RSS Feed

قتله الشقا

قَتله الشقا .. حَس بوجـع
ولا شئ نِفع
نام إتخمـد
ده مكنش نوم .. ده كان عِلاج من التعب
قتله الشقا .. وفـكل ليلة بيتقتل
كان نفسه يُصرخ الف أه
لكنه شاف بِنته إبتسم
خَدها فى حضنه .. من غير سبب
قتله الشقا .. فى عِز صُبح وفى عز ليل
عشان .. يَصبح يكون مِصباح علاء الدين
يحقق لعياله اللى إطلب
واللى فى كل ليلة بيطلب
قتله الشقا .. لكنه عاش
ضهره انحنى
راح التعب
لما سجد
..
.

بالامانة وللامانة

قال الشيخ حازم صلاح أبو إسماعيل، المرشح السابق لرئاسة الجمهورية، "إنه لا يمكن بأى حال أن تأتى ساعة الحق، فيتخاذل صادق يخشى الله، ولذلك فأننى أؤيد كل التأييد وأرجو هذا الحشد الجرار لمليونية فائقة، حفاظا على الشرعية، والتى ستكون غدا الجمعة، أمام مدينة الإنتاج الإعلامى بوابة 4 بمدينة 6 أكتوبر".
واضاف ....
..فلقد نادينا وأصبحت الأمانة فى عنق كل من بلغه النداء، ونسأل الله أن يرزقنا حق تقاته.

الخبر كامل من اليوم السابع  http://www2.youm7.com/News.asp?NewsID=868918
اصبحت الامانة فى عنق كل من بلغه النداء ..
أعوذ بالله من الشيطان الرجيم: إِنَّا عَرَضْنَا الْأَمَانَةَ عَلَى السَّمَاوَاتِ وَالْأَرْضِ وَالْجِبَالِ فَأَبَيْنَ أَن يَحْمِلْنَهَا وَأَشْفَقْنَ مِنْهَا وَحَمَلَهَا الْإِنسَانُ إِنَّهُ كَانَ ظَلُومًا جَهُولًا (72) سورة الأحزاب؟..
صدق الله العظيم

...
وحملها الانسان انه كان ظلوما جهولا ....
..


رسالة الى الاخوان

الى الاخوان الذين يفكرون بطريقة (احنا ملايين امام ملاليم)
تذكروا قول الله تعالى
{ كَم مِّن فِئَةٍ قَلِيلَةٍ غَلَبَتْ فِئَةً كَثِيرَةً بِإذْنِ اللَّهِ }
..
اتقوا الله

ابسط الاختلافات

اختلف الميعاد
ولا انا اللى اختلفت
نفس المكان نفس الميعاد
لكن المزاج حالته زفت
الشمس طالعة منورة
وعيونى لسه مفنجلة
صاحى ما نمت

نص الكباية المليان



تحصين قرارات الرئيس تنتهى بمجرد الانتهاء من الدستور الجديد

القرارات هدفها القضاء على الفساد واقتلاع جذوره، والوصول إلى استقرار البلاد الذي يعود على المواطن العادي، في محاولة لإنهاء الفترة الانتقالية حتى تكون هناك عدالة ناجزة .



.

تعاد التحقيقات والمحاكمات فى جرائم القتل والشروع فى قتل وإصابة المتظاهرين وجرائم الإرهاب التى ارتكبت ضد الثوار بواسطة كل من تولى منصبا سياسيا أو تنفي...ذيا فى ظل النظام السابق وذلك وفقا لقانون حماية الثورة وغيره من القوانين.



.

يمنح كل من أصيب بعجز جزئي خلال أحداث ثورة 25 يناير وأحداث ماسبيرو وشارع محمد محمود وأمام مجلس الوزراء والأحداث والأماكن التى أقرها المجلس القومي لرعاية أسر الشهداء والمصابين قبل إصدار هذا القرار ولم يكن قد تسلم وظيفة أو عمل أو مشروعا صغيرا معاشا استثنائيا بحسب نسبة عجزه منسوبا للمعاش الممنوح للشهيد والتي تقرها اللجنة الطبية المنوطة بذلك ويجوز الجمع بين هذا المعاش وأى دخل آخر.

