RSS Feed

كيف تصبح غبى

أعلم انك تقول فى نفسك الان لعل الكاتب كان يريد ان يكتب كيف تصبح غنى ولكن يا صديقى لا يوجد هنا خطأ إملائى فكثيراً من الكتب تتحدث عن كيف تصبح غنى ولكن فى بلدنا هذا كثيرا من الاعلانات والمسابقات تتحدث عن كيف تصبح غبى وحتى تصبح غبى عليك بالخطوات الاتية


1- ان تشاهد جميع حلقات المفتش كرومبو وعليك ان تحلها وتتفاخر بأنك حلتها وعليك ان تحفظ اسماء الشخصيات مثل حمبوزه لاوى بوزه و سحس بومب وحامد مفيش فكة وبعد عملية الحفظ عليك ان تطلق هذه الاسماء على اصحابك وبهذا فأنت اصبحت غبى وغتت وساذج فى نفس الوقت





2- عليك ان تتابع حلقات مسابفة مطبخ بدرية ..بدرية تلك الانسانة (البيئة) وعليك ان تعرف ماذا كانت تطبخ بدرية هل هى شوربة كوارع ام ملوخية بالارانب يكفى عليك ان تعرف اسم الطبخة


فالاغبياء يعرفون اسم الطبخة فقط


اما الاذكياء هم فقط من يعرف سر الطبخة وطريقة عملها


3- عليك ان تتابع حلقات مسابقة سرحان ونفيسة حتى إذا اردت قتل زوجتك فى يوم من الايام لا تقع فى هذه الاخطاء التى يقع فيها سرحان وعليك ان لا تعترض على اسم نفيسة رغم انه اسم غالى بالنسبة للمسلمين لان نفيسة هى نفيسة العلم وليست نفيسة هى نفيسة الزوجة التى يتمنى زوجها ان يقتلها بأى طريقة ولكن الغبى لا يعترض على شئ كهذا فلا تهتم




4- وفى هذه الخطوة الرابعة عليك ان تثبت قدراتك الفنية والابداعية الخارقة حتى تكون قدوة للانسان الغبى فعليك ان تتابع حلقات عبد السميع وتعرف هو كان بيغنى يقول اى عندما قال ضرب تانى قد تجد صعوبة فى معرفة اسم الاغنية ولكن ان اعتمد على غبائك سوف تصل الى الحل الصحيح





مميزات الغباء


*********


1- عند اتصالك لحل المسابقة قد تفوز وبهذا تصحبح غبى وغنى فى وقت واحد


2- لن يكون مزاجك سئ لانك لن تهتم بشهداء غزة وقتل المسلمين فى افغانستان والعراق ولن تهتم بالقضايا المصرية التى تطرحا برامج كالعاشرة مساءاً و90 دقيقة والطبعة الاولى ولك فى ذلك عذر وهو انشغالك بحل المسابقات الساذجة


3- سوف يكون لك اصدقاء جدد أغبياء لهم صفات السذاجة والرخامة والغتاته (أو ليست الطيور على اشكالها تقع )


...


مبروك ..لقد انضممت الى نادى الاغبياء .............وقد خرجت من قائمة اولى الالباب


35 الناس الى بتكتب فى الكشكول:

أبو العريف يقول...

فعلا والله عندك حق
هو احنا ناقصين غباوه
لما دول عمالين يزودوها
انا ببقي هفرقع لما بشوف الحاجات الغبيه دي
يعني نصب وكمان غباوة
اللي يضايق بقي ان سي كرومبو
فيه خناقه جامده قوي عليه ومحاكم وقضايا
وكل واحد بيقول انا ابوه
وانا اللي مفتكس الموضوع ده
اصلها سبوبه


تحياتي ليك

بدراوى يقول...

أ/ وول
ازيك
--
موضوع حلو
المسابقات ديه بقت تحاصرنى من قناة لقناة
لسة انهارده عارف مسابقة
مش عارف مين و زوجاته
و سؤال الحلقة مين قطع سلك الدش
!!!!!
يخرب بيت الهطل
و ابقى قابلونى فى الحلقة الجاية
!!
و ابقى قابلونى لو قامت لينا قومة

well يقول...

ابو العريف
انا كمان ببقى هفرقع لما بشوف الحجات دى
اممممممم يعنى انت اللى مفتكس الموضوع ده ...طب يا عم انا مش هعلق على الكلمة دى علشان انت واخد اول تعليق بس ابقى افتكرنا معاك بأى نسبة فى السبوبة
ونورت الصفحة

well يقول...

بدراوى ...
هو سلك الدش كمان اتقطع امممممممممم
نورت المدونة يا استاذ بدراوى
وعلى فكرة قريب هتقوم لنا قومة
بس انت قول يارب

مصعب صلاح يقول...

