..امـ..نـ..يـ..ـة

ياما نفسى انام واصحى الاقينى فى جنتك من غير حساب

يوم مميز

14/12/1985
عند اذان الفجر ..بداية كتبها الله لى .. اللهم احسن خاتمتى

انا بعشق الشتا

انا بعشق الشتا
ايدك فى جيب الجاكت وماشى بكل نزاهة
بتتنفس هوا ساقع يفوقك
ليك فيه اجمل زكريات
مولود فى نص ديسمبر يبقى لازمن اعشق الشتا
بيكون باب السما مفتوح وقت المطر
انا بعشق الدعاء وقت المطر
انا بعشق المطر
انا بعشق ثورة 25 الحق ظهر فى عز الشتا و رغم الشتا .. الناس مقعدتش فى بيوتها ونزلت علشان الحق
اللهم ارنا الحق حقاً وارزقنا اتباعه وارنا الباطل باطل وارزقنا اجتنابه
اللهم كن بجانب المساكين وقت برد الشتا وفى كل حين
اللهم كن بجانبنا جميعا ولا تحرمنا من هداياك وهداك ورحمتك يا ارحم الراحمين

وهعاند ايوة هعاند

الناس حاسين بالبرد
وفي قلبي ده شم نسيم
لو شمس الدنيا دي غابت
انا شمسي تشق الغيم
وهعاند ايوة هعاند
دايما من غير تسليم
ايس كريم في ديسمبر
ايس كريم في جليم...عمرو دياب ♥♥

هجر

اختار الوحدة ورضى بها .. فلم ترضى به .. فهجرها

..اللهم ارحمنا

يحشر المرء مع من أحب
......
اللهم ارحمنا وارحم من احببناهم 

يتبعهم الغاوون

رحمتك يا رب بالشعراء .. والغاوون
..

كان وانتهى

انا كنت بعشق اغانى فيروز معرفش ليه كل الاغانى كرهتها 
وكنت بعشق اغانى عمرو دياب واصالة معرفش ليه كرهتها 
مع ان لما كانوا بيسكتوا بكلماتى على لحنهم كنت بكمل وقتها 
فجأة كلامى انتهى 
حتى كلماتى كرهتها 
معرفش ليه كل شئ حبيته فى يوم .. فجأة حبه انتهى 
حتى الايام بقت بتشبه بعضها  

عليه العوض

أخرج ابن عبد الحكم عن عمر بن الخطاب أنه قال قال رسول الله صلى الله عليه وسلم
إذا فتح الله عليكم مصر فاتخذوا فيها جندا كثيفا فذلك خير أجناد الأرض فقال :ولم يارسول الله قال لأنهم وأزواجهم في رباط إلى يوم القيامة....
....لما الاخوان او المتعاطفين معاهم يقولك ان الحديث ده ضعيف يبقى عليه العوض ومنه العوض .....بس احب اقوللهم ان الحديث ده كان سبب مقتع لفتح مصر ... مصر بتاعتنا مش بتاعت مرسى اسف الدكتور مرسى اسف كمان الدكتور الرئيس مرسى ... مش معنى ان انت مختلف مع خارطة او اومر السيسى او بتتهمه بالقتل والخيانة فعشان تثبت صحة كلامك تشككنا فى حديث رفع من روحنا المعنوية ميئات السنين ...اقولك على حاجة تعرف بيها صحة الحديث اسأل هى قطر بتاعت مرسى حاربت اسرائيل طب تركيا بتاعت مرسى حاربت اسرائيل طب حماس نيتها فى الجهاد لله فقط ولا لمصالح تانية وهل هى الان بتحارب اسرائيل ولا بتحارب جيشك اقصد جيش مصر بتاعتنا ... الجيش لو قتل ناس فهو بينفذ اومر قد تكون صحيحة وقد تكون خاطئة ممكن من اصدروا الاوامر يكونوا فعلا قاتلين ووو ... الخ وممكن لأ ولكن الجيش هو خير اجناد الارض كما قال الصادق الامين .. ما تصلى عليه  ... عليه الصلاة والسلام
....
تعليقى
..
معركة عين جالوت .. صحيح القائد مكنش مصرى بس الجيش كان مصرى ..الرسول (ص) جاء لقطز فى المنام وقاله اذهب الى مصر وقطز بقه القائد وانتصر .. اى مفيش علاقة بين رؤية الرسول (ص) ومعركة عين جالوت تدل ان الجيش المصرى انتصر لصالح الاسلام ....الجيش المصرى كان العمود الفقرى لجيش صلاح الدين الأيوبى و مصدر قوته. من غير الجيش المصرى و الاسطول المصرى صلاح الدين ماكانش ممكن تكون ليه قيمه عسكريه و لا كان ممكن يحقق انتصار فى معركة حطين ضدالصليبيين... ... بصراحة فى انتصارات للجيش لصالح الاسلام والتاريخ عميق للتأمل ...صحيح مدخلتش الجيش بس والدى الله يرحمه قضى حياته كلها فى القوات المسلحة وهو من الناس اللى حربت فى 73 وفنظرى هو من خير جنود الارض 

