RSS Feed

الصورة والاصل

المشهد الاول فى كافتريا قمر النيل ...بالقاهرة
قد لاحظ جميع من فى الكافتريا انه ينظر لى ..انا ايضا قد لاحظت هذا من اول نظرة لى ..عندما نظر لى ثم مسك القلم الرصاص ورسم فى تلك الكراسة التى تبدو من شكلها الغير طبيعى انها كراسة رسم .. أعلم انه يرسمنى والجميع يعلم هذا وانا افتخر بهذا الشئ لاننى الافضل هنا ولو لم اكن الافضل ما كان سيختارنى .. لا يوجد احد هنا شعره واقف سيبيك لابس تيشرت رقبة واسعة اوى ولابس شال حماقى الجديد.(مش عارف ليه بيقولوا على الشال ده حريمى )..ولابس بنطلون ساقط ....لا يوجد احد هنا بهذه المواصفات الا انــا
يبدو انه قد انتهى من الرسم اراه يدفع الحساب ثم قطع من الكراسة الورقة التى كان يرسم فيها وتركها بجانب فنجان القهوة التى انتهى من شربها ومشى ... تعجبت لماذا لم يأخذ الصورة او يعطيها لى
ذهب صلاح النادل الذى يشتغل فى الكافتريا وأخذ الورقة ..نظر فيها ثم نظر اليا ...علامات الاستغراب ملئت وجهه ..ثم تقدم نحوى
#هو انت عارف الراجل ده كان بيرسم اى
رديت عليه بشىء من السخرية
@ يعنى هيكون بيرسمك ياصلاح اكيد كان بيرسمنى
#ايوة هو كان بيرسمك بس ..
@بس اى
ثم اعطانى الورقة ..نظرت فيها..هذا الوجه هو وجهى ولكن يوجد شئ مختلف ..خرجت من الكافتريا مسرعا ابحث عن ذلك الرجل ..وجدته فى اخر الشارع العمومى جرييت نحوه
@استنى ...ايوة انت
نظر لى بابتسامة ود وكأنه يعرفنى منذ زمن
# بتنهج كدة ليه ..باين عليك مش رياضى
@ممكن اعرف اى اللى انت رسمه ده
#بص للصورة كويس هتلاقيه انت
@هو انت حضرتك يعنى بترسمنى على مزاجك ولا اى بالظبط
#اسمك اى الاول
@ اسمى خالد
#شوف ياخالد انا اعرف اجدادك وانا رسمتك على شكل اجدادك مش الشكل اللى انت مختاره انا رسمتك على شكلك الاصلى يا خالد يعنى انت المفروض تشكرنى مش تلومنى
@اجداد اى وشكل اصلى اى اللى انت بتكلم عنه

#اجدادك ياخالد اللى امنوا برسول الله محمد صلى الله عليه وسلم اجدادك اللى فتحوا مصر اجدادك اللى خرجوا من مصر علشان يحرره القدس مع صلاح الدين هما دول اجدادك وهما دول اصلك
لم اتوقع ان اسمع مثل هذه الكلمات نظرت اليه باستغراب ثم نظرت الى الصورة تأملتها
@طب هو انت ليه سيبت الصـ....
لم اجده فقد اختفى لا اعلم الى اين ذهب
......
بعد شهر.. انظر الى نفسى فى المراّة وانظر الى الصورة اصبحت الصورة تشبهنى كثيرا ذلك الشعر الذى يرجع الى الوراء بطريقة متساوية ..والذقن المحددة بشكل جميل.. والتيشرت بسبعة عادية مش مفتوحة اوى ولكن الصورة بها شئ ليس بى وهى علامة الصلاة ...رغم اننى اصبحت ملتزم فى صلاتى ...الا انها لم تظهر فى جبهتى حتى الان
يقولون الاصل والصورة ولكن هذه المرة المراّة قد عكست الكلمات فأصبحت الصورة والاصل
....
المشهد الثانى فى كافتريا الشاطئ ... بالاسكندرية
انا كنت قاعدة فى الكافتريا وكان فى واحد قاعد بعيد عنى بس كان باين عليه بيرسمنى طبعا لازم يرسمنى هو مين هنا القمر غيرى مين شعرها تحفة ولابسة لينزز ومينى جيبة و بادى مالوش حل .. بعد مارسمنى ترك الصورة ودفع الحساب ومشى ولما النادل شاف الصورة وجابهالى ... اتفاجئت ...الوجه كان وجهى بس كان فى شئ مختلف ...


لك ان تكمل المشهد فى مخيلتك
.
اتفرج على الفيديو ده هتفهم اكتر انا عاوز اقول اى

26 الناس الى بتكتب فى الكشكول:

مصعب صلاح يقول...

السلام عليكم

ويل يا ويل

الله عليك بجد

ياريت كل الناس تعمل كده

هي دي الصورة الحقيقة

ودي أول صورة تبقى أحسن من الأصل

تقبل مروري

norahaty يقول...

