RSS Feed

وبعدَهَالك ...,..,..


وبعدَهَالك ...,..,..
لسه عيونك صاحية يا واد
لسه كلام محبوس جواك
خايف تنطق يحسن تصرخ
علشان كدة ديما فى سكات
وبعدَهَالك ...,..,..
حتى النوم مِنك هربان
حتى عيونك خايفة تنام
كل ما تيجى تتكلم تسكت
خايف ولا انت جبان
وبعدَهَالك ...,..,..
ليه مش عاوز حاجة من الدنيا ؟
هى الدنيا دى وحشه يا واد؟
دى الدنيا شوية شربات
مد اديك واشرب منها
ولا الدنيا دى مش عجباك
وبعدَهَالك ...,..,..
نايم ليه يا واد زعلان ؟
اعند اشتم واضرب كمان
عاوز إيدك تبقى سلاح
عاوزك تبقى يا واد بركان
... ممكن ضربة تصيبك فجأة
نشف عضمك رد الضربة
ممكن تألم ممكن توجع
......لكن اسمع
مش هتنام تانى زعلان
ولا هتخاف ولا تبقى جبان
ولا راح تحبس تانى كلامك
والدنيا هتبقى على بالك
وبعدَهَالك ...,..,..
لسه عيونك صاحية يا واد
لسه كلام محبوس جواك
خايف تنطق يحسن تصرخ
علشان كدة ديما فى سكات

51 الناس الى بتكتب فى الكشكول:

أحمد الصعيدي يقول...

السلام عليكم ورحمة الله

صمت قد يبقي لأخر العمر

اصغ لنفسك قليلا أراك مللت

أسعدك الله

خواطر شابة يقول...

اوقات فعلا نحتاج الى من يشدنا من ايدينا ويحركنا بقوة لنستفيق لنستعيد ايماننا بهذه الحياة لنستعيد حلاوة مذاقها لنستعيد الرغبة في عيشها كما يجب فعلا
تحياتي لك

إبتسامة ملاك يقول...

ازيك يا قمر

فينك كده مختفى
ربنا يطمنى عليك يارب

إبتسامة ملاك يقول...

ازيك يا قمر

فينك كده مختفى
ربنا يطمنى عليك يارب

إبتسامة ملاك يقول...

من حلاوة كلماتك بصراحه عجزت عن الكلام

لا يسعنى سوى أن أقول أبدعت أخى

مودتى إيناس

أبو العريف يقول...

باشا

من زمان ما جيتش هنا

بس جيت لقيت كلام جميل بجد

وحشتني المدونه جدا

بوست جامد

البساطه اجمل ما فيه

واسلوب مميز ومختلف

تحياتي

راجية الرحمه يقول...

كلمات رائعه

ممكن ضربة تصيبك فجأة
نشف عضمك رد الضربة
ممكن تألم ممكن توجع
......لكن اسمع
مش هتنام تانى زعلان

بجد جمله رائعه جدا
ترفع لك القبعه

الشموع السوداء يقول...

اسلوب جميل وبه دفعة قوية نحتاجها احيانا ان تخرج منا لتدفعنا للامام
نعم نحتاج ان نصرخ ان نضرب ان نعلن عن وجودنا ان نستمد القوة من بعض هذا الضعف الذي بداخلنا
تحياتي لعذوبة كلماتك

promise is promise يقول...

وبعهدهالك انت زودتها قوى

خايف من ايه يعنى يعنى انت لو اتكلمت هتتسخط قرد يعنى ولا ايه

سيبك غير نصيبك ما هيصيبك اتكلم وافتح بقك ونام وانت ملاى العينين
ولا تخاف من راى ولا من كلمه

ما علينا
peace mined

مصعب صلاح يقول...

السلام عليكم
حقا انه حوار رائع
استمع للغة نفسك ولكن تناقش معها ولا تدعها تملي عليك الاوامر

مرايتى يقول...

عتاب نفسى رائع

واحلى حاجه لما تسمع نفسك وتحاول تحل مشاكلها قبل ما تحل مشاكل غيرك

بجد حلو قوى

طهر فؤادك يقول...

السلام عليكم ورحمة الله وبركاتة

بوست جميل ياويل

بارك الله فيك

وتحليل جميل للنفس وبكل اشكالها وربنا يكرمك يارب بالخير ويبعد عنك كل سوء اللهم امين ولمسلمين

well يقول...

اسف على التأخير فى الرد

well يقول...

احمد الصعيدى ..

وعليكم السلام ورحمة الله وبركاته .

الصمت لا يبقى لاخر العمر ...لان مفيش حد بيفضل عبى حاله
الصمت اللى بيفضل لاخر العمر ..هو الصمت العربى وبس
اسعدك الله
وتقبل تحياتى

well يقول...

خواطر شابه ..

