن بقى تفوق شوية

مرجان احمد مرجان

لو عاوز تركب المترو ممكن تنزل محطة مبارك ولو عاوز تقرا كتاب ممكن تروح مكتبة مبارك أما بقى لو عاوز تلعب رياضة عندك ستاد مبارك بالسويس واستاد مبارك لمتحدى الاعاقة ببنى سويف

وعندك كمان أكاديمية مبارك للامن ومعهد مبارك للاورام بالزقازيق

تعرف ان اسم مبارك مرتبط بأكثر من 2600 مدرسة و 400 مستشفى ومركز صحي و 52 مشروع إسكان و300 قرية و90 مركزًا بحثيًا و 180 مشروعًا زراعيًا، و600 قاعة كبرى للاجتماعات بالمؤسسات الحكومية و62 شارعًا ومحطة باصات

انا والليل

بيقولوا ما ينمش غير مرتاح البال زمان كانت الناس بتنام وتشخر دلوقتى الناس ولا عارفة تشخرولا عارفة تنام الكل ما بقاش يجيله نوم زى الاول يعنى مثلاً عندك محمود محسن جارنا طول الليل بيبقى صاحى بيفكر في عياله هيأكلهم منين ويعلمهم منين ويجيبلهم كسوة منين ويجهز بناته منين وكل حاجة بقت غالية وهو يدوب مرتبه على قد الاكل والايجار وبس . اما بقى على شوقى صاحبى اللى ساكن فى اخر الشارع من ساعة ما ربى دقنه وهو بقى يخاف ينام اصله خايف يحسن امن الدولة تطب عليه مرة واحدة ولما سألته لما انت بتخاف كده طب ربتها ليه قالى نفسى اعمل حاجة اعرف بيها العالم اننا مسلمين . اما بقى جابر شرف او زى ما بيقولولوا ( جابر باشا ) ده بقه بيخاف ينام اصله بيحلم بكاوابيس بيحلم ان الناس اللى ظالمهم بينتقموا منه ومبيقدرش يدافع عن نفسه . اما البيت اللى على اليمين ده ساكن فيه واحد عنده 80سنة ده بقى بيخاف ينام يحسن يموت وهو نايم اصله كون فلوس كتير اوى لكن معندوش عمل صالح يدافع عنه لما يموت . اما البيت اللى هناك ده بقى ساكن فيه ابو فضل او زى ما بيقولولوا ( المعلم ابو فضل ) ده بقى ما بيعرفش ينام من ابنه فضل الصغير طول الليل فضل بيصرخ العلاج مش جايب معاه نتيجة وبعدين ازاى هيجيب نتيجة وهو اصلا بفلوس حرام ..فلوس حشيش.
كل دول بالليل بشوف بيوتهم منورة وبتخيل عيونهم الحمرة نفسها تنام لكن مش عارفة او خايفة .

Differences

ليس كل منا حظه كالاخر يمكن ان نكون متساوين فى اشياء كثيرة ولكن سوف تجد اننا نختلف فى شئ . فدائما يوجد شئ يجعلك تختلف عنى ويوجد شئ يجعلنى اختلف عنك ولو لم نكن مختلفين لكنت اصبحت انا هو انت ....فلا تنتظر منى ان يكون حظى مثل حظك وتفكيرى مثل تفكيرك واحب ما تحب واكره ما تكره ..... لا تنتظر منى ان اكون انا هو انت .

قلبى فانوس

يا فانوس منور فى عيون البشر

هو انت جواك نجمة ولا جواك قمر

دا انا قلبى زيك فانوس

بالقرءان ينور وبذكر الله

ويزيد نوره لما اقوم للصلاة

دا انا قلبى زيك فانوس

بيحب الخير والحياة

............

