RSS Feed

حلم هربت منه الالوان 1..2..3


1
قبل ما يخلص منى الحبر
هكتب إسمك جوه السطر
جوه الصفحة اللى انا هقطعها
.. وهودعها
.. بحلو ومر
قبل ما يخلص منى الحبر
هكتب إسمك جمب الحلم
اللى حلمته
واللى كتبته
قبل ما يخلص منى الصبر
..
2
يا مراكبى لم الشبك
اصل مابقاش عندى صبر ..استنى شوية سمك
من السمك الملوّن
اللى ياما حلمت بإنه يوصل
لكنه غاب من غير سببب
ايوة غاب وطوّل
يا مراكبى لم الشبك
ده ماعدتش يفرق عندى لون السمك
مهما كان ملوّن
..
3
دا مين قالك . بإن سكوتى وصمتى
.. يعنى غياب
وإن كلامى خلص منى
بدون اسباب
وليه ؟ عاوزنى اتكلم عن الاحلام وعن حلمى
وإن الدنيا بكرة راح تفتحلك باب
..انا هسكت
علشان حلمى هرب منى بقه سراب
انا هسكت ..
علشان لو قولتلك احلم
هكون كداب

..

30 الناس الى بتكتب فى الكشكول:

خواطر شابة يقول...

لاأريد ان نفقد الامل الحياة تعني أمل بدونه تفقد طعمها ومعناها وتصبح هي والموت سواء

richardCatheart يقول...

جميييييييييييييله يا ويل اوى

فيها روح صلاح جاهين حبيبى

بس فيها طعم يأس كده مش عجبنى يا فنان

مهما هاج البحر على المركبى مسيره يهدى

مهما غاب السمك الملون مسيره يجى والوانه تبهجنا يافنان

بس حتى وهى بطعم اليأس جميله بردو


1
قبل ما يخلص منى الحبر
هكتب إسمك جوه السطر
جوه الصفحة اللى انا هقطعها
.. وهودعها
.. بحلو ومر
قبل ما يخلص منى الحبر
هكتب إسمك جمب الحلم
اللى حلمته
واللى كتبته
قبل ما يخلص منى الصبر
..

تحياتى ل ويل يا ويل

فشكووول يقول...

طب الدوافع موجوده وجاهزه
يعنى مثلا حاجات الانسان الاساسيه دوافع
زى السكن والمأكل والملبس .. فيه اقل من كدا دوافع
ومع ذلك ... مافيش فايده
يبقى احلم بايه بقىىىى
واجيب سرعة الاسد ازاى
واجيب سرعة الغزال ازاى عشان اعمل دوافع.

ليله شتاء يقول...

السلام عليكم

كلمات جميلة

دام قلمك

أبو العريف يقول...

حلو قوووووووووووووي

بوست في قمة الروعه يا ويل


دي عجبتني قووووووووووي



قبل ما يخلص منى الحبر
هكتب إسمك جمب الحلم
اللى حلمته
واللى كتبته
قبل ما يخلص منى الصبر


تسلم ايدك

♥♥ شذا ♥ الروح ♥♥ يقول...

ما احلى ان نحلم وحلمنا يصبح حقيقه بيوم ما


ما احلى أن نصبر

لان الصبر مفتاح الفرج


ساعات بيكون السككوت من دهب

الله عليك وعلى كاماتك
ربنا يسعدك يارب
دمت ودام قلمك واحساسك الراقى

Alaasalim2 يقول...

السلام عليكم

كلمات جميله وأسلوب متميز
خالص تحياتي لقلمك المبدع

داليـ ـ ـ ـ ـ ـ ــــا يقول...

ااااايه ده انا ضعيفه جدا ادام كلمة حلم

تعرف احنا بنفضل نحلم لحد ما نمل ونزهق وان جاه حلمنا خلاص ادام عنينا اعتقد اننا مش هنحس طعمه ولا هنبقا فرحانين بيه
لأننا تعبنا من الانتظار وملينا

تحياتى

ساسو يقول...

ياسلام يا سلام علي الكلام الجميل
بجد كلماتك جميله أوي
وبجد انا ببقي مستمتعه جدا بكل حرف فيها
دمت بكل حب

♥♥ شذا ♥ الروح ♥♥ يقول...

انت فين

يارب تكون بخير
طمنى عليك

well يقول...

خواطر شابة ..

تمام .. الحياة هى طعم الامل
والامل هو طعم السكر فى الشاى
الامل هو جناح الحمامة اللى بيخليها تطير
الامل هو كل شئ حلو وجميل
تحياتى يا خواطر ..ونورتى الكشكول

well يقول...

ريتشارد قلب القطة ..

