RSS Feed

منتج صينى


عندما رن جرس الباب ذهبت لافتح...كان على الباب رجل صينى يعرض بعض الملابس من المنتج الصينى .. كثيرا ما يذهب الصينيون الى المنازل لكى يبيعوا بضاعتهم ...وفى بعض الاحيان اشترى منهم ...بعد ان قفلت الباب ذهبت اشاهد معها التلفزيون كانت تشاهد فى الاخبار الاتفاقية المصرية الصينية ..عندما شعرت بوجودى داخل الغرفة ..نظرت لى وابتسمت وكأنها النجوم تضئ ...كانت تلبس اجمل ما يمكن ان تلبس الزوجة لزوجها ... قامت واحضرت لى بعض العنب ...كانت تتحدث وكأنها كمنجه تعزف الحان اسمع لها وابتسم ولكن سريعا ما ذهبت ابتسامتى ..فقد كان العنب طعمه مر ..رغم انه شكله ممتاز ..ولكنه صينى ..بدأت امرر عينى بالغرفة ..العنب صينى والتلفزيون صنع فى الصين كل شئ تراه عينى صينى كل شئ بالغرفة صينى حتى ذلك التيشيرت الذى البسه اشتريته من بائع صينى حتى الذهب التى هى تلبسه ذهب صينى ..وهى مازالت تتحدث ..طلبت منها بلطف ان تتوقف عن الكلام ..لاننى افكر فى شئ مهم ...نعم افكر فى ان نمتنع عن شراء ما هو صينى فكل منتج صينى مثل ذلك العنب شكله جميل وطعمه مر سريعا ما يتلف .ولكن ان لم يكن هذا الشئ موجود معك فأنت اذن لست موجود ..يجب ان نأخذ وقفة ...وهى مازالت تتحدث ...طلبت منها اكثر من مرة ان تتوقف عن الكلام ...ولم اهتم بأمرها حتى بدأت تحدثنى عن اشياء المنزل يحتاجها وأوصتنى ان اشتريها منتج صينى فهو رخيص الثمن وهنا زاد غضبى ...طلبت منها ان تسكت ولكنها لم تسكت .فجأة وبدون وعى منى وجد كفى يدى يذهب بسرعة الريح ويصدم بوجهها ..لا اعلم كيف فعلت ذلك ..نعم فكرت فى ان نأخذ وقفة ...ولكن ما ذنبها هى ..نظرت لها وانا مذهول كانت قد وقعت على الارض وفصلت رأسها عن جسمها وخرجت منها بعض الاسلاك ...احضرت الكاتلوج لكى اصلحها ...ولكنى لم استطع ...فقد كان الكاتلوج مكتوب بالغة الصينية .

50 الناس الى بتكتب فى الكشكول:

Yusuf يقول...

اول تحليق

فووووووووووووو

Yusuf يقول...

الفكرة روعة

واسلوبك كمان تحفة

بجد هايلة

تحياتي

آه وكفى يقول...

طيب احسن انها اضربت عشان هى كمان صيني
هى مين دي
لأ بجد يبئى كده مش هنشتري حاجة خالص وبكده نحوش فلوس كتير :))
والله ابتديت اشك في العيال اخواتي يكون حد فيهم صيني وانا مش وخدة بالي وفكراه صنع في مصر

طهر فؤادك يقول...

السلام عليكم ورحمة الله وبركاتة ,,,
ربنا يكرمك يارب والمسلمين ... جميل موضوعك قوى وربنا يوفقك اللهم امين والمسلمين ...... وان شاء الله نبقى احسن من الصين بأذن الله لو رجعنا لدين شوية وربنا كريم وقادر على كل شئ .
-
وياريت تشارك معانا فى حملة نصرة الاقصى والموضوع بسيط جدا وياريت تشوف موضوعى على مدونتى وتقولى رأيك ..رأيك يهمنى اكيدددد ..

Unknown يقول...

ما هو دا
اللى بيــسموهـ
الاغـــــــــــراق
اللى بتحاربه امريكا
بجلالة قدرها ومش قادرة
عليه لأن حتى الأمريكان
ساعات بيترخصوا ويشتروا
الصينى يقضى مدته ومع
الســـــــــــــلامة!

