RSS Feed

إتجاه حلوان

..


يقولون ان تعرف صديق لالف عام خير من ان تعرف الف صديق كل عام ...تعرفت على اسامة فى السنة الاخيرة فى المعهد وكان اسامة بالنسبة لى هو اول شاعر سلمت عليه يد بيد وهو المدون الوحيد الذى حدثته هاتفيا وقابلته وجه لوجه ..كان اسامة دائما ما يكتب على مدونته الخاصة ويحدثنى على الاميل وهاتفيا ولكن عندما يتوقف كل هذا كان يجب عليا ان اتصل به لأطمئن عليه .
كان دائما اسامة وعلاء يتواجدان معا كان عندما يكلمنى احدهم يعطى الهاتف للاخر ليحدثنى ولذلك بعد ان فشلت محاولاتى فى الاتصال على هاتف اسامة لانه مغلق قررت ان اتصل على هاتف علاء .
تحدثت الى علاء وتبادلنا السلام والتحية والسؤال عن الحال وطلبت منه ان يعطينى اسامة احدثه ان كان بجانبه ففاجئنى علاء بقوله ( اسامة مين يا ابنى انت شارب حاجة ) .
استغربت جدا من كلمة علاء واستغربت اكثر عندما سمعتها من محمد نادى ومحمود سعيد ومن الشاعر الاخر مصطفى سعيد وكأنهم كانوا على اتفاق رجل واحد ولكن السؤال هنا هل اسامة متفق معهم فى هذه اللعبة ؟.
اتصلت بمحمود بهجت لاقابله .. ونحن جالسون فى القهوة لم احدثه بشأن اسامة بينما هو كان يحدثنى فى موضوع ما قطعت حديثه وانا اقول ( ماتجيب دقيقة من معاك يا حودة ) اخذت منه تلفونه وبدأت اقلب فى الاسامي حتى وجدت اسم اسامة ووجدت رقمه وكان غير الذى مسجل على هاتفى ودوست على اتصال .. حسنا الان سوف انهى اللعبة سوف يحدثنى اسامة وسأقول له (عيب عليكوا لما تلعبوا عليا لعبة زى دى انا مش تلميذ يا ابنى )ولكنى لم اقل كلمة واحدة من هذا فقد كان اسامة شخص اخر وهو ايضا كان معنا فى المعهد وهو ايضا لا يتذكر اسامة .. اعطيت الهاتف لمحمود وانا اسئله عن اسامة رفع محمود المبسم من على شفتيه وهو يقول لما انت مش قد الشيشة بتشرب ليه اسامة مين بس الى بتكلم عنه .
الجميع لا يتعرف على اسامة حسنا سوف انهى اللعبة سوف اذهب لهم ومعى الدليل على لعبتهم والدليل هو كتاب مشروع التخرج كان مشروع التخرج عن انشاء ويب سايت عن القدس وكان له كتاب وكان يوجد صفحة فى الكتاب تحتوى على اسماؤنا ..وجدت الكتاب ووجدت الاسامى ولكن لم اجد اسم اسامة معنا ..حتى مدونة اسامة قد اختفت من على الشبكة العنكبوتية وعنوان اميله قد اختفى من على اميلى ورقم هاتفه المسجل على هاتفى قد اختفى ايضا لم يبقى شئ لم يبقى دليل .
يجب ان انهى اللعبة التى تكبر يوم بعد الاخر ..ركبت المترو اتجاه حلوان ذهبت لاقابل علاء سردت له المواقف التى كانت بيننا نحن الثلاثة انا وهو واسامة ولكنه اقسم لى انه لايتذكر شئ من هذا ولا يعلم من يكون اسامة .
اسامة اعلم انك حقيقة وليس خيال لعلك موجود فى مكان اخر من هذا الكوكب الصغير او لعلك فى مهمة انسانية او فى مهمة من اجل انقاذ العالم او لعلك موجود بين صفحات الورق ...
اسامة سوف احدثك كل يوم وانا اكتب اليك الرسائل ... عندما تعود سوف تجد هذه الرسائل ...انتظر ردك على الرسائل .
انتهت

29 الناس الى بتكتب فى الكشكول:

حفيدة عرابى يقول...

