RSS Feed

لما انطفى النور

لما انطفى النور

كان القمر طالع

منور الشوارع

والنيل والبحور

...

لما انطفى النور

كانت الصفوف تتوحد

ليها رب واحد تعبد

وتخطط للعبور

...

لما انطفى النور

كانت الجنود بتعبر

وتقول الله اكبر

خير جنود الارض

كما قال الرسول ..(عليه افضل الصلوات واتم التسليم)



.....6 اكتوبر ....عيد النصر ... وصباح النصر يا سينا

22 الناس الى بتكتب فى الكشكول:

norahaty يقول...

السلام عليكم ورحمة
الله تعالى وبركاته
وصباح الخير ياسينا
يانقطة بيضا فى تاريخنا
ما ننسهاش ولاننكرهاش
ويارب تكرراكتر واكتر
وصباح الفل ياكشكول
جميلة الكلــمات
والاجمل المناسبة.

GiGi world يقول...

احلى صباح على كل مصرى
احلى صباح عزه على كل مصرى فى بلدنا وكل بلاد الارض
تحياتى

rovy يقول...

السلام عليكم و رحمة الله و بركاته ..
صباح الخير .. صباح الفل و النصر و العبور .. صباح الكرامة و الامل و الايمان بالله وحده القادر القاهر ..
سلمت يداك و دمت بكل الخير دائما

تحياتى

Yusuf يقول...

صباح الخير

صباح جزء من كرامتنا استرديناه

كنا نتمني نكمل

وباذن الله نكمل

الغضب الساطع آت وانا كلي ايمان

الغضب الساطع آت سنمر علي الأحزان


تحياتي

سمسمه يقول...

صباح الخير يا كل حبة رمل مشى عليها محارب
صباح الخير يا كل جندى فدى بلاده بدمه
صباح الخير يا سينا
صباح الخير يا كل مصرى فرح برجوع ارضه
صباح الخير يا ويل
يارب عقبال ما نحتفل كمان بالاقصى
كل سنه ومصر كلها طيبه ومنتصره

آه وكفى يقول...

الله يرحم كل شهداء الملحمة دي ويرحم السادات اللي جابلنا السلام

with you يقول...

السلام عليكم ورحمة الله وبركاته

اللهم فرحنا بتحرير الأقصي ويعود النصر للأمة مرة أخري

تحياتي

محمد حياتنا

غير معرف يقول...

عدّى النهار

و المغربية جايّة

تتخفّى ورا ضهر الشجر

و عشان نتوه في السكة

شالِت من ليالينا القمر

و بلدنا ع الترعة بتغسل شعرها

جانا نهار مقدرش يدفع مهرها

يا هل ترى الليل الحزين

أبو النجوم الدبلانين

أبو الغناوي المجروحين

يقدر ينسّيها

الصباح


أبو شمس بترش الحنين؟

أبداً ..

بلدنا ليل نهار

بتحب موّال النهار

لما يعدّي في الدروب

و يغنّي قدّام كل دار

و الليل يلف ورا السواقي

زي ما يلف الزمان

و على النغم

تحلم بلدنا

بالسنابل و الكيزان

تحلم ببكره

و اللي حيجيبه معاه


تنده عليه في الضلمة


و بتسمع نداه


تصحى له من قبل الأدان


تروح تقابله في الغيطان


في المصانع .. و المعامل

و المدارس .. و الساحات

طالعة له صحبة

جنود

طالعة له رجال ..

أطفال .. بنات

كل الدروب واخدة بلدنا للنهار

و احنا بلدنا ليل نهار

بتحب موال النهار

لما يعدي في الدروب

و يغني قدّام كل دار


النهارده جاى فى بالى كل اغنية حلوة
يمكن كمان شوية اجيب لك عاش اللى قال


اه نسيت
انا مين؟

well يقول...

norahaty..
صباح النصر وصباح الفل وصباحك نور الكشكول....
....

جى جى ومصر ...
احلى صباح ليكى ياجى جى يا احلى مصرية .....
.....