السلام عليكم

الله عليك الصفحة دي حلوة والله هو الكشكول لسه مخلصش ولا انت اشتريت واحد تاني
----
المهم الفكرة حلوة واسلوبك ف طرحها رائع

تقبل مروري

عطش الصبار يقول...

well
شكرالك كنت محتاجه اعرف الخطوات
لان اجمل حاجه ممكن نريح بيها دماغنا هى الغباء
شكرا على النصيحه
هاعمل بيها

osama44 يقول...

ويل يا ويل
مش ناقص الا الغباء
صدرونا كل حاجه
امراض السرطان والفشل الكلوى و قانون الاسره والطفل اللى بيخلى الواد يبلغ على ابوه وقوانيين كتير ومهازل اكتر
مش ناقص الا الغباء
لا والف لا
انا مش غبى انا مش هبقى غبى
انا ذكى ايو ذكى
وياريت الغبى فينا يتنصح شويه ياريت شعارنا يكون
(انا ذكى على طول)

بوست ميه ميه اكثر من رائع تمام يا ويل

osama44 يقول...

ويل اه صحيح كنت عايزك تكلمنى على الميل ضرورى اوك وعلاء برضو

جارة القمر يقول...

لربما الغباء أصبح سمة عصرنا

وهو أقصر الطرق لحصد الفلوس وأقصر الطرق للغنى

ولعل الغباء يريحك من عناء التفكير وهمه


ولعل التفاهات في حياتنا طغت على كل شئ فأصبحنا نتغنى به


رائع الموضوع وقيم جدا

شكرا لمرورك العطر عندي

وسنتواصل

احترامي

GiGi worled يقول...

بجد حسيت انى زعلت قوى
ياه على القران بجد لفظ ااولى الالباب ده حلو قوى
بس احنا واخدين بس العكس
اافلا تعقلون
ولكن اللى عملوا المسابقات دي عايزين كده واحنا مجانين بنصدق وبنجرى ورا شئ تافه
يارب نخرج من الدنيا بخير يارب

لقد خلقنا الله احرارا يقول...

عمرك اطول من عمرى
انا كنت مخنوقة جدا من الهيافة المقصودةدى
لا وكمان فى مسابقة تانيةلو عايز توفر تعزم صاحبك على السينما مرتين ولا تعزم 2 صحابك مرة واحدة ولو اتصلت حضرتك وطلبت مساعدة هتقل فرصتك فى الفوز
متهيألى لو اعدائنا اجتمعوا سوا وقررواانهم يفسدوا دماغ شبابنا ماكانوش هيوصلوا للحل العبقرى ده
وبالنسبة لاستغلال اسم نفيسة معلش انا كيانى متشبع بنظرية المؤامرةوحاسة ان استغلال الاسامى دى بالرغم من سذاجة مستخدميها لكن مش كل مرة بتكون النية خالصة
بوست رائع كالعادة ياويل
ربنا يوفقك

بنوته يقول...

السلام عليكم

بجد بجد انت صح
والله فعلا هبل في هبل
بجد موضوع ممتازه
لكن مين يسمع ومين يشوف
مبقاش حد بيفكر الا نادرين
عاوزييييين نفوووووووووووووووووووق
انا استغربت من العنوان فدخلت علشان اشوف
بجد موضوع جميل اوووووووي
اكثر الله من امثالك
اللي هيعيدوا مجد الامه وهيعيدوا النهضه وهيبنوا مصر من جديد
مصر اللي مبقتش مصر
ربنا يوفقك
في رعاية الله
السلام عليكم

وكيلة نيابه مع ايقاف التنفيذ يقول...

والله بوست هاااااااايل جدااااااااا
هههههههه مش كنت بقول فى مدونتى هيجلنا الضغط قريب من الاعلانات دى بس انا بحب سرحان ونفيسه جدااا علشان دمه خفيف ههههه واضح انك متابع جيد لموجا كوميدى
بجد اكتر حاجه بتحسسنى ان الفضائيات بتسهبل علينا وبتعاملنا على اننا فعلا اغبياء يلا ربنا يهديهم بحييك على البوست الجميل ده

Yasser Abo El Ella يقول...

التفاتة جميلة منك إلى هذه الظاهره, وشيىء جميل اننا ننظر للأشياء من خارج الصندوق كما يقولون. و لكن ماذا يفعل من تعود الجلوس أمام التلفاز و قبول أى شيىء يعرض أمامه, سواء اراده أم اباه, قد تشعر بذلك لأن عندك البديل وهو الكمبيوتر و النت, و مع ان هناك الكثيريين ممن ينظرون للكمبيوتر والانترنت الى الان ما هو الا مضيعة للوقت.
ويكفى ان تشاهد بعض القنوات المعينه لكى تصبح غبى بالفعل, وان كنت تريد ان تعرف قوه تحملك يمكنك غلق جهاز الكمبيوتر الخاص بك و الجلوس امام مثل هذه القنوات و متابعتها, ولكن لا تنسى ان تجعل بجانبك دواء لخفض ضغط الدم, و اجعل اى اله حادة بعيده عن يديك حتى لا تنتحر بها.
موضوع جميل و اختيار موفق.
تحياتي

عاشقة الحب يقول...