أحمد الصعيدي يقول...

الصين تلك الدولة التي بنت حضارتها علي جيوب العرب لا لمقاطعتها يا سيدي إنما ما يجب علينا فعله هو أن نقاطع أنفسنا لأننا أشبه بأطفال معاقين

يا سيدتي لابد من أن نخجل من أنفسنا

ولنا كل الفخر أننا عرب عالة علي العالم

Heba Faruq يقول...

"ليه ماكنتش انت صيني!"
على رأي محمود المليجي في فيلم
عودة الابن الضال

ياريتنا بس نتعلم منهم شويه
وبدل استسهال فكرة المقاطعة
نفكر ننتج حاجات زيهم وأحسن
والمقاطعة وقتها حتبقى تلقائية

لكن يظهر إن ده اصبح من المستحيل
ولا إيه


احييك على أسلوبك الرائع..

حفيدة عرابى يقول...

ياخوفى يابدران
تيجى علينا أيام نتحسر على الصينى
لما بعد الشر بعد الشر
يحل مكانه الاسرائيلى
ماهى الكويز مقدمة لكده
شالوم عليك

osama44 اسامه 44 يقول...

جميله اوى
ههههههههههههههه
حلوه خالص
انت شكلك كنت متجوزواحده صينى
وانت مش عارف
الكتالوج
ماشاء الله
ربنا يسترها على بناتنا هى مش ناقصه تبقى العروس صينى كمان
ابدعت يا ويل

النسر المهاجر يقول...

ويل
أن زعلت أن الروبت يشجع الصناعة الوطنية
كان مفروض تكسرها مدام قررت إنك تستعمل الوطنى بس المشكلة السوق المصرى خالى من الروبوت

طهر فؤادك يقول...

السلام عليكم ورحمة الله وبركاتة ..
الله يكرمكوا يارب شاركونى يوم مقاطعة الفيس بوك يوم 24 /10 وياريت تشوفوا موضوع المقاطعة على مدونتى ومعاية بأذن الله

أحمد الصعيدي يقول...

السلام عليكم

اسف جدا علي لفظ يا سيدتي
عفوا سيدي سامحني لخطأيدي

وانتظر كمة العفو منك
اقسم لك أنها بالخطأ

أكرر الإعتذار

مرايتى يقول...

اه اه
بقت حياتنا كلها صينى لسه بس نشد عنينا من الجنب
فكره حلوه وكمان عاوزه اقول حاجه كمان مش بس المقاطعه علشان دى منتجات بوظت اقتصادنا لا كمان علشان اضطهادهم وتعديبهم للمسلمين هناك الفتره الى فاتت والى الكل شافها على التليفزيون
يارب ننفد بجد ونقدر نستغنى عن منتجاتهم ونعود نفسنا على كده
ربنا يكرمك ويعزك

طوبه فضه وطوبه دهب يقول...

بجد تحفه حقيقه واقعنا صحيح هم يضحك وهم يبكى على ما وصلنا من غزو الفكر والعقل فى كل شىء بدعى من قلبى ربنا يعيد لنا ما فقدناه ونعود لسابق عهدنا ونغير من انفسنا حتى يغير الله ما لحق بنا تسلم ايدك

well يقول...

اولا اسف على التأخير فى الرد على التعليقات ......

well يقول...

يوسف .....

نفسى فى مرة اعرف اخد اول تعليق
...
طريقتك فى التعليق هى اللى روعة وشكرا على كلماتك الجميلة .
تحياتى .

well يقول...

اه وكفى ...
لو عاوزة تتأكدى هما صينى ولا لأ شوفى الكتالوج بتاعهم مكتوب بأى لغة
....
على فكرة (صنع فى مصر ) مالهوش قطع غيار
...تحياتى
هو لو حبيت اشوف الكتالوج بتاعى اشوفه ازاى ..انتى خلتينى اشك فى نفسى .

well يقول...

طهر فؤادك...

