RSS Feed

صباح الخير ..

افتح عيونى ..

الاقى الشمس على شباكى تستنى

وتندهلى .. صباح الخير

صباح النور يا نور الشمس يوصلنى

بدون ما اسأل ولا اسعى

بدون ما أشقى ينورلى

صباح النور على نورك يقولى فوق يقول اصحى

توكل على ربك وقوم اسعى

صباح النور يفوقنى

. . .

. . .

صباح النور بأجمل لون على جناحك

صباح النور بلون اخضر على فروعك

صباح النور بطول شطك وطول موجك

. . .



صباح النور بأجمل طيبة فى قلوبكوا و مزروعة

دأنا قلبى عاملوه بيبان ومفتوحة

. . .

صباح النور بطعم النيل

ومصر تحب النور

تخاف من الليل

وما تخافى انا معاكى

وأدى إديكى فى إديا

بنمشى انا وانتى

فى وسط الناس

فى نفس الشارع المزحوم

علشان نوصل هناك للنور

. . .

صباح النور على الاقصى اللى يندهلى

يقولى كفاية قربنى

وانا . . . إنسان عادى مش بإيدى شئ

لكن لأ . . مهوش عادى دا أنا ربى أكرمنى

انا جايلك يا ارض التين

هرويكى بطعم النيل

ويا فلسطين

ما تخافى من الضلمة

قلبى معاكى

ومن مكة انا جاى معايا النور

هقول ..ورددى ورايا

ايات فى كتاب تهز بحور

يخاف منها

شيطان جنى

شيطان إنسى

وينور قلبك الصاحى ايات من النور

من مكة انا جاى معايا النور

. . .

وماتخافى انا معاكى

وادى إديكى فى إديا

بنمشى انا وانتى

فى وسط الناس

فى نفس الشارع المزحوم

علشان نوصل هناك للنور

دا أنا قلبى عاملوه بيبان ومفتوحة

وشبابيكوا مكسورة ومجروحة

ومش طالب غير البسمة

ماهيش كميا ولا قصة

دا أصل البسمة صوت مرسوم

بينطق

انا راضى يا رب الكون

ويرضينى ويكفينى بان قلبى الصاحى

يشوف النور

. . .

. . .

صباح النور


36 الناس الى بتكتب فى الكشكول:

أنا - الريس يقول...

صباحك قشطة يا معلم
صباحك نور
صباحك ورد من حوله
طبق بنور
يقوم مكسور
ينورك
شعاع من نور
ويديلك أمل كالموج
مثل البحر قول وبحر
صباحك سعد متأصل
يا قلب حبور
وتنظر للأدس
بطيب خاطر
وقلب يفضل
كدا مجبور

0000000000000000
حمد لله علي السلامة

موجة يقول...

صباح النور
صباح الورد
صباح الفل
صباحه ار ياسيدى
بس بجد
بدون مجاملة
جميل اوووووى الكلمات دى

راجية الرحمه يقول...

عجبتنى جدا جد تدوينه حضرتك
دايما فى تقدم ان شاء الله

غير معرف يقول...

صبااااح النور ع الكلمات الجميلة

تسلم الايادي :)

ساسو يقول...

صباح الفل
صباح العسل

كلمات تجلب السعاده للقلوب
رائع دائما

richardCatheart يقول...

صباح الاشقطه صباح الجمال

صباح الهنا

يسعد صباحك يا سى ويل يا خويا

مالك مختفى خالث مالث وكمان بالث

وراجع بكلام جميل وشجن بخلوط بعثل

يارب ديما جميل يا ويل

well يقول...

MR.PRESIDENT
صباح النور يا بحر كبير
كلامك موج بقلب كبير

تحياتى

well يقول...

موجة ...
صباح النور صباح الفل
..
تعليقك هو الاجمل

تحياتى

well يقول...

راجية الرحمه ...

شكرا على الكلام الجميل وصباحك نور

تحياتى

well يقول...

سمو الامير ...

صباح الفل على التعليق اللى نور الصفحة

تحياتى

well يقول...

ساسو ..

اتمنالك السعادة اللى من القلب للقلب
ربنا يسعدك ديما

تحياتى

well يقول...

richardCatheart ..

صباح النور
كلامك فراشة كلها الوان
تشوفها الطفلة من الشباك
تبصلها وبإستغراب
تزيدها حنان
والوانها تزيدها جنون
صباح النور
بيمينك تلمسى القلم
يزيده جمال اللون
مش ساحرة ولا هو بشئ مسحور
ولكن
على كفك
بينبت نور
..
تحياتى

amirelhob يقول...

