RSS Feed

عُملة بطروسية

امبارح كنت بحول رصيد للتلفون واشتريت هاند فرى ..لما اخدت