انت بتتكلم جد ياويل
اسامة ده
صاحب مدونة ثورةقلم اتظلم
ولا ايه الحكاية
انا مش مركزة ومضطرة انزل حالا ومش قرأت كل الكلام
وملاحظة ان اسامة مختفى من فترة
طمنى الله يخليك

عطش الصبار يقول...

انت فين ياويل قلقتنا عليك
اوعى تكون بتتكلم على اسامه صاحب ثوره قلم
ولا انت بتلعب علينا نفس اللعبه
انا فلا ملاحظه انكم الاتنين فى حاله غياب
طمنا من فضلك
وزورنا من فضلك
لك تحياتى

خواطر شابة يقول...

تدوينتك اليوم خليط بين الواقع والخيال فيها ماهو واقع وفيها ما ماهو من ضروب الخيال وصعب التصديق.
ان يختفي صديقك هذا امر عادي و يحدث كثيرا لكن ان لايتعرف عليه اي احد من أصدقائك بل حتى صديقكما المشترك لايتعرف عليه هذا أكيد ضرب من الخيال.
صراحة حيرتني لم افهم هل تتحدث عن شخص كان في حياتك لحما ودما ام تتحدث عن رمز

قلم رصاص يقول...

أسامه مين؟
هههههههههههههه

بس غريبه اوي حالة الاتقان من جانب اصحابك ، ان كانت لعبه فعلا!

عموما ابقى طمنا لما تعرف الحقيقه

طوبه فضه وطوبه دهب يقول...

هو انت ليه سبتنا نسئل وما جاوبتش ولا حتى فهمتنا فى الاخر اذا كان اسامه دا حقيقه ام مجرد خيال انا فعلا مش فاهمه يارب بس تكون بخير

حفيدة عرابى يقول...

طيب
حاجةكمان
ممكن تكون انت اسامة
ساعتها انا هاعترف بفشلى
لان الاسلوب كان مختلف


مدونة اسامة موجودة ومش اختفت
ماشى
براحتك
غيب واتعب فينا زى مانت عايز

richardCatheart يقول...

ههههههههههههه بجد ولا دى حكايه كاتبها للمدونه بتعتك


معقول تفتكر شخص بكل تفاصيل حياته شكله
مواقفه واصحبكم مشتركين ومن سنين وفأجاه الكل بينفى وجوده


ايه بيوتيفول مايند بتاع راسيل كرو

معقول

انت لغبطنى
ممكن يكون عندك اصحاب خيالين بتتكلم معاهم بتتناقش تفضفض
بس مش مشتركين بينك وبين حد تانى
او بمعنى اصح موجودين فى حياتك بس
انما دا كان صاحب كل الاسماء اللى قولتها بيما فيهم انت

لالالالالالا دى اكيد فزوره نكته افتكاسه تدوينيه مش كده ههههههه والله لخبطنى

ربنا معاك يارب تعرفله طريق جره
بس ازاى وماحدش عارفه غيرك

يمكن امل الدوله مسكو واصحابك خايفين
مثلا والله ماعرفالك ابقى رد علينا قولنا ازى وامته وفين وفى ايه
ليك جزيل الشكر

تقبل مرورى

mo7ba elebda3 يقول...

هى حاجة غريبة وعجيبة .. بس انا فتحت مدونة لاقيت اسم المدون اسامة !!!

مش عارفة هو حضرتك كنت بتحلم ؟؟!!

richardCatheart يقول...

