RSS Feed

بوتريكة (قصة)




الساعة الثانية ..بعد منتصف الليل .. من ليل القاهرة

يدخل "مصطفى يحيى" الشارع ليتفاجئ بأحدهم ينادى (تعالى .. خد .. خد )
لجنة(مجموعة من الشرطة)
الظابط = بطاقتك .. اسمك اى
# اسمى مصطفى يحيى
الظابط = جى منين
# من الشغل
..يبدأ الظابط بتفتيش مصطفى بطريقة حيوانية ثم يردد شكلك نضيف امشى ..ويرمى البطاقة على الارض
مصطفى# ليه كدة يا كويس
الظابط = "كويس" يصفعه على وجهه وهو يردد .. انا الظابط مجدى غنيم يا *** ركبوه البوكس

****************
فى الصباح .. من صباح القاهرة

عربية تمشى مسرعة ثم تتوقف فجأة يخرج منها رجل ينظر بإستغراب الى الزبالة المرمية فى الشارع
فى خلال دقيقة يتجمع حوله المتواجدين فى المكان وهم يرددون " هو ابو تريكة هو " ...الجميع يسلم على ابو تريكة وهم يرددون " بنحبك اوى يا كابتن " ... احدهم يطلب من ابو تريكة ان يتصور معاه
ابو تريكة = اسف انا بصراحة ماوقفتش هنا علشان اتصور .. ممكن حد يجيب (مقشة)
ابو تريكة يكنس الشارع والجميع يكنسون معه ويلموا الزبالة ...فى خلال دقائق اصبح الشارع قطعة من باريس
***************
عربية تمشى مسرعة تتوقف فجأة امام احد جامعات القاهرة ينزل ابو التريكة من العربية يتصنع انه يتحدث فى التلفون
جميع طلبة الجامعة يلتفون حوله ..يسلمون عليه وهم يرددون عبارات الحب لابو تريكة ...يطلبون ان يتصورا معه
ابو تريكة = معلش يا جماعة مفيش وقت اخد صور مع حد اصلى انا رايح المستشفى اللى قريبة من هنا علشان المستشفى بقالها اسبوع بتطلب حد يتبرع بالدم ...لو حد حابب يجى معايا اكون سعيد
...الجميع يذهبوا الى المستشفى من اجل ان يتبرعوا بالدم
****************
عربية تمشى مسرعة على الطريق ...موتسيكل رجل المرور يلاحقها ويشاور ..اقف
العربية تقف
رجل المرور # العربية دى متبلغ عنها انها مسروقة الصبح
ابو تريكة = بس دى عربتى
رجل المرور يدقق النظر فى وجه ابو تريكة ويدقق فى صوته
رجل المرور # انا اسف اوى انا ازاى مخدش بالى على فكرة يا كابتن انا زملكاوى اصيل بس بحبك اووى وبشجعك وانت مع المنتخب وكان نفسى اقابلك من زمان
ابو تريكة = انا كمان كنت عاوز اقابلك اصل بصراحة لما بعدى من عند كوبرى غمرة كل يوم بتوع الميكروباص بيقفلوا الطريق علشان يحملوا ركاب ..ده غير كمان ان الطريق بيكون واقف علشان مشروع خط المترو الجديد
رجل المرور # هو انت بتعدى من هناك كل يوم
ابو تريكة يومئ برأسه اى نعم
رجل المرور # انا من بكرة هكون هناك كل يوم وهظبطلك الدنيا
***************
عربية تمشى مسرعة تتوقف فجأة امام احد اقسام شرطة القاهرة
يدخل ابو تريكة الى مكتب الظابط مجدى غنيم
ابو تريكة =كان فى ولد لسه متخرج جديد وهو بيشتغل شغلانة عادية على ما يلاقى وظيفة وانت قبضت عليه عليه بدون سبب هو اسمه مصطفى يحيى
الظابط $ انت تعرفه
يومئ ابو تريكة برأسه اى نعم
يحضر مصطفى الى مكتب الظابط
ابو تريكة = ممكن مصطفى يمشى معايا ويروح
الظابط $ طبعا ممكن ده مصطفى ده اخويا الصغير ...بس ناخد صورة مع بعض الاول
.....
خارج القسم
مصطفى @ هو انت بجد يا كابتن تعرفنى
ابو تريكة = طبعا اعرفك يا مصطفى واعرف شباب زيك كتير ... على فكرة يا مصطفى كان نفسى اوصلك بالعربية بس بصراحة طريقى غير طريقك
مصطفى @ مش مهم يا كابتن المهم هوان انت تعرفنى وانى بدأت احبها من تانى
ابو تريكة = تحبها ..هى مين
مصطفى @ مصر .. مصر يا كابتن
*****************
يدخل ابو تريكة شقته يقف امام المراّة ينظر الى نفسه مدة طويلة ثم يقوم بخلع "قناع ابو تريكة " من وجهه
ثم ينظر ذلك الرجل الغريب الى وجهه فى المراّة والى قناع ابو تريكة ثم يغادر المراّة والقناع
****************
انتهت






36 الناس الى بتكتب فى الكشكول:

قول ياااارب يقول...

