RSS Feed

اتفاق


(اقرأ)..جميعنا يعلم ان هذه اول كلمة نزلت من القران بل هى اول كلمة فى الرسالة وعلى كل مسلم ان يقرأ القران وجميعنا نتفق على ذلك ..ومن هنا دعونا نذهب الى اتفاق اخر ...
سوف اقرأ لكل من يكتب وسوف اكتب لكل من يقرأ
ان كنت تقرأ للكل فعليك ان تكتب للكل
وان كنت تكتب للكل فعليك ان تقرأ للكل
فالثقافة هى امتزاج من الكل وللكل
ولا تعجبك مدونة صاحبها قد قرأ للكل وعندما كتب كلماته اصبحب المدونة تلمع بلمعان الثقافة ولكن صاحب المدونة اخطأ عندما بدأ يتلاعب بكلمة الالوهية ..وهى كلمة تخص الله الواحد فقط...وبدأ يتلاعب فى مواضيعه بمضمون ...قلة ادب...واستخدم الصور الجريئة او ان شئت قل الصور الاباحية ..اعترف انه مثقف ولكنه غير اخلاقى.
ولا تعجبك ايضاً مدونة صاحبها اخلاقى يحمل البراءة فى قلبه وكلماته تحكمها الاخلاق ولكنه كتب فقط دون ان يقرأ للكل فلم يضئ فى كلماته نور الثقافة ..
نعم نحن نكتب او نقرأ تحت بند الثقافة
لماذا لا نقرأ للأخرين وقد طلب منا ان نطلب العلم ولو فى الصين وان ندعوا الله ونقول ربى زدنى علما ...
على المدرس ان يقرأ كل شئ حتى يعلم كل شئ حتى اذا سأله التلميذ سؤال يمكنه الجواب عليه.
كذلك على المدون ان يقرأ كل شئ حتى يمكنه ان يكتب موضوع عن اى شئ او يكتب تعليق عن اى موضوع دون ان يجامل ولكنه يكتب تحت ببد المعرفة والثقافة .
لنرجع الى البداية والى الرسالة (اقرأ)...لم نتعب كثيراً اذا فكرنا ان نقرأ ثم نكتب ..فالاغلبية العظمى تمتلك التفكير ولكن ليس الجميع يمتلك التفكير الابداعى ..فالتفكير الابداعى يكون هدية مجانية تمنح مع العلم والمعرفة والثقافة ...فهنيئاً لك تلك الهدية .

32 الناس الى بتكتب فى الكشكول:

أحمد الصعيدي يقول...

كلمة ورا كلمة
وجملة ورا جملة
سقط العرب في الحساب والنحو والإملا
ونجحوا في الصرف لحد ما ضاعت العملة


أتفق معك والتحرك الايجابي يكمل الابداع الفكري

بارك الله فيك

well يقول...

احمد الصعيدى ...
كلمة ورا كلمة
وجملة ورا جملة
سقط العرب في الحساب والنحو والإملا
ونجحوا في الصرف لحد ما ضاعت العملة
بجد تعليقك جميل وانا سعيد بوجودك هنا باستمرار . نورت المدونة والكشكول
تحياتى .

النسر المهاجر يقول...

فعلا يا ويل كثير من الناس بيردوا من غير ميقرأوا مع أن الصح نقرأ ومش مهم الرد إحنا بنفيد بعض مش بنزود ردود من غير فايده الرد بيكون أكثر إجابية لو لسبب وأفضل موضوعية

كلمة صدق يقول...

السلام عليكم اختى العزيزة اولا اسمحيلى المرور ثانيا اول كلمةقالها اللة العزيز الكريم للرسول علية افضل الصلوات والسلام هى أقرأ ومعنى ذلك امرنا اللة ان نقرأ وياريت عندما نقرأ نكون صادقين مع انفسنا حتى نفهم ما نقرأة وصدقينى فكرة المدونات شئ قيم جدا لانها اتاحت القراءة بلون جديد مش مجرد كتاب او وسيلة اخرى تقرأهاولكنها اتاحت ان تقرا ما بداخل الناس وتتعلم منة ودى مش موجودة فى اعظم الكتب انا اسف اطلت عليك ولكن ابقى زورينا اخيك هاشم

------ يقول...

ازيك يااحلى ويلا

انا جييييت امسى عليكى

واكيد هقراه بس وقت تانى

لانى راجعة هلكانة من الجامعة

دعوااتك بقى

osama44 اسامه 44 يقول...