ممكن تكون فعلا لعبه هزار منهم وهما مصممين يكملوها للاخر عليك

وارد يمكن بس غريبه ان دمغهم تجبهم للدرجه دى

اوعى تكون بجد كنت شارب حاجه بس حتى لو شارب هاتشرب من يوم ماتخرجت لغايه النهارده
لالالالا فى حاجه غلط الله يرحمك ياحسن ياعبدين والله اتبرجلت

♥نبع الغرام♥♪≈ يقول...

الكلام دا حقيقه

ولا ايه؟؟؟؟؟؟؟؟؟؟؟؟؟

لو حقيقه بجد انا كمان اتصدمت

The illusionist يقول...

انت محددتش انت مالف ولا لا بصراحه
لو من خيالك
وده اللى برجحه
انا موافقك ان القصه حلوه
لانك فعلا خليتنى اقراها للاخرر
لو مش من خيالك
اسمحلى اقولك
متدونش تانى
عشان كده هتتروش لما تبقى عارف واحد
وبتكلمه
ويختفى فجاه

Tarkieb يقول...

في حالة نفسية مشهورة جدا عند الاطفال والكبار كمان لما يكون اهله مطنشينه اوووي انه يكلم واحد صاحبه تخيلي ويكون له اسم ويعيش معاه ليل ونهار وهو بس اللي يشوفه...السبب الاساسي الوحدة وعدم اهتمام الاخريين به.قد تكون وحيد وعشان كدة اخترعت الشخصيية دي اول ما كل اصدقائك انشغلو عنك....صدقني اسامة حيجي تاني اول ما تعود لك فترة الوحدة تاني....

علاء ابو كمال يقول...

هههههههههههههههههه تعرف ياوليد انك بتكلم بجد بس انتى ماجتشى حلوان دى غير مرتين بس والمرتين كان اسامه معاك
انا عاوز اقولك انى انا كمان بجد افتقد اسامه بشده بس هو ده حال الدنيا عموما هو بخير بس الشغل هو اليه مخليه غايب عننه ومتنساش انه اسمه ابو كريم احنا مانعرفشى حد اسمه اسامه اصلا بست جميل من شاعر اجمل تقبل مرورى علاء ابو كمال

إمرأه من ثلج يقول...

انا حصلى لخبطة أسامة دة شخص حقيقى
طب لو حقيقى ازاى يختفى وملوش وجود

ممكن انتى تمنيت صديق زى ده فرسمتو فى خيالك

بجد مش فاهمة

وانتى غايب من زمان لية وبعد كدة راجع تلخبطنا

تحياتى

osama44 اسامه 44 يقول...

الله الله الله
بجد جميل اوى
انت اكثر من رائع يا ويل بجد مش عارف اقولك ايه على مشاعرك الجميله
احيت فيا التفاؤل وعدم الياس
بجد مش عارف اقولك ايه
بس بجد اسبتلى صحة مقولة ان كان ليك صاحب علم عليه

وبجد ياويل انا متشرف بصحبتك
\
وعشان كده يا ويل انا بوعدك ان شاء الله انى مش هنقطع عنك ولا عن اصحابى فى التدوين
واسمحلى اشكر كل واحد سال عليه فى غربتى
وبجد انت فتحت نفسى للتدوين وريئة اصحابى \

سلام يا اعز صاحب

richardCatheart يقول...

الحمد لله طلع فى اسامه هههههههههههههههه

وكمان رد بنفسه بس ليه علاء قالك انه مش فاكره وكل اصحابكم كمان نفو وجوده

مش مهم المهم انك طلعت صح ههههههههه

هبة النيـــــل يقول...

مش عارفة

الحقيقة مش قادرة أوصل لحقيقة القصة

أهي حقيقة أم خيال أم لها معنى معين؟؟

لكن اللي وصلني منها انها حبكتها الدرامية ممنازة

منتظرين ردك :)

مرايتى يقول...