انا يمكن بردوا زملكاويه لكن اكن كل الاحترام والتقدير والحب لهذا الرجل لانه بجد ميستهلش غير كل الاحترام
بس ياترى القصه دى حقيقيه ولا من وحى المؤلف؟ بس لو هيا حقيقيه يبقى بجد لسه فيه امل فى بلدنا وفى ولادها

مصعب صلاح يقول...

السلام عليكم
بلد افراد وليست مؤسسات
بحبك يا مصر بكل عيوبك

عمرو فكرى يقول...

ليس ابوتريكة

انه الرجل

رجل المستحيل

همسات وبحــ الحياه ــر يقول...

رجل المستحيل هههههه
ربنا يخليه للبلد ويحميله لشبابه ههههه
بجد انت راائع ياويل
وتدويناتك جميلة
فعلا وصلت حاجات بتحصل بجد
بلد شخصيات وليس بلد مواطنين
تحياااتى
كل سنة وانت طيب

إسراء عمران ؛؛؛ راجية الرحمه يقول...

ياريت البلد كلها ابو تريكه
او حتى الزمالك يبقى فيها نص ابو تريكه
هو ينفع ابو تريكه ييجى الزمالك خميس وجمعه

خواطر شابة يقول...

أعجبتني النهاية جدا لان هذا هو حالنا فعلا ننصلح لأجل الاخر لأجل المصلحة لأجل التزلف لكن الاصلاح للاصلاح قليل الا من رحم ربي
تدوينتك ايضا دعوة لمن وهبهم الله حب الناس لاستغلال هذه المحبة فيما يفيد لجعلها وسيلة للاصلاح
دمت بكل الود وعيد أضحى سعيد

ساسو يقول...

ابو تريكه دا انسان بجد
هو التاني بعد بركات طبعا هههههه

كل سنه وانت بخير وسعاده
وعيد سعيد عليك

well يقول...

قول يااارب ....يارب

يا اهلا بنادى الزمالك
اولا دى قصة مش حقيقية لان فى الاخر ده عبارة عن واحد لابس قناع ابو تريكة ..
بس لسه برضوا فى امل

تحياتى للونك الابيض وقلبك الابيض ومبروك فوزكوا على الاسماعيلى

well يقول...

مصعب صلاح ...

بلد افراد .... حلو الاختصار ده

انت قريت الفكرة بشكل ممتاز

تحياتى

well يقول...

عمرو فكرى ...

رجل المستحيل ... صاحب مغامرات

وابو تريكة صاحب مغامرات

ولكن مغامرات ابو تريكة اصعب من مغامرات رجل المستحيل وان كانت مستحيلة لان وبكل بساطة رجل المستحيل بيتكلم عن مصر فى المستقبل اما ابو تريكة بيغامر فى الوقت الحاضر اصعب وقت

تحياتى لفكرتك بتاعت رجل المستحيل

well يقول...

همسات وبحــ الحياه ــر ...

رجل المستحيل .......كدة نبيل فاروق هاخد على خاطره

شكرا همسات علة كلامك الجميل

تحياتى لشخصك
وكل عام وانتى طيبة

well يقول...

إسراء عمران ؛؛؛ راجية الرحمه ...

(هو ينفع ابو تريكة يجى الزمالك خميس وجمعة ؟)
ما بيبقاش فاضى بيبقى عنده مغامرات

كل عام اونتى طيبة

تحياتى

well يقول...

خواطر شابة ...

الحمد لله انها عجبتك
وهى فعلا فيها رسالة لاستغلال الحب فى شئ يفيد المصلحة العامة

وكل عام وانتى طيبة
وتحياتى لكى وللمنتخب المغربى

well يقول...

ساسو ...

بركات اممممممممممم

وانتى طيبة وبصحة وسلامة
وعيد سعيد عليكى

تحياتى

richardCatheart يقول...

هههههههههههههههههه


ياريت كنا جبنا جبنا ابو تريكه نفسه
والله دا امير ومايمنعش خالص

بس حلو الحل السحرى الظاهر والله اعلم اننا بقينا محتاجين حل سحرى كده

بس تعرف عجبنى اوى انك اخترت ابو تريكه
اصله كده تحس فيه بالنقاء والفطره حتى لما بتلئم فى كره ولاحاجه لؤم فطرى

جميل ياويل


كل سنه وانت طيب وبخير وصحه وهنا
يارب عيد سعيد عليك
وعلى كل الاهل والاحباب

كل سنه وانت بخير

The illusionist يقول...