كل عام وانتوا طيبين

ورمضان كريم

لجنة 3/5

فى جميع الاحوال أكره هذا المكان .. اللجنة ..نحن الان فى لجنة 3/5 اللجنة تضم 18 طالب وطالبة ولكن النشطاء فقط هم 6 طلاب ..الاول وهو الزعيم ..عندما تنظر اليه من المرة الاولة تشعر وكأنك تنظر الى شاب اوربى هو مقبول لدى الجميع اسمه .. ادم محسن .. يحب النصب ليس لانه نصاب ولكن لان النصب يحتاج الى ذكاء عالى أخر عملية له كانت عندما باع سيارة BMW مسروقة ولكن لان ابوه لواء فلم تحسب له اى جريمة ..الثانى وهو مساعد الزعيم اسمه ..هانى تامول ..وهو المسؤل عن عملية التفجير الاخيرة التى وقعت فى العين السخنة الصيف الماضى والتى اودت بحياة 15 شخص ..الثالث..وهو زيزو اتون .. مهرب اثار ناجح ..الرابعة وهى ..نادية انزحة .. وهى المسؤلة عن سرقة 30 كتاب رومانسى من مكتبة الاسكندرية وهى المتهمة الاولى فى خطف مهند عندما كان يصور مشهد امام الاهرامات ..الخامس..سيد جبسون ..وهو من يكون فى مقدمة الخناقات يمتاز بالعضلات وعيوبه انه غشيم وغبى فى بعض الاحيان ولهذه الاسباب ادم محسن يكره جبسون رغم انه يحتاج اليه كحارس خاص .. السادسة وهى..ناسنى سامسون لا أعلم لماذا سميت بهذا الاسم ولكنها فتاة خفيفة الدم أحياناً احب التقرب منها ......
هذا هو الامتحان الثالث وهو عن الاقتصاد ولكن بالغة الانجليزية الزمن ساعتين
اما مشرفين اللجنة فهم 3 ..الاول وهو .. شوقى رتبة ..وهو المسؤل عن موت ثلاث طلاب عندما كان يعاقبهم وكأنه ظابط مباحث ولكن تمت برائته لان خاله شغال فى وزارة العدل ..الثانية وهى .. ميس انعام ..تتمتع بإبتسامة جميلة ولكن يصعب التعامل معها فعندما تبرأ عينها قد تجعل قلبك يقف من الخوف .. الثالثة وهى ..انسانة رقيقة عرفت ان اسمها وفاء لا أعرف الكثير عنها ولكن قد اأطلق عليها الطلاب اسم ..وفاء الرقيقة .....
هذه المرة لم يقم الزعيم ادم بالهجوم على المشرفين فالذى قاد الهجوم هو هانى تامول بعد ان ترمل (أخد حباية تامول ) فقد قام بتهديد المشرف شوقى رتبة بإنه سوف يفجر له عربيته الشيفورليت ان لم يدعهم يخرجون البرشام الذى يحتوى على الاجابة ولكن المشرف شوقى رتبة قد استعاد فى ثوانى قليلة شخصية ظابط المباحث وقال له ..انت ياض يا ابن الـ...***.. لو مقفلتش بقك ده لكون مكهربك من كل حتة فى جسمك فحاول زيزو اتون ان يهدأ المشرف ويتحدث معه بلطف حتى يشتت انتباهه لكى تتمكن نانسى سامسون من اخراج البرشام ولكن سرعان ما رئيتها ميس انعام وبرئت لها فأحست نانسى سامسون ان انعام سوف تخرج مطوه وتغزها فخافت ورمت الورق بعيدا فهددها انعام انها ان فعلت هذا مرة اخرى سوف تفعل لها محضر غش يمنعها من دخول الامتحان سنتين فردت نادية انزحة معلش يا ميس دى زى بنتك برده وحاولت انزحة بكل ما تملكه من رومانسية ان تجعل المشرف شوقى رتبة يستلطفها الا انها باتت بالفشل لان شوقى رتبة رجل بلا قلب وهنا غمزالزعيم ادم محسن الى سيد جبسون فقام جبسون وبصوت عالى يا جماعة حرام كدة انا كدة هشيل السنة فتقدمت منه ميس انعام وبرئت له ولكنه رمى فى وجهها كراسة الاجابة وقال متبرئليش كدة يا ولية انتى فخلع شوقى رتبة حزام بنطلونه وتقدم منه لكى يضربه ولكن الاول قد فاجئه بضربة سريعة بالقدم اليمنى اطاحت بالاخر بعيدا ووقفت المشرفة وفاء الرقيقة تنظر وهى مزهولة حتى اننى خفت عليها فقامت نانسى باخراج البرشام وبتدأت تكتب الا ان وفاء سحبت منها البرشام وقالت لها انتى كدة هتخلينى اعملك محضر غش فقال سيد جبسون.. يوووه انتى فى الاول صعيبتى عليا .. ثم سحب شومة كانت بجانبه وتقدم من وفاء الرقيقة وهو يرددت .. من النهاردة مفيش اشراف انا الاشراف انا الاشراف انا الاشراف ..ولكنه امتنع عن الكلام بعد ان اخرجت وفاء الرقيقة من شنطتها الة صغيرة ووجهتها الى جبسون فتكهرب وصرخ كفتاة صغيرة ثم وقع على الارض فاقد الوعى ..كان جميع الطلاب خائفين من هذا المنظر الا اننى عندما نظرت الى ادم محسن احسست انه يفكر فى شئ ..اقترب وقت الامتحان على الانهاء ..قام ادم محسن بعد ان ابتسم ابتسامة غريبة وسلم ورقة الاجابة الى وفاء الرقيقة وخرج من باب اللجنة بدأت وفاء تقلب فى صفحات كراسة الاجابة ثم بصوت عالى ..الحقى يا ميس انعام الواد ده مش كاتب ولا كلمة فى الاجابة ..انعام : الحق هات الواد ده يا شوقى .. شوقى : الواد اسمه اى ..بدأ ينادى على ادم حضر ادم قال له شوقى انت ليه يا ادم سايب ورقة الاجابة فاضية ..ادم: معرفتش اجاوب يا استاذ شوقى ..وفاء : يا ادم اكتب اى حاجة لو حتى الاسئلة ..ادم: يعنى هى الاسئلة هتنجحنى ..انعام : يا ادم انت لو سيبت الورقة فاضية احنا هنتحول لتحقيق .
ثم نظر شوقى الى نانسى وقال هو انتى البرشام اللى معاكى ده فيه حاجة ..نانسى : فى اجابة الاول والثالث ..شوقى : طب يلا يا نانسى خلصى بسرعة وانت يا ادم اقعد جمب نانسى يلا واكتب اى حاجة . وانتى يا وفاء معلش اكتبى للواد االى واقع علـ الارض ده .. وانتى يا انعام معلش اقفى على الباب يحسن حد ييجى .
كنت اعترف ان ادم محسن ذكى ولكن لم اكن اعرف بأنه بهذا الذكاء .
........................................................................................
مستوحاة من موضوع انا بلاغيك فى السليم من مدونة لقد خلقنا الله احرار