مع احترامى لتعليقك ..بس هو احنا ليه بنربط كل حاجة بالدين ....يا سيدى الخطأ من انفسنا ...ولو غيرنا ما بأنفسنا سوف يغيرنا الله ...الاسلام هو اللى بيقول كدة ..اممممممم فى عملية ربط بالدين .تحياتى
وجارى قراءة حملة نصرة الاقصى

well يقول...

norahaty ....
امممممممممممممممم...
تعرفى ان اكتر مليارات العالم دلوقتى موجودين فى الصين ...
بس احنا نقدر نحارب الصين وكمان امريكا ..صدقينى بقولها عن ثقة
تحياتى .

well يقول...

احمد الصعيدى...
نقاطع انفسنا ..امممممم فكرة حلوة
بس محتاجة شوية توضيح ...
بس ممكن نحسن من نفسنا برضوا ...
تحياتى .
وبعدين يا احمد مدام النية صافية والقلب ابيض ..اغلط براحتك ولا يهمك
تحياتى.

well يقول...

هبه فاروق ...
لو انا كنت صينى ...اكيد كان شكلى هيبقى صينى ..وكنت هصنع منتجات وابيعها للعرب ..
مفيش حاجة اسمها مستحيل ..انا ممكن فعلا ابقى صينى ..قصدى ابقى احسن من الصينى .
تحياتى ..وشكرا على تعليقك

well يقول...

لقد خلقنا الله احرار...
استاذتنا ...
احنا اللى عملنا فى نفسنا كدة ونستاهل
ولو المنتج الاسرائيلى دخل بيوتنا يبقى احنا اللى عملنا كدة فى نفسنا ونستاهل ....بس ازاى هنسامح نفسنا
تحياتى يا استاذة .

well يقول...

اسامة ...
نورت الكشكول..
وبعدين مفيش احلى من الصينى بعد جوازه ...
تحياتى .

well يقول...

المهاجر ...
حمدالله على السلامة ...
الروبوت المصرى غير متاح حاليا ..
سوف انتظره احتمال ان يصل بعد 350عام
تحياتى..

well يقول...

طهر فؤادك ..
يا مرحب بيك للمرة التانية ..انا اصلا معنديش فيس بوك
تحياتى

well يقول...

احمد الصعيدى ...
..
..
..
...
.........::::....محاولة لكى ارسم لك ابتسامتى .
تحياتى .

well يقول...

سمسمة ...

معذرة ولكن نحن شعب لا نعرف الا المقاطعة وفقط ...كنت اتمنى ان نعتمد على انفسنا ونستغنى عنهم ..
تحياتى .

well يقول...

طوبة فضة وطوبة دهب
..
هم يضحك
..
هم يبكى
وصفتى الشعب العربى بطريقة بسيطة عميقة واضحة جداً بس محتاجة توضيح
تحياتى ...

أحمد بسام يقول...

فكرة هايلة فعلا دول ناقص يعملوا البنى ادمين
جزيت خيرا

سلمى يقول...

السلام عليكم
هو حضرتك كان عندك الزوجه الصينيه برضوا ولا ايه
بس الصراحه لو حنتكلم عن الصين فدى قضيه كبييييييره اوى
ربنا يسترها
دمت بخير

------ يقول...

اولا سعيدة جدا

بزيارتك ليا
وييلا

وسعيدة برأيك ويارب تزورينا على طول

فكرتك جميلة جدا والله

رابطة هويتي اسلامية يقول...

فى إطار حملة مدونتى عنوانى تستضيف رابطة هويتى إسلامية المدون محمد غالية صاحب مدونة هل تبحث عن السعادة

فى نقاش عام وحوار مفتوح حول موضوع الحملة .

والدعوة مفتوحة للجميع للمشاركة معنا فى النقاش من أجل الإفادة والإستفادة

نتمني منكم مشاركتنا من أجل تدوين أفضل

تحياتنا

أسرة رابطة هويتي إسلامية

غير معرف يقول...

ايه ده انت اتجوزت زوجه صينيه
الف مليون مبروك
بس ليه تضربها وتتكلف انت عارف بتبقى مشكله فى التصليح والصينى برده اي كلام

كنت دوس على الزرار سكتها
الزوجه الصينه فيها الخاصيه دى

دمت مبدع فى نقدك بطريقه قصصيه متميزه
جيجي والعالم

ابو على يقول...

