RSS Feed

ولسه بتحلم


ولسه بتحلم يكونلك جناح


وتتمنى يوم يعود اللى راح


وترجع صبى من الصبيان


عيونه بتعشق بنت الجيران


ويضحك ويلعب


وعمره ما يتعب


ولا يهمه دنيا ولا أيام


ولسه فى قلبك شوية كلام


ونفسك تقوله لحبيبتك زمان


ولكن خسارة عدى الزمان


وفات الاوان


ولسه بتحلم

6 الناس الى بتكتب فى الكشكول:

حفيدة عرابى يقول...

ازيك ياويل
يااااااه ده أنا وحشة بشكل
ازاى أفضل المدة دى كلها بعيد عن المدونة هنا
كلامك جميل ياويل
تسلم الايادى
بس مافاتش الاوان ولا حاجة
طول ماانت بتحلم يبقى فيه اوان لكل حاجة

MR.PRESIDENT يقول...

ازيك يا ويل
عامل ايه
تحياتي الرئاسية أولا
طبعا الفكرة محترمة وجامدة
ثانيا النغمة عجبتني لحد " وعمره ما يتعب "
بعد كدا حسيت إن الوزن اختل " انا غلس كالعادة ولازم اطلع القطط الفطسانه "

بس أنا من ضمن المؤمن بعدم فوات الأوان إلا بالموت

قول ياااارب يقول...

هنعمل ايه غصب عننا بنلاقى نفسنا بنحلم ونحلم ونحلم..حتى لو فوقنا على واقع مبيديش
سلمت الايادى

غير معرف يقول...

ثقافة الهزيمة .. العتبة الخضراء‏

و تقول الحكومة المصرية التعيسة أنها تسعى لبناء أربع محطات نووية بحلول عام 2025، على أن يبدأ تشغيل أولاها في 2019 ، وأن يضيف البرنامج النووي الجديد ما يصل إلى 4000 ميجاوات !!! علما بأن تكاليف بناء 4 مفاعلات نووية حوالى 20 مليار دولار.

و نشرت جريدة المصرى اليوم فى 20 سبتمبر 2010 تصريح د.حسن يونس وزير الكهرباء و الطاقة جاء فيه سيتم إيفاد 67 مهندساً مصريا إلى كل من الولايات المتحدة، وروسيا، وفرنسا، وكوريا الجنوبية، للتدريب على التكنولوجيا النووية. وبالفعل هذا مفيد لأرسال الأصدقاء و المعارف فى رحلة مدفوعة الأجر على حساب الشعب المصرى الفقير. ..تكلفة مفاعل نووى جديد يبلغ 5.52 مليار إيرو ، و 300 من مراوح توليد طاقة الرياح تنتج ما يعادل مفاعل نووى و تتكلف 900 مليون إيرو فقط!!!

باقى المقال ضمن مقالات ثقافة الهزيمة بالرابط التالى www.ouregypt.us

الحياة الطيبة يقول...

لم يفت الأوان Well
وليس هناك عيب في الأحلام فبعض الأحلام ودرجة تمسكك بها تكون أول طريق النجاح وتحقيق الطموح والطفولة مرحلة لا نعرف معها اليأس الذي يزحف لنا عندما نتأثر بالآخرين ,كلماتك تحمل الكثير من الصدق ....كما أنت دائماً ,تحياتي.

مصطفى الشاعر يقول...

احلامنا فى ايامنا عايشنها فى زمانا من غيرها منكونشى اوعى فى يوم ما تحلمشى