RSS Feed

مـعـتـز الـصـيـنـى 私は私が逃す愛するتانى مرة


مـعـتـز الـصـيـنـى تانى مرة 私は私が逃す愛する :


بعد الرعد والبرق والمطرة كان لازم البس الجاكت اللى اشترته الشتا اللى فات ..هو جاكت صينى بس شكله حلو بجد ..واول ما اشتريته جات فى بالى قصة معتز الصينى ونشرتها على المدونة اللى كانت لسه جديدة طازة ..النهاردة وانا بنظر الى الجاكت افتكرت معتز الصينى وعشان كدة قررت اعيد مـعـتـز الـصـيـنـى 私は私が逃す愛する: هتعجبكوا ان شاء الله


المشهد الاول

######## لقاء الحبايب


معتز ينتظر نيرفانا عند محطة كوبرى القبة
نيرفانا تتقدم من معتز وتحمل ابتسامة

نيرفانا .. عامل اى يا حبيبى
معتز..الحمد لله
نيرفانا تنظر الى جاكت معتز
نيرفانا .. أش أش اى الحجات الحلوة دى
معتز.. اى رئيك
نيرفانا .. حلو الجاكت ده
معتز.. جيبتوا امبارح
نيرفانا .. بس حلو أوي ..شكله غالى
معتز.. تديلوه كام
نيرفانا ..اممم 250 جنية
معتز .. هاتى 200 جنيه وخديي
نيرفانا .. ههـ .. انت جيبتوا بكام اصلا
معتز .. بـ 150 جنيه
نيرفانا .. بس بجد حلو
معتز .. هو رخيص بس علشان صينى
نيرفانا .. اممم
نيرفانا .. نسيتنى صح .. فى اى ياعم
جايبنى على مالا وشى

معتز .. مفاجأة . . مشكلتنا اتحلت
نيرفانا .. بتكلم جد .. يعنى جبت الشقة
معتز .. لأ . بس جبت الشبكة
نيرفانا .. بجد يا معتز
معتز .. ايوة يا نيرفانا .. والشبكة كتيرة
نيرفانا.. كتيرة .. انت جيبت فلوسها منين يامعتز
معتز.. مش مهم جبت فلوسها منين المهم انها جات
نيرفانا .. معتز اوعى تكونــ..
معتز.. اكون اى بس .. ماتبقيش عبيطة انا مش بتاع الكلام ده
نيرفانا.. يعنى الشبكة دى فلوسها حلال
معتز .. ايوة ياستى فلوسها حلال
نيرفانا .. عارف يا معتز ممكن بعد ما تشبكنى
نبيع الشبكة ونكمل عليها ونجيب الشقة .. منى بنت خلتى عملت كدة
معتز .. ابيع الشبكة ...مش انا اللى ااقلعك الشبكة علشان ابيعها يا ماما
نيرفانا .. طول عمرك راجل يا معتز
معتز.. انا جي بكرة انا ومصطفى ابن خالتى الساعة 7 علشان
أورى الشبكة لأبوكى وامك

نيرفانا .. انت ومصطفى .. طب وأمك
معتز .. امي تعبانة شوية
نيرفانا .. الف سلامة عليها .. طب وأختك
معتز .. اختى قعدة معاها .. مينفعش تسيبها لوحدها
نيرفانا .. خلاص ماشى يا معتز
********
المشهد التانى

#######
في بيت نيرفانا
كيمو .. ايي . اسمع منى وركزلى
وكل واحد يجهزلى عل ترمادول
انا هتكلم ورييت محدش يغمزلى

نيرفانا ..انت يا زفت ياكيمو وطى الكمبيوتر
ده شوية معتز زمانه جى

ام نيرفانا .. ماتسيبى الواد يفرح يابت
دانا النهاردة هنشوف الشبكة

نيرفانا.. ياماما طب يشغل اغانى فاررحى
مش يشغلى الترمادول

ابو نيرفانا .. ما هى دى برضوا اغانى
بتاعت افراح .. شغل ياض

اغنية سيجارة بنى
ام نيرفانا.. تفتكري يا بت الواد معتز جاب
فلوس الشبكة منين ..اوعي
يابت يكون سارقهم
نيرفانا.. يا ماما هو معتز برضوا بتاع كدة
ابو نيرفانا..هو ده لو كان بتاع كدة
كان ده بقه حاله
جرس الباب يرن
نيرفانا .. ياكيمو اطفى الزفت ده وافتح الباب ده اكيد معتز
كيمو يفتح الباب يجد معتزشايل علبة شوكلاته
في اليمين وشنطة الشبكة فى الشمال
ومعاه مصطفى بن خالته
ابو نيرفانا .. ادخل ياعريس بنتى نورت البيت
ادخل يا مصطفى يا ابنى

