RSS Feed

انت..وطفلة (محاولة كتابة)


طفلة .. تتقدم نحوك تمد يدها .. (انت) تنظر لها نظرة سريعة على ملابسها .. مع ان عينك قد رئتها كلياً الا ان عقلك اصر على ان يمسح ملامح وجهها ..الطفلة تمد يدها (انت) تمد يدك الى جيبك ..تخرج بعض الفضة من العملة..تعطها للطفلة ويدك فوق ويداها تحت
..
طفلة .. هى كما هى بنفس الملابس
(انت) ..لست كأنت ..احدهم قد اعطى لك عقار وانت طفل ..هذا العقار ساعد على ان لا تتوقف قدرات عقلك الا محدودة
تقترب منك الطفلة تنظر لها نظرة سريعة .. يفكر عقلك بقدراته الا محدودة ..يبعث لك احد الرسائل ..انت تبتسم للطفلة .. الطفلة تمد يدها .. انت تمد يدك للطفلة تمسك يداها تمشوا فى خطوات متقاربة ..تنظر لها مرة اخرى تجدها ابتسمت .. تجثو على ركبتك .. اصبح فرق الطول ليس بالكثير .. تمد يدك مرة اخرى تلامس شفايفك ضهر يد الطفلة تترك على يدها قبلة .. عقلك الا محدود يرى نور على وجه الطفلة
..
(انت) ما زلت كما انت .
الطفلة .. مازال النور مخبأ بداخلها

19 الناس الى بتكتب فى الكشكول:

همسات وبحــ الحياه ــر يقول...

كفاااااارة :):)

حمد لله على السلامة يامستر

ايه الغيبة دى
هو انا ارجع وانتو تختفوا ينفع :)

هروح اقرأ واجى

همسات وبحــ الحياه ــر يقول...

وكمان اول وتانى تعليق ماشاء الله :):)

MR.PRESIDENT يقول...

غيبه طويله
ودخول بموضوع فيه مشاعر
ولكني يبدو ان دماغي طخين مش فاهمه
لكن عموما
وجود أي طفل في المكان سواء مشرد أو قريبه يجعل الحجر يدب فيه الروح

دلوقتي الناس مش زي زمان ممكن يبص للاخرين الأقل منه ماديه بنظرات دونيه دون أن يأبه بهم .

تحياتي

همسات وبحــ الحياه ــر يقول...
أزال المؤلف هذا التعليق.
همسات وبحــ الحياه ــر يقول...

موضوع جمييييييل

تنظر لها مرة اخرى تجدها ابتسمت .. تجثو على ركبتك .. اصبح فرق الطول ليس بالكثير .. تمد يدك مرة اخرى تلامس شفايفك ضهر يد الطفلة تترك على يدها قبلة

اكتر جمله عجبتنى

على الرغم انى حاسه انى مش فاهمه حاجة هههه

بس بجد بحيييك

همسات وبحــ الحياه ــر يقول...

الاحساس بالغير والتواضع وادخال الفرحة على قلوب الاطفال المشردين دى حاجة جمييلة
بس انت قولت
هو ليس هو وان قدراته محدودة تفتكر لو هو فى كامل قواه العقليه كان قدر يدخل السرور على قلبها ويخليها تبتسم واكيد هتطير من السعادة انه قبل بدها
يمكن كمان تحتفظ بالفلوس ذكرى :):):)
ولا كان بصلها بقرف واداها الفلوس من بعيد ويمكن كان مشى وسابها

richardCatheart يقول...

ويل يا ويل ويل يا ويل

صباح الفل

ايييييييييييييييييييييييييييه

كللللللللللللللللللللللللل

دااااااااااااااااااااااااااا

والله ليك وحشه انت وبوستاتك الحلوه وقلمك الجميل

مالك يا اخى اختفاء شنيع فظيع مريع

المهم العود احمد وشريف وعلى وكله وكله

بعد كل الغيبه دى راجع بالتواصل
قمه فى التواصل بين جيلين سنين
اى كانت مدى قربهم او بعدهم لبعض

طفلة .. هى كما هى بنفس الملابس
(انت) ..لست كأنت ..احدهم قد اعطى لك عقار وانت طفل ..هذا العقار ساعد على ان لا تتوقف قدرات عقلك الا محدودة

الجزء دا حسسنى انها فاقده شىء من اصحاب الاحتياجات الخاصه مثلا
احساسك بيها نابع من تفكيرك كان ممكن ابقى مكنها لولا العقار دا

المهم ان فيها احساس جميل بالتواصل
افتقدناك يا ويل وياريت ماتغبش علينا كده تانى ولاونك قولت قبل كده حاضر وغطست بردو

تحيه ويارب ديما بخير

الحياة الطيبة يقول...

الحمد لله على السلامة Well ومهما كانت أسباب غيبتك فنحن نقدرها ,تذكر Wellأن لك متابعين ينتظرون جديدك ....البوست الجديد يرمز لفترة من الحياة بها نوع من الضياع ومساعدة من قريب نقي نظيف ويشعر قلبك نحوة بالإمتنان ويبعث له برسالة (شكرًا) وتخطو خطواتك الأولى معه تثق به ويثق بقدرتك على الوقوف من جديد ....من قبل كان هناك مسافة والآن لم تعد للمسافة وجود بينكما ....أنت ممتن لذلك الشخص النقي ,إنه مجرد اجتهاد في تفسير ما كتبت Wellوأهلاً بعودتك ثانية ,موضوعك جميل وقصة معبرة ملهمة .