تلفونى ضاع

تلفونى ضاع والحمد لله

بيتنا من غير شباك

بيتنا من غير شباك
بيتنا مفهوش غير باب
لو عاوز تيجى تعالى
عندنا وانا هستناك
...
بيتنا ملفوف بحيطان
بيتنا جواه اسرار
لو عاوز تيجى تعالى
وتكون من اهل الدار
...
بيتنا جواه بنوته
ياما سمعت كذا حدوتة
لو عاوز تيجى تعالى
هتكونلك أحلى أميرة
هتكونلك أحلى عروسة
........

وحشتونى قوى

اسف على التأخير وبجد وحشتونى قوى

وحشتووووووووووووونى
...well

الحمد لله

الحمد لله على نعمة الصحة





الحمد لله على نعمة الايمان





الحمد لله على نعمة السلام





الحمد لله على نعمة الاسلام

كاس الدنيا

صبى يا دنيا واملى الكاس
صبى يا دنيا واسقى الناس
كاسك مر
وطعمك مر
صبى يا دنيا
اهى كلها ايام بتمر
اطفى الشمعة وايدى النار
هاتى الضلمة فى ليل ونهار
كاسك هم
كاسك غم
كاسك احمر لون الدم
صبى يا دنيا وصبى كمان
كاسك ليه بقى طعمه مرار
اللى يحبك يوم غلطان
اصل انتى مش ليكى دوام
صبى يا دنيا للى يحبك
للى فاكر انك وحدك
فيكى الجنة وفيكى النار
صبى يا دنيا واملى الكاس
صبى يا دنيا واسقى الناس