يجلسوا داخل غرفة الصالون
مصطفى ينظر الى معتز ويغمزله برجله

معتز .. عامل اى يا عمى
ابو نيرفانا.. الحمد لله
معتز.. وانتى ياحماتى عاملة اي
ام نيرفانا.. الحمد لله .. انا زعلت على امك لما عرفت انها تعبانة
قولها ان انا جيا ازورها انا ونيرفانا
معتز.. فيكى الخير ياحماتى
ام نيرفانا .. ماتورينا يابنى الشبكة
معتز يفتح علبة الشبكة والجميع ينظر فى زهول
ام نيرفانا تمسك غويشة وتقعد تبص فيها

ام نيرفانا .. ده اى ده يا ابنى
معتز .. دي.. الشبكة
ابو نيرفانا..دى عيار كام دى يا ابنى
معتز .. ده ده عيار
معتز.. ده ياعمى دهب صينى

ام نيرفانا .. صينى .. انا بنتى تشبك بدهب صينى
هي بنات الناس لعبة فى اديك ولا اى

معتز .. ولا لعبة ولا حاجة ياحماتى
ام نيرفانا.. اخرس متجيبش كلمة حماتى دى على لسانك
مصطفى .. ياجماعة وحدوا الله بس مش كدة
ابو نيرفانا .. لا اله الا الله .. انت مش سامع
يامصطفى ابن خالتك بيقول اى
ابن خالتك بيقول صينى بذمتك

يا مصطفى يا ابنى انت ترضاها لاختك
معتز.. ياعمى اي بس المشكلة ماهو ده دهب وده دهب
ام نيرفانا .. اسمع يا ابنى . انا بنتى مش لعبة فى اديك
وياحبيبى اللى معهوش مايلزموش

نيرفانا مازالت مزهولة تريد ان تغير عقارب الساعة
وترجع بالزمن .. ترجع لغاية محطة كوبرى القبة
وتقول لمعتز ..ليه كدة يا معتز .. انا بس كنت عملتلك اى
ولا هى دى غلطتى علشان حبيتك.

************

المشهد الثالث..

######### علــ القهوة

معتز يجلس هو ومصطفى على القهوة

معتز يخرج سيجارة من العلبة LM بتاعت مصطفى

ويولع بالولاعة السخان

مصطفى .. يا ابنى حرام عليك دى تاسع سيجارة بتشربها

وانت اصلا مبتشربش سجاير .. وكمان دى

خامس كباية شاى ..

معتز .. سيبنى وحياة ابوك يامصطفى .. يحسن انا مخنوق

مصطفى ..أنت بتحسسنى ان انت بتشرب خمرة علشان تنسى

معتز.. انسى .. انا مش ممكن انسى الا لما اقتلها

مصطفى .. حرام عليك يا ابنى تقتلها اى بس .. دى البت بنت حلال وبتحبك

معتز.. بنت اى اللى اقتلها .. انا اقصد امها الحيزبون المملة .. نفسى افش غلى فيها

مصطفى .. حيزبون .. ومملة .. وعايز تفش غلك ..انا عندى اللى يحققلك حلمك

مصطفى يخرج التليفون من جيبه وأصابعه تلامس زراير التليفون

معتز .. هو أنت..هـتكلم مين

مصطفى .. تسمع عن اللهو الخفى ..ده بقى اجمد من اللهو الخفى

معتز..ده مجرم ده ولا اى

مصطفى..ههــ ال مجرم ال __ ده بقه ياعم وخدها هيواية

مصطفى .. الو .. ازيك ياباشا .. ليك عندى حتة من اللى قلبك يحبها

..حيزبون ومملة .. ايوة مملة ..طب اكتب العنوان عندك

*******

المشهد الرابع

#######نهاية طاغية


ام نيرفانا قاعدة فى الاوضة بتاعتها

والواد كيمو مشغل اغنية سيجارة بنى بصوت عالى قوى

ام نيرفانا تنظر الى الغوايش اللى لبساها وتقول

ام نيرفانا..ال صينى ال ..ده عبيط ده ولا شكله كدة

.. الحق مش عليه الحق على الهبلة بنتى

.. ال بتحبه ال ...

