صبى يا دنيا واملى الكاس
صبى يا دنيا واسقى الناس
كاسك مر
وطعمك مر
صبى يا دنيا
اهى كلها ايام بتمر
اطفى الشمعة وايدى النار
هاتى الضلمة فى ليل ونهار
كاسك هم
كاسك غم
كاسك احمر لون الدم
صبى يا دنيا وصبى كمان
كاسك ليه بقى طعمه مرار
اللى يحبك يوم غلطان
اصل انتى مش ليكى دوام
صبى يا دنيا للى يحبك
للى فاكر انك وحدك
فيكى الجنة وفيكى النار
صبى يا دنيا واملى الكاس
صبى يا دنيا واسقى الناس
.jpg)
31 الناس الى بتكتب فى الكشكول:
كاسك هم
كاسك غم
كاسك احمر لون الدم
صح يا استاذنا
والله جميل الكلام قوى
والله عجبنى وقريته تلت اربع مرات
كشكولك تحفه
انا خدت التعليق الاول
هيييييييييييييييييييه
اسمى بقى على الكشكول
وبما انى رديت
يبقى التانى كمان
THE illusionist ...
شكرا على تعليقك الجميل وانا سعيد انى شعرى عجبك ....وبما ان انت اول تعليق فى الكشكول هتاخد نجمة ....مرة تانية شكرا على تعليقك الجميل
تحياتى
ايه يا عم ويل الليل إللى هجم ده يس قصيدة جميلة تقبل مرورى
طيب ايه علاقتها بس بالمنتخب
ماهو لعب كويس
لكن عامه اكيد كاس الدنيا كله غم وهم
تحياتى ربنا يباركلك ويعزك يارب
ويل
ويل يا ويل
ليه بقي التشاؤم والحزن اللي في نبره صوتك
خليك اكتر تفاؤلا من كده
تحياتي
السلام عليكم
كلام رائع بجد
انت موهووووووووووب
عايزين ديوان جديد
تقبل مروري
صفحـــ6ــة
مكنت شاعرف انها من تاليفك
جميله جدا
الى الامام دائما ان شاء الله
ويل ياويل انا اسف بجد
انا المفروض اكون اول تعليق علشان انا عارف قصيدتك بتاعت الكاس انت قوتهلى قبل كده
اكثر من رائعه
ايو طلع الزوبد وما تنساش نهاية جرح واترى دم على جسدى
الى الامام دوس وميهمكش
دمت بخير وسعاده
(صبى يا دنيا للى يحبك
للى فاكر انك وحدك
فيكى الجنة وفيكى النار)
القصيدة كلها الحقيقة
اكتر من رائعة
تسلم الايادى
والكى بورد
كمان :)
هو أنا اتاخرت ليه ؟
جميلة اوى ياويل وبتقلب المواجع
انت واسامه الايام دى مش بترحمونا
بس هى دنيا
كان بيملونا زمان فى الكشاكيل
والضد يظهر حسنه الضد
علشان دايما مانحلمش نقعد فيها كتير وتكون هى منتهى املنا
كويس ان ربنا سبحانه وتعالى بيربينا مايكونش ليها اعتبار كبير عندنا
علشان ان شاء الله نحس بطعم الجنة
بوست جميل جدا زى العادة
وعذرا على التأخير اللى بقى متكرر
بس الخقيقة انا مشغولة شوية فمش دايما بعلق اول ما اقرا البوست
بجد جميله
هى الدنيا فعلا كده
كل كساتها مراره
كشكولك رائع
تحياتى
المهاجر ...
اذا هجم الليل فتوقع قدوم الفجر
تحياتى
جى جى ..
على فكرة صورة المنتخب انا كنت حاطتها فى اول المدونة وليس فى اول الموضوع ..عموما انا نقلتها فى الجنب
وشكرا على كلماتك الجميلة التى اسعتدنى
ابو العريف ..
الكلمات دى فعلا لما قولتها كنت مضايق
ولكن لا يأس مع الحياة ولا حياة مع اليأس
تحياتى
مصعب صلاح ...