انا فعلا كنت عايزة اتكلم في الموضوع ده
لان الحكاية زادت عن حدها
و مسابقة سرحان و نفيسة
من اكتر المسابقات اللي استفزتني
لانهم بيصوري العلاقة ما بين الزوجين
اللي المفروض تكون فيها مودة ورحمة
بالشكل السخيف ده

لأ والاحلى مسابقة الجديدة
بتاعة التكتوك
فعلا دي احتقرها جدا

ربنا يهديهم

المهاجر يقول...

على فكرة مش مقصود البرنامج الغباوة لكن المقصود تضيع الوقت وإلهاء الناس فقط

well يقول...

اولا انا اسف انى اتأخرت فى الرد على التعليقات
وانا سعيد جدا بتعليقاتكم

well يقول...

مصعب صلاح ..
وعليكم السلام ورحمة الله وبركاته
الكشكول لسه فى صفحات بس متقولش لحد
ومرورك نور الصفحة

well يقول...

عطش الصبار ..
اتمنى انك ماتعمليش بالنصيحة
ونورتى الكشكول

well يقول...

اسامة ...
انا ذكى علــ طول
على فكرة يا اسامة النت كان فاصل عندى بقاله كام يوم علشان كدة مكنتش بفتح الاميل
وبعدين يا ابنى فى حاجة اسمها تلفون (لا تعليق)

well يقول...

جارة القمر ..
لا اظن ان التفاهات طغت على كل شىء
مازال يوجد امل
نورتى الصفحة وان شاء الله هيكون فى بنا تواصل

well يقول...

جى جى ...
انا سعيد انك اخدى بالك من كلمة اولى الالباب
ويارب نعيش فى الدنيا حياة كريمة وارزقنا الفردوس الاعلى
....

well يقول...

لقد خلقنا الله احرار ..
الحكاية بينه واضحة يعنى لازم احنا نصحى ...
نورتى الصفحة يا استاذة

well يقول...

بنوتة ...
انتى قولتى (اكثر الله من امثالك
اللي هيعيدوا مجد الامه وهيعيدوا النهضه وهيبنوا مصر من جديد )
بجد...شكرا من كل قلبى

well يقول...

وكيلة نيابه مع ايقاف التنفيذ ....
لو الفضائيات عاملتنا على اننا اذكياء ..الدنيا دى هتتغير

well يقول...

Yasser Abo El Ella ...

ننظر للأشياء من خارج الصندوق
معاك حق فى اللى انت قولته
بس زى ما فى قنوات تافهة فى برضوا قنوات مفيدة او خلينى اقول برامج مفيدة ممكن تفيدنا فى وقت الفراغ
شكرا لكلماتك واتمنى التواصل

well يقول...

عاشقة الحب..
اتكلمى عن الموضوع ...
اما حكاية مسابقة التكتوك انا معرفهاش بس هحاول اعرفها
شكرا على كلماتك ونورتى الصفحة

well يقول...

المهاجر ..
تضيع الوقت والهاء الناس ينتج عنه الغباوة
شكرا على وجهة نظرك ونورت الكشكول

سبهللة يقول...

كشكولك بينقك حكم
بجد الواحد بيصاب بمنتهى القرف لما بتفرج على الحاجات وبضطر اسيبها لان بنتى اللى عندها سنتين عاجبها الكرتون بتاعهم جدا

well يقول...

سبهللة ..
شكرا على تعليقك وربنا يباركلك فى بنتك

safsaf يقول...

عند حق يا ويل ولكن مش كل اللى بيتفرج على ده يبقى غبى يعنى يا صاحبى ولكن اهو الواحد بيشوف ذكائه اه انا معاك ان فى حاجات اهم لازم الواحد يهتم بيها ولكن الفرفشه برضو والضحك اللى بيطول العمر اه كل واحد بيخد نصيبو وعمرو ولكن حبه كده وحبه كده

well يقول...

صفصف
ضحك ولعب وجد وحب ..عيش

سنترافيش يقول...

عجبتنى النوت بجد


حقيقية الى حد كبير

دمت بود

well يقول...

سنترافيش ...
اتمنى كمان ان بقيت البوستات تعجبك
بجد نورت الصفحة والكشكول وعاوزين نشوفك تانى

الشـذى الحراصي يقول...

أنـا أختلف بعض الشئ مع رأيك .. فأنا أعتقد ان في هذا العالم لا يوجد غبي وانما متغابي .

ودي