صباح النور على شخص بجد من اجمل الاصدقاء والناس فى البلوجر

بس تفتكر هنعيش لحد ما نصحى فى يوم كدا تفتكتر النور دا هيطلع والبيان والشبابيك هتفضل مفتوحه انا خايف بجد من بكرا لا يطلع حلم وردى حلمناه وراح

بس بجد بوست جميل قال حلم جميل لسه جوا ناس كتير مننا لسه جوا قلبوهم لانهم مبيعرفوش يحلموا بس لنفسهم


بجد كل بوست بيزيد احترامى وتقديرى ليك

و بجد ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

أتنين حبيبين يقول...

مساء النور على القمر الجميل
اللى كلامه زى السكر يا احلى من السكر

جمييييييييله

تحياتى

عطش الصبار يقول...

من زمان ما شفتش التفاؤل فى مدونتك
شوف الناس قد ايه بتتشوق لكلمه امل وتفاؤل
ربن يجعل حياتك وايامك فل ونور وينور ايام مصر وشبابها بنور الشمس وضياء القمر

همسات وبحــ الحياه ــر يقول...

صباح الفن
صباح الورد
صباح الياسمين
على الرغم انى مخاصمه مستر وليد وياريت لما تقابلوا تقولوا ان همسات زعلانه
بس انا بحب اجى ازوروا واقرا بوستاته :):)

ليك عندى تاج ابقى تعالى خده

well يقول...

amire lhob

صباح النور لحلم عايش جواااك

ومتشكر هلى احلى كلااام ....واسف على الغياب

well يقول...

أتنين حبيبين ...

مساء الفل على احلى تعليق نور الصفحة

تحيااتى

well يقول...

عطش الصبار ...

التفاؤل والامل اتعلمناه من كلاامك اللى كله نوور

شكرا على كلامك الجميل

تحياتى

well يقول...

دموع القمر ..

احلى صباح لاحلى قمر

حتى انتى كمان زعلانة من وليد ... معلش اديله فرصة ... وهو بيقولك شكراا اوى على التاج ... هروح اشوفه وان شاء الله هرد عليه بعد ما ارجع من المصيف بكرة
مش تزعلى

تحياتى

Tarkieb يقول...

صباح النور كلامك فل

طوبه فضه وطوبه دهب يقول...

صباح الخير وصباح النور على اجمل عيون وكل سنه وانت بالف خير وصحه وسعاده

أحمد الصعيدي يقول...

السلام عليكم


كل عام وانتم بخير

همسات وبحــ الحياه ــر يقول...

كل سنة وانت طيب يامستر

همسات وبحــ الحياه ــر يقول...

ايه الغيبة دى كدا هيتفرض غرامة تاخير

داليـ ـ ـ ـ ـ ـ ــــا يقول...

بس أنا بليل الوقتى

هقول مساءك نور
جميله الكلمات

كل سنه وانت طيوب
ورمضان كريم

اقصوصه يقول...

رمضان كريم

وكل عام وانتم بخير

richardCatheart يقول...

ازيك يا ويل وحشتنا يا اخى

مالك الالكترونيات كلها مهنجه ولا ايه

يارب تكون انت وكل الاسره بالف خير

كل سنه وانت طيب وسعيد

جايدا العزيزي يقول...

الله الله الله


صباح الخير والنور والفل


على كل شبر بيطل من ارضنا العربيه


صباح الفل على الوحدة الوطنيه


تسلم الايادى

همسات وبحــ الحياه ــر يقول...

لعل المانع خير

Unknown يقول...

اول مره اخش المدونه هنا
اسمحلي ابدي اعجابي الشديد بكتابات حضرتك
وبعد اذنك انا نقلت قصيدة صباح الخير علي موقع كبير انا شغال فيه ونسبته للمدونه بتاعتك

حفيدة عرابى يقول...

هو انا كل شوية قلبى يوجعنى كده
انت فين
ولا ناوى تغيب غيبة اسامة
ولا هو مفيش اسامة
ارجع يابنى وقولى ايه الحكاية
بجد والله
ارجع بقى مدونتك وقول فيها اللى انت عاوزه وماتغيبش كتير قوى كده
علشان انا حفيدة عرابى قلقانة دايما
كل سنة وانت طيب
ويارب تكون فى أحسن حال

ساسو يقول...

من يوم صباح الخير وخلاص علي كده
طاب فين مساء الخير
فين رمضان كريم

ايه بس مالك
ليه متغيب كده
ياريت تكون بخير
طمنا عليك

طوبه فضه وطوبه دهب يقول...

كل سنه وانت بالف خير وصحه وسعاده ويارب ديما فى احسن حال

ساسو يقول...

كل سنه وانت بخير
وعيد سعيد عليك وعلينا

richardCatheart يقول...

ازيك يا ويل يارب تكون بخير وتطمنا عليك

كل سنه وانت والاهل بخير يعود عليكم بالسعاده