تعليقك هو اللى اجمل وديما منور الكشكول وديما بفرح لما بشوف تعليقك
..صلاح جاهين هو كلمة السر اللى بتغير مزاجى من الاسوء الى الاحسن (رباعيات صلاح جاهين)
طعم اليأس ...هو التمرد على الواقع
السمك الملوّن هو الحلم اللى بيلوّن الواقع
ديما منورانى يا ريتشارد ...
تحياتى

well يقول...

فشكول ..

فشكول يا صاحبى شكلك كدة دخلت على بوست ( بتحلم بأى)
الحلم مش محتاج دوافع يا فشكول علشان يتولد جوه الانسان
ما تيجى نغير اللعبة بدل السكن والاكل والملبس ...(مصر من غير حزب وطنى ..القدس ..كاس العالم )

تحياتى يا فشكول

well يقول...

ليلة شتاء..

وعليكم السلام ورحمة الله وبركاته
شكرا على كلماتك الجميلة

بحلم بليلة شتا فى الايام دى ..
نورتى الكشكول والمدونة كلها
تحياتى

well يقول...

ابو العريف باشا ...

اولا انت كلماتك هى الاجمل وديما بحب اقرا شعرك
تحياتى يا فنان

well يقول...

شذا الروح ..

الحلم شئ بيلمس الروح ..يتولد الامل يلمع فى عيونا .. الصبر بيطمن القلب

تحياتى وديما منورة الكشكول

well يقول...

علاء سالم ..

متشكر جدا على كلماتك الجميلة ..ويارب البوست يكون عجبك

تحياتى ونورتنى

well يقول...

داليا ..

مش عارف اقولك اى ...بس ممكن يكون معاكى حق
احنا بنضعف قدام الشئ اللى بنحبه ..
والحلم هو شئ بيلمس القلب
تحياتى يا داليا

well يقول...

ساسو ..

الله عليكى يا ساسو وعلى كلماتك الجميلة اللى بجد مش عارف ارد عليها واقول اى ....متشكر جدا على الكلمات الجميلة
تحياتى وشكرا

well يقول...

شذا الروح ..


من قلبى ...شكرا

تحياتى

طهر فؤادك يقول...

السلام عليكم ورحمة الله وبركاتة

اخبارك اية

فينك من زمان

وشعر جميل جدااا ومعبر وخصوصا رقم 3 عجبتنى جدااا وربنا يوفقك ان شاء الله ويبعد عنك كل سوء اللهم امين والمسلمين

مُزمُز يقول...

الله

كتابة جميلة جدا

جدا

:)

دكـــــتور جدا يقول...

السلام عليكم
نعتذر على التعليق خارج الموضوع
..........
شاركنا بنشر الفن الهادف
على مدونتكم الرائعة
وذلك بنشر
شبكة صوتنا للفن الهادف
http://sawtona.blogspot.com/
ووضع البانر الخاص بها في مدونتكم
http://img204.imageshack.us/img204/6928/73616877.jpg
.................
نبذة عن الشبكة
أكبر مدونة متخصصة في الفن الهادف بكافة صوره وأشكاله
وتقدم الأعمال الفنية الهادفة
وأخبار الفن الهادف
كما تقدم شكل جديد في عرض الفن
كما تم تصنييف الاعمال على حسب الموضوع والقيمة التي توصلها
والمؤدي وجنسيته والآلات المستخدمة ف الأعمال
وغيرها من المفاجآت
..........
وبمجرد الاعلان عن الشبكة في مدونتكم
أخبرنا وسيتم الاعلان عن مدونتكم الرائعة لكل زوار الشبكة
........
دمتم في حفظ الله

غير معرف يقول...

عندك حق
صدقنى الاحلام عمرها مابتتحقق حتى لو استنيناها لىخر العمر
ببساطه لانها احلام
مافيش حتجه اسمها امل
صدقنى الامل ده اكبر وهم
تحياتى

well يقول...

طهر فؤادك ..

انا عارف انى مقصر فى الزيارة ..

ان شاء الله نتواصل دائما

شكرا على كلماتك

تحياتى

well يقول...

مُزمُز ..

شكرا على كلماتك التى اسعدتنى ونورت المدونة والكشكول وان شاء الله يكون فى تواصل
تحياتى

well يقول...

دكتور جدا او كما تحب ان تكتبها ضكتور جدا ..

علم يا فندم

تحياتى

well يقول...

الشوكة الناعمة ..

انا لما كتب الكلمات دى كانت بطعم اليأس الذى مسنى ولكن عندما قرئت كلماتك اصبحت الان فى الجيش المقابل واقول لكى ..الامل فى ربنا كبير هو الامل الوحيد لينا

تحياتى .. واحلمى

Unknown يقول...

حلوة ياويل اوى
ولو ان برضه اليأس
فيها زى حالنا برضه.

well يقول...

نورهاتى ..

نورتى الكشكول .. واليأس بيخاف من النور

تحياتى