RSS Feed

ما تشغبطيش على الورق

على كفك خطوط منقوشة
تبوصلها وتستعجب
تكلمها ولا تنطق
فى أى طريق راح تمشى
هتتعب ولا هترتاح
هتبكى ولا راح تضحك
................................
دعى جرحى ينزف لعلها تكون النهاية
واسكبى فى الكأس دمعى وأشربى مثل السكاره
وابتسمى ..
هل رأيتى مريض يومًا اتعبته الابتسامة
أم رأيتى مريض يوماً كان مرضه الخيانه
لن تلاقى احد مثلك إلا أمامك فى المرايا
خونى احد غيرى فلقد نهيت الرواية
ولقد سئمتها نهاية
...........................
ابتسم ضاحكا على القدر
أيختارنى من دون البشر
كنت اظن انه ينسانى
او بعد مائة عام سوف يلقانى
وجده أمامه على الطريق ينتظر
قلت .. سأخطوه بخطايا فى طريق غيره
فوجد قدمى تسير نحوه
تمشى اليه فى عجل
فما كان منى إلا ان ابتسم
..................................
ام فلسطينية ....1
طفلى ..هنا يقتلون الاطفال
لانهم يحملون احجار
ويدافعون عن فلسطين الوطن
وعن اقصى سمعنا صوته عند الاذان
أاذهب بك عن ذاك الوطن
ام
اتتركك هنا تكون شهيد
ولك فى الجنة بيت جديد
جنة هى خير من الف وطن
........................2
طفلى ماذا افعل
أنطق ان كنت تعلم
أاذهب والقيك فى اليم
ام أتركك فى ارض غير ذى ماء ولا زرع
ام اذهب واهز النخل
انى اهز النخل ولكن لا ينزل تمر
طفلى ماذا افعل انطق ان كنت تعلم
.....................................
بتسكت .. اشوف الحلم فى عيونها بيلمع
وتكلم .. سعات اسكت عشان اسمع
سعات اتكلم أقاطعها
عشان بتحكى اوجاعها
وانا نفسى اشوف الحلم فى عيونها بيتكلم
بنمشى انا وهى
وعارفين بإن الطريق مسدود
وإن الليل بيلون خطاوينا بإلوان سود
ولا نيأس ونكمل
........................................
قالوا أيها المهاجر من بلد الى بلد
بأى ارض لك زوجة
وبأى ارض لك ولد
وما هى ارض اباك
وما اسم تلك البلد
قلت .. أيها السائلين
ما انا إلا بذاهب من بلد الاسلام
الى بلاد المسلمين
ما أنا بمهاجر ولكن
ما زلت بروحى وكيانى
اعيش داخل وطنى الاسلامى
...................................
مدى اديكى ارويلى حلمى اللى اتولد
ما تشغبطيش على الورق
دا جوه منى حلم اتولد
حلم خايف يتسرق
..............................
ياقمر بحجاب باين منك نور
جاية من الجامعة
شايلة كتاب ويا الكشكول
وعنيا عليكى تسهر .. ماشافت نوم
.............................
بين ضلوعى خنجر لا يقتل ولا يرحم
............................
خدت القرار
واثق من نفسى
ماشى وبخطى بإقدامى
مش خايف اقع او انصدم بحاجز أدامى
انا مش محتاجلك
انا مش محتاج اسند عليك علشان اعدى
انا خدت قرار لو وقعت اقع وحدى
انا مش محتاجلك
طريقى طويل وصعب الاختيار
وعشان ابدأ
كان لازم منى .. اخد قرار
............................
بينى وبينك مسافات
بنا ليل ونجوم وسحاب
مشوار طويل علشان اوصلك
وكل خطوة تكون بحساب
........................


6 الناس الى بتكتب فى الكشكول:

موجة يقول...

مقتطفات من الكشكووووووول
حلوة التشكيله المنوعة دى
بس ايه علاقة كل حاجة باللى بعدها
مافيش
اتااارى
ماتشغبطش ع الورق

يوميات شحات يقول...

مجهود تشكر عليه
تقبل مروري

الحياة الطيبة يقول...

Well واضح جداً أنك تمر بفترة بها الكثير من المعاناة والتشتت ......لملم شتات نفسك وركز على ما تريده فقلمك مميز وأصيل .

well يقول...

موجة ...

صدقينى انا نفسى معرفش اى العلاقة بنهم

بس انتى لو عاوزة تشغبطى شغبطى براحتك وهاتى اصحابك كمان يشغبطوا .. اى خدمة

نورتى يا موجة
تحياتى

well يقول...

يوميات شحات ..

شكرا على وجودك هنا نورت الكشكول

..
تحياتى

well يقول...

الحياة الطيبة ..

شكرا على ما كتبتى وسعيد كونك تهتمى لحالى ..

دى كانت مجموعة بداخلى من زمان اوى ..وفكرت اكتبها

..
شكرا على وجودك الذى ينبت الامل

..
تحياتى