مسكون

انا جوه منى ساكن كتاب الشعر والالواح
انا جوه منى اغانى الفرح من بعدها سكنت جراح
انا جوه منى الف جرح والف ليل
لكن ..جوه منى .. انا.. مستنى الصباح

6/1 .. ستة واحد

6/1...وضحكوا عليا اى يا عين اى ياليل
6/1...مع الرأفة
6/1...الناس كلها عندها العيد اربع ايام واحنا العيد عندنا خلص بعد نص يوم بس
6/1...مين هيجيلوا نفس يدخل افلام السوبكى بعد ما خسرنا 6/1
6/1... قعدوا يقولنا رابعة رابعة لغاية ما بقت سادسة سادسة
6/1...لو كانو سألونا قبل ما يلاعبونا عارفين كنا نقول اى .اى .. كنا هنقول اللغوا المطش لظروف امنية
6/1...هو مش المفروض الفورة من 8
6/1...متزامنة مع 6 اكتوبر
6/1...ولسه
6/1...الله يخرب بيت ام الجزيرة ...عملت فوتو شوب ..أل اى خسرنا 6/1..الله يحرق ام الجزيرة
6/1...بتفكرنا برضوا بستة اكتوبر .وأوله سادس .وسادسة اول .وفرح صاحبك اللى يوم 6/1...يلااااا اهو كلها ستات ... ياعينى علـ الستات
6/1....معدتش تفرق سادسة من رابعة ....الاتنين ضد الشعب
6/1...كان نفسى بس ندخل كاس العالم ونجيب جون علشان نكتم مجدى عبد الغنى اللى ذللنا بالجون اللى جابو فى كاس العالم
6/1...من غانا الى برادلى ..نشكركم لحسن تعاونكم معنا
6/1...افرحى يا زمالك مش انتى لوحدك اللى ستة واحد
6/1...عليا النعمة لو شيكابالا اتكلم فى الكورة تانى هـ*****مه
6/1...حد يفهم "غانا"ان العيد ده بيفرقوا فيه لحمة مش بيفرقوا اجوان
6/1...يرضيك كدة

...

شجر اللمون دبلان على أرضه

حرّمتِك على نفسى

حاربت لسانى
فحرّمت على لسانى إسمِك
وحاربت مشاعرى
حتى كرهتِك من رأسك الى قدمِك
وحاربت خيالى
فمحوت الالوان من وجهك
ومحوت البسمة وكل جميلٌ فى وصفِك
وحاربت عينى
فحللت لعينى النظر الى كل جميلة
وكذبت.. بإن كل جميلة هى اجمل مِنك
وجاهدت عينى حتى صدقت كذبى
انا..حرّمتِك على نفسى
وكدتُ انساكى يوماً
لولا خائن بصدرى ما زال يُحبك

حروف اسمى

ارسم حروف اسمى بلون الطيف

انطق حروف اسمى بشكل لطيف

ولو كان الاسم اصبح من الهم تقيل وحزين

غمض عنيك وانطق .. هيصبح خفيف

.

دخل حروف اسمى فى "جملة فرح" وكونها

واكتب حروف اسمى و"بالنحو" شكلها

وبلاش تزايد .. وتقول شئ مهوش منى

كفاية عليا الدنيا وعمايلها

.

ازرع حروف اسمى مع" جزور الصبار" وارويها

فهمنى من تانى اى معانيها واى معنى الحياة فيها

وبلاش تزايد .. ده فــ قلبى من الجرح نار

امسك كفى وطفيها

.

