RSS Feed

يا ارض الخوف

تمكنت تونس من ان تكتشف كلمات السر (الشعب يريد ) ...كلمة وكأنها فيرس قتل النظام فى تونس ومصر
رددتها مصر ايام ثم انتقلت الى اخرى من كلمات السر (ارحل) المرحلة الثانية من الفيرس الذى يدمر النظام كليا ...انتقلت (الشعب يريد )و(ارحل) الى شعوب عربية تريد ان تخرج من الظلام

يا أرض الخوف
انا كاتب على الالواح
كفاية ارحل
خلاص مبقتش تانى اخاف
وأعهدِك اغير اسمك الخايف
يكون إصلاح
وأعهدِك احقق فيكى الحلم
فتصبحى جنة فى وسط الكون
جزيرة نجا فى وسط بحور
وأعهدِك بأن الحلم مايستسلمش لأى رجوع
انا اصلى من شجرة وليها فروع
فكل صباح تنبت ثمرة
طفل على خده بقايا دموع
يكبر ويكون ليها
مطر ونهر وينبوع
وتتحرم على الفاس
فيصبح قطعها ممنوع

انا كاتب على الالواح كفاية ارحل
خلاص مبقتش تانى اخاف

يا اما سلام ..

اللى بيربى حمام وبيكون مشترى حمام جديد لازم الاول يحبسه فترة علشان يحفظ المكان علشان لما يطير يعرف يرجع تانى ..الحمامة الجديدة اول ما بطير بعد الحبس بتبقى فرحانة اووى وهى بترفرف فرحانة بطعم الحرية عموما الحمامة علشان تحفظ المكان ممكن اسبوع اواتنين او حتى تلاتة فما بالك بــ 30 سنة
..
..
يا اما بعد التحية ليكى السلام
الشعب اصله فايق من زمان
بس القفص حابس جواه حمام
يا اما سلام على اللى فى عيونهم جناين نور
يشوفيكى بلون اخضر
يشوفيكى اجمل
فى كل عصور
يا اما سلام على اللى منهم بدأ الموال
على روحهم رفرفت علشان يبان النهار
ياما سلام
يا اما طيرى الحمام

ارحموا عزيز قوم ذل

ارحموا عزيز قوم ذل