RSS Feed

بنتسابق فى الخطوات

بنتسابق فى الخطوات
بسيبك تسبقينى
فبتقولى عليا كلام 
مهوش موجود فى صفاتى 
وترتبطى بغيرى اواام 
أهدى فى خطواتى 
بتصعب عليا نفسى 
اغضب
واتمالك نفسى 
واسكت 
أنا اصلى ملتزم بسُكات 
ومش من عادتى ..
أعادى اللى كان ليا في يوم الروح 
واخبى كلامى فى عيونى 
ولا يفهم كلام العين ..
إلا اللى كان مجرووح 
وجروحى منك كتير .. 
ولكن ..  بدعيلك بأجمل خير 
بشوف صورتك فى عيونى 
توحشينى وليكى اشتاق 
اتمالك نفسى 
وأهمس 
أنا ملتزم بفراق .. 

10 الناس الى بتكتب فى الكشكول:

richardCatheart يقول...

رشقققققققققققققققققت
ومش من عادتى ..
أعادى اللى كان ليا في يوم الروح

بس اللى يفهم امشى ياعم مش عاية اعيط عالصبح من كلامك دا يلا امشى


يوووووووووووو دا انا اللى فى بيتكم انا اللى همشى ياعم يلام وصباحك فل

richardCatheart يقول...

كان نفسى اعرف اسمك تخيل بقالى 4 سنين بقولك يا ويل بس ههههههههههههههه وعرفته بالصدفة من لينك الفيس عاشت الاسامى يا ويل :)

well يقول...

البيت بيتك يا ريتشارد والكشكول كمان ..
ماتقوليش الاسم ده بقه لاى حد .. سوكتم بوكتم ..
..
نورتى الصفحة واسف على التأخير فى الرد

شمس النهار يقول...

عجبتني اوي كلمة ملتزم بالفراق

:)

تركيبه جميله

وفكرتني باغنية رجعنا في كلامنا ليه بتاعة انغام

ماحدش بيعرف يلتزم بالفراق الا المكره عليه ومافيش مفر منه

آه وكفى يقول...

آه و اصعب ما في الالتزام ان الحد اصلا يفضل قصادك .. مأساه

غير معرف يقول...

ثقافة الهزيمة .. أرجوك لا تعطنى هذا السرطان

"مرسى" لأهالى مطروح: المشروع النووى فى الضبعة.. و"ما أدراكم ما الضبعة!" قال الرئيس "مرسى" للأهالى إنه يسعى لإنشاء 5 مشروعات نووية لتوليد الطاقة الكهربائية، وليس مشروعاً واحداً فى الضبعة، ومازح الأهالى قائلاً: "الضبعة.. وما أدراك ما الضبعة"

و نشرت مجلة دير شبيجل الألمانية فى 19 مايو 2011 "الفلبين : أطلال المفاعل النووى باتان مزار للسياح " كارثة فوكوشيما أعطت رد فعل ، المفاعل النووى الوحيد فى الفلبين
Bataan لم يتم تشغيله أبدا و لم ينتج كيلو وات واحد من الكهرباء للأن و سيظل هكذا مستقبلا ، و الأكثر من هذا أن المفاعل النووى الذى يقع على شبة جزيرة باتان أصبح منذ مايو 2011 مزار للسياح.

و نشرت صحيفة Wirtschaftsblatt النمساوية فى 17 نوفمبر 2011 "تجارة خطرة مع المفاعلات النووية " على مستوى العالم سينخفض نصيب الكهرباء المولدة من الطاقة النووية من 16 % الأن إلى 6 % بحلول عام 2050 . ليس فقط كوارث المفاعلات النووية مثل فوكوشيما، بل إيضا مشاكل البيئة مثل مياه تبريد المفاعلات النووية ، كل هذا يؤدى إلى الأعتراض. ألمانيا قررت بعد الكارثة النووية فى فوكوشيما إنهاء الطاقة النووية ، وبجانب ألمانيا قررت 6 دول أخرى كانت لديها خطط للطاقة النووية تغيير أستراتيجيتها.

و نشرت صحيفة دير شتاندرد النمساوية فى 26 مايو 2011 "سويسرا أبتداء من عام 2034 بدون طاقة نووية" سويسرا تنهى الطاقة النووية على خطوات، هناك 5 مفاعلات نووية فى سويسرا و قررت الحكومة السويسرية أنه بعد أنتهاء العمر الأفتراضى للتشغيل لها و يقدر ب 50 سنة لن يتم أحلالها ببناء مفاعلات نووية جديدة. بعد الكارثة النووية فى فوكوشيما باليابان لم يعد ممكن التفكير فى التوسع فى الطاقة النووية، و بدأ الأتجاة بصورة أقوى إلى الطاقات المتجددة.

و نشرت صحيفة دى برسة النمساوية فى 2 نوفمبر 2011 "بلجيكا تخطط لأنهاء الطاقة النووية" الحكومة الحالية تريد أبتداء من عام 2015 أنهاء الطاقة النووية، وأغلاق ال 7 مفاعلات نووية فى بلجيكا تدريجيا.

و نشرت صحيفة دير شتاندرد النمساوية فى 15 يونيو 2011 إيطاليا تظل خالية من الطاقة النووية، هو قرار الإيطاليين فى أستفتاء شعبى و الذى صوت بنسبة 95 % ضد الطاقة النووية. ..باقى المقال بالرابط التالى

www.ouregypt.us

النسر المهاجر يقول...

well

ديما مبدع يا أخى فى موضوعاتك وقصائدك
أتمنى أن لا يفرغ كشكولك من صفحاته الجميلة

well يقول...

شمس النهار ..
..
شكرا على تعليقك والمكره على الفراق لازم يلتزم ..
..
نورتى المدونة
تحياتى

well يقول...

اه وكفى ..
...
ربنا يكفيكى شر كل مأساه ..

.
سعدت بوجودك
تحياتى

well يقول...

جمال ابو العز ..
..
شكرا على كلماتك ..واتمنالك التوفيق فى مدونتك النسر المهاجر
..
تحياتى