خواطر شابة يقول...

بداية عود أحمد
تانيا موضوع التدوينة شدني فيه انه يعطي نفس الفعل لكن بأسلوبين مختلفين وبنتائج مختلفة وعقل القارئ سيعقد المقارنة ويختار الافضل
دمت بود

well يقول...

همسات وبحر الحياة ...

شكرا على كلامك الجميل واول تعليق وتانى تعليق والصفحة كلها .. مفيش حاجة تغلى عليكى
هو عبارة عن مشهدين
المشهد الاول انسان عادى
والمشهد التانى انسان له قدرات مميزة يعنى مش مادى عقله قادر انه هو يفكر تفكير لا محدود
شكرا على تعليقك الجميل اللى نور الصفحة

well يقول...

MR.PRESIDENT ..

سيادة الرئيس ..
تحية طيبة وبعد .. اسف على الغياب
وجود اى طفل فى المكان بينشأ شعور الحنان
لا دماغك ولا تخينة ولا حاجة انا بس اللى معرفتش اوضح ان هما مشهدين الاول انسان مادى والتانى انسان مميز
نورت الكشكول والشاشة كمان
تحياتى

ساسو يقول...

اخيرا
حمدالله علي سلامتك يا كينج

رجوعك بمشاعر واحاسيس جميله
وكلام راقي جدا

دمت بكل خير

well يقول...

richardCatheart ..

صديقتى الصدووق ..

والله ديما على بالى ..
شكرا على كلامك الجميل ..العقار ده بقه يا ستى هو ان الانسان عقله تفكيره غير محدود لكن بيجى عند مرحلة معينة ويستكفى بقدراته العقار ده بيساعد على التفكير ديما بقدرات العقل كلها ...تخاريف بس انا اللى معرفتش اوضح ..محاولة
ان شاء الله مش هيبقى فى غياب تانى ..اخر مرة
تحياتى

well يقول...

الحياة الطيبة ..

سعيد جدا انك تركتى هنا خط من حبرك

.. تفسير كويس .. وخلينى اقولك ان اللى مكتوب انا استوحيته من مجرد حلم حلمته .. اديتها فلوس فى الحلم فهمت الطفلة فى الاول غلط ..رمت الفلوس على الارض مسكت ايديها ومشيت لقيتها ابتسمت قربت منها وبوست ايدها وشوفت اجمل ابتسامة فى حياتى ..
تحياتى

well يقول...

خواطر شابه ..

الفعل هو اللى بيغير المشهد ..

الفعل اما بيكون ممزوج بالعواطف او بيكون فعل مادى

شكرا لتعليقك الجميل
وتحياتى

well يقول...

ساسو ..

شكرا على كلماتك الجميلة
وتحياتى لاجمل ساسو فى الدنيا
..نورتى المدونة

غير معرف يقول...

ثقافة الهزيمة.. أسكندرية ...ليه؟

متحف الأسكندرية القومى والمتحف اليونانى الرومانى و متحف المجوهرات الملكية و متحف الفنون الجميلة و متحف الأحياء المائية و متحف محمود سعيد ، و قلعة قيتباى و قصر المنتزة و مكتبة الأسكندرية الجديدة و الميناء الشرقى و حديقة أنطونيادس و نصب الجندى المجهول.

ومن الآثار الرومانية الموجودة بالإسكندرية المسرح الرومانى و عمود السوارى و معبد الرأس السوداء وحمام كوم الدكة الرومانى والذى أقيم على طراز الحمامات الرومانية القديمة ، و مسجد سيدى بشر ومسجد سيدى جابر ومسجد القائد إبراهيم ومسجد المرسى أبو العباس، وكاتدرائية الكرازة المرقسية وكاتدرائية اليونانيين الأرثوذكس و كنيسة سان مارك.

محطة الرمل وكامب شيزار وسان ستيفانو وسيدى بشر ، و طريق الجيش الممتد بمحاذاة الكورنيش ، و سى جل للأسماك فى أبوقير و بحرى، و جيلاتى عزة و جيلاتى النظامى و قدورة للأسماك فى بحرى ، و شارع سعد زغلول و شارع صفية زغلول وفول محمد أحمد و حلوانى طلعت وهريسة الحلبي و البن البرازيلى فى محطة الرمل، و حلواني صابر بالأبراهيمية، و مشويات أبن البلد بمصطفى كامل، و سان جيوفانى فى ستانلى ، و مول سان ستيفانو ، و مشويات حسنى بالمندرة ،و مشويات بلبع فى سيدى بشر قبلى، و حلواني شهد الملكة فى ميامى و فيكتوريا، وركوب الترام من غير محطة محددة فقط كى تتفرج على الأسكندرية من شباك الترام و أهل الأسكندرية الطيبين.

هذة بعض ما تحتويه مدينة الأسكندرية من معالم سياحية و مع ذلك لا تجد مدينة الأسكندرية على خريطة المدن السياحية الجديرة بالزيارة فى مصر فى مكاتب السياحة بالخارج و التى تنظم لها رحلات سياحية..

باقى المقال ضمن مقالات ثقافة الهزيمة بالرابط التالى www.ouregypt.us

موجة يقول...

الله ما فاهمة حاجة
حمد الله ع السلامة قبله
ايه سر الاختفاء ده

well يقول...

موجة..

الله يسلمك يا اجمل موجة وديما منورة الكشكول

تحياتى