الصورة والاصل

المشهد الاول فى كافتريا قمر النيل ...بالقاهرة
قد لاحظ جميع من فى الكافتريا انه ينظر لى ..انا ايضا قد لاحظت هذا من اول نظرة لى ..عندما نظر لى ثم مسك القلم الرصاص ورسم فى تلك الكراسة التى تبدو من شكلها الغير طبيعى انها كراسة رسم .. أعلم انه يرسمنى والجميع يعلم هذا وانا افتخر بهذا الشئ لاننى الافضل هنا ولو لم اكن الافضل ما كان سيختارنى .. لا يوجد احد هنا شعره واقف سيبيك لابس تيشرت رقبة واسعة اوى ولابس شال حماقى الجديد.(مش عارف ليه بيقولوا على الشال ده حريمى )..ولابس بنطلون ساقط ....لا يوجد احد هنا بهذه المواصفات الا انــا
يبدو انه قد انتهى من الرسم اراه يدفع الحساب ثم قطع من الكراسة الورقة التى كان يرسم فيها وتركها بجانب فنجان القهوة التى انتهى من شربها ومشى ... تعجبت لماذا لم يأخذ الصورة او يعطيها لى
ذهب صلاح النادل الذى يشتغل فى الكافتريا وأخذ الورقة ..نظر فيها ثم نظر اليا ...علامات الاستغراب ملئت وجهه ..ثم تقدم نحوى
#هو انت عارف الراجل ده كان بيرسم اى
رديت عليه بشىء من السخرية
@ يعنى هيكون بيرسمك ياصلاح اكيد كان بيرسمنى
#ايوة هو كان بيرسمك بس ..
@بس اى
ثم اعطانى الورقة ..نظرت فيها..هذا الوجه هو وجهى ولكن يوجد شئ مختلف ..خرجت من الكافتريا مسرعا ابحث عن ذلك الرجل ..وجدته فى اخر الشارع العمومى جرييت نحوه
@استنى ...ايوة انت
نظر لى بابتسامة ود وكأنه يعرفنى منذ زمن
# بتنهج كدة ليه ..باين عليك مش رياضى
@ممكن اعرف اى اللى انت رسمه ده
#بص للصورة كويس هتلاقيه انت
@هو انت حضرتك يعنى بترسمنى على مزاجك ولا اى بالظبط
#اسمك اى الاول
@ اسمى خالد
#شوف ياخالد انا اعرف اجدادك وانا رسمتك على شكل اجدادك مش الشكل اللى انت مختاره انا رسمتك على شكلك الاصلى يا خالد يعنى انت المفروض تشكرنى مش تلومنى
@اجداد اى وشكل اصلى اى اللى انت بتكلم عنه
#اجدادك ياخالد اللى امنوا برسول الله محمد صلى الله عليه وسلم اجدادك اللى فتحوا مصر اجدادك اللى خرجوا من مصر علشان يحرره القدس مع صلاح الدين هما دول اجدادك وهما دول اصلك
لم اتوقع ان اسمع مثل هذه الكلمات نظرت اليه باستغراب ثم نظرت الى الصورة تأملتها
@طب هو انت ليه سيبت الصـ....
لم اجده فقد اختفى لا اعلم الى اين ذهب
......
بعد شهر.. انظر الى نفسى فى المراّة وانظر الى الصورة اصبحت الصورة تشبهنى كثيرا ذلك الشعر الذى يرجع الى الوراء بطريقة متساوية ..والذقن المحددة بشكل جميل.. والتيشرت بسبعة عادية مش مفتوحة اوى ولكن الصورة بها شئ ليس بى وهى علامة الصلاة ...رغم اننى اصبحت ملتزم فى صلاتى ...الا انها لم تظهر فى جبهتى حتى الان
يقولون الاصل والصورة ولكن هذه المرة المراّة قد عكست الكلمات فأصبحت الصورة والاصل
....
المشهد الثانى فى كافتريا الشاطئ ... بالاسكندرية
انا كنت قاعدة فى الكافتريا وكان فى واحد قاعد بعيد عنى بس كان باين عليه بيرسمنى طبعا لازم يرسمنى هو مين هنا القمر غيرى مين شعرها تحفة ولابسة لينزز ومينى جيبة و بادى مالوش حل .. بعد مارسمنى ترك الصورة ودفع الحساب ومشى ولما النادل شاف الصورة وجابهالى ... اتفاجئت ...الوجه كان وجهى بس كان فى شئ مختلف ...


لك ان تكمل المشهد فى مخيلتك .
اتفرج على الفيديو ده هتفهم اكتر انا عاوز اقول اى

الى اغلى من فى الوجود

بسم الله الرحمن الرحيم
الى اغلى من فى الوجود


عندما انظر الى السماء ولا ارى فيها القمر فاحاول ان ابحث عنه هنا وهناك
ولكنى لا اجده فكيف اجده وهو غائب عن عيونى ولكنى لا اعلم لما هو غائب
وعندما رايته فى السماء وجدته حزينا دامع العين فقلت له لماهذا الحزن الشديد
وانت الذى تبث الفرح فى قلوبنا رد القمر والحزن ملايه ياليتك تروى قصتى الى الشمس
فقلت له لماذا
فقال لى
هل يعيش القمر بدون الشمس
هل يضيئ القمر بدون الشمس
فكيف اضايه انا وهى مصدر اضاءتى فالشمس هى شريان الحياه بالنسبه لى
فقلت له لاتحزن وامسح الدمع عن عينيك ولا تبتئس
فانى ذاهبا للشمس حاملا رسالتك فاطمئن
فذهبت اليها فقلت لها هذه رسالة القمر اليكى فانظرى اليها وردينى اليه بالجواب
مقدمه من القمر ( علاء ) الى الشمس ( اتش )

