مع ان تصميمى بشر
لكن السؤال .. انا قلبى ليه اصبح حجر
وبرغم علمى للحقيقة
بمشى فـ شوارع مظلمة
ورغم إختلاف الازمنة
لسه الظلام "بحر اسود" من غير قمر
ولسه شوارعه متعوجة ..
ولكن زينها الشيطان للبصر
ومعى انى بملك نعمة بصر
لكن السؤال .. انا قلبى ليه اصبح كفيف
ومعى انى عارف انه مجرد سؤال خفيف
لكن الاجابة موجعة
وبرغم علمى للإجابة
انا لسه بسأل
يمكن بفكرى لنور الحق اوصل
..
عارفة يا نفسى
انا نفسى اهرب من الكسوف
كل لما اقول خلاص هتوب
مفيش خلاص
من تانى برجع لنفس الذنوب
كل لما افكر انا أى هقول
لما يحاسبنى ربى ولما اقرب من الرسول (ص)
يملانى الخوف
دانا نفسى اهرب من الكسوف
مع انى قلبى اصبح كفيف
لكنى من نور السما لمحت طيف
..
عارفة يا نفسى
انا نفسى على نفسى انتصر
من غير سبب
انا نفسى اسجد
انا نفسى ابكى زى المطر
يمكن ايمانى يكتمل
لكن السؤال .. ليه الدموع مش عاوزة تنزل
وبرغم علمى للإجابة
انا لسه بسأل
يمكن بفكرى لنور الحق اوصل
.jpg)
3 الناس الى بتكتب فى الكشكول:
well
البشر بطبيعتهم لازم يغلطوابس المهم يتعلموا من الغلط
والغنساء بيخطأ علشان يتوب الى الله ويحسن عبادته
دا غير انه بيقدر رحمة ربنا بعد ميتوب توبه نصوحة بإن ربنا بيسهل أموره
هقولك ايه يا اخى ؟؟؟ هى العملية نقصة وجع ؟؟
جميل يا ويل واجمل نفس هى النفس الللاوامة اللى ديما حاسة بالتقصير ولكن ان صبح القلب حجر فمن كتر الهموم والضجر وغلى مين نلوم احنا يدووووووووووب حبة بشر
Well
إحساس جميل أن نشعر بالرغبة في القرب من الله والتوبة والتخلص من الأخطاء لأن النفس غلب عليها حب الله والعودة لحماه ..شعور لايمكن للكلمات أن تصفه لكنه عندما يراودك يغسل قلبك من التعلق بالدنيا ...الله يردك له دراً جميلاً ويجعلك من المقربين برحمته ولطفه وتوفيقه ، تحياتي ،
إرسال تعليق