امسح سواد الذنب من على الحرف العنيد

انا نفسى كفى يصبح ابيض من جديد

وبلاش تزايد .. بكفاية جرحى

بكفاية إنى عايش وحيد

.

لو قولت اسمى إشبكه فى طرف الامل

وادعيلى .. يمكن حروفى النقصة تكتمل

صحيح ضى القمر مهوش منى ولكن

انا نفسى اخبى فى قلبى ضى القمر

.

ولو فى يوم

لمحت فى اسمى الغرور

كل حروف اسمى إمنعها

ولكن عرفت منين انه غرور

هو انت تعرف اى حالى واى ظروفى وأوجعها

اكتب اسمى فى صفحة زكرياتك

بس امانة بلاش الصفحة تقطعها

..........................................

الهروب من الشوارع المظلمة

مع ان تصميمى بشر

لكن السؤال .. انا قلبى ليه اصبح حجر

وبرغم علمى للحقيقة

بمشى فـ شوارع مظلمة

ورغم إختلاف الازمنة

لسه الظلام "بحر اسود" من غير قمر

ولسه شوارعه متعوجة ..

ولكن زينها الشيطان للبصر

ومعى انى بملك نعمة بصر

لكن السؤال .. انا قلبى ليه اصبح كفيف

ومعى انى عارف انه مجرد سؤال خفيف

لكن الاجابة موجعة

وبرغم علمى للإجابة

انا لسه بسأل

يمكن بفكرى لنور الحق اوصل

..

عارفة يا نفسى

انا نفسى اهرب من الكسوف

كل لما اقول خلاص هتوب

مفيش خلاص

من تانى برجع لنفس الذنوب

كل لما افكر انا أى هقول

لما يحاسبنى ربى ولما اقرب من الرسول (ص)

يملانى الخوف

دانا نفسى اهرب من الكسوف

مع انى قلبى اصبح كفيف

لكنى من نور السما لمحت طيف

..

عارفة يا نفسى

انا نفسى على نفسى انتصر

من غير سبب

انا نفسى اسجد

انا نفسى ابكى زى المطر

يمكن ايمانى يكتمل

لكن السؤال .. ليه الدموع مش عاوزة تنزل

وبرغم علمى للإجابة

انا لسه بسأل

يمكن بفكرى لنور الحق اوصل

　

الحياة اغلى

الحياة اغلى فى جميع الحالات بإستثناء الشهادة فى سبيل الله والدفاع عن الوطن وكل ما يتعلق بالحرية والكرامة والشرف

"سجل مدنى العباسية"
..
شهادة ميلاد 7 جنيهات فقط
شهادة وفاة 6 جنيهات فقط
..
شهادة زواج 16 جنيهات فقط 
شهادة طلاق 11 جنيهات فقط 
..

" المدون إكس".. X..

بطلى المفضل (1)

-------------------- 

..

تعرفت على بلوجر بالمصادفة من خلال البحث على جوجل

أدمنت بلوجر قبل انشاء مدونتى بسنتين

"المدون اكس" احببت كل شئ يكتبه هو ايضا عرفته عن طريق المصادفة

فى كل يوم اذهب الى مدونته لعلى اجده كتب شئ جديد

اقرأ له القديم والجديد .. تعرفت على اميله

كنا نتحدث يوميا بالكتابة عن طريق الاميل .. لم اكن اصدق اننى احدث " المدون اكس "

وكيف اصدق فالمدون اكس بالنسبة لى هو بطل خيالى .. وعندما يكون البطل الخيالى حقيقى

.. يصبح شئ يصعب تصديقه

.. اتفقنا انا واكس على ميعاد لنتقابل

.. انا هنا انتظر فى المكان المحدد منذ فترة طويلة جدا ليس لان "المدون اكس" تأخر ولكنى اتيت هنا قبل الميعاد بفترة طويلة

.. اتسائل .. هل هو هنا الان .. هل يرانى ..

هل ملابسه بلون الاورنج الغامق كالون بلوجر .. كيف هو .. كيف ملامحه .. كيف وكيف ..و.. هل هو حقا شئ حقيقى ام مجرد بطل خيالى

وقع فى قلبى شعور غريب .. شعور مجهول .. لا استطيع ترجمته

كان الشعور الغريب يزداد كلما اقتربت منى خطوات "المدون اكس"

عندما رئيت عينه الواثقة ايقنت انه هو .. مددت يدى بالسلام

برغم وجوده على ارض الواقع مازلت اشعر انه بطلى الخيالى

...                             ***********

يوم التعارف (2)

.--------------.