ام نيرفانا ..بصوت عالى .. ياض ياكيمو وطى الزفت ده

ام نيرفانا.. شربت سيجارة بنى لللا للللااا .. ياعم ولع يا سيدى ولع

وفجأة ام نيرفانا تحس ان حد واقف وراها . تبص تلاقى واد عجل

لابس اصفر فى اصفر وعامل جناحات سودة ..يمسك النضارة وينزلها

على عينه ويقولها .

الواد العجل ..دانا اللى هولع فيكى

طاخ..طرااااااااااااااااااااااااااااخ....بـــ..ـومممم

ام نيرفانا .. اه ........اه..............ه

طــ...........ــ.......ــ..ــراااااااااخ

**********مولدى تتحدى المملل**********

************The End*************




34 الناس الى بتكتب فى الكشكول:

رحلتنا في الحياة يقول...

ياساتر كل ده بسبب الصين واللى بيجيلنا منها ربنا يخدهم ونرتاح :)
مرسيى للمرورك على المدونة معلش انى مقصرة فى الزيارة للمدونة بس ان شاء الله مش هتكون الاخيرة

خواطر شابة يقول...

انا اندمجت مع القصة ومستنية النهاية وفجأة طلع لي عفريت ميلودي حلوة ملعوبة بجد
هنا في المغرب المنتوجات الصينية حققت رواجا في البداية لرخص اسعارها مقانة بالمنتوج المحلي او المستورد من دول أحرى لكن سرعان ما تحول عنها الناس لان الجودة منعدمة الاصلي يكسب ياعم
تحياتي لك

مهرة سالم يقول...

السلام عليكم...
أضحك الله سنك..
......
بالرغم من الضحك إلا أنها مشكله بجد ..
كان الله في عون الشباب ..
....
كل عام وأنت بخير ..
وعساك من عواده...
...
في امان الله

donya يقول...

مساء الخير

الا مساء الخير باصيني تبقي ايه
ماهو كله بقي صيني


بوست كوميدي جدا جدا

تحياتي

Heba Faruq يقول...

الصينيين عاملين وجع في راس أمريكا نفسها..أمال احنا نعمل إيه

تدوينة أكثر من رائعة

مع تحياتي

osama44 اسامه 44 يقول...

ايوه يا معلم اخرج الزبد
دمتى ويل الصاخب

well يقول...

ايوشة ...
غيبى براحتك ولا يهمك بس ارجعى تانى علشان تنورى المدونة
تحياتى

well يقول...

خواطر شابه..
ملعوبة بجد...عجبنى التعليق ده
اهلا بالمغرب العربى ..
الاصلى يكسب والبلدى يوكل ..
نورتينى بجد ..تحياتى

well يقول...

نــهــــار ..
وعليكم السلام ورحمة الله

اضحك الله سنك...

احيانا تطرح المشكلة بطريقة ساخرة
كل عام وانتى بخير
تحياتى

well يقول...

donya ...
مساء النور

مساء الخير بالصينى 晚安
ممكن تنطقيها ني هاو
تحياتى والكشكول نور بوجودك..

well يقول...

Heba Faruq ..

الصنين ..اغنى ناس فى العالم
الصين رغم مستواها لكنها تقدر تتحدى امريكا ...
السؤال هنا
هل احنا نقدر نتحدى الصين
تحياتى

well يقول...

اسامة حبيب قلبى ..

حمدالله على السلامة ...انا كدة اطمنت ان انت وصلت البيت ...معلش بقه الرصيد خلص كله معرفتش ارن على حد
تحياتى

Tamer Nabil Moussa يقول...

قصة رروعة

من الواقع

رغم غيرتى من الصين

نفسى بلدنا توصل لربع اللى وصلت لية

مع خالص تحياتى

قلم رصاص يقول...


هههههههههههههههههههههه

ايه الجمال ده كله .. بقى بعد ما انا اندمجت ياعيني مع القصة وكنت مستني نهاية حلوة للعروسين .. تقوم تفاجئني بميلودي الممله هههههههههههههههه

جزاك الله خيرا

واسلوبك بجد عجبني جدا

وكل سنة وانت طيب

واشكرك على الزيارة

في امان الله

BookMark يقول...

ههههه هوا قتلها بجد؟؟
ليه !! كلو بسبة الصيني الزفت ده !
ولا بلاش زفت .. الله يديم الرخص ;)

قصة ممتعة
شكرا وعساك عالقوة :)

Somaya Kamal El Din يقول...

