RSS Feed

بتحلم بأى

ازيكوا يا ولاد ...انتو دلوقتى فى فترة تدريب لمدة شهرين بعدها تقدروا تستلموا الوظيفة

إحنا هنا مكتبنا اسمه مكتب الفانوس السحرى وانتوا وظيفتكوا هتكون عفريت الفانوس السحرى

الناس بتيجى هنا علشان تقولنا هى بتحلم بأى ومهمتنا ان الناس تحقق احلامها

العفريت العادى بيحقق للناس احلامهم بنفسه لكنا احنا بنخلى الناس تحققق احلامها بنفسها

...بنعرف احلام الناس وندور على الدوافع ...كل حلم بيتحقق ليه دوافع

سياستنا فى تحقيق الاحلام تشبه سياسة الغابة """فى الغابة الاسد ليه دوافع علشان يعيش والغزالة ليها دوافع علشان تعيش

..الاسد لازم يجرى اسرع من ابطئ غزالة ..والغزالة لازم تجرى اسرع من اسرع اسد وكل واحد دوافعى انه يعيش

""كل واحد يمسك الجرنان اللى قصاده ..الجرنان مفتوح على صفحة الرياضة ..مكتوب فوز "ادهم اشرف حسين " ببطولة العالم للجرى

..عارفين "ادهم اشرف حسين" جالى هنا من 3 شهور وكان حلمه انه يكون اسرع واحد فى العالم ..عارفين عاملت معاه اى

"""حطيت وراه كلب جعان مكلش بقاله 4 ايام.....وحلمه اتحقق

زى ما قولتلكوا لازم تدوره على الدوافع ...علشان الناس تحقق احلامها
علشان وظيفتنا اننا نقول للناس بتحلموا بأى

..ها بتحلم بـأى .



29 الناس الى بتكتب فى الكشكول:

د/عرفه يقول...

فعلا الدافع هو اكبر عامل للنجاح

سمعت زمان ان واحد راح لحكيم صينى وكام عايزه يعلمه


قام الحكيم مسك راسه وحطها بقوة داخل المية
والشاب يقام يقام يقام لغاية ما نجح فى التخلص منه
وقعد يزعقله وكده
قاله الحكيم فى الاول كانت مقاومتك ضعيفة لان الافع ضعيف
ولغاية لما شعرت بان حياتك فى خطر نجحت فى التخلص


تقريبا نفس فكرةالكلب المذكورة فى الموضوع


تحياتى

♥نبع الغرام♥♪≈ يقول...

مساء الخير يا جميل

ازيك عامل ايه
بالنسبه للتعليق بتاعك عندى صدقنى أنا بخلص لصحابتى أوووى مش موضوع انى بهاجم وانى اراجع نفسى بس يلا دوام الحال من المحال
نفسى تفهمنى صح
عامة اروح اعلق على البوست بقا بلاش ادوشك معايا

♥نبع الغرام♥♪≈ يقول...

بوست جميل وكلماته روعه وبتضحك
ممممممممممممممم
ممممممممممممممممم


أنا بحلم بالستر بس والله وان الاقى نفسى فى زمن فيه كل الناس بقت بتوع مصالحهم وبس
ونفسى كمان الاقى الحب الحقيقى

ويشفى أمى اللى ماليش ليها فى الدنيا بس
دمت ودام قلمك

تحياتى
ايناس

خواطر شابة يقول...

معك حق الدافع هو من اهم عوامل النجاح متى ما توافر تكون الهمة اشد في تحقيق الهدف
بس طريقة الكلب الجعان دي كدافع الله الغني عنها احنا عاوزين نحقق حلم ولا نموت لا يا سيدي الله الغني هههه

donya يقول...

مساء الخير

بوست جاااااامد

فعلا لازم يكون في دافع


باي

قلم رصاص يقول...

"حطيت وراه كلب جعان مكلش بقاله 4 ايام.....وحلمه اتحقق"

هههههههههههههههههههه
مثال حي من الواقع الحي

بوست هااااااااااايل جدا

وبالفعل الدافع هو السبب الأساسي بعد توفيق ربنا على تحقيق النجاحات

انا عن نفسي مثلا بحلم أكون في يوم من الأيام لي كلمة مؤثره في مصر .. سواء من خلال منصب أو أعمال معينه بحيث في الاخر أقدر أخدم مصر ..دا مش كلام سفسطة ولا أحلام ورديه .. بالعكس انا فعلا باتمنى كده

دمت في حفظ الله

مرايتى يقول...

يعنى المطلوب من أحلم ولا أحقق أحلام غيرى

جايدا العزيزي يقول...

كل كلمه كتبتها مهاك حق فيها


الدافع هو السبب الاول للنجاح


شكرا لك


دمت كما تتمنى

رضا الكومى يقول...

نعم الدافع هو المحرك الأول للنجاح
ولكن هناك أساسيات أخرى
أهمها الإمكانيات
وإلا نحط ورا كل واحد كلب مسعور

عجبنى جداً أسلوبك فى العرض
وإن شاء الله تتكرر الزيارة
تقبل مودتى

شمس النهار يقول...

طول عمري اقول
ان الدافع اهم اولي طرق النجاح

لازم يكون في هدف ودافع لتحقيق الهدف

واهم حاجه ان الطريق لتحقيق الهدف يكون صح
مايكنش علي رقاب حد والا غلط
علشان ربنا يعين ويوفق

بوست جميل جدا

سلامي

well يقول...

السلام عليكم ورحمة الله
..