عملت فى هذه الشركة منذ شهرين فى كل يوم عندما ارى "كمال" اشعر ان الان سوف نشتبك بالايد وتبدا"الخناقة"

"كمال" هو رجل ضخم ..كل فعل منه يعبر انه يتحدانى استطاع ان يكون صديق مقرب من اصدقائى "عمرو ويحيى " اصدقائى فى الماضى .. حتى" ريم" التى أتت الى الشركة منذ شهريين وكانت مقربة لى .. الان انضمت الى "الشلة" التى صنعها "كمال"

اتسائل هل "كمال" هو الذى اجتذبهم له ام انهم من اختاروا ان ينضموا له .. هل رأوا فيه شئ لم اراه حتى الان

.. للمرة الاولى منذ شهور طويلة اجتمع انا و"يحيى " فى وقت الـ ريست" بدأ يتحدث كثيرا كعادته ثم نصحنى بعمل بحث على جوجل عن مدونته " الرجل والابداع" فاجبت : انا عارفها كويس .. تسائل: ازاى عارفها .. فأجبت : انا "المدون اكس" ....نظر لى قائلا : "سمعنى اللى انت قولته تانى"

اخذنى من يدى بقوة واتجه نحو " كمال وعمرو وريم " ليقول لهم : ده يبقى" المدون اكس "

ابتسمت ريم وهى تردد " بجد" اما عمرو فقد وجه ضربة قوية الى صدرى جعلتنى اشعر بصعوبة فى التنفس .. ثم اضاف: اعرفك بقالى سنتين ومتقوليش .. ثم رجع الجميع خطوة للوراء عندما اقترب منى "كمال"

تسائلت فى نفسى .. هل الان يا كمال وقت "الخناقة" ..هل سوف ننهى التحدى الان

اقترب "كمال" وهو يفرض زراعيه ليأخذنى بالحضن ثم بعد الحضن رئيت على وجهه دموع كثيرة ... اقترب منى" يحيى" وقال بصوت خفيف : كمال يبقى صاحب مدونة "انسانية بدون اضافات" فقولت له مستغربا :"سمعنى اللى انت قولته تانى"

ثم مرة اخرة اخذنى كمال بالحضن .. بعد الحضن اخرجت من جيبى كيس المناديل واعطيت له منديل ليمسح دموعه ولكنه ...

اخذ المنديل وبدأ يمسح وجهى .. وضعت يدى على وجهى لاستوعب ماذا يفعل .. فوجد دموع كثيرة وكثيرة نزلت من عينى "دون وعى"

.....                   ************************

ماتريكس "اعرف نفسك" (3)

..---------------------------

اعرف انك هنا ..استطيع الشعور بك ..اعرف انك خائف من التغيير

دعنى اقول لك لماذا انت هنا .. لانك تعرف شئ .. ما تعرفه لا يمكنك شرحه .. ولكنك تشعر به .. لقد شعرت به طوال حياتك .. شئ تحدث به نفسك وتريد ان تكتبه ..شئ هو كشظية فى عقلك .. شظية تدفعك الى الجنون .. هذا الشعور هو الذى اتى بك الى هنا .. الى بلوجر

هل تعرف ما اتحدث عنه .. هل تعرف ما هى بلوجر ..بلوجر هى فى كل مكان .. انها من حولنا .. حتى فى هذه الغرفة ..يمكنك التفكير فيها عندما تريد ان توصل فكرة لغيرك .. بلوجر هى عالم من دون قواعد او تحكم .. عالم من دون حدود .. عالم الصداقة الحقيقية به ممكنة ..هو ليس عالم خيالى .. حاول ان تدرك الحقيقة .."

هل تستطيع الكتابة .. الكتابة مثل الحب .. لا احد يستطيع ان يقول لك انك تحب انت تعرف هذا ....

هل انت واثق انك تريد سماع هذا: انا اعتقد بأنك  .. انت" بطلى المفضل" ..انت تعرف ماذا اريد قوله ..اريد ان اقول.. انا اثق بما تكتبه "انت لديك الموهبة ولديك روح جيدة " .. ماذا تكتب .. هو خيار اتركه لك.............

