RSS Feed

يا ارض الخوف

تمكنت تونس من ان تكتشف كلمات السر (الشعب يريد ) ...كلمة وكأنها فيرس قتل النظام فى تونس ومصر
رددتها مصر ايام ثم انتقلت الى اخرى من كلمات السر (ارحل) المرحلة الثانية من الفيرس الذى يدمر النظام كليا ...انتقلت (الشعب يريد )و(ارحل) الى شعوب عربية تريد ان تخرج من الظلام

يا أرض الخوف
انا كاتب على الالواح
كفاية ارحل
خلاص مبقتش تانى اخاف
وأعهدِك اغير اسمك الخايف
يكون إصلاح
وأعهدِك احقق فيكى الحلم
فتصبحى جنة فى وسط الكون
جزيرة نجا فى وسط بحور
وأعهدِك بأن الحلم مايستسلمش لأى رجوع
انا اصلى من شجرة وليها فروع
فكل صباح تنبت ثمرة
طفل على خده بقايا دموع
يكبر ويكون ليها
مطر ونهر وينبوع
وتتحرم على الفاس
فيصبح قطعها ممنوع

انا كاتب على الالواح كفاية ارحل
خلاص مبقتش تانى اخاف

7 الناس الى بتكتب فى الكشكول:

نبع الغرام يقول...

نا كاتب على الالواح كفاية ارحل
خلاص مبقتش تانى اخاف


جميله اوووووووووووووى يا ويل

MR.PRESIDENT يقول...

أرض الخوف هنا اتخسفت
معدش خوف ولا حاجة
متقلقشي
لأن الشعب بقي فاهم ، الفكرة جميلة

مرايتى يقول...

أعهدِك اغير اسمك الخايف
يكون إصلاح
وأعهدِك احقق فيكى الحلم
فتصبحى جنة فى وسط الكون
جزيرة نجا فى وسط بحور
وأعهدِك بأن الحلم مايستسلمش لأى رجوع
انا اصلى من شجرة وليها فروع

تسلم إيدك

موجة يقول...

خلاص ما بقيناش نخاف
حلوة
بس انا مستغربة اووووى اللى بيحصل فى البلاد العربية
ليبيا والبحرين بالذات
مدمرين فعلا
ربنا ينصر الحق فى كل مكان

هبة النيـــــل يقول...

فعلا عبقري اللي ابتكر كلمة "الشعب يريد"

تسلم ايدك على الكلمات اللي بتعبر عننا كلنا :)

عمرو فكرى يقول...

بسيطة ومعبرة

قول ياااارب يقول...

جميله مستر ويل ومعبره فعلا
خلاص احنا نقلنا من ارض الخوف من زمان واتمنى اننا منرجعش ليها تانى وتفضل ارض الامان والحريه
تحياتى لقلمك