حلوة الفكرة
وحلوة طريقة
التنفيذ كمان
للاسف شباب ينجذبون
الى اشياء تافهة وغير جميلة
لكن الاعلام الغير هادف منه لله
جعل من (انصاف البشر)امثال وقدوة
يتبعوها الشباب المصاب (بعمى القلب
والعياذ بالله منه)

GiGi worled يقول...

خلاص بقينا كلنا صوره
يارب يارب يارب نبقى اصل بقه زي مااتمنينا يارب اعنا يارب

المهاجر يقول...

على فكرة يا ويل الاساس التربية الاخلاقية والدينية الصحيحةللأسف غالبية البنات المتأمركين والولاد النص سوة بيكونوا امااولاد واخدينها استايل أو حاسس بنقص وبيكمله وده الغالب
شكرا ويل على البوست الجميل

GiGi worled يقول...
أزال المؤلف هذا التعليق.
osama44 يقول...

ازيك يا ويل
اد ايه ياوليد احنا محتاجينى حد يعرفنا احنا مين ويخلينا نعتز باجدادنا اللى همه طبعا الصحابه مش الفراعنه
وادايه المشهد بتاع سمبا لما القرد يعرفوا ويذكرو انه اسد مشهد احنا مفتقدينه
بالذات الشباب المغرم بجميع الثقافات الغربيه وهو ناسى ان حضارته علمت العلم وكانت شوارع الاندلس مضاه بالمصابيح فى حين ان الغرب كان يعيش فى ظلمات التخلف والجهل على الشموع
ويل ياريت نعمل جروب على الفيس بوك يكون اسلامى
تحياتى

well يقول...

مصعب صلاح ....
وعليكم السلام
الصورة اصلا جاية من الاصل اللى هما اجدادنا
شكرا على تعليقك

well يقول...

norahaty ...
احيانا نتبع اشياء بعمى القلب دون سبب
ولكن يوجد من يحارب هذه الاشياء
شكرا على تعليقك ونورتى الصفحة

well يقول...

جى جى
احنا بنحاول نبقى زى الصورة ...الصورة الكويسة
شكرا عاى تعليقك اللى شرفنى

well يقول...

المهاجر ...
شكرا على تعليقك الجميل
فى ناس بتحس بنقص وبتحاول ان هى تنتصر فى مواطن اخرى
مرة تانية شكرا على تعليقك ونورت الصفحة

well يقول...

جى جى انا قريت البوست والتعليقات
وبصراحة استغربت قوى من التعليقات
انا كتبت تعليق بس هو لسه فى الحفظ لغاية ما هى تنشره
كل الموضوع ان هى فى فقلبها شء اسود تجاه الاسلام (عداء)

well يقول...

اسامة ...
شكرا على السؤال
احنا فعلا محتاجين حد يفكرنا احنا مين
وشكرا على فكرة الجروب
ونورت الشاشة

وكيلة نيابه مع ايقاف التنفيذ يقول...

بجد كلام جميل جدا وفعلا للاسف هى دى الحقيقى وهى دى الاشكال اللى بنشوفها وفعلا اعداء الاسلام عرفوا خلاص ازاى يقضوا على الاسلام بس اكيد ربنا حافظ الاسلام من ايدى المعتدين يعنى مهما حاولوا يعملوا الاسلام محفوظ ومصون
حقيقى جزاك الله خيرا على الموضوع ده

لقد خلقنا الله احرارا يقول...

السلام عليكم
اولا ربنا يكرمك يا ويل

ثانيا انا مش شايفة الفيديو اصلا

ثالثا بلاش تروح الاماكن دى----المدونة اللى قالت لك عليها جى جى-----نصيحة ماتروحش ياويل حتى لو النية خير ورغبة فى هداية للخير لان الهداية من ربنا ومحدش مننا معصوم من انه يفتن
انا رحت هناك زمان وساعات بروح من باب الفضول بس هما ناس مش عايزين يسمعوا ربنا يهدينا جميعا

رابعا اوعى تكون بتزعل من كلامى اصل انا راجعت على تعليقاتى عندك ولاحظت انى احيانا مش بوصل فكرتى صح

well يقول...

وكيلة نيابة ...
الله متمم نوره ولو كره المشركون
شرفتينى بتعليقك ونورتى الصفحة

well يقول...

لقد خلقنا الله احرار ..
على الفكرة الفيديو موجود بس ممكن يكون النت بطئ عموما ممكن تروحى على اليوتيوب وتكتبى فى البحث (عمرو خالد والملك الاسد)
وشكرا على النصيحة بس انتى عارفة الفضول بيعمل اى فى الواحد
انا عمرى ما زعلت من كلامك وكمان فكرتك بتبقى واضحة
نورتى الكشكول ونورتى الصفحة

THE illusionist يقول...

جميل الفيديو ده والله
معانيه قيمه قوى
وخصوصا لما اتكلم وقال
ابوك اسد
وجدك اسد
مش معزه
ياااااااااه
الواحد كل ما يقيسها على نفسه
يحس بالذل قوى

عطش الصبار يقول...