نعم احيانا نحتاج القوة ..
القوة لا تأتى من نفسها
الحياة موجودة ولكن فى اتجاه معين
لماذا نمشى فى الاتجاه المعاكس
هل فقدنا الاتجاه ام فقدنا القوة
...
تحياتى ليكى

well يقول...

ابتسامة ملاك ..
اول وتانى وتالت ...وعلطوووووول
اناالحمد لله .. كيفك انتى

شكرا على كلامك الجميل ...

اسعدك الله

well يقول...

ابو العريف ..


حمدالله على السلامة يا برنس
وانت كمان وحشتنا
تعليقك ديما بيرفع من روحى المعنوية .
تحياتى واتمنى لك كل السعادة

well يقول...

راجية الرحمة ...

مش مهم وجع الضربة ...لكن الاهم ولادة شخصية جديدة .. شخصية مش بتوافق على كل حاجة .. مش بتدى عذر لاى حاجة وتعتذر لاى حاجة .. مش تسامح فى كل حاجة .. وتسيب حقها وتعتذر
سعات الضربة لما بتوجع بتكون دليل على اننا لينا شخصية

تحياتى ... ووجودك هنا بجد اسعدنى ومعلش مقصر فى الزيارة

well يقول...

الشموع السوداء ..

شكرا على تلك الكمات الجميلة ..
نعم نستمد القوة من بعض الضعف الذى بداخلنا ..
الاعلان عن وجودنا مطلب لن نتنازل عنه

اسعدك الله

well يقول...

promise is promise ..


لا ولا هتسخط قرد ولا حاجة ..

خايف من اى مش عارف
(سيبك غير نصيبك ما هيصيبك اتكلم وافتح بقك ونام وانت ملاى العينين
ولا تخاف من راى ولا من كلمه )..شكرا على النصيحة
You have peace

well يقول...

مصعب صلاح..

وعليكم السلام ورحمة الله وبركاته
حمدالله على السلامة يا راجل .. اى الغيبة دى
استمع لنفسك ولا تدعها تملى عليك الاوامر..تمام
نورت الكشكول
اسعدك الله

well يقول...

مرايتى ..

ما هو احنا لازم نسمع لنفسنا ...يمكن نلاقى عندها حل
تعليقك ديما جميل
اسعدك الله

well يقول...

طهر فؤادك ..

وعليكم السلام ورحمة الله وبركاته ..

شكرا على تعليقك وربنا يكرمك يا رب ويرزقك قصر فى الجنة
اسعدك الله

رضا الكومى يقول...

فعلاً لازم يكون فيه جرأة خاصة فى هذه الأيام التى تضيع فيها الحقوق

تحياتى لكلماتك الثائرة

وكيلة نيابه مع ايقاف التنفيذ يقول...

......لكن اسمع
مش هتنام تانى زعلان
ولا هتخاف ولا تبقى جبان
ولا راح تحبس تانى كلامك
والدنيا هتبقى على بالك
حلوة جدا تسلم الايادى

غير معرف يقول...

صباح الفل
ازيك يامستر
اسفة على التأخير بس الامتحانات بقى
بس اخيرا اخدنا براااءه
البوست جميل جدا
انا قريته مرتين
اسلوبه سهل ومفهموم
نايم ليه يا واد زعلان ؟
اعند اشتم واضرب كمان
عاوز إيدك تبقى سلاح
عاوزك تبقى يا واد بركان
حلو انك تعمل حوار مع النفس وتحاول تفوقها
علشان تستعيد نشاطها وتكلم فى الحياه بهمة
بس ساعات الصمت فى اوقات بيكون افضل بكتيير من الكلام معايا انا بالذات
بس المهم متفضلش ساكت على طول
لا هو مش شرط السكوت يبقى خوف او جبن
هو ممكن الواحد بيجيلوا فترة مبيكنش ليه رغبة لا فى الكتابة ولا فى الكلام
مجرد عايز يرتاح علشان يقوم يكمل مسيرته بعد كدا
مش هتنام تانى زعلان
ولا هتخاف ولا تبقى جبان
ولا راح تحبس تانى كلامك
والدنيا هتبقى على بالك

اكتب امضاااء :):)
يلا وامرى لله
همسات
مرت من هنا
وبتقولك دعواتك يامستر

لك منى كل احترام وتقدير

تلميذة سلمان الفارسى يقول...

جميل جدا
سلمت يداك

م/ محمد صالح يقول...

السلام عليكم
دى يمكن تكون اول زيارة للمدونة الجميلة دى لكن انا بجد سعيد لوجودى هنا
ويشرفنى انى اقدملك دعوة للمشاركة فى حملة " فكرة من كل مصرى لأجل مصر ط
لمتابعة التفاصيل رجاء قراءة البوست كامل على المدونة
ادام الله بيننا التواصل

star in the sky يقول...

حلوة اووى

ঔღঔ نـــوارة ঔღঔ يقول...

