يوم الفرح..اصله معداش على مصر

...فى البدء قولنا حسبنا الله ونعم الوكيل ....
صبرا جميل ,, والله المستعان.....
صبرنا ...واستعنا بالله ....دعونا الله من اجل النصر ...ذكرنا الله من اجل النصر ...
نصرنا الله ...ورضينا ....اللهم ارضى عنا .
الكل يفرح كما يشاء ...اليوم يوم الفرح ...اتقوا الله حتى فى الفرح ولا تخرجوا عن حدود الاسلام
الكل يفرح كما يشاء .....دَعَونا الله من اجل النصر ...دَعٌونا الان نسامح ونمد يدنا للسلام ونرفع يدنا وندعى ان يؤلف الله بين قلوبنا ونكون على قلب رجل واحد وندعى الله ان ينصر الاسلام ويعز المؤمنين
الكل يفرح كما يشاء ...اليوم صفحة جديدة ...اكتب فيها ما تشاء بحبك يا مصر ....وبحبك يا وطن بزيتون وكعبة وبيت ....وبحبك يا فلسطين وحلمى ابنى فيكى بيت وبيوت .....بحبكم كلكم
الكل يفرح كما يشاء ....على فكرة يا ولاد احنا جبنا هنا فى البيت صندوق حاجة ساقعة وهنفرق .....اللى عاوز ييجى .... واللى مستغرب ...اصله معداش على مصر .

خلينا كلنا هنا ...علشان اللى هيخرج من الميدان عمره ما هيبان فى الصورة

على قيد الحياة

لسه الامل ما ماتش
لسه الامل فيه روح
لسه الكلام ماخلص
ولسه فيا جروح

..

لسه الامل من بعيد له أبعاد
ولسه كلام كتير عن حكايات
ولسه ايام مخبية حجات
وجرح عايش وحلم مات

..
ولسه برضوا فيه سكات

أولاويات

هو الله احد
هو مع عبده اذا ذكره
ان تقربت منه يتقرب منك
هو حرم الظلم على نفسه
هو اله....ولا يوجد اله الا هو
فى يوم سوف تقف امامه من اجل الحساب
هو ارسل اليك رسل وكتب سماوية ..حتى تعلم من هو
هو ارسل اليك رسل وكتب سماوية ..حتى تتعلم كيف تعيش بالحق
هو يراك وانت لا تراه ...يعلم ما فى نفسك..يسمعك
..ظن به خير..فانه قال انا عند ظن عبدى بى
هو الذى يرزق بدون حساب يعطى من يشاء بغير حساب
اجعله فى اولاوياتك
....................................................

الحمد لله رب العالمين

الف شكر وحمد ليك يا رب العالمين .....الحمد لله الذى استجاب دعائنا

الف شكر وحمد ليك يا رب العالمين

...1

...2

...3

...4
بحبك يا مصر ..وربنا ينصرك ديما

اضغاث نيويورك

....

منذ سنين كان يوجد بداخلى ارتباط بين كلمة الاندلس وكلمة الجنة ومازال...دائما حلمت اننى اذهب الى جنة الله فى الارض الى الاندلس دائما كنت ارى المغرب هى بوابتى الى الاندلس كان لى صديقة من المغرب هى امازيغية كنت دائما احدثها عن هذا الحلم ..كنت كثيرا احب ان اتحدث عن الاندلس ..كنت اريد ان اذهب الى الاندلس فقط لارى الجنة ...كانت الاندلس لى هى جنة الله فى الارض والنيل هو نهر الجنة على الارض وانا كنت امير الاندلس فى الدنيا ومواطن الفردوس فى الاخرة ان شاء الله ...كان هذا شئ بداخلى منذ سنين ومازال.

