RSS Feed

انا مخطئ على الدواام

يقولون لا احد مخطئ على الدوام فحتى  الساعة الواقفة تكون على حق مرتين فى اليوم الواحد
ولكن انا بقه عاوز اضيف للمقولة دى حاجة تانية وهى ..اذا كانت الساعة بطيئة جدا .. فهى مخطئة على الدواام .. واخدلى بالك انت
كل شئ اصبح بطئ ..
العمل بطئ .. الانتاج بطئ ..
الامن ابن  الـ**** بطئ ابن بطئ
..الجيش بطئ
التعليم بطئ اى وزير تعليم بطئ
اى مسؤل بطئ ابن بطئ من اصغرهم لاكبرهم ومرسى بطئ ابن بطئ .. واخدلى بالك انت
حتى الجامعة العربية بطيئة بنت ستين بطيئة ووقفت نمو الثورة فى سوريا ..الله يرحم اهل سوريا وينتقم من بشار وجميع اللى عمللنا فيها امرا وملوك
كله بقه بيكدب لكنه بيتكلم بلغة الصادق
حتى بتوع الكورة ماكفهومش الملايين اللى عملوها اللى عليه كمبيلات وفواتير واللى هيسجن .. كلهم بيثبتوا انهم (عديم التفكير ) كله بيحب يزنق نفسه ..فـ جمعية كمبيالة   ومش عارف اى
كله عاوز يضحك على الناس ويكسب تعاطفها .. والناس فى منها اللى مطحون فى الشغل 14 ساعة فى اليوم .. ومحدش فكر انه يتعاطف معاها وهو مش واخد حقه علشان مش (وظيفة )
كله عاوز الحرق ..
الحاجة الوحيدة اللى نزيهة هى القضاء .. ربنا يخدهم.. مش عارفين من غيرهم كنا هنعمل اى .. اكتر ناس بطاء ببص للقاضى فى التلفزيون  بحس ان هو سلحفاه ناطقة
لكن مدام القاضى بطئ ومدام البطئ مخطئ على الدوااام اذن واخدلى بالك انت .. اذن فالقاضى ابن الـ***** مخطئ على الدواام
حتى عرب امريكا .. خوفا من شبح بوش انتخبوا اوباما لان اوباما راجل طيب كدة زى مرسى وبيحب العرب ايوة الحق يتقال بيحب العرب لكنه بقى عمال يقتل المسلمين فى افغنستان على باكستان وكل واحد دلوقتى بقى يطلع يضرب فى المسلمين .. واحنا علشان بطاء .. مش مهم المسلمين .. وعشان بطاء مش مهم اهل سوريا ..
كل شئ فى مصر اصبح بطئ ماعدا شئ واحد وهو دوران الارض حول نفسها .. ربنا يصلح حال مصر وحال جميع بلاد المسلمين
مميزات البطء
عندما يغيب العدل والحق والابحاث العلمية وكل شئ يبقى صينى بسبب التباطئ فإن هذا يجعل اشياء اخرى تتسارع وتنمو فى كل مكان
وهذه الاشياء ..
افلام بنت***** واللى تهز شمال ويمين وكله بقه شمال .. واللى يرقص بسلاح ويعلم النااس البلطجة واللى يغنى اى كلام والناس عمالة تهز واللى يجيب سيرة (أل البيت ) فى الاغنية عادى كدة وكلوا بقه يعمل اغانى شعبى ويطنطط
ولكن فى النهاية انا احمد الله ان فى حاجة اسمها مصارعة والحمد لله ان مفهاش اى واحد عربى فيلسوف عليا النعمة كان هيخربها اكتر ما هى خربانة
لكن برضوا الاعلانات بنت الـ**** كتير وبتخنق ..
حتى النت مع انى مشترك فى نظام اسمه منجز هو صحيح منجز فى التصفح شوية انما اى حاجة تانية فيها فلاش او دونلود او فيديو او او ..كله يخنق وبطئ ..بس انا اللى استاهل لازم ادفع اكتر واغير النظام وعلى رأى واحد بطئ (اللى معهوش مايلزموش )
وبصراحة انا اتخنقت من كل حاجة فى حياتى قلباً وقالباً وبقيت بطئ ومدمت بطئ فبعترف .. انا مخطئ على الدواام .. والاعتراف بالمشكلة هو بداية حلها ..واخدلى بالك انت وعشان المشكلة تتحل بجد لازم انت كمان تعترف انك بطئ و85مليون يعترفوا انهم بطيئ وميرسى يعترف ويقول انه بطئ
تنمية بشرية ..
بما ان كل كتب التنمية البشرية اللى قريتها واللى ريمتها بيعملوا  فيها تمارين نفسية فانا قررت اعمل تمرين .. عشان محدش احسن من حد
يلا قول روراايا .. بصوت عالى اووى ها ..
انا بطئ ..
انا مخطئ على الدواام ..

20 الناس الى بتكتب فى الكشكول:

Heba Faruq يقول...

أعتقد ان الصفة الأصح ليست "بطيء" بقدر ما هي "متخاذل" البطيء ينجز شيء ما ولكن ببطء لكن لا اظن انهم ينجزون أي شيء نهائيا لذلك فهم "متخاذلون" "مقصرون" وكما تقول"مخطئون على الدوام"
(ربناينفخ في صورتنا!)

ياسمين يقول...

أنا مش بطيء أووي
أنا سريع بطيء...
من كثرة البطء قراته بسرعة ^_^ ربما اهرب من عدوي التي اصابت الجميع حتي لو في القراءة ..َ

Dr. Kafy يقول...