.

بالاضافة لاقالة النائب العام وتعين نائب جديد

..

انا مخطئ على الدواام

يقولون لا احد مخطئ على الدوام فحتى  الساعة الواقفة تكون على حق مرتين فى اليوم الواحد
ولكن انا بقه عاوز اضيف للمقولة دى حاجة تانية وهى ..اذا كانت الساعة بطيئة جدا .. فهى مخطئة على الدواام .. واخدلى بالك انت
كل شئ اصبح بطئ ..
العمل بطئ .. الانتاج بطئ ..
الامن ابن  الـ**** بطئ ابن بطئ
..الجيش بطئ
التعليم بطئ اى وزير تعليم بطئ
اى مسؤل بطئ ابن بطئ من اصغرهم لاكبرهم ومرسى بطئ ابن بطئ .. واخدلى بالك انت
حتى الجامعة العربية بطيئة بنت ستين بطيئة ووقفت نمو الثورة فى سوريا ..الله يرحم اهل سوريا وينتقم من بشار وجميع اللى عمللنا فيها امرا وملوك
كله بقه بيكدب لكنه بيتكلم بلغة الصادق
حتى بتوع الكورة ماكفهومش الملايين اللى عملوها اللى عليه كمبيلات وفواتير واللى هيسجن .. كلهم بيثبتوا انهم (عديم التفكير ) كله بيحب يزنق نفسه ..فـ جمعية كمبيالة   ومش عارف اى
كله عاوز يضحك على الناس ويكسب تعاطفها .. والناس فى منها اللى مطحون فى الشغل 14 ساعة فى اليوم .. ومحدش فكر انه يتعاطف معاها وهو مش واخد حقه علشان مش (وظيفة )
كله عاوز الحرق ..
الحاجة الوحيدة اللى نزيهة هى القضاء .. ربنا يخدهم.. مش عارفين من غيرهم كنا هنعمل اى .. اكتر ناس بطاء ببص للقاضى فى التلفزيون  بحس ان هو سلحفاه ناطقة
لكن مدام القاضى بطئ ومدام البطئ مخطئ على الدوااام اذن واخدلى بالك انت .. اذن فالقاضى ابن الـ***** مخطئ على الدواام
حتى عرب امريكا .. خوفا من شبح بوش انتخبوا اوباما لان اوباما راجل طيب كدة زى مرسى وبيحب العرب ايوة الحق يتقال بيحب العرب لكنه بقى عمال يقتل المسلمين فى افغنستان على باكستان وكل واحد دلوقتى بقى يطلع يضرب فى المسلمين .. واحنا علشان بطاء .. مش مهم المسلمين .. وعشان بطاء مش مهم اهل سوريا ..
كل شئ فى مصر اصبح بطئ ماعدا شئ واحد وهو دوران الارض حول نفسها .. ربنا يصلح حال مصر وحال جميع بلاد المسلمين
مميزات البطء
عندما يغيب العدل والحق والابحاث العلمية وكل شئ يبقى صينى بسبب التباطئ فإن هذا يجعل اشياء اخرى تتسارع وتنمو فى كل مكان
وهذه الاشياء ..
افلام بنت***** واللى تهز شمال ويمين وكله بقه شمال .. واللى يرقص بسلاح ويعلم النااس البلطجة واللى يغنى اى كلام والناس عمالة تهز واللى يجيب سيرة (أل البيت ) فى الاغنية عادى كدة وكلوا بقه يعمل اغانى شعبى ويطنطط
ولكن فى النهاية انا احمد الله ان فى حاجة اسمها مصارعة والحمد لله ان مفهاش اى واحد عربى فيلسوف عليا النعمة كان هيخربها اكتر ما هى خربانة
لكن برضوا الاعلانات بنت الـ**** كتير وبتخنق ..
حتى النت مع انى مشترك فى نظام اسمه منجز هو صحيح منجز فى التصفح شوية انما اى حاجة تانية فيها فلاش او دونلود او فيديو او او ..كله يخنق وبطئ ..بس انا اللى استاهل لازم ادفع اكتر واغير النظام وعلى رأى واحد بطئ (اللى معهوش مايلزموش )
وبصراحة انا اتخنقت من كل حاجة فى حياتى قلباً وقالباً وبقيت بطئ ومدمت بطئ فبعترف .. انا مخطئ على الدواام .. والاعتراف بالمشكلة هو بداية حلها ..واخدلى بالك انت وعشان المشكلة تتحل بجد لازم انت كمان تعترف انك بطئ و85مليون يعترفوا انهم بطيئ وميرسى يعترف ويقول انه بطئ
تنمية بشرية ..
بما ان كل كتب التنمية البشرية اللى قريتها واللى ريمتها بيعملوا  فيها تمارين نفسية فانا قررت اعمل تمرين .. عشان محدش احسن من حد
يلا قول روراايا .. بصوت عالى اووى ها ..
انا بطئ ..
انا مخطئ على الدواام ..