معقوله

أسامه إلى هو أبو كريم
يارب ما تكونش بتهزر

بس دى المدونه موجوده

بلاش تعمل لنا ساسبنس وياريت يا ويل ترد على الأسأله

E-commerce يقول...

انت ممكن تضع اعلانات على مدونتك وتربح منها الاموال كما انا افعل فى مدونتى ادخل مدونتى وسوف ترى الاعلانات ممكن انت كمان تضع اعلانات وتربح اموال http://international-e-commerce-e-commerce.blogspot.com/
وهذا اللينك اربح الاموال ووضع عداد عالمى فى مدونتك
http://friendfinder.com/go/g1214733
ولما تعمل اعلانات تخش على مدونتى وتضغط على الاعلانات واربح الاموال وانا ادخل على مدونتك واضغط على الاعلانات وتربح الاموال

well يقول...

شوفوا يا جماعة انا والله العظيم اسف جداً على الغياب بس اعمل اى النت فاصل ....
اولا القصة الخيالية دى كتبتها لصحبى اسامة صاحب مدونة ثورة القلم
http://saortqlm.blogspot.com/
وانا كتبت كدة علشان هو انقطع مرة واحدة عن التدوين القصة فيها شوية كلام حقيقى زى المشروع بتاع التخرج وحلوان واسماء الاصحاب والشئ الخيالى اللى فيها هو عدم التعرف على اسامة
تحياتى وانا اسف لانى مقصر معاكوا فى الزيارة بس ان شاء الله راجع قريب

well يقول...

حفيدة عرابى ....
..................
عطش الصبار ........
.................
خواطر شابة .........
....................
قلم رصاص ..........
.....................
طوبة فضة وطوبة دهب...
.....................
richardCatheart .....
.....................
mo7ba elebda3 ......
....................
ابتسامة ملاك........
....................
The illusionist ....
....................
Tarkieb ..شكرا على المعلومة..
......................
امرأة من ثلج........
.....................
علاء
اسامة
.................
هبة النيل .......
..................
مرايتى..........
.................

ديما يا رب منورين الكشكول والمدونة ...من كل قلبى تحياتى

غير معرف يقول...

هههههههههههه

لخبطتني والله وقعدت اقول ياخبر الراجل داب

ولا دي قصة ولا ايه بالضبط هههههههههه

طريقة جميلة لاظهار اهتمامك بشخص

بوست جميل

دمت بود

أحمد الصعيدي يقول...

السلام عليكم

أري أغلب المدونين يتحدثون عن اسامة ثورة قلم

ومنذ فترة لم أره في مدونتي وهو من أصدقاء المدونة الدائمين

الرجاء الرد منك ومنه

فأنتم أخوة معنا هنا

السلام عليكم ورحمة الله

فكرة من الزمن ده يقول...

ههههههههه
ايه ياويل
كده خضيتنا على اسامة يا
WEEL
وافتكرنا انه مش
REAL
لكن اول ما فتحنا اللينك لقيناه
DEAL
بينكم
انكم تخضونا وتلخبطونا
تحياتي على الاسلوب الرائع في استرجاع الاصدقاء

well يقول...

نوااارة
شكرا على كلامك الجميل و ضحكتك نورت الكشكول هى قصة
دمتى بكل سعادة وود

well يقول...

احمد الصعيدى وعليكم السلام ورحمة الله

انت كمان اخ لينا وان شاء الله يكون فى ديما تواصل
تحياتى

well يقول...

فكرة من الزمن ده ...

شكرا على الكلام الجميل وان شاء الله يكون فى تواصل

تحياتى

الغاردينيا يقول...

وفي شاب ثاني برضو اسمه أوسامه

وبالفعل اختفى وهو صاحب مدونه

التطويررررر والله اعلم راح فين

او ايه اللى حصل !

ربنا يحفظه حيث ما كان

تحية عطره ,

well يقول...

الغاردينيا..

يرجع بالسلامة ان شاء الله

تحياتى