الذى قلته لك .. هو لك .. لك فقط .. لا تشغل بالك كثيرا بما قلته لك اعدك عندما تخرج من هنا ستشعر بتحسن

...                              *********************

                                             انتهت ..

شئ جميل

نحن نكتب لنخرج ما بداخلنا

نحن نكتب ما نحدث به انفسنا كثيرا

...

بلوجر هى البديل عن أجندة المزكرات والزكريات

بلوجر هى البديل عن كشكول كان جمبى على المكتب مكتوب فى اخره كشكول 100 ورقة

بلوجر هى شئ لا سلكى متصل بداخلنا

بلوجر شئ جميل

....

شئ جميل ان انت تحس ان فيه حد عارفك ومهتم يقرا ليك

شئ جميل ان يكون فيه بنكوا حب واخوة وصداقة

شئ جميل ان حد يهتم بيك

والاجمل ان انتوا ماتعرفوش بعض

يعنى اى ما تعرفوش بعض

يعنى لو حد قابل التانى فى الشارع اكيد مش هيعرفوا

لكن هو عارفوه كويس اووى على بلوجر

...

البوست شئ جميل

التعليق شئ جميل

الرد شئ جميل

التعارف شئ جميل

الكتابة فى جميع احوالها هى شئ جميل

والقراءة شئ جميل

...

البوست القادم ان شاء الله .. "المدون إكس"

...

الرجل الحقيقى

هل انت حقا هو انت

هل عندما يظنون انك زعلان هل تكون حقا زعلان

هل تكون فرحان .. كما يظنون انك فرحان

عندما يحدثك احدهم وتقول حاضر او ماشى او طيب

هل حقا فهمت ما قاله بنسبة 100%

على اى اساس اخترت الرد الذى نطقته وهل يوجد رد غيره وهل يمكنك ان تقول غيره

هل تفهم ما يجرى حولك على حقيقته

هل تستوعب الحقيقة

ما هو مقياس الحقيقة عندك

................

هل انت من قرر ان يقرا هذا البوست

هل انت من قرر ان يجلس امام شاشة الكمبيوتر
هل انت من قرر ان يشاهد هذا البرنامج التلفزيونى ويترك البرنامج الاخر

هل انت من قرر ان يبتسم لهذا ويكشر لهذا

هل انت من قرر ان يسامح هذا ويخاصم هذا

هل انت من قرر ام انها مجرد عادة

...........

عمرك مشيت فى مظاهرة

طب عمرك فكرت تعملها

طب ليه مش عاوز تعملها

مش شايف نفسك فيها

طب شايف نفسك فى اى .. مؤيد .. معارض .. بيستضفوك فى برنامج .. او ساكت

هو انت مش قد ان انت تمشى فى مظاهرة وتقول ارحل او احنا عاوزينك

لو زى ما بتقول" قدها " ليه مفكرتش فيها قبل كدة

...........

قريت او اتفرجت قبل كدة عن قصة للرجل الطائر "سوبر مان"

او الرجل القوى"هركليز"

او الرجل الحديدى

طب بإمانة عمرك شوفت قصة عن "الرجل الحقيقى"

عارف يعنى اى الرجل الحقيقى

......

انا عارف اجوبتك كويس عن الكلام اللى فات

اصلى اجوبتى زى اجوبتك

اصل انا برضو زيك اكتشفت من فترة قريبة انى معرفش يعنى اى الحياة

وقررت ان انا اتعلم الحياة ولاول مرة اقرر

اسهل وسيلة للتعليم هى التقليد

عملت نفسى زعلان عشان لازم اكون زعلان وعملت نفسى فرحان عشان لازم اكون فرحان

ايوة كلمة السر "عشان لازم "

عشان لازم تنجح عشان لازم يشوفك الناس انسان كويس عشان لازم تبقى احسن من فلان

قلدت كل حاجة اصبحت افعل اشياء هى فى الحقيقة ليست اشيائى

...

لم اعد اعلم انا.. قوى ام ضعيف ... محترم ام قليل الادب

....

اسأل نفسى لماذا وانا معهم اتمسك بإيمانى اما وانا وحدى يأتى الى مخيلتى اشياء ضد الايمان

..

هل انا ميكس

هل عندما استعير رأى اصحاب البرامج التلفزيونية واقولها فى السياسة

اصبح هكذا ميكس

لماذا لا اقول رأيى انا .. هل عندما اقول رأيى انا سيشعرون ان بداخلى غباء سياسى او انى مبفهمش وربما يضحكون ويقولوا ده شكله ما يعرفش حاجة عن الدنيا

...