هناك بطيئان:

بطئ لأنه متقن و بطئ يصل بعد فوات الأوان. و نحن فى مصر الصنف الثانى نعلم موعد القطار و نصر أن نصل متأخرين فنجده غادر و نواسى أنفسنا أنه نصيب و أننا عملنا اللى علينا و رحنا المحطة زز بس القطار هو اللى مشى قدر ربنا هنعترض على قدر ربنا؟

well يقول...

Heba Faruq..

معاكى حق هما لا ينجزوون اى شئ على الاطلاق
نعم متخاذلون .. مخطئون على الدواام ..

تحياتى ونورتى المدونة

well يقول...

ياسمين ..
امممممممم يعنى قريتى بسرعة .. !
طب حيث كدة بقه يعاد قراءة البوست مرتين وبتئنى .. وابقى ورينى بقه هتقرى بسرعة تانى ازاى
ياسمين وجودك هنا قد اضاف "هنا" عطر جميل

تحياتى وان شاء الله يكون فى تواصل

well يقول...

Dr. Kafy..
..
اللهم لا اعتراض ...
..
شكرا على تحليلك لثقافة التباطئ
والصنف التانى موجود كتير اووووى بمصر الا ما رحم ربى
نورتنى يا دكتور

تحياتى

mongi bakir يقول...



تقديري لجميل ما وجدت هنا


صاحب الزمن الجميل

http://zaman-jamil.blogspot.com/

richardCatheart يقول...

هههههههههههههههههههههههههههههههههههههههههه
عاااااااااااااااااااااااااااااااا

انا كره الدنيا وانت كرهتنى فى الجيبنها زياااااااااااااااادة عاااااااااااااااااااااااااااااا

عارف نفخ التنين المجنح اهو دا بالظبط اللى انا فيه واكيد البشرية كلها هى حلها زى ماقولت مرار وتكرارا الموت افضل الوسائل للتواصل الخلاق غير كدا مافيش حلول ولا محلول
فاااااااااااااك لايف
ههههههههههههههه بس صباحك فل يا ويل حاول بعد التعليق دا يبقى فل :)

norahaty يقول...

ياااااهـ !!
دا انت زعلان وغضبان كمان
من كل حاجة ولك 1000حــق وحـــق
للأسف الصح بس هو البطىء اما الخطأ
فماشى فوريرة زى ما بيقولوا
يعدلها ربك بأذنه

الحياة الطيبة يقول...

Well هي حالة عامة مزيج من خيبة الأمل والألم الذي أصاب الأُمة بعد أن تخلت عن مكانها ومكانتها باختيارها ، فضلت الدنيا وقدمتها على ماعند الله ...ليس سهلاً أبداً أن نرى إخواناً لنا يُقتّلون بالمئات كل يوم ونسير بنفس سرعتنا التي عهدناها ، شيئ طبيغي أن نُصاب دباء البطئ في جميع جوانب حياتنا ...نسأل الله العظيم أن يغير حالنا للأفضل وييسر لنا ويوفقنا للقيام بالخطوة الأولى ، صبر جميل فغداً بإذن الله أفضل ، تحياتي .

well يقول...

mongi bakir ..

تقديرى انا ايضا لوجودك هنا ..
تحياتى يا صاحب الزمن الجميل

well يقول...

richardCatheart
..
ريتشارد .. والله بتفائل لما بشوف تعليقك
صباحك فل صباحك إبتسمات
سيبك من الحلول والمحلول ونفخ التنين المجنح .. مش مستاهلة
مش عارف ليه محدش التزم بالتمرين اللى انا كاتبه مع انه كان هيحل تلت تربع مشاكل البشرية ..."**"
يارب دايما تكونى فى احسن حال
تعليقك اضاف لون جميل للصفحة
تحياتى

well يقول...

norahaty..
..
بإذن الله هتتعدل يا نورهاتى وهتبقى زى الفل
(دا انت زعلان وغضبان كمان
من كل حاجة ) .. طبيعة إنسانية

..
تحياتى .. نورتى الكشكول

well يقول...

الحياة الطيبة ...
..

( بعد أن تخلت عن مكانها ومكانتها باختيارها )..
بدأت فعلا احس ان هى حالة عامة ..
ربنا يصلح حال الامة
صبر جميل فغداً بإذن الله أفضل
..
تحياتى

مصعب صلاح يقول...

بعيدا عن الجرعة دي
المهم هو اننا نبطل الطريقة دي
احيانا بيكون البطء افضل من الوقوف خالص
لازم نمشي واحدة واحدة لحد لما نجري

well يقول...

مصعب صلاح ..
..
والله يا مصعب مادام قررنا نمشى صح .. يبقى نمشى من غير ملاوعة وتباطئ ..
..
تحياتى ..

شمس النهار يقول...

البطئ ده
خاله الدنيا رخمه وممله

ومع اني سريعه جدا في افعالي
بس بتنقط من البطء اللي حواليه
بحس اني عايزة املي زمبلك اللي حواليه
:)

well يقول...

شمس النهار ..

اسف انى كنت بطئ واتخرت فى الرد على التعليق ..
بالنسبة للزمبلك فكرة مش بطالة ..

شمسك أضائت الصفحة .. تحياتى

L.G. يقول...

صحيح وأوحش بطء هو بطء التقاضى وتنفيذ الأحكام البطء هنا بيتحول لظلم بين
متحف المجوهرات عندنا بقاله سنين بيترمم ببطء وكازينو الشاطبي على الكورنيش بقاله سنين بيقولوا حيطوروه التطوير في مصر أبطأ من سلحفاة عجوز

البطء موت بين تروس ساعات العالم المسرعة

فعلا البطء خنقة ملحوظة تستحق التوقف عندها
تحياتي

well يقول...

L.G
....
البطء هنا بيتحول لظلم بين .. البطء يمهد للتلاعب والتلاعب يمهد للظلم

تحياتى .. وجودك هنا اسعدنى