حصة نحو

جوه المدرسة تلاميذ فى الفصل

الحصة الثالثة حصة نحو

أعرب كلمة عرب

افتح كشكولك واكتب ورايا الدرس

العين مفتوحة عصر الفتوحات والنصر

والراء راية الاسلام منصورة وفتحت مصر

والباء هو احنا ساكتين خايفين وكأننا شئ مسكون

الباء هو احنا وعليها سكون

افتح صفحة جديدة واكتب من اول السطر

قررت ان اكون الياء التى تكسر سكون العرب

قررت ان اكون الياء المكسورة

الكلمة اصبحت عربى

اكتبها فى ضميرك

زى ما مكتوبة علـ صبورة

نهاية طاغية

يقولون ان الانسان خلق حر ..هو من يختار حياته ..ويحدد خطواته ولان العبرة فى النهاية ..فقررت ان احدد النهايات

انا من يحدد النهايات..انا من أقول ذلك يسجن وذلك يعيش حر ذلك يعذب وذلك يعيش وكأنه فى الجنة

انا من يحدد النهايات .. أتفق معك اننى الان لا يمكننى التحرك ..ولكن مازال يوجد من ينقل لى كل كلمة تقال وتكتب

ومازال ايضا ذلك الالم بداخلى ..يعذبنى يألمنى ..يجعلنى اشعر ان هذه الجنة التى حولى هى عبارة عن مناظر فقط شئ مادى تراه بعينك ولكنه ليس شئ معنوى جنة لا يمكنها ان تداوى المى ...انها جنة الدنيا

انا من يحدد النهايات ..ودون قصد حددت نهاية اخرتى ..وهى النار ..انا اعلم ان اعمالى اخرتها النار ..انا لا اتمناها .. ولكن هكذا تكون النهايات

كيف تصبح غبى

أعلم انك تقول فى نفسك الان لعل الكاتب كان يريد ان يكتب كيف تصبح غنى ولكن يا صديقى لا يوجد هنا خطأ إملائى فكثيراً من الكتب تتحدث عن كيف تصبح غنى ولكن فى بلدنا هذا كثيرا من الاعلانات والمسابقات تتحدث عن كيف تصبح غبى وحتى تصبح غبى عليك بالخطوات الاتية


1- ان تشاهد جميع حلقات المفتش كرومبو وعليك ان تحلها وتتفاخر بأنك حلتها وعليك ان تحفظ اسماء الشخصيات مثل حمبوزه لاوى بوزه و سحس بومب وحامد مفيش فكة وبعد عملية الحفظ عليك ان تطلق هذه الاسماء على اصحابك وبهذا فأنت اصبحت غبى وغتت وساذج فى نفس الوقت





2- عليك ان تتابع حلقات مسابفة مطبخ بدرية ..بدرية تلك الانسانة (البيئة) وعليك ان تعرف ماذا كانت تطبخ بدرية هل هى شوربة كوارع ام ملوخية بالارانب يكفى عليك ان تعرف اسم الطبخة


فالاغبياء يعرفون اسم الطبخة فقط


اما الاذكياء هم فقط من يعرف سر الطبخة وطريقة عملها


3- عليك ان تتابع حلقات مسابقة سرحان ونفيسة حتى إذا اردت قتل زوجتك فى يوم من الايام لا تقع فى هذه الاخطاء التى يقع فيها سرحان وعليك ان لا تعترض على اسم نفيسة رغم انه اسم غالى بالنسبة للمسلمين لان نفيسة هى نفيسة العلم وليست نفيسة هى نفيسة الزوجة التى يتمنى زوجها ان يقتلها بأى طريقة ولكن الغبى لا يعترض على شئ كهذا فلا تهتم




4- وفى هذه الخطوة الرابعة عليك ان تثبت قدراتك الفنية والابداعية الخارقة حتى تكون قدوة للانسان الغبى فعليك ان تتابع حلقات عبد السميع وتعرف هو كان بيغنى يقول اى عندما قال ضرب تانى قد تجد صعوبة فى معرفة اسم الاغنية ولكن ان اعتمد على غبائك سوف تصل الى الحل الصحيح