هل انا ميكس

هل انت ميكس

هل انت مثلى فكرت فى الرجل الحقيقى

الرجل الحقيقى الذى يقول رأيه كما يراه

الرجل الحقيقى الذى يفعل ما يراه صحيحا فى كل الحالات

الرجل الحقيقى الذى عندما يفعل شئ فانه يكون لديه اكثر من خمسين سبب لفعله هذا الشئ

الرجل الذى لا تأثر فيه العادات وانما يفعل ما يجب فعله

الرجل الذى لا يتخيل شئ ويكون ذهنه حاضر بنسبة 100%

الرجل الذى يدرك قيمة الاشياء على حقيقتها

......

هل انت ما زلت هنا

هل انت طول فترة القراءة كان ذهنك حاضر هنا

هل قررت ان يكون ذهنك حاضرا دائما لا يتخيل اشخاص صدموك

هل قررت ان تدقق فى كل شئ حولك حتى فى كوباية الشاى اللى على المكتب

هل قررت ان تدقق فى كل شئ عشان تقدره وتعرف الحقيقة

هل قررت ان تكون الرجل الحقيقى

....

هل استوعبت ما قرئته جيدا

هل هتخسر حاجة لو قريته تانى

....

؟

　

 

انا اتخيل انا

..

 انا .."" اتخيل بــ أنا .. رجل يمشى فى الشارع شعره اصبح ابيض

عمره بين السبعين والثمانين يضع يده فى جيب الشاكت كعادته القديمة يستنشق هواء الشتاء الذى يحبه

يشعر ببعض التعب فى رجله يقنع نفسه .. كعادته القديمة .. انه خمس دقايق والوجع هيروح ..

الرجل .. لم يستطيع ان يخرج من البيت من حوالى اسبوع بسبب اشياء تندرج تحت مسمى "التعب"

يزداد التعب فيجلس الرجل على قهوة كعادته القديمة

يمسك بيده رجله اليسرى ويرفعها على قدمه الاخرة "حاطط رجل على رجل " كعادته القديمة

يقترب منه فتى فينزل رجله ويشاور للفتى بيده وهو يقول بصوت خفيف "شاى"

ثم يضع رجل على رجل مرة اخرى

الرجل اصبح صوته واطى بسبب التعب ولكنه اوضح من قبل

يمر فتى من امامه يرفع له يده اليمنى ويقول للرجل عامل اى دلوقتى ياعمى الحج

يبتسم له وهو يقول الحمد لله

الرجل يتطلع الى وشوش المارة كعادته القديمة .. فيجد فتى يشبه صديقه القديم

فى هذه الدنيا قابل هذا الرجل اصدقاء كثيرة جدا ولكن الذى كان فيه الوفاء هو صديق واحد

تدمع عينه لفراق صديقه ثم يقول فى نفسه يمكن لما اغمض عينى وانام ما اصحاش تانى واجيلك

ثم تمر فتاة من امامه فيها شبه من حبيبته القديمة .. يتذكرها فهو لم يحب احد مثلها ثم يلعن ابوها كعادته القديمة لان ابوها هو سبب الفراق عندما ماتت كان يذهب الى قبرها كل اسبوع ويقول لها كلمات الحب الموجودة بقلبه ولكنه لم يذهب لها منذ شهرين بسبب التعب .. ثم يردد دون صوت وحشتينى اووى كعادته  القديمة

يتذكر زوجته التى احببته كل الحب كم كان فراقها عن الحياة صعب يتذكر  اولاده لا يوجد احد منهم يوده برغم حبه لهم
يتذكرامه وحب امه له يتذكر عندما كان يومئ برأسه ويقولها "ماشى يا حبيبتى "يفهم الان معنى حبها يتمنى لو كانت موجودة معه الان

..الان فقط فهم انه فى عهد امه كان يعيش الرفاهية بعينها

تدمع عينه لفراق احبابه

يفهم الان انه اخطأ فى حق الكثير

يتذكر ذنوبه ويستعجب انه فعل مثل هذه الاشياء"وأنّى له الذكرى"

يفهم الان ان الصعوبات التى قابلته من قبل لم تكن صعوبات بل كانت تمارين حتى يتحمل صعوبات اخر ايامه