ممكن ضربة تصيبك فجأة
نشف عضمك رد الضربة
ممكن تألم ممكن توجع
......لكن اسمع
مش هتنام تانى زعلان

جميلة جدا


ربنا يفرجها علينا

Heba Faruq يقول...

إيه الكلام الجامد قوي ده

حقيقي كلمات اكثر من رائعة

لكن لا اعرف لماذا اشعر بان السلبية والانسحاب والسكوت يكاد يكون سمة عامة الآن خاصة وسط الشباب

فشكووول يقول...

ازيك يا ول

انا خايف وجبان كمان
قليل من التفاؤل والدنيا تبقى حلوه مع انها مطينه بطين

تحياتى

amirelhob يقول...

ابدعت وتالقت وليس هذا بغريب عليك الاجمل والاروع اختيارك للكلمات بجد كلام جميل ومعلش انا مش بعلق على اى بوست انا بعلق على البوست الاخير واللى كمان بحسه واسف على غيابى عن مدونتك وعن التعليق على كلامك اللى اكبر من انى اقول عليه جميل


ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

عطش الصبار يقول...

ممكن ضربة تصيبك فجأة
نشف عضمك رد الضربة
الجمله دى حلوه
الله غليك كل مره تبقى اجمل
الكلام ايجابى
تحياتى

well يقول...

رضا الكومى ..

حقوق الانسان فعلا مش هترجع الا بالقوة

شكرا لتعليقك وتحياتى

well يقول...

وكيلة نيابه مع ايقاف التنفيذ ...

وبعدهالك ...

انا سعيد بوجودك هنا

تحياتى

well يقول...

همسات ...

يااااااااا فرحت لما شوفت تعليقك ...

على فكرة مش مهم الانسان يتكلم او يصمت الاهم انه يفكر
الانسان لما يفكر احسن من انه يقعد ويحط ايده على خده
والحوار مع النفس شئ مهم والاهم اننا نكلم نفسنا بإيجابية
مش ناوية تكلمى نفسك وترجعى تانى
تحياتى

well يقول...

تلميذة سلمان الفارسى ....

انا سعيد ان كلامى عجبك
ونورتى المدونة
..
تحياتى .

well يقول...

تلميذة سلمان الفارسى ....

انا سعيد ان كلامى عجبك
ونورتى المدونة
..
تحياتى .

well يقول...

م/ محمد صالح ...

وعليكم السلام ورحمة الله ..

وصلت الفكرة ...وجارى التواصل .

تحياتى

well يقول...

star in the sky ...

تعليقك هو اللى اجمل وبجد المدونة نورت

تحياتى

well يقول...

star in the sky ...

تعليقك هو اللى اجمل وبجد المدونة نورت

تحياتى

well يقول...

ঔღঔ نـــوارة ঔღঔ ...

شكرا يا نوارة على تعليقك الجميل

وربنا يفرجها على امة محمد صلى الله عليه وسلم

تحياتى

well يقول...

Heba Faruq ...

مش يمكن الشباب ساكت علشان مش عاجبه الحال ...علشان حاسس ان فى احسن من كدة ...وهو يستاهل احسن من كدة ...ربنا يكون فى عونهم
وحسبنا الله ونعم الوكيل فى كل مسؤول ظالم فاسد
شكرا على تعليقك ....

تحياتى

well يقول...

فشكووول يقول...
ازيك يا ول

انا خايف وجبان كمان
قليل من التفاؤل والدنيا تبقى حلوه مع انها مطينه بطين

تحياتى

ازيك يا فشكول يا صديقى ...
انت شجاع قوى علشان مفيش جبان بيقول انا جبان
والله الواحد بيتفائل على قد ما يقدر
....مطينة بطين ....هنعمل اى بس ..حسبنا الله ونعم الوكيل فى كل ظالم فاسد
تحياتى يا صديقى فشكوووول

well يقول...

amirelhob....

حمد الله على السلامة ....نورت الكشكول ...مش تغيب تانى ...
انت انسان جميل وربنا يرزقك الايمان وقصر فى الجنة

تحياتى

well يقول...

عطش الصبار ...

صدقينى بفرح من قلبى لما بشوف تعليقك

انا لسه معرفش انتى كتبتى حاجة جديدة ولا لسه ... بس اتمنى ان انتى ترجعى تكتبى تانى علطوووول من غير انقطاع

تحياتى ولكى جميع ابتساماتى

norahaty يقول...

تعليقاً على
تدوينةأمنية تحققت
مبروك ياويل فقد قال
رسول الله صلى الله عليه
وسلم(في صحيح مسلم وغيره أن رسول الله صلى الله عليه وسلم قال: المؤذنون أطول الناس أعناقاً يوم القيامة.

لسه بدوّر يقول...

جميل اوي اوي

well يقول...

نورهاتى ...

شكرا من كل قلبى

well يقول...

لسه بدور ...

شكرا على التعليق الجميل

تحياتى