مميزات الغباء


*********


1- عند اتصالك لحل المسابقة قد تفوز وبهذا تصحبح غبى وغنى فى وقت واحد


2- لن يكون مزاجك سئ لانك لن تهتم بشهداء غزة وقتل المسلمين فى افغانستان والعراق ولن تهتم بالقضايا المصرية التى تطرحا برامج كالعاشرة مساءاً و90 دقيقة والطبعة الاولى ولك فى ذلك عذر وهو انشغالك بحل المسابقات الساذجة


3- سوف يكون لك اصدقاء جدد أغبياء لهم صفات السذاجة والرخامة والغتاته (أو ليست الطيور على اشكالها تقع )


...


مبروك ..لقد انضممت الى نادى الاغبياء .............وقد خرجت من قائمة اولى الالباب

عاوز تقول اى

اتكلم ..هى مجموعة قصصية ..اتمنى ان تعجبكم

1-برنامج عاوز تقول اى

اهلا بيكم فى برنامجكم المفضل ..عاوز تقول اى

معاكوا على الهوا ولمدة ساعة ..استاذ ممدوح بتاع الاذاعة

ازيكم عاملين اى ..زى ما اتعودنا كل مرة ..اتصلوا وقولنا اى اللى انتوا نفسكوا تقولوا

وافتكروا قبل ما تتكلموا ان الحياة جميلة ومصر بخير والدنيا حلوة

وناخد احلى تلفون من احلى ناس ونقول

@الو

#الو

@ايوة

#سامعنى يا استاذ ممدوح

@ايوة سامعك..والناس عاوزة تسمعك ..اتكلم احكى ..عاوز تقول اى

#يا استاذ ممدوح ..انا اسمى وحيد ساكن فى امبابة ..تحديداً تحديداً يعنى فى شارع سميرة العايمة

تحديدا يعنى فى بيت رقم 7 الدور التالت من غير الارضى ورقم تلفونى 0128762.

@بس .. هو اى ده دا انت ناقص تبعتلنا صورتك

#يا استاذ ممدوح مش انت اللى قولت قول اللى انت عايزه

@ايوة انا قولت كدة ..بس مقولتش عرفنا بنفسك وبالتفصيل

#يا استاذ ممدوح ماهو انا كنت عاوز اتكلم عن نفسى اللى محبوسة جوايا اللى محدش بيحب يسمع عنها حاجة يا استاذ ممدوح ..انا..انا..انا نفسى اتكلم عنى ..نفسى الناس تعرفنى ومبقاش وحيد.

@يااااااا..اى ده ...انا بصراحة مش عارف ده حزن ولا كئابة

وبعدين اى يا عم 012 دى يا ابنى الناس كلها دلوقتى غيرت اتصالات ..اتقدموا بقى

شكرا يا وحيد على اتصالك ...ودلوقتى بعد ما وحيد عكنن علينا . انا كمان هعكنن عليكوا أكتر ونسمع مع بعض أغنية حمادة هلال(ديما دموع) برعاية اتصالات 19 قرش للدقيقة لاى شبكة فى مصر

........

ورجعنا تانى ومعاكوا على الهوا ولمدة ساعة استاذ ممدوح بتاع الاذاعة ..

بصراحة فى ناس كتير بتتصل ..لكن واحد بس هو اللى هيتكلم

ناخد مين..ناخد مين يا ممدوح يا بتاع الاذاعة ..اممممممممممم ..انتى ..ايوة انتى اتفضلى

# انـا

@ايوة بقالى ساعة بقولك انتى

#ازيك يا استاذ ممدوح انا سارة

@كويس الحمد لله .اهلا يا سارة يا ترى يا سارة عاوزة تقولى اى

# انا عاوزة أقوله يسامحنى .

@ هو ده بس اللى انتى عاوزة تقوليه

# ايوة ..ونفسى كلامى يوصله

@ طب هو انتى عاوزه يسامحك على اى

# انا عاوزاه يسامحنى علشان انا بحب ماكدونالدز وبحبه هو كمان فى نفس الوقت

@ طب هو أكيد سامعنا دلوقتى وانا بقوله يا ريت تسامحها وعلى فكرة هى انسانة كويسة علشان اعترفت بالحقيقة ومش اى حد دلوقتى بيقول الحقيقة ..اللى بيقول الحقيقة فى الزمن ده هو بس الانسان المغفل ...وعشان هى مغفلة لازم كلنا نسامحها

واسيبكوا دلوقتى مع اغنية ايهاب توفيق (تترجى فيا تبكى عليا ممش ممكن يوم اقدر اسامح) برعاية ماكدونالدز انا احبه براب با با ...