" كم كانت تقابله من مشاكل تزيد همه " يفهم الان ان هذه المشاكل حلها اسهل ما يمكن ولكن مشاكل اخر ايامه حلها اصعب ما يمكن

يفهم الان كم كان ضعيف وانه كان عايش بفضل الله فقط .. يزكر ربه

وعينه مازالت تدمع ثم لايستطيع التوقف عن البكاء ..صوت اهاته يعلى

ثم " يتلم " كل اللى فى القهوة حولين الرجل احدهم يطبطب عليه وهو يقول ياعم الحج وحد الله

والاخر يمد يده يناوله منديل ورق والاخرون ينظرون الى الرجل الذى كان دائما يبتسم لهم .. الان يبكى

ثم ينظر لهم الرجل فيدرك موقفه

فيقول لهم انا كويس والله مافيش حاجة كعادته القديمة

..

بعد ان تخيلت انا .. استفيق .. فأتذكر ان من عادتى اننى لا ابكى

..........

معلش

المهم فى اخر الحلم كان قلبى ده هيطير من الفرحة لدرجة انى قولت لنفسى انا مش مصدق اللى حصل هو ممكن اللى انا فيه ده يكون حلم ..احساسى قالى ان ده واقع حقيقى .. قولت عموما لو ده حلم مش عاوز اصحى منه (كلامى كان بجد).. واقعد افكر فى اللى حصل وانا مبتسم  .. وفجأة لقيتنى بنفس الابتسامة لكن كنت صحيت وعرفت انه مجرد حلم ...... معلش
..
اللهم اجعل سعادتى بيدك انت فقط وارضنى  .. اللهم ثبت قلبى على دينك .. اللهم ثبت قلبى على حبك
..

وانتظرتك

وأنتظرتك طول عمرى وما رضيت بغيرك فهل اخطأت الهوى
فسـأل الليل كم من مرةٍ واسانى وكنت متأملاً النجوم قبل وداعها .. إسأله كم انتظرتك
واسال الهلال كم من مرةٍ شاركنى الامل فاكتمل ثم اختفى
واسال الشمس التى أتاتنى متسائلة .. أرئت عيناك من الليل ما لم ارى
واسال الفجر وكان يظننى نائما
واسأل النيل وكان يظننى ضاحكاً .. فبوحت سرى فأغرقت امواجه من السر ما بقى
واسال الربيع إذا أتى
سل كم انتظرتك
واسأل الشوارع التى هربت اليها من وحدتى امشى ببطئ وعلى عجل .. اتذكرك وما نسيتك
واسال الطير الذى  يغدو .. سألته عنك فلم يجب اسأله كم انتظرتك
واسأل البحر الهادئ غضبت امواجه وما مللت وما كرهتك .. إسأله كم انتظرتك
واسأل المراسى التى أتيتوها ولم تأتى
واسأل المطر وكنت حينها للسماء رافع يدى
اتهمنى .. قل ما شئت او استحى

تامل

علشان نشوف الأمل .. محتاجين شوية تأمل
...

21 مارس

..1..
أمايا يا أما حطى إديكى على راسى وأقرى القراّن

وادعيلى يا أما قلبى الصغير الاسى يتملى إيمان
أمايا ليه حاسس بضلمة حاسس بخوف
حاسس انى بغرق فى بحور ظلام مش عارف اشوف

مدى اديكى وضمى راسى فى حضنك ابكى
مدى اديكى دانا جوه منى بيصرخ قلبى
أمايا ليه الناس ليها بدل الوش وشوش
والدنيا ليه ظلام مع ان كل شئ مكشوف
مدى إديكى غمضى عيونى .. علشان بقلبى اشوف
..
أمايا يا أما
...
..2..
وبتسألنى بحبها طب مين ما يحبهاش
ده الام ديما حبها فى قلوب كل الناس
على حبها بتهدى قلوب مابتهداش
تهدى القلوب على حبها وتتملى احساس
دا الام نور الطفل
رحمة من الله فى الارض
هى الجمال والاصل
واغلى من كنوز الارض
واغلى من الدهب والماس
.. وبتسألنى بحبها طب مين ما يحبهاش