ويل الصاحب
بجد مش عارف اقولك
بس اقدر اقولك انك بينت معنى كبير من الهدف من القراءه
وهو
القراءه للحياه على راى ماما سوزان
ويل
انت تبع الحزب الوطنى ولا ايه
بجد بوست رائع

مرايتى يقول...

السلام عليكم ورحمة الله وبركاته
بجد ربنا يكرمك لخصت موضوع فى غاية الاهميه واجزته بكلمات بسيطه ولكنها موجزه
وبيتهيالى فكرة المدونات دى رجعت الثقافه دى ثقافة القراءه من تانى حتى ولو قراة بعض المدونات وبعض الاراء لان بيتهيالى ان القليلين فقط منا من يقرؤن الان
وتنمية مهارة الكتابه والابداع كما قلت لن تاتى الا من التزود بالثقافات ومعرفة معلومه جديده من كل كلمه تقراها حتى ولو بسيطه
بجد بوست هايل

well يقول...

المهاجر
.......
نورت الكشكول ..وانا معاك ان الرد لازم يكون بموضوعية .
تحياتى

well يقول...

كلمة صادق ..
فعلا المدونات نوع جديد من القراءة
اضافت ثقافة
شكرا لك هاشم على التعليق ..اخوك وليد
تحياتى

well يقول...

همسات على ضوء القمر ..
بالتوفيق فى الجامعة وفى حياتك ان شاء الله
وانا مستنيكى تقرى البوست ..اخوكى وليد
تحياتى

well يقول...

اسامة ..
القراءة للجميع ....
نعم انا تبع الحزب الفقرى
تحياتى
يا ابنى اتصل .. على حسابى مش عارفلك تلفون
تحياتى ..كلمنى شكرا

well يقول...

سمسمة ...
بجد تعليقك انتى اللى هايل
وبجد انا ببقى سعيد بتعليقاتك
وانا معاكى ان المدونات قدرت انها ترجع الثقافة وتخلى الكل يكتب واحسن ناس بحب اقرالهم من المدونين هما التعليم والاعلام والطب وانتى طبعا ..
تحياتى

well يقول...

PakKaramu~
merci
....

العلم نور يقول...

شكرا أخي في الله على مرورك الكريم على مدونتي المتواضة ..

أما موضوع القرائة فأنا ولله الحمد منذ سن السابعة من العمر وإلى الآن وأنا أقرأ واستمع وأشاهد لأفهم واتعلم.

فأتذكر أول حصة لي في المدرسة أن قالت لنا معلمتنا (إن أول كلمة أنزلت على النبي الأمي كانت كلمة واحدة فقط، وهي كلمة إقرأ، لذا من ستقرأ منكن يابنات ستصل).

Unknown يقول...

السلام عليكم ورحمة
الله تعالى وبركاته
(على المدرس ان يقرأ
كل شئ حتى يعلم كل شئ
حتى اذا سأله التلميذ
سؤال يمكنه الجواب عليه.)
اتفق معك فى هذه النقطة لأن المدرس
مؤهل ومدرب لهذا وعنده من العلم
والثقافة(مفروض يعنى)ما يخوله
ان يحكم بين الغث والسمين
من الكتابات
(كذلك على المدون ان يقرأ كل شئ حتى يمكنه ان يكتب موضوع عن اى شئ او يكتب تعليق عن اى موضوع دون ان يجامل ولكنه يكتب تحت ببد المعرفة والثقافة )
اختلف معك فى هذهـ ياويل فهناك اشياء
يجدر بغير الخبير فيها الا يقرأها او يهدر وقته عليها .اتذكر هنا قول
شيخ جليل لنا عندما سألته احدهن
عن حكم قراءة الانجيل فطلب منها عدم
فعل ذلك واشار عليها بقراءة وحفظ القرآن اولا ثم قراءة ما غير ذلك
حتى لا يفتنها شىء من الاشياء
التى يزينون بها كلامهم.
طوووووولت فى التعليق
معلش:)

------ يقول...

انا جيت بس معذرة على التأخير

انا اتفق معك ان لازم نقرأ
دى اول كلمة نزلت على محمد عليه افضل الصلاه والسلام
بس بنلاقى ناس كتير بتريح دماغها
انا ساعات بيحزنى ناس تدخل تكتب عندى تعليق جمييل ماشاءالله
ماشى طب انت قريتى الموضوع ولا حته وكتبتى عليها تعليق

(على المدرس ان يقرأ
كل شئ حتى يعلم كل شئ
حتى اذا سأله التلميذ
سؤال يمكنه الجواب عليه.)
اتفق معاك جدا فى النقطة دى
بس بيقولك شعب لايقرأ واذا قرأ لايفهم :):)

انا لغاية فترة مكنتش بقرأ ولابحب القراية لكن بدأت اخصص وقت واقأ فيه
والحمد لله
بجد موضوع حضرتك جميل جدا وسردته بأسلوب ممتاز

Heba Faruq يقول...