..............

ورجعنا تانى ومعاكوا على الهوا ولمدة ساعة استاذ ممدوح بتاع الاذاعة

جوه كل واحد منا كلام ..عاوز يقوله ..عايز الناس تسمعه ..قولنا انت عاوز تقول اى

ناخد اتصال ونقول الو.

...

@الو

...

...

معلش الاتصال اتقطع باين عليه مكنش رايق

من فضلك اشرب شاى ليبتون وحاول الاتصال فى وقت لاحق وياريت لو تسمع اغنية قول الو برعاية ليبتون

معانا اتصال تانى ونقول الو

# الو..ازيك يا استاذ ممدوحاتى

@ممدوحاتى

#ههههههـ..ما هو انا بحب ادلعك

@طيب اتفضل عاوز تقول اى يا استاذ متلفناتى

# ههههههـ حلوة متلفناتى دى يا استاذ ممدوحاتى

هى يعنى اى متلفناتى دى ..اوعى تكون شتيمة

@ لا يا سيدى دى مش شتيمة ..ده بما ان انت متلفن عليا وفى عملية تلفنة بنا فنتيجة التلفنة دى انا سميتك متلفناتى

#يا سيدى متلفناتى متلفناتى انا ما بيهمنيش حاجة

وعشان انا ما بيهمنيش حاجة ومبخفش من حاجة انا عاوز اقول للعيال بتاعت القاهرة اللى فاكرة نفسها ان هى رقم واحد فى مصر لا ..والف لأ هما مش رقم واحد ..وعاوز اقولهم ان العيال بتاعت اسكندرية هى رقم واحد فى مصر من ايام ما اليونان كانوا عاملنها عاصمة

وبما انه شغل عيال بعيال فأنا بقولهم مش عاوزين غلط لأن انتوا مسيركوا هتيجوا هتيجوا علشان تصيفوا عندنا فى اسكندرية ..وشكرا يا استاذ ممدوحاتى

@ العفو يااا عيل

بالذمة ده اسمه كلام ..اى الفرق بين النادى بتاع نادى عيال القاهرة ونادى عيال اسكندرية ..الاتنين واحد .

ليه بقى نقول ان ده رقم واحد وده رقم اتنين ....ما انا عاوز افهم

لو الوضع استمر اكتر من كدة ممكن تحصل حرب اهلية

ومش بعيد شواطئ اسكندرية تغرق شوارع القاهرة

ومش بعيد برضوا فيضان النيل يغرق مكتبة الاسكندرية
...ليه نوصلها لكدة

ارجو من مجلس الشعب ونادى 6 أكتوبر ومدرسة بلال الابتدائى لغات ..ان هما يهتموا بالمسألة دى وشكــراً

وبما ان دخل فيها مجلس الشعب نسمع شرين ومشربتش من نيلها برعاية شركة (الوطنى)لإلحاق العماله المصريه للعمل في الخارج

........

ورجعنا تانى علشان احنا حلال والحلال بيرجع ..شكرا على الوقت الجميل اللى قضناه مع بعض وبشكر كل اللى اتصل بيا وانا اسف انى مقولتش الرسايل اللى جاتلى على الاميل علشان وقت البرنامج خلص لكنى هقولها بكرة الساعة تلاتة مساءاً فى الاعادة ..وتصبحوا على خير احلام سعيدة واسيبكوا مع محمد منير واغنية قبل ما تحلم فوق برعاية برنامجكم المفضل عاوز تقول اى

اشياء ابحث عنها

ابحث عن اشياء كثيرة ..فى بعض الاحيان ابحث عن عصا موسى عليه السلام ..حتى اشق ذلك البحر واهرب من هذا المكان

.واحياناً ابحث عن بساط سليمان عليه السلام ..لينقلنى الى مكان اخر غير هذا المكان ..وعندما يضيق بى الحال واتعب من البحث

ابحث عن نخلة مريم رضى الله تعالى عنها .. حتى اّكل من تمرها واظتظل بظلها .

وعندما لا أجد ما ابحث عنه ..أنادى رب موسى وسليمان ومريم عليهم السلام..أذكره فى نفسى ..