ده انت بترسم على اوسكار بقى يا باشا

ايه الحاجات الحلوه دى
\
لا بجد مواضيعك بقت تمزك دماغى قوى

زبونك انا هنا دايما يا باشا متنسانيش

هديه بسيطه ليك يعن بما انو كل سنه وانت طيب

http://img5.imageshack.us/img5/285/so3ntot.jpg

safa7_karmooz يقول...

wOw

طوبه فضه وطوبه دهب يقول...

ههههههههههههههه يعنى احنا ما يتصلحش حالنا غير بابو تريكه ربنا يهدى الشعب دا والله لسه فيه الخير بس محتاج اللى يوجهه
كل سنه وانت بالف خير وصحه وسعاده

well يقول...

richardCatheart ...

حل سحرى ..تمام

كل عام وانتى طيبة وبصحة وسعادة يا رب وعيد مبارك عليكى وعلى الامة الاسلامية

well يقول...

The illusionist ...

مش عارف ازاى اوصف فرحتى بالهدية ....شكرا من جوه قلبى

وكل عام وانت بخير وصحة وسعادة وعيد مبارك عليك وعلى الامة الاسلامية

well يقول...

safa7_karmooz ...

...
wOw
كل عام وانت بخير وصحة وسعادة يارب انت والامة الاسلامية

well يقول...

طوبه فضه وطوبه دهب ...

ربنا يهدى الشعب امين

وكل عام وانتى بخير وصحة وسعادة يا رب انتى والامة الاسلامية

هيوووم يقول...

السلام عليكم ورخمة الله
اولا اشكرك على السؤال فعلا انشغلت جدا لدرجة انى لم اعد افتح المدونة وسعدت اليوم لسؤالك فالدنيا لسه بخير
ثانيا موضوعك رائع وللاسف هى ديه بلدناكل حاجة ممكن مع ناس وكل حاجة مستحيلة مع ناس تانين ولكن يظل الامل موجود وربنا يصلح حالك يا بلدى

well يقول...

هيووم

حمدالله على السلامة وعيد مبارك عليكى وعلى الاهل والاحباب

تحياتى

norahaty يقول...

الواسطة-المحسوبية-
الشهرة-فساد الذمم
الظلم والتجبر من ولاة
الأمور-القدوة الحسنة وأثرها
كل هذا جمعته انت ياصاحب الكشكول
فى هذه القطعة الفنية الجميلة.
كل سنة وكل عيد وأنت
فررررى ويل ياويل

R-H-S يقول...

بصراحه رووووعه
اى نعم القصه تريقه علي ابو تريكه بس القصه مكتوبه باحتراف

تحياتى

إسراء عمران ؛؛؛ راجية الرحمه يقول...

كل سنه وانت طيب

مرايتى يقول...

خليه لابس القناع فى مليون حاجه محتاجه تتظبط لسه محتاجينه طالما مش بتتصلح غير بالطريقه دى

للأسف هى دى بقت الحقيقه بس الفكره نبيله ماتخافش على بطلك

تسلم على الفكره

well يقول...

norahaty ...

شكرا على كلامك الجميل

well يقول...

R-H-S ...

صدقنى القصة مش تريقة على ابو تريكة

نورت الكشكول

تحياتى

well يقول...

وانتى طيبة يا اسراء واسف على التأخير فى الرد

well يقول...

مرايتى

تسلمى على تعليقك

ونورتى الكشكول

الغاردينيا يقول...

قصة جميلة بجد

صورت فيها الرياء والنفاق

في ناس بتنافق وبتعمل كل الخير علشان

الناس مش عشان الله

وصورت فيها كمان الناس اللى بتعمل الخير

للغير وهي لابسه قناع محدش عارف عنها شئ

ويمكن محدش يعرف وتطلع من الدنيا بهدوء

جمعتك مباركه :)

هبة النيـــــل يقول...

أحيانا الروعة تصنع الدهشة

أعجبني جداااا تعليق خواطر شابة

تدوينتك ايضا دعوة لمن وهبهم الله حب الناس لاستغلال هذه المحبة فيما يفيد لجعلها وسيلة للاصلاح

دا الاحساس اللي جه في بالي فعلا


الذي لا يمكن الاختلاف عليه

عبقرية كتاباتك فعلا

تحياتي للأسلوب والفكر

well يقول...

الغاردينيا ...

شكرا على تعليقك .. وسعيد ان فكرة القصة وصلتلك

تحياتى

well يقول...

هبة النيـــــل
..
شكرا على كلامك الجميل اللى كتير عليا

تحياتى