RSS Feed

كلام قبل النوم

الرابعة إلا خمس دقائق صباجاً...هكذا هو الوقت الان..عينى تطالبنى بالنوم
اما جسدى يعلن استسلامه ..وبعد اتمام عملية اقفال الكمبيوتر بسلام
لم اجد مكان يؤينى الا (السرير)...
(السرير)..وانت على السرير لن يمكنك ان تجد تعليقات الاخرين على مدونتك
وانت على السرير..لن يمكنك ان تقرأ كتاب الكترونى .. لا يمكنك ان تكتب
موضوع فى المدونة او احد المنتديات ....
إلا إذا كنت تملك اللاب توب
ولهذا قبل ذهابى الى السرير اخذت معى قلم وكشكول ...والتلفون علشان احوله الى منبه
....سافرت وحملت معى منطقى ومسمعى
لم اجد موضوع محدد اتحدث عنه لان كل ما بداخلى الان ..انما هى اشياء متقاطعة
............
الديب فريز فكرة خادعة
يوجد من يستخدم الديب فريز من اجل الحفاظ على النسخة من الاطفال
او من فيرس او من امر الاوتورن..فى جميع الاحوال فإن الديب فريز يحمى الجهاز
ولكن يوجد من يستخدمه ليمسح ذلك الذنب ..يمكنك ان تشغل الديب فريز وتدخل الى
اى موقع إباحى ..وعندها سوف تصيبك الفيروسات ...
ولكن عند إغلاق الجهاز وتشغيله مرة اخرى ..كل شىء يرجع الى طبيعته
وكأن شىء لم يكن ....فقد تمكن الديب فريز من مسح تلك الفيروسات
ولكنه لن يتمكن من مسح الذنوب
الم اقل لك انها فكرة خادعة
...............
...............تومى اند جيرى
ذلك الفأر الذى اسمه جيرى بينما وهو جالس امام شاشة الاب توب
بيشيت على شات رمزاوى بتاع رمزى بن عم دوله..يجد تلك الفتاة التى تدخل الشات بأسم
مادونا لابسة فلة ..تواعده بأن يتقابلوا بعد ساعة امام سيما بكار بشارع الشهيد ميكى ماوس
فى وجه السرعة ذهب الفأر جيرى الى المكان المحدد ولكنه يجد تلك الفتاة انما هى القط تومى
لم يحزن جيرى لان تومى قد امسك به..ولكنه حزن لانه حتى الان لم يجد فتاة احلامه
فتاة احلامه التى هى عبارة عن بنت بتحبه جميلة اهلها مش طالبين شقة غالية وشبكة غالية ..
تومى..بعد ان صعب عليه الفأرجيرى تركه وقال له ..يا جيرى ما تحزنش العلم دلوقتى اتقدم
وبكره الصين تقدر تعملك عروسة احلامك
.................
.................
حتى هذه الايام تخدعك ..احيانا يكون الجو بارد واحيانا حار
واحيانا تنقط بعض المطر ----
الكل فى هذه الايام يريد ان يخدعك انه هو الافضل من غيره ....
...............
...............
ايها القمر ...هل هم يروك كما اراك ...هل سكان امريكا وفرنسا والمانيا واسبانيا
يروك كما اراك ..؟
ام ان الحكومة المصرية قد غيرت بعض ملامحك وبهتت عليك لونها الرمادى الغامق
ايها القمر يا من تسكن فوق ..الحكومة المصرية مكانها مش هنا ...مكانها فوق ...فوق .......
فـــــــوق ....
.................................


14 الناس الى بتكتب فى الكشكول:

لقد خلقنا الله احرارا يقول...

رائع يا well
بجد جميل جدا وخصوصا فكرة الديب فريز اللى انا معرفوش ده
اصل انا عبقرية جدا فى الكمبيوتر
ربنا يكرمنا دايما بالتوبة النصوح التى تمسح الذنوب
وربنا يكرم جيرى واللى زيه واللى بيحكوا عنه بتحقيق احلامهم
قادر ياكريم

MinGaH يقول...

تقريبا نفس اللى بعمله قبل النوم باخد معايا التليفون مش عشان انا بيزنس ومااان عشان اظبط المنبه برضووو:D
مش بلاقى برضو غير افكار متلغبطه كلها داخله في بعض
بس اشيائك المتقاطعه كلها ليها كعانى اكيد
اولا:الديب فريزر اللى مكنتش عارفه عنه حاجه بس من خلال كلامك فهمت ان الناس اللي بتستخدمه بتضحك على نفسها
تانى حاجا:جيرى وهو حال كل جيرى في مصر:D
ربنا يكرم كل جيرى ويبعد عنهم تومى
ااما بالنسبه للقمر انا معرفش برضه غير القمر اللى بشوفه بتاعنا....
كل تخاريف نوم وانت طيـــــــب:)

well يقول...

لقد خلقنا الله احرار ...نورتى المدونة
وشكرا على تعليقك الرائع

well يقول...

MinGaH .....شكرا على تعليقك وعلى فكرة فترة الابداع بتبقى بالليل بتبدأ الساعة 9 أو 10 على حسب علمى
ومرة تانية شكرا على تعليقك ..
وكل كلام نوم وانتى طيبة

اسامه الهندى يقول...

الى لقد خلقنا الله احرار
حقيقى انا سعيد بكلامك واد ايه انتى قلتى اللى نفسى فيه وان شاء الله هترجمه للشعر اسمعى اخر نكته وهى حقيقه
واحد بيسال صحبه انت العلاوه عامل اد ايه معاك قاله 2،5 جنيه لانه العلاوه بتتحسب على الاساسى وحقيقى انا اتخنقت ولى جزيل الشكر

GiGi يقول...

حضرتك ممكن تفتح المدونه من اي حاجه غير انترنت اكسبلورر
تحياتى

well يقول...

اسامة الهندى تورت المدونة ومبروك مدونتك الجديدة ثورة قلم

well يقول...

جى جى نورتى المدونة ....وعلم وينفذ

حسام غانم يقول...

الله عليك يا ويل

تسلم دماغك

عطش الصبار يقول...

عروسه صينى ؟ وبعدين عريس صينى طول عمرى اعرف ان الصينى سهل الكسر
اما الحكومه ماتخليها هنا احسن كفايه عليها مكان واحد مش لازم كمان فوق فوق الله يخليك احنا نتحمل
بوست رائع شكرا على مرورك
تقبل تحياتى

عطش الصبار يقول...

عروسه صينى ؟ وبعدين عريس صينى طول عمرى اعرف ان الصينى سهل الكسر
اما الحكومه ماتخليها هنا احسن كفايه عليها مكان واحد مش لازم كمان فوق فوق الله يخليك احنا نتحمل
بوست رائع شكرا على مرورك
تقبل تحياتى

well يقول...

حسام غانم ...بجد نورت المدونة واهلا بيك
وتسلم على تعليقك

well يقول...

عطش الصبار فعلا الصينى سهل يتكسر
على فكرة الاموات هما كمان بيطلعوا فوق ..
وشكرا على مرورك ونورتى المدونة

غير معرف يقول...

~................................