فيطمئن قلبى فأعلم انه يذكرنى ..الم يقل ..أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي

هل يوجد شئ أعظم من هذا ..لا أريد العصا ولا البساط ولا النخلة ..وانما اريد منه ان يذكرنى فى نفسه.

لا أعلم فى الدين الكثير فعلمى قليل ولكنى أعلم انه ربى..أحسن خلقى..وهو خالق كل شئ {وَلَئِن سَأَلْتَهُم مَّنْ خَلَقَ السَّمَاوَاتِ وَالْأَرْضَ لَيَقُولُنَّ اللَّهُ قُلِ الْحَمْدُ لِلَّهِ بَلْ أَكْثَرُهُمْ لَا يَعْلَمُونَ} ‏[‏لقمان‏:‏25‏]

..

مشهد حب

جلست...إبتسمت ..قالت لم أعشق مثلك

من انت ؟ من تكون ؟

فلقد احترت فى وصفك ..

تعجبت لها ...

تبسمت لها ...

وكدت ان اصدق

لولا ان قام المخرج

وقال أعد المشهد

كلام قبل النوم

الرابعة إلا خمس دقائق صباجاً...هكذا هو الوقت الان..عينى تطالبنى بالنوم
اما جسدى يعلن استسلامه ..وبعد اتمام عملية اقفال الكمبيوتر بسلام
لم اجد مكان يؤينى الا (السرير)...
(السرير)..وانت على السرير لن يمكنك ان تجد تعليقات الاخرين على مدونتك
وانت على السرير..لن يمكنك ان تقرأ كتاب الكترونى .. لا يمكنك ان تكتب
موضوع فى المدونة او احد المنتديات ....
إلا إذا كنت تملك اللاب توب
ولهذا قبل ذهابى الى السرير اخذت معى قلم وكشكول ...والتلفون علشان احوله الى منبه
....سافرت وحملت معى منطقى ومسمعى
لم اجد موضوع محدد اتحدث عنه لان كل ما بداخلى الان ..انما هى اشياء متقاطعة
............
الديب فريز فكرة خادعة
يوجد من يستخدم الديب فريز من اجل الحفاظ على النسخة من الاطفال
او من فيرس او من امر الاوتورن..فى جميع الاحوال فإن الديب فريز يحمى الجهاز
ولكن يوجد من يستخدمه ليمسح ذلك الذنب ..يمكنك ان تشغل الديب فريز وتدخل الى
اى موقع إباحى ..وعندها سوف تصيبك الفيروسات ...
ولكن عند إغلاق الجهاز وتشغيله مرة اخرى ..كل شىء يرجع الى طبيعته
وكأن شىء لم يكن ....فقد تمكن الديب فريز من مسح تلك الفيروسات
ولكنه لن يتمكن من مسح الذنوب
الم اقل لك انها فكرة خادعة
...............
...............تومى اند جيرى
ذلك الفأر الذى اسمه جيرى بينما وهو جالس امام شاشة الاب توب
بيشيت على شات رمزاوى بتاع رمزى بن عم دوله..يجد تلك الفتاة التى تدخل الشات بأسم
مادونا لابسة فلة ..تواعده بأن يتقابلوا بعد ساعة امام سيما بكار بشارع الشهيد ميكى ماوس
فى وجه السرعة ذهب الفأر جيرى الى المكان المحدد ولكنه يجد تلك الفتاة انما هى القط تومى
لم يحزن جيرى لان تومى قد امسك به..ولكنه حزن لانه حتى الان لم يجد فتاة احلامه
فتاة احلامه التى هى عبارة عن بنت بتحبه جميلة اهلها مش طالبين شقة غالية وشبكة غالية ..
تومى..بعد ان صعب عليه الفأرجيرى تركه وقال له ..يا جيرى ما تحزنش العلم دلوقتى اتقدم
وبكره الصين تقدر تعملك عروسة احلامك
.................
.................
حتى هذه الايام تخدعك ..احيانا يكون الجو بارد واحيانا حار
واحيانا تنقط بعض المطر ----
الكل فى هذه الايام يريد ان يخدعك انه هو الافضل من غيره ....
...............
...............
ايها القمر ...هل هم يروك كما اراك ...هل سكان امريكا وفرنسا والمانيا واسبانيا
يروك كما اراك ..؟
ام ان الحكومة المصرية قد غيرت بعض ملامحك وبهتت عليك لونها الرمادى الغامق
ايها القمر يا من تسكن فوق ..الحكومة المصرية مكانها مش هنا ...مكانها فوق ...فوق .......
فـــــــوق ....
.................................