روفى ...
صباح منور وصباح علم مرفوع وجندى بيقول الله اكبر ....
.......

يوسف باشا ...
صباح الكرامة وصباح فيروز وان شاء الله هنكمل والقدس هترجع والعراق و سبتة ومليليه ...فى اى تانى ايوة واراراضى الشام كلها ...وصباح الجهاد من غير ارهاب .
......

سمسمة ...
ياصباح الفل يا سمسمة ..ياصباح الدعاء برجوع الاقصى ..(اللهم اكتبلنا جميعا ركعتين فى مسجدك الاقصى ) قولوا امين .
.......
اه يا كفى ...
الله يرحم الابطال ...عارفة الحرب هى اللى بتصنع ابطال ....مش عاوزة تبقى بطلة ...صباح الخير يا كفى .
....

with you....
وعليكم السلام ورحمة الله وبركاته
اللهم امين
صباح الدعاء والنصر
الاسلام حياتنا....ورسول الاسلام حبيبنا ..عليه الصلاة والسلام
والدين الحياة .
تحياتى .....
......

الاستاذ اللى بيغنى عدى النهار ..
لما اعرف انا ابقى مين ابقى اقولك انت مين
لو فينا الخير يبقى هنتقابل على باب الجنة .....
تحياتى .....

ابو على يقول...

ابكى

انزف

اموووووووت

وتعيشى يا ضحكه مصر

osama44 اسامه 44 يقول...

ويل حلوه اوى
اشكرك عليها
وعقبال فلسطين
المسجد الاقصى بيهدم واحنا نايمين

Heba Faruq يقول...

أحلى صباح عليك وعلى كل المصريين
صباح رجوع الحق
صباح العزة والكرامة

ربنا يديمه علينا
وعقبال كل الأراضي المحتلة

مع تحياتي

مصعب صلاح يقول...

السلام عليكم
صباح الفل يا سيدي عليك وعلى كل سينا
حلو البوست
وربنا يخلي لنا مصر

well يقول...

ابو على ...
ياصباح الروقان والنصر وضحكة مصر
.........
اسامة ...
شكرا على تعليقك وصباح الجهاد
..........
هبه فاروق ...
صباح الفل عليكى وعلى مقالاتك وعلى مصر ...
.........
مصعب صلاح ...
صباح رجوع سينا وصباح رجوعك وحمدالله على السلامة ومتغبش كدة تانى .

لقد خلقنا الله احرارا يقول...

يااستاذ ياعصبى
انت قلت انطفى النور
وانا افتكرت اغنية بحبها جدا
عدى النهار

قلت اكتبها
وكان عندى مشكلة مش عارفة ادخل بالاكونت بتاعى
بس كده ماتضايقش نفسك

well يقول...

لقد خلقنا الله احرار ....


لا والله انا مش مضايق ولا حاجة .. انتى بس فهمتى كلامى غلط

انا بس كنت بجاوب على سؤالك (انا مين )
وبعدين غنى زى ما انتى عاوزة وبهديلك اغنية ( جرس الفصحة ضرب ضرب )
....
ولو فينا الخير يبقى هنتقابل على باب الجنة .....
تحياتى .....

طوبه فضه وطوبه دهب يقول...

يارب عقبال لما نشوف نصر اقرب لنصر اكتوبر ونزيح بقى الغنه من على عنينا ونشوف تانى النور

mimi يقول...

حلو الكلام

أنا غيرت الكلمة اللي قلت عليها علشان عندك حق فيها

شكرا جزيلا

المهاجر يقول...

إزيك يا ويل
وحشنى جدا

والشعر جميل بجمال المناسبة التى قيلت فيه
فيوم النصر هو يوم قضاء على أسطورة إسرائيل

كل سنة وانت طيب

well يقول...

طوبة فضة وطوبة دهب...
ياصباح النصر المنتظر

well يقول...

mimi.....
يا صباح الخير ياللى معانا ...

well يقول...

النسر المهاجر...
ياراجل كل ده غياب حمدالله على السلامة