كل الاماكن اماكنى


انا كل الاماكن اماكنى

هنا .. امطرت السماء عندما امنت

وهنا جاء الربيع عندما احببت

وهنا خاصمت

وهنا فارقت

انا .. كل الاماكن اماكنى

من هنا بدأت

وتشرق الشمس من حيث بدأت

والى هنا وصلت

وتغرب الشمس الى حيث وصلت

انا .. كل الاماكن اماكنى

هنا إظلمت .. وما ظلمت

وهنا انكسر قلبى .. وما انكسرت

وهنا مالت الدنيا .. فقمت واعتدلت

انا .. كل الاماكن اماكنى

وانا الغريب لا املك مكان

;كات هتفرق فى الوداع

كل الشوارع والمباني...



اللي مش حدخلها تاني …


والاغاني....



اللي لما سمعتها...دندنتها...


من مره واحده بالسماع …



ميه ميه...



كات حتفرق ف الوداع....

كلمة بحبك

يرضيك يا ورق الشجر
يبقى الربيع اخضر
وقلبى انا دبلان
يرضيك يا لون السما
ان القمر يكمل
وقلبى لسه هلال
يرضيك يا طعم الشتا
ان المطر ينزل
وقلبى انا عطشان
نفسه يحب يا ناس
نفسه يدوق من الكاس
نفسه يكون انسان
قبل الاوان بأوان
========
...
شكلك جميل يا صُبح
وانت منور فى القلوب
شكلك جميل يا صبح
وانت ملون علـ بيوت
طعمك جميل يا حب
طعمك جميل يا فرح
قلبى اللى كان
زعلان زمان
لما اتراضا
معدش باقى فى قلبى جرح
شكلك جميل يا صبح
===========
...
كإنها كلمة لو قلتها
هتفتح كل الورود
حتى اللى ورقها لسه بيكتمل
وكل الطيور اللى هجرت راح تعود
والهلال راح يكتمل

كإنها كلمة فيها من الامل
بانت حروفها
على وشى اللى إبتسم

كإنها كلمة لو قلتها
من السعادة هملك جناح واقدر اطير
ومن السعادة هيكونلى تاج واصبح امير

كإنها كلمة واه لو قلتها
لكن ضعفت وقتها
كإنها على لسانى متحرمة
مع ان قلبى قالها متلحنة

كلمة بحبك علشان اقولها قدام عيونك
محتاج احارب ميت سنة

ابتسامة غامقة


يا نيل مالك كدة بلون غامق


كئيب : ولا حزين


ولا بتضايق


من اللى خان بسمتك بدم سايل


ولا بيتسائل


موجك مهوش رايق


يا نيل اغضب


وامنع جزور الشوك من خيرك


وارسم خيال قمر ينور ليلك


وارسم نجوم بتتشاهد


موجك بقه طيب


موجك بقه قريب


خايف ليتباعد