شكرا على كلماتك الجميلة
على فكرة انت صفحة 7 مش 6 بس بما ان انت تبعنا هنمشهالك 6
تحياتى لك
تلميذة سلمان الفارسى...
على فكرة اسمك جميل فكرنى بقصة سلمان الفارسى
..الكلمات دى من تأليفى
وشكرا على تعليقك ونورتى الكشكول والصفحة
اسامة
عادى يا عم ولا يهمك بس متخدش على كدة
على فكرة اول ما قريت اترى دم على جسدى قولت هو اسامة خرف ولا اى
الكلام ده كان الصبح
لكنى افتكرت بالليل انى فعلا كنت كاتب حاجة زى دى ونشرتها فى موقع كنت عامله
انا بحاول افتكر الكلمات والفكرة انا فاكر ان هى كانت وطنية بجد انا اول مرة انسى حاجة كتبتها
شكرا يا اسامة ان انت فاكر
وسلملى على علاء وقوله الدقيقة من اتصالات بـ 19 قرش لاى شبكة فى مصر
norahaty ...
شكرا على كلماتك وتسلم الايادى اللى كتبت التعليق والكيبورد كمان
لقد خلقنا الله احرارا ...
استاذتنا اتأخرى براحتك .. بس ما تخديش على كدة
وشكرا على كلماتك الجميلة وربنا يوفقك ونورتى دفتر الحضور
سمسمة ...
اشكرك على كلماتك الجميلة المسمسمة
بجد شكرا على تعليقك اللى نور الصفحة
انا ممكن ابعتهلك تنزلها بكره افتح العصر بكره الحد( اترى دم على جسدى )(نهاية جرح)
اللى يحبك يوم غلطان
اصل انتى مش ليكى دوام
صبى يا دنيا للى يحبك
للى فاكر انك وحدك
فيكى الجنة وفيكى النار
صبى يا دنيا واملى الكاس
صبى يا دنيا واسقى الناس
جميله الكلمات
هى الدنيا تقول بملء فيها
حذار حذار من بطشى وفتكى
فقولى مضحك والفعل مبكى
كاسك يادنيا كلو مرار
كاسك يادنيا أمر من الصبار
تسقيه لينا واحنا راضيبين مش اجبار
صبي يادنيا وحنعيش راضيين مش رافضين
حنشرب ونرتوي كمان متل ماكنا زما واكتر كمان
الله عليك ياويل
بجد رائع كتير
كلامك معبر جدا عن معاني جوة بقلبنا خنقاني
رائع وأكثر
أحب أن أتواجد هنا دائما
مودتي
بجد سعيد لان اسم جريدة الصباح العربى موجود فى صفحة تعليقاتى
صمت الحنين
الفعل غلب القول
شكرا لوجودك هنا وشكرا لتعليقك الذى اضاء الصفحة واتمنى ان نتواصل
جارة القمر ...
انا ايضا احب ان ارى تعليقك
كاسك يادنيا كلو مرار
كاسك يادنيا أمر من الصبار
..كلماتك غلبت كلماتى
تحياتى لتعليقك ونورتى الشاشة
..
السلام عليكم
اخى الفاضل
جميله قووووى هايله كلماتك
معبرة من واقع حيتنا اللى عيشنه
تحياتى لك ولقلمك الرائع
اعذرنى لو تأخرت عنك لانى بجد مسافره اجازه كده
وان شاء الله هتواص معاكم
تحياتى
ايناس
السلام عليكم
اخى الفاضل
جميله قووووى هايله كلماتك
معبرة من واقع حيتنا اللى عيشنه
تحياتى لك ولقلمك الرائع
اعذرنى لو تأخرت عنك لانى بجد مسافره اجازه كده
وان شاء الله هتواص معاكم
تحياتى
ايناس
عاشقة الاحزان ..
ولا يهمك اتأخرى براحتك وحمدالله على السلامة
وشكرا على تعليقك الجميل
ايناس نورتى الكشكول
مش كنا عدلناها يا ويل انا وانت القصيده دى انت ما عملتش فيها حاجه زياده صح معجبتش التعديل اللى عملتهولك
بس تسلم ايدك انا عارف انك مشغول اليومين دول طمنى بس اخبار الشغل ايه معاك
إرسال تعليق