RSS Feed

تليفون غير صامت

تليفونى كانت رناته مزعجة
شكله جميل
معمول بفن
كل الاسامى اللى عليه متسجلة
لسه فاكرها
وليها قلبى حن
عدى الزمن
ولاحد
رفع سمعته وسئل
ولا حد رن
..

23 الناس الى بتكتب فى الكشكول:

أنا - الريس يقول...

مش تليفونك إنت بس
تسلم علي الفكرة
والكلمات
تحياتي ليك

richardCatheart يقول...

الظاهر والله اعلم العيب فى الشبكه

اصلها بقت ازمه وطنيه يا ويل

تفتكر لو غيرنا لشبكه تانيه

هاينفع ههههههههههه

همسات وبحــ الحياه ــر يقول...

ترن ترن ترن ترن

علفكرة دى شكلها ظاهرة
بس بقى الحرميايه العثل ريحتنى من الانتظار وسرقت شنطتى
فانا الان بدون موبايل :(:(

تحياتى ياويل

راجية الرحمه يقول...

الاغلبيه اجمعوا على انها ظاهره فى المجتمع
طيب ماتجرب حضرتك ترن على الاسامى اللى على التليفون متسجله
يمكن بعدها يرن
او اكيد بعدها هيرن

*،*إذا أردت أن تحتفظ بصديق فكن أنت أولا صديق*،*

زى فلم احمد حلمى كده اللى يعملك وحش عمله انت كويس :D

غير معرف يقول...

جميلة جدا
بتفكرني بصلاح جاهين

غير معرف يقول...

معلش لو الجملة الأخيرة تضاف لها حتى و تصبح
و لا حتى حد رن

الحياة الطيبة يقول...

كلمات جميلة وتعبر عن وضع مألوف لكنه مؤقت والدنيا غير مستقرة مرة مد ومرة جزر لكن فعلاً شيئ جميل أن تعبر عن موقف كهذا بكلمات حفيفة تقلب الوضع إلى مسل ,تقبل مروري Well .

promise is promise يقول...

اه والله

كان شكله حلو بس خلاص بقى هو وقيلته واحد

دمت بكل خير

الغاردينيا يقول...

هههههه

اهذه طريقة لا مباشره علشان نرن هههه

هات رقمك طيب وهرن ( بمزح )

كلمات مؤثرة وعذبة جدا و يا اخي هي دي الحياه وانا عن نفسي لا احصل على رنه
ولا مكالمة الا لما يبقى في صديقة عايزة تبكي او تشكي لي هههه او مصلحة مني او تزورني غير كذا بقعد ارن على نفسي ههه
(مزحة طبعا مش مجنونه انا )
تحية عطره

غير معرف يقول...

يااااااااه فكرتنى بتليفونى

على فكرة انا براءة عشان مش معايا رقمك :D

well يقول...

MR.PRESIDENT

سيادة الرئيس تحية طيبة وبعد..

واضح ان الحال من بعضه .. ولا يهمك

تحياتى

well يقول...

richardCatheart ..

اولا الف مبروك على جواز اخوكى وعقبال الاولاااد
اممممممممم نعيب الشبكة والعيب فينا ...

الازمات الوطنية كترت اليومين دول فى البلد .. بقت موضة ...
مستعد اغير لشبكة تانية بس ياخوفى يحسن يغلوا عليا الدقيقة

نورتى يا ريتشارد

تحياتى

well يقول...

همسات وبحــ الحياه ــر ...


ترن ترن ترن ( هذا الهاتف بيكتب تعليق حاليا )

لما تلفونى اتسرق قالولى هيرجع الحلال بيرجع .. مع انه حلال والله ولا هو رجع ولا الخط رجع
ربنا يعوض عليكى .. ويا ستى اتفضلى تلفونى مايغلاش عليكى

تحياتى لهمساتك

well يقول...

إسراء عمران ؛؛؛ راجية الرحمه ..

ظاهرة او موضة ..او نسيان او ( الدنيا مشاغل وبتلى الواحد )

عموما حوليلى انتى بس رصيد وانا هتصل بكل الناس وهتصل كمان بخدمة العملاء اسلم عليهم ( ماتبقيش بخيلة وانتى بتحولى رصيد ها )

تحياتى

well يقول...

يوميات شحات ...

صلاح جاهين مرة واحدة ... الف شكر


بالنسبة للاضافة ( مقبولة ) وبنفس راضية


تحياتى

well يقول...

الحياة الطيبة ...

مرة مد ومرة جزر .. تعبير جميل هى دى الحياة

تعليق جميل وممتاز كالعادة ..

تحياتى

well يقول...

promise is promise ...

إظاهر الحال من بعضه ..

ولا يهمك

تحياتى

well يقول...

الغاردينيا ...

تصدقى فكرة حلوة ان الواحد يرن على نفسه
مستنى رناتك .. ماتخفيش مش هفتح ( طولى براحتك )
تحياتى

well يقول...

...star in the sky

.
اممممممممممممممم .. براءة

بعد كدة مش هستنى رنتك لكن هستنى تعليقك

تحياتى

راجية الرحمه يقول...

حضرتك بس ابعتلى الرقم غلط
وانا هبعت الرصيد على الرقم الصح

مرايتى يقول...

صبر نفسك

الناس مشغوله
ماعهمش رصيد
ظروفهم وحشه
الدنيا تلاهى

وهكذا

أهو بنصبر نفسنا وبنلتمس الأعذار
جرب أنت كده ترن ولا عندك عذر من الأعذار دى

تحياتى فكره تحفه

well يقول...

إسراء عمران ؛؛؛ راجية الرحمه ...

وجودك هنا اغلى من الرصيد

تحياتى

well يقول...

مرايتى ..

كان فى حكمة بس مش فاكرها اوى
بتقول على ما اتذكر
لو سمعت عن اخوك ما لا يرضيك فأعطى له من عذر الى 70 عذر

..

تحياتى ونورتى الكشكول