لفد لمست بكلامك أزمة حقيقية نعيشها الآن وهي أزمة القراءة ..
هل تعرف إن الدراسات الدولية الأخيرة حول معدلات القراءة في العالم أشارت إلى إن معدل قراءة المواطن العربي سنويا ربع صفحة،أكرر ربع يعني حتى محصلش صفحة في السنة!
بينما معدل قراءة الأمريكي مثلا 11 كتاب والبريطاني 7 كتب في العام
وبعد كده بنسأل ليه احنا حالنا متأخر عنهم!

دمت بكل خير

طوبه فضه وطوبه دهب يقول...

بجد تصفيق حاد على ما خطته يدها وما نسجه عقلك ولك منى كل تقدير واحترام اخى الكريم

well يقول...

الشجرة الام..
نورتى المدونة ..من سيقرأ سوف يصل ..جملة جميلة
تحياتى ..

well يقول...

norahaty ..
وعليكم السلام ورحمة الله وبركاته
تعليق جميل
بمناسبة الاختلاف ..انا لم اقصدان نقرأمثلا الانجيل او كتب السحر والشعوذة ولكن نقرأما يفيدنا اعترف اننى لم اوضح هذه النقطة ..شكرا انكى وضحتيها
(واللهم علمنا ما ينفعنا وانفعنا بما علمتنا )
تحياتى

well يقول...

Heba Faruq..
ربع صفحة ...صدمتينى بجد..يمكن الصدمة تفوقنا .
دمتى بخير ..
تحياتى

well يقول...

همســات عــلى ضــوء الــقمر...

بس بيقولك شعب لايقرأ واذا قرأ لايفهم ..هو مين اللى بيقولى دى حرب نفسية .
اجمل حاجة اننا نخصص وقت للقراءة او مثلا نحدد كام صفحة فى اليوم واهم حاجة طبعا نخصص وقت لقراءة القرءان الكريم
..وياريت لو نحاول نكتب ولو 3 سطور يوميا ..3سطور على جمب فى كشكول لوحده ولو عجبك منهم حاجة انقليهم فى المدونة ..انا كنت بعمل كدة وناوى اكمل على كدة ما تنسيش اهم حاجة فى الكشكول انه يكون 100 ورقة
تحياتى وبجد نورتى المدونة

well يقول...

ميمى واحمد...

الف مبروك لنوارة
مش كان الاحسن تكتب عنوان ويب مدونة او موقع الحفلة كدة هتروح علينا حتة الجاتوه
تحياتى ونورتنى

well يقول...

طوبه فضه وطوبه دهب...

بجد شكرا على كلامك الجميل اللى بيفع ديما من روحى المعنوية
تحياتى

حلم بيعافر يقول...

والله ياعم كلامك معقول

well يقول...

حلم بيعافر ..
تعليق جميل والف مبروك لمصر .....

غير معرف يقول...

بسم الله الرحمن الرحيم

اول صفحه ليا فى الكشكووووووووول

مبروووووووووووك لمصر وعقبال يوم الاربعاااااااااء

راجية الرحمه يقول...

للاسف معظم امه اقرأ لا تحب القرأه
وان كانت تحبها لاصبحنا فى اعلى مراكز العلم

و

الف مبروك مبروك لمصر

------ يقول...

الله يبارك فيك

على الرغم ان الواحد مالوش فى الكورة وانا مع اللى يكسب :):)

بس طبعا كنت بشجع بلدى :)

انا اصلا كنت بخلص بحث لقيت جووووووووون
وهيصة سبت المذاكرة وقمت اتفرجت
واعصابى تعبت وحسيت بخيبة الامل
وقعدت اقولهم ياشماتت ابلة ظاظا فيا

واول ماقمت الجون التانى جه هههههههه
هما كانوا مستنيينى اقوم بس :)

والحمد لله وعقبال يوم الاربع

وكمااان مبروووك لمصر :)

well يقول...

7annen ...
منورة الكشكشول
وان شاء الله هنكسب
تحياتى

well يقول...

راجية الرحمة ...
ان شاء الله امة اقرأ هتقرأ
وان شاء الله هنكسب
تحياتى

well يقول...

همسات على ضوء القمر ...
ده مكنش مطش عادى
ولازم تشجعى المطش الجاى إجبارى
علشان نكسب
وان شاء الله هنكسب
تحياتى وديما منورة الكشكول