الله الفكره حلوه وجديده
فعلا داسلوب حلو لتوصيل اى رساله والبوست ده رجعنى تلاتين سنه ورا كنت لسه فى بدايه حياتى وكنت ساعتها ما لبستش الحجاب ودى كانت ظاهره عاديه فى الوقت ده
ولما كنت بوصل بنتى الحضانه كنت بمر على كشك بيبيع حاجات بسيطه حلويات وغيرهاوقصص اطفال ودايما كانت جوايا رغبه انى اساعد صاحب الكشك
لسه واللهى فاكره شكله
راجل كبير له وجه سمح ودقن بيضه ودايما لابس ملابس بيضاء واابتسامه لاتفارق وجهه قلت اشترى منه قصص للاطفال يبقى اعلم بنتى حب القراءه وفى نفس الوقت اساعده الراجل دايما يقابلنى بوججه الباسم ولم يوجه لى كلمه على ملابسى غير كل شويه يسألنى انت بتصلى؟ واجيب بلايجاب وفى يوم لقى علامه حرق بسيط على ايدى سألنى وجعتك قلت له قوى قالى واللهى يا بنتى من كتر حبى ليكى خايف عليكى من حرق اكبر ساعتها فهمت الرساله
الرجل ده غير حياتى بجمله واحده
الراجل استخدم معايا الموعظه الحسنه بدون ترهيب ودا اسلوب الرسام اللى رسم الصوره
لسه فاكره ملامح الراجل ده وبدعى له دايما ياريت الدعاه بتوعنا يبقى ده اسلوبهم
بوست جميل

عاشقة الأحزان يقول...

السلام عليكم


اختى الحبيبة

جزاكى الله كل الخير
وربنا يبارك فيكى

ايناس

well يقول...

THE illusionist ...
فعلا الكلمات اللى قالها عمرو خالد لو قسناها على نفسينا هنلاقيها قاسية
شكرا على تعليقك ونورت الصفحة والكشكول

well يقول...

عطش الصبار ....
بجد الحكاية دى جميلة واجمل ما فيها ان هى واقعية
بجد شرفتينى بتعليقك

well يقول...

عاشقة الأحزان
يا ترى يا ايناس تقصدى مين بكلمة اختى الحبيبة ...اممممممممم غلطة مطبعية
ونورتى الصفحة والكشكول وشكرا على تعليقك وعاوزين نشوفك تانى

جارة القمر يقول...

ويل ياويل

الفكرة حلوة وممتزاة كتير

بص الموضة واخر صرعة سيطروا على عقول الشباب بيها

اصبحوا لا يهتمون الا بمظهرهم والتيشيرت المقطع والبناطيل الوسط السايب

والشعر المنكوش

ييييييييييييييييييه
شباب بسكوتة

احلى حاجة بالشاب لن يكون شكله راجل مش بسكوتة

يعني مش يكون شبهي بنعومته

مممممممم

طبعا فاهمني ياويل

بصراحة البوست خطير

وبحييك عليه ربنا يوفقك لما يحبه لك ويرضاه

شكرا لزيارتي

مودتي

جريدة الصباح العربي يقول...

شارك معنا باختيار القصيدة او الخاطرة الافضل


عادل فاروق
صورة في برواز
http://sabaharabi.blogspot.com/2009/06/blog-post_3522.html

عبد الله العباسي
ألم بلا أمل
http://sabaharabi.blogspot.com/2009/06/blog-post_9605.html

د/ ايمان مكاوي
ابحث عنك
http://sabaharabi.blogspot.com/2009/06/blog-post_158.html

ايهاب سيد
خائن
http://sabaharabi.blogspot.com/2009/06/blog-post_6557.html

حليس حورية نصيرة
ذكريني
http://sabaharabi.blogspot.com/2009/06/blog-post_5130.html

انتصار طايل
اتوكأ بعصا الحب
http://sabaharabi.blogspot.com/2009/06/blog-post_6044.html

اسلام محمود
بتنساني وبتسبني
http://sabaharabi.blogspot.com/2009/06/blog-post_5269.html

اسراء حامد
لخبطة
http://sabaharabi.blogspot.com/2009/06/blog-post_7682.html

مصطفى محمود
عرفتِ اليوم آياتي
http://sabaharabi.blogspot.com/2009/06/blog-post_9758.html

sky angle
اترك لي هذا المكان
http://sabaharabi.blogspot.com/2009/06/blog-post_13.html

..........................................................................................
ولو عاوز تشارك في مسابقتنا الادبية كل اللى عليك أنك تشترك في الجروب وتتفاعل معنا
جروب جريدة الصباح العربي على الفيس بوك
http://www.facebook.com/groups/edit.php?success=1&customize&gid=78080770039#/group.php?gid=78080770039

تحياتي وتمنياتي للجميع بالتوفيق

well يقول...

جارة القمر شكرا على تعليقك الجميل
ومش عاوزين تأخير تانى
تحياتى

well يقول...

انا ليا الشرف ان اسم جريدة الصباح العربى يكون موجود فى صفحة تعليقاتى
ولكن متى يأتى الصباح لكى يوقظ العربى النائم
شكرا على الزيارة