اولا بقى ثانكس على تعلقك على اخر بوست

وبخصوص مجلة شخبطة ده لينك لتحميلها
http://www.mediafire.com/?zdgnunmtdzw


هههههههههههههه

ادى اخرة القعدة قدام التلفزيون كتير

متشوف لنا حاجة لروتانا سينما مش هتقدر تغمض عينك ههههههههههههه


رغم انى اول مرة تقريبا اجى المدونة دى بس دمها خفيف

well يقول...

Tamer Nabil....

احنا نقدر نوصل ...بس محتاجين شوية جهد على شوية ضمير ..ونعدم كل واحد استغلالى فى البلد

تحياتى ...ونورت الكشكول

well يقول...

قلم رصاص ....

انا سعيد ان انت وصلت لمرحلة الاندماج مع القصة

وانت بخير ...ونورتنى

تحياتى

well يقول...

BookMark ....

هو ادبها بس ....

بس لو عوزينه يقتلها انا معنديش مانع اتصلك بيه دلوقتى

الكشكول نور

تحياتى

well يقول...

فيلسوفة القرن الواحد والعشرين


انا ماضى عقد مع ميلودى لمدة 5 ايام

لما المدة تخلص ابقى اشوف حكاية روتانا سينما ...

جارى الذهاب الى لينك المجلة

نورتى المدونة
تحياتى

amirelhob يقول...

دانت طلعت مخنوق من الصين بشكل دى لو الصين حماتك مش هتعمل فيها كدا حرام عليك انت مسحت بكرامت الصين الارض بس بوست تحفه جدا وضحكت اوى ومن قلبى بتمنلك كل خير وسعاده وصحه وتوفيق وفرح وابتسامه تدوم يا رب طول العمر

donya يقول...

ني هاو

مساء الخير

بس دي مش عاطفيه خالص مساء الخير احلي

مافيش واحده غيرها احلي

تحياتي

IBN BAHYA - إبــن بهيـــــــــــــة يقول...

كل سنه وأنتم طيبين
تحياتي

أبو العريف يقول...

هههههههههههههههههههههههههه

جااااااااااااااااااااااااامده


تصدق انا كنت كاتب موضوع عن الصين برضه هدورك عاللينك

ثواني



ادي الموضوع
http://maknaiel.blogspot.com/2009/02/blog-post_22.html

well يقول...

امير الحب ...

(انت مسحت بكرامت الصين الارض )ههههههههه عجبتنى اوى الجملة دى
وربنا يخليلى قلبك اللى بيتمنالى الحجات الجميلة دى
اتمنى لك رضى الله
تحياتى .. وبجد نورتنى

well يقول...

donya ...
يعنى انتى مش عجباكى ني هاو
معتز لو عرف هيزعل منك
بس بينى وبينك مساء الخير احلى
. ...مساء الانوار

تحياتى

well يقول...

IBN BAHYA ...

وانت طيب يا رب ...
ونورت الكشكول ..

تحياتى

well يقول...

ابو العريف

تصدق موضوعك جامد ...وحكاية الابراج دى الهمتنى انى اكتب موضوع تانى عن الصين

بس قولى بجد هو انت برجك الصينى اى ..متخفش مش هقول لحد خالص .
تحياتى

Mafrousa يقول...

يم التصليح و شكرا
حرجع تاني اقرأ موضوع الصين ده
سلام

طهر فؤادك يقول...

السلام عليكم ورحمة الله وبركاتة ,,,

ماشاء الله جميل القصة ربنا يكرمك يارب والمسلمين ... ضحكتنا شوية جزاك الله خير .. وفعلا الصين غزت الدنيا وربنا يعز الاسلام والمسلمين ونتغلب على الغزو دة بغزو مضاد وان شاء الله وبأذنة تعالى الغلبة لينا فى النهاية بأذن الله

بس قولوا يارب يارب يارب

جارة القمر يقول...

حلوة بجد تسلم ايدك ياعيني على معتز ونيرفانا

تصدق كل حياتنا بقت صيني
حتى أطفالنا حيبقوا صنع بالصين :) التلقيحات وأطفال الأنابيب حيبقوا صنع بالصين

بس ياترى صناعة الصين دي سبب تغريقها لبلدنا ايه

well يقول...

واحدة مفروسة ..

انا مازلت هنا انتظرك
تحياتى

well يقول...

طهر فؤادك...
شكرا على كلامك الجميل
وكل الناس بتقول يا رب ..يا رب

تحياتى

well يقول...

جارة القمر ..

لو كانوا اطفالى هيكونوا صنع بالصين فأنا مش عاوز اطفال

جارة القمر ..
الاسباب كتيرة ...لكن الاهم ازاى نلحق نفسنا قبل الطوفان
تحياتى ..