RSS Feed

قتله الشقا

قَتله الشقا .. حَس بوجـع
ولا شئ نِفع
نام إتخمـد
ده مكنش نوم .. ده كان عِلاج من التعب
قتله الشقا .. وفـكل ليلة بيتقتل
كان نفسه يُصرخ الف أه
لكنه شاف بِنته إبتسم
خَدها فى حضنه .. من غير سبب
قتله الشقا .. فى عِز صُبح وفى عز ليل
عشان .. يَصبح يكون مِصباح علاء الدين
يحقق لعياله اللى إطلب
واللى فى كل ليلة بيطلب
قتله الشقا .. لكنه عاش
ضهره انحنى
راح التعب
لما سجد
..
.

10 الناس الى بتكتب فى الكشكول:

Unknown يقول...

السلام عليكم...
واقعية جدا...
تقريبا أحداثها بالكامل عشتها بالأمس!
وبنفس التفاصيل...
إنت كنت معايا؟
تقبل تحياتي...

richardCatheart يقول...

الله عليك بجددددددددددددددد

هييييييييييييييييييييح

ياسمين يقول...

ربنا يكون في عين البشر كلهم ,,وكمان الآباء عشان هما أكثر حد ممكن ينطبق عليه كداا

الحياة الطيبة يقول...

الدنيا يا Well مليئة بالتعب والشقاء والحمل الثقيل والله المُستعان لكنها رحلة تقيس احتمالنا واستجابتنا وعلي هذا الأساس تتحدد أُجورنا ...ويخفف علينا كل هموننا لحظة الإتصال بالله ، لحظة القرب منه سبحانه وتعالى وأقرب مانكون عند السجود .
كلمات جميلة تعبر عن واقع الكثير من الناس يمتزج فيها التعب بالفرح والراحة ،دمت بخير ، تحياتي .

well يقول...

Bahaa Talat..
..
وعليكم السلام ورحمة الله
الواقع يجعلنا نشترك او نتشابه فى بعض الامور
اتمنى ان تجد الراحة وما تتمنى لحظة السجود
تحياتى لرجل هزم الشقا

well يقول...

richardCatheart..
...
وعليكى يا ريتشارد ..بتفائل بتعليقك
تمنياتى لكى بالفرح دائما

well يقول...

ياسمين ..
..
ربنا يكون في عين البشر كلهم ... امين
تحياتى

well يقول...

الحياة الطيبة ..
..
نعم الله المستعان ... كلمة جميلة
والحياة رحلة
ولحظة الاتصال بالله هى اعظم لحظة
تعليق اجمل من الكلمات
دمتِ بود وأفضل حال

richardCatheart يقول...

كل سنة وانت طيب يا ويل ويارب سنة خير عليك

well يقول...

ريتشارد ...
..
وانتى طيبة يا ريتشارد وربنا يجعلها سنة سعيدة عليكى انتى واهلك واحبابك والمسلمين جميعا ..
..