سومو حبيبى سومو

ربنا يوعدك ب اوشين تتجوزها عشان تبقى كملت

وحي القلم يقول...

السلام عليكم
أنا شفت اعلان تريقة عن الخروف الصيني والزوجة الصينية
هو دا اللي ناقص

جارة القمر يقول...

الصين بتحتل المركز الأول بتسويق منتجاتها للدول العربية بس

لكن الأسواق الأجنبية يقل كثيرا تواجدها هناك

ياترى الخلل فين


احنا عندنا المواد الخام اللي نقدر نصنع منها كل حاجة

وفي ايدي عاملة كتير اوي


تناولت مشكلة قائمة فعلا وموجودة بعالمنا العربي

يسلمووووووووووو

well يقول...

اسف اوى يا جماعة على التأخير فى الرد

well يقول...

احمد بسام ...
شكرا على تعليقك ونورت الكشكول وعاوزين نشوفك تانى
تحياتى

well يقول...

سلمى ...
كان عندى وباظت وعاوزة تصلح ...
بس سيبك مفيش احلى من المصرى
نورتى الصفحة وعاوزين نشوفك تانى
تحياتى ..

well يقول...

دموع القمر..
انا كمان سعيد بوجودك هنا وان شاء الله يكون فى تواصل ..
تحياتى

well يقول...

رابطة هويتى اسلامية ...

الرابطة منورة وشكرا على التعليق وان شاء الله يكون فى تواصل
تحياتى ...

well يقول...

جى جى والعالم ...
شكلك عندك خبرة فى الصينى اكتر منى ...
تحياتى ...

well يقول...

ابو على ..
اهم حاجة فى اوشين يكون ليها قطع غيار
نورت يا ابو على
تحياتى

well يقول...

رابطة هويتى اسلامية ...
شكرا . وان شاء الله يكون فى تواصل
تحياتى

well يقول...

مصعب صلاح ..
وعليكم السلام ورحمة الله وبركاته..
اممممممم هو الاعلان نزل طيب نلحق نحجز وحدة ..هعمل حسابك
تحياتى ..

well يقول...

جارة القمر ..
الصين بتاخد منا الحديد بـخمسة جنية وترجعه كاميرا بألف جنيه
نورتى يا فندم
تحياتى ...

سمسم/سما يقول...

السلام عليكم
والله قرفناها
بس المشكلة فين
يمكن فتفكير الناس
انا اعرف انو المتج الغالي بيبقى تمنو فيه لان الخامة بتعتو كويسة علشان كده اغلى فبيدوم اطول
لكن بنشتري رخيص وبيخرب بسرعة
والتجار بيجيبو نخب تالت مش اول
و
يمكن المشكلة مش بس فالتفكير
كمان فالحالة المادية
وسبب اضافي خاص بينا احنا فغزة
الحصار بيمنع دخول الخامات فمعدش فيه صناعة كلو استيراد وبس
بوست جميل واسلوب اجمل

راجية الرحمه يقول...

احييك على اسلوبك الرائع
واحنا لو دورنا على ابر الخياطه هنلاقيها صينى

يعنى اسهل حاجه مش عارفين نعملها او احيانا بيبقى معندناش الامكانيات اللى نعمل بيها ........
الصين مش هقولكم شوفها من 20 سنه كانت ايه شوفوها بس من 10 سنين كانت ايه-ولا حاجه-
دلوقتى هما قدروا يتغلبوا على فقرهم برغم عددهم المهووول مع ان صناعتهم ومنتجاتهم هنلاقيها من اردء الانواع ....لكن نقول ايه

well يقول...

سمسم \ سما ..
نورتى يا فندم وان شاء الله المنتج الفلسطينى ينتشر ف العالم كله
تحياتى ..

well يقول...

راجية الرحمن ..
نورتى الكشكول
الصين كانت اى وبقت اى ؟....عارفة مفيش حد بيفضل على حاله .
تحياتى .