اولا يا جماعة البوست ده مستوحى من حلقة اسمها الامل من برنامج الحياة امل ..للدكتور ابراهيم الفقى
ثانيا ممكن تدخلوا اليوتيوب وتعملوا بحث عليها او عن ""ابراهيم الفقى ""نصيحة قلبية اسمعوا هذا الرجل
وشكرا

well يقول...

د/عرفه..

الصين دول عليهم شوية حكم
هو الانسان كدة لازم يحس ان حياته فى خطر علشان يتغير ويقاوم
..
وجودك اسعدنى

تحياتى

well يقول...

ابتسامة ملاك يعيش بيننا ..

بحاول افهم ...

ربنا يشفى والدتك ويحقلك احلامك البريئة

دامت ضحكتك

تحياتى

well يقول...

خواطر شابه ..

لا نحقق احلامنا لا منحققش "يا إما ابيض يا إما اسود مابقتنعش باللون الرمادى"
الدافع ان هو يعيش اصله لو مجرييش الكلب هيكله ..

احلمى انتى بس ومالكيش دعوة هنحققلك احلامك ان شاء الله
تحياتى

well يقول...

donya ..

مساء النور

ديما كدة بترفعى من روحى المعنوية

تقبلى تحياتى

well يقول...

قلم رصاص ..

حلمك صعب شوية بس هنحاول نحققهولك
اولا علشان توصل للسلطة فى طريقتين
الطريقة الاولى وهى الطريقة المتبعة حاليا ونجحت مع عدد كبير من المسؤلين وهى طريقة النفاق
تانى طريقة انك تحاول تدخل انتخابات مجلس الشعب بأى طريقة ممكنة ويكون الصوت بـ 30جنية وبطنية ...البطنية طبعا تكون سانتامورا
انا عارف طبعا ان انت ولا هتقبل الطريقة الاولى ولا التانية علشان كدة ابقى تعالى المكتب عندنا واحنا هنشوفلك طرق تانية كدة واحنا بنشؤب كوبيتين شاى مع بعض ..سكرك اى
تقبل تحياتى

well يقول...

مرايتى ..

لو عايزة تحققى احلام الناس وتشتغلى معانا فى المكتب انا معنديش مانع
بس انا نفسى ان انتى تحلمى
احلمى يا مرايتى ومالكيش دعوة
ديما فى امل وحلمك هتحقق ان شاء الله

تقبلى تحياتى

well يقول...

جايدا العزيزى..

يا ويلكم يا ويلكم

معقول كدة تزورينا من غير ما تقولى اى هى احلامك ...كان نفسنا نحققلك منها حاجة ..عاوزين نشغل المكتب
نورتى الكشكول وعاوزين نشوفك تانى

well يقول...

رضا الكومى ..

شكرا على تعليقك وان شاء الله هيكون فى زيارات

تقبل تحياتى

well يقول...

شمس النهار ...

لازم علشان ننجح يكون فى عندنا حلم عاوزين نحققه
احلمى يا شمس ودورى على خمس اسباب لتحقيق حلمك
احلمى واحنا معاكى
تحياتى

osama44 اسامه 44 يقول...

الدافع حلوه اوى
بذات بتاع ادهم شرف جسين

ايو كده يا ويل ارجع سخريتك اللذيذ

عـــــــــــاقله جدآ يقول...

طيب و ليه كلب؟
كفايه انك تسلط عليه مأمور الضرايب
و
البقال
و
الجزار
و
بقيت اخوانا الديانه و انا اراهنك انو حيبقي اسرع من سفينه الفضاء الامريكيه تشالنجر
اما عن احلامي انا حتصرف بمعرفتي بس انت ابعت العشره مليون [من الاخضر] اللي عليك و انا الباقي عليا
هههههههههه
يا عيني ع الروقان ياعم
Well

well يقول...

osama..

فين يا عم احلامك ...ولا انت مش عاوز المكتب يشتغل
تحياتى

well يقول...

عاقلة جدا..

بقال وجزار وديانة ..اممممممم واضح ان انتى عندك افكار هايلة انا معنديش مانع لو تشتغلى معانا فى مكتب الفانوس السحرى ..

عشرة مليون اخضر ....وظيفتى ان انتى تملكيهم بس انتى اللى تجيبهم بنفسك وابقى افتكرينا بأى نسبة
...
تحياتى

طهر فؤادك يقول...

السلام عليكم ورحمة الله وبركاتة

اخبارك اية

ربنا يكرمك يارب ويبعد عنك كل سوء اللهم امين ...

وان شاء الله ربنا يحقق لينا كل مانتمناة وربنا ينولنا الفوز بالجنة ان شاء الله ..

وماشاء الله بوست جميل ربنا يزيدك يارب والمسلمين

مرايتى يقول...

ماشى يا ويل

طب خد حلم من أحلامى وحاول معاه

نفسى فى قلوب ناس صافيه وضمائر تتقى الله
يارب يكون ممكن تحقيقه

well يقول...

saheda.com ..

شكرا الرسالة وصلت
تحياتى

well يقول...

طهر فؤادك..

انا الحمد لله ..اخبارك اى معلش انا مقصر قوى للزيارة فى مدونتك
ربنا يعفوا ويرضى عنا جميعا ويرحم امة محمد صلى الله عليه وسلم..
تحياتى

well يقول...

مرايتى ..

لو عاوزة حلمك يتحقق ادعى للناس
انتى قلبط طاهر وابيض وان شاء الله دعوتك هتستجاب ...وادعيلى وانتى بتصلى
تحياتى