RSS Feed

للتعجب فقط

يوميات القاهر والقاهرة

وانا جاى علشان اطلع البيت لقيت واحد على اول الشارع بيبتسملى ويشاورلى (بيسلم يعنى) ...روحت شاورت بإيدى (برضوا بسلم يعنى)

روحت بصيت يمينى وشمالى ملقتش حد غيرى ففهمت ان صاحبنا ده يقصدنى انا بالفعل فقولت اما اروح اشوف اى حكاية البنى ادم ده

وانا بعدى الناحية التانية كدة وعمال احقق فيه اقول يمكن يكون تبع حد من اصحابى او صحبى من زمان وانا نسيته او حتى يكون من المنطقة وانا ماعرفوش ..المهم اول ما قربت منه وحققت فيه قولت فى نفسى انا مستعد دلوقتى احلف على مصحف انى ماشوفتش البنى ادم ده قبل كده

مديت ايدى علشان اسلم راح مد ايده ومد وشه المبتسم روحت ماديت وشى (اموااا امواا) ولسه ايدى فى ايده والابتسامة منورة وشه ولقيته بيقولى .....كنت عاوز سجرتين مفيش سكة قدامك .
(للعلم فقط ..الراجل كان بيسألنى على سجرتين من اللى بيتلفوا (drugs)والسكة (هى المكان اللى يشترى منه)

22 الناس الى بتكتب فى الكشكول:

promise is promise يقول...

ههههههههههههههههههههههههههههههههههههههه

لا حول ولا قوه الا بالله العلى العظيم

يبقا انت اكيد فى مصر

ابو على يقول...

هههههههههه

بتتعجب من دى
طب ماتشوف البنات والستات اللى ماشييين يشحتو على ابواب البيوت

انت اكيد استغربت عشان انت مش بتدخن:d

well يقول...

promise is promise...

يا اهلا وسهلا بالناس اللى ضحكتها بتنور الكشكول

فعلا انا دلوقتى بس اتأكدت ان انا فى مصر

تحياتى

well يقول...

ابو على ..

تسلملى ضحكتك

الراجل يا باشا كان قصده سجرتين من اللى بيتلفوا(حشيش) وكان بيسأنى على سكة يشترى منها

ابو على يقول...

ااااااااااه
ههههههههههه
معلش اصلى ماليش ف لغه البنجاوتيه

غير معرف يقول...

ابو على..

هههههههه

لا يا سيدى دى بعيد عنك اللغة التحشيشية .. بس على مين وحياتك من اول كلمة نطقها فهمته

تحياتى ..well

أحمد الصعيدي يقول...

ههههههههههههههه

صباح الخيييييييييييييييييييييييير


هههههههههههههه

ربنا يهدي

يا ويل

السلام عليكم

مرايتى يقول...

!!!!!!!!!!!!!!!!!!!!!!!!!!!!!!!!

بجد موقف لا تحسد عليه
بس ما قلتناش أنت عملت إيه
لأنى مش مصدقه إن موقف زى ده يحصل

ميرام يقول...

!!!!!!
(:
وشكـــرا

إمرأه من ثلج يقول...

دى بقى حاجة عادية جدا أمال الحال إلى وصل لة الشباب دى من أية وصلى على النبى أدعوك للمشاركة فى مدونتى إمرأة من ثلج

خواطر شابة يقول...

باين عليه غشيم وطالع في المقدر قريب لانه بطريقته دي سيقع في شر أعماله بكره يروح يسأل ظابط او مخبر وهما ساعتها يدلوه على السكة الصح

well يقول...

احمد الصعيدى ..

مسى مسى ..

ربنا يهدى ..امين

وعليكم السلام ورحمة الله

well يقول...

مدونتى اسمها مرايتى ..

ممنوع التدخين

تحياتى

well يقول...

ميرام ..

شكرا لوجدك الذى اضاء الكشكول

تحياتى

well يقول...

امرأة من ثلج..

وصلى على النبى .. عليه الصلاة والسلام

ان شاء الله هيكون فى تواصل

وتقبلى تحياتى

well يقول...

خواطر شابه ..

تمام

تحياتى

well يقول...

امرأة من ثلج ..
حاولت اعلق عندك بس مش عاوز يجيبلى مربع التعليقات

اتمنى انى اقدر اعلق عندك قريب

مرايتى يقول...

هههههههههههههه

تخيلتك سبته ومشيت

أو بصيتله من فوق لتحت

بس ممنوع التدخين !!

amirelhob يقول...

صديقى اسف على الغياب لكن بوست حلو وبعدين اوعى تانى اى حد يشاورلك تروحله لاحسن الله اعلم هيكون قصده ايه بعد كدا اسف بجد على التاخيرى فى السوال عنك وزياره المدونه وشكرا على سؤالك ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

well يقول...

مرايتى ..

لكى جميع ابتسماتى
وتحياتى

well يقول...

امير الحب ..

حمدالله على اسلامة

(اوعى تانى اى حد يشاورلك تروحله)تؤتؤ

اتمنالك كل الايمان بداخل قلبك وكل السعادة واتمنالك العفو والعافية فى الدنيا والاخرة
تحياتى

Unknown يقول...

يالهوىىى
الراجل ناوى
على مصيبة! الله
يجازيه:(