جاء عليا فترة كنت مشهور فيها بأمير الاندلس "على الشات والمنتديات وبين اصحابى "

امس حلمت بالجنة الجديدة للارض انها ليست الاندلس انها نيويورك حلمت اننى ذهبت الى هناك نعم هذا حلم من احلامى ولكن فى نيويورك لا يوجد جنة رئيت فى حلمى ناطحات السحاب ورئيت اننى املك شقة فى اعالى الناطحات على شاطئ بحر لم ارى شئ اخر فقط كانت نيويورك كلها شبورة رئيت فيها الناطحات والاغنياء وتعرفت على احدهم ولكن لم ارى الجنة .

نيويورك ان كنتى انتى حلمى من اجل المال والتواصل والتعايش مع الغرب فعفوا الجنة هى حلمى الاكبر حتى وان لم اراها فى احلامى فيكفى إنها فى قلبى ..نيويورك لا اريد ان احلم بكى مرة اخرة فى منامى اريد ان احلم بالاندلس"الجنة".....معذرة نيويورك فأنا امير الاندلس

....

يا شعب مصر ويا كل مسلم

يا شعب مصر ويا كل مسلم ...قولوا لا اله الا الله تفلحوا





...

هقول يا رب وادعيلك وهسمى واشرب من نيلك

...

بتحلم بأى

ازيكوا يا ولاد ...انتو دلوقتى فى فترة تدريب لمدة شهرين بعدها تقدروا تستلموا الوظيفة

إحنا هنا مكتبنا اسمه مكتب الفانوس السحرى وانتوا وظيفتكوا هتكون عفريت الفانوس السحرى

الناس بتيجى هنا علشان تقولنا هى بتحلم بأى ومهمتنا ان الناس تحقق احلامها

العفريت العادى بيحقق للناس احلامهم بنفسه لكنا احنا بنخلى الناس تحققق احلامها بنفسها

...بنعرف احلام الناس وندور على الدوافع ...كل حلم بيتحقق ليه دوافع

سياستنا فى تحقيق الاحلام تشبه سياسة الغابة """فى الغابة الاسد ليه دوافع علشان يعيش والغزالة ليها دوافع علشان تعيش

..الاسد لازم يجرى اسرع من ابطئ غزالة ..والغزالة لازم تجرى اسرع من اسرع اسد وكل واحد دوافعى انه يعيش

""كل واحد يمسك الجرنان اللى قصاده ..الجرنان مفتوح على صفحة الرياضة ..مكتوب فوز "ادهم اشرف حسين " ببطولة العالم للجرى

..عارفين "ادهم اشرف حسين" جالى هنا من 3 شهور وكان حلمه انه يكون اسرع واحد فى العالم ..عارفين عاملت معاه اى

"""حطيت وراه كلب جعان مكلش بقاله 4 ايام.....وحلمه اتحقق

زى ما قولتلكوا لازم تدوره على الدوافع ...علشان الناس تحقق احلامها
علشان وظيفتنا اننا نقول للناس بتحلموا بأى

..ها بتحلم بـأى .

للتعجب فقط

يوميات القاهر والقاهرة

وانا جاى علشان اطلع البيت لقيت واحد على اول الشارع بيبتسملى ويشاورلى (بيسلم يعنى) ...روحت شاورت بإيدى (برضوا بسلم يعنى)

روحت بصيت يمينى وشمالى ملقتش حد غيرى ففهمت ان صاحبنا ده يقصدنى انا بالفعل فقولت اما اروح اشوف اى حكاية البنى ادم ده

وانا بعدى الناحية التانية كدة وعمال احقق فيه اقول يمكن يكون تبع حد من اصحابى او صحبى من زمان وانا نسيته او حتى يكون من المنطقة وانا ماعرفوش ..المهم اول ما قربت منه وحققت فيه قولت فى نفسى انا مستعد دلوقتى احلف على مصحف انى ماشوفتش البنى ادم ده قبل كده

مديت ايدى علشان اسلم راح مد ايده ومد وشه المبتسم روحت ماديت وشى (اموااا امواا) ولسه ايدى فى ايده والابتسامة منورة وشه ولقيته بيقولى .....كنت عاوز سجرتين مفيش سكة قدامك .
(للعلم فقط ..الراجل كان بيسألنى على سجرتين من اللى بيتلفوا (drugs)والسكة (هى المكان اللى يشترى منه)

اين ذهبت السعادة

بسم الله الرحمن الرحيم
ومن أعرض عن ذكري فإن له معيشة ضنكا ونحشره يوم القيامة أعمى (124)قال رب لم حشرتني أعمى وقد كنت بصيرا (125) قال كذلك أتتك آياتنا فنسيتها وكذلك اليوم تنسى (126) .صدق الله العظيم .. سورة طه
...........