..ربنا يستر

ربنا يستر ومايرفعوش الدعم عن الامل

عادى

رصيف نمرة خمسة والشارع زحام
وساكت كلامنا ما لاقى كلام

بنتسابق فى الخطوات

بنتسابق فى الخطوات
بسيبك تسبقينى
فبتقولى عليا كلام 
مهوش موجود فى صفاتى 
وترتبطى بغيرى اواام 
أهدى فى خطواتى 
بتصعب عليا نفسى 
اغضب
واتمالك نفسى 
واسكت 
أنا اصلى ملتزم بسُكات 
ومش من عادتى ..
أعادى اللى كان ليا في يوم الروح 
واخبى كلامى فى عيونى 
ولا يفهم كلام العين ..
إلا اللى كان مجرووح 
وجروحى منك كتير .. 
ولكن ..  بدعيلك بأجمل خير 
بشوف صورتك فى عيونى 
توحشينى وليكى اشتاق 
اتمالك نفسى 
وأهمس 
أنا ملتزم بفراق .. 

جملة ماضى

كان زمان عندى حلم

كان = فعل ماضى
زمان =اسم ماضى
عندى = ضمير ملكية لم اعد امتلكه
حلم = شئ جميل طيب انتهى بقى ماضى

ان السبابة التي تشهد في كل صلاة أن لا اله الا الله وأن محمدا رسول الله، لايمكن أن تكتب كلمة باطل
... عمر المختار

احضان الجبل

فى يوم والشمس طالعه بألوانها الرقيقة ولمستها الدهب


هامسك ايدك وهاخدك لبيت أبيض صغير في أحضان الجبل

البيت ده فيه اتولدت علي بابه كبرت واتعلمت اني أغني أول غنوه دافيه زي شمسنا

زي قلوب الصبايا اللي ف حيينا والألوان البريئه علي أبواب بيوتنا علي الجدران بتحكي ان الكون اتولد

في بيت مصري صغير في أحضان الجبل

ضوء الفجر خافت بيرسم المعابد من بعد ليل طويل

والنيل أمواجه تصحي وتحكي ذكرياتها للأشجار والنخيل

وأنا الطفل الصغير لكن بسمع وأفكر حسيت في كل لحظه اني حاضر وذكري وجزء من المكان ده واني مش وحيد

الزمن راكع هناك بيهمس للجمال المنحوت من حجر اتكلم ياحجر

لكن صمته الجميل سنين ورا سنين وجيل من بعد جيل فضل حي في ملامحي في ضميري في ابتسامتي في نظرتي لبكره وحبي للحياه

..عمرو دياب ♥♥

عصافير بتزقزق

يا ليل طوّل انا صابر

ومهما تطوول

هيجى الفجر ويشقشق

وهييجى صبح بنور عصافير بتزقزق

جناح مفروض وبيرفرف .. علم الوانه من دمى

فى وسط الناس انا بهتف

وصوتى مهوش مزئوء
ولا تابع ولا متبوع

ده الدم منى

وصوتى انا منى

يا ليل طوّل

انا صابر ومستنى

سبب الرحيل

رغم الرحيل ...كتبها .. richardCatheart ...

التوافق إن وجد  بين رغم الرحيل وسبب الرحيل

 هو .. كفكرة يتبعها فكرة
....................................
....................................

سبب الرحيل
________

راحل لِــ أصون كرامتى

وإن سألنى قلبى عنكى

فالزكرى تكفينى

وأكمل خطواتى وحدى

بلا أمل يقوينى

لا أعلم لطريقى نهاية

تائه ُ ُ  انا

وسألت الله يهدينى

راحل انا..يا أمرأة ً

إستسلمت لكلام الناس

يا أمرأة ..كلامها اصبح كالرصاص 

إحتكمتها الغيرة

تغيِّر من تِلك وتِلك

يا أمراة ً شربت دواء مسموم

 فأعادت التفكير

وصعبت  الامور

انا لا انتظر منكى قرار

فأنا سَبّقت وقررت رحيلى

نعم انا من تركت .. انا الجانى

وليس عليكى ذنب

سوى انكى احببتينى

نعم يا هى ويا تِلك وتلك

انا من تركت

وإن كنتى ترى فى حبى لكى عيب

فانا لا ارى فى حبى عيب

يا أمرأة ً تغيِّر من تِلك وتلك

يا امرأة ً .. متى تفهمينى

فأنا .. لا اعلم للدنيا ترفُ ُ

وغرور الدنيا لا يعنينى ....