ومن أعرض عن ذكري } أي خالف أمري وما أنزلته على رسولي أعرض عنه وتناساه وأخذ من غيره هداه { فإن له معيشة ضنكا } أي ضنكا في الدنيا فلا طمأنينة له ولا انشرح لصدره بل صدره ضيق حرج لضلاله وإن تنعم ظاهره ولبس ما شاء وأكل ما شاء وسكن حيث شاء فإن قلبه ما لم يخلص إلى اليقين والهدى فهو في قلق وحيرة وشك فلا يزال في ريبة يتردد فهذا من ضنك المعيشة

.....

وقال البزار : حدثنا أبو زرعة حدثنا أبو الوليد حدثنا حماد بن سلمة عن محمد بن عمرو عن أبي سلمة عن أبي هريرة عن النبي (صلى الله عليه وسلم ){ فإن له معيشة ضنكا } قال : [ عذاب القبر ] إسناد جيد
................

الحب علم

انى عندى حب والحب علم

لو علم به الشعراء لبكوا على ما كتبوا من ذنب

فـ الليل ليس بملكى ولا ملكك

فكيف العين لا تنام من اجلك

الليل ملك الله

فقومى الى الصلاة

حتى يدوم الحب بينى وبينك

..

لا تجعلينى المس يداكى ودعينى لهم اشتاق

وانظرى لى مثل الوردة وزودى الاشواق

ومهما طلبت منكى قولى لا

فهذا مبدأ الاقوياء

انا لست متعصباً ولكن تحكمنى اخلاق

...

..

شعر قديم كنت كتبته فى احد المنتديات ..بأسم امير الاندلس

ممنوع التدخين ....

قبل ما طعم التبغ يدوب

قبل حتى ما اولع فيكى

انا هرميكى

قبل ما تبقى لقلبى ياقوت

...

قبل ما اقرب إيدى وادوق

وانفخ فيكى

انا هرميكى

اصل شفايفى ..عشقت قبلك طعم التوت

ملامح مِنى

قبل ما يبدأ العامل يغنى

وهو بيبنى الجدار

سيبى حتى ملامح مِنى

ازرعها بذرة فى الاطفال

سيبينى علـ الصبورة اكتب

خير جنود الارض وليهم انتصار

سيبينى بعلو صوتى احكى

عن التاريخ اللى كان

سيبينى فى الشوارع وفوق سطوح بيتنا اغنى

وأقول "عدى النهار"

وان فى يوم

لعنتك فى قلب المظاهرة

او كرهتك فجأة

ومقلتش ليكى اى اعتذار

اعذرينى

وارحمى قلبى اللى بيتوجع جوه منى

واعذرينى لانى

اهلى علمونا نبقى رجال

نبوءة الجزائر

• عندما قاموا مجموعة من الجزائرين بحرق العلم المصرى مع الاسرائيلى قالوا اننا اسرائيل الثانية ....من نبأهم بذلك


• من نبأهم بأن مجلس الشعب المصرى سوف يأيد بناء جدار فولاذى على حدود مصر الشرقية


• من نبأهم بأن فى يوم من الايام سوف يكون بيننا وبين غزة جدار يشبه جدار اسرائيل


• هل اصبحنا نشبه اسرائيل ؟


• ان اصابتنى لعنة فى يوم او اصابنى مكروه سوف اعلم انها دعوة من ام فلسطينية او من مجاهد او من شهيد ..فقط لاننى مصرى


• لنا الله هو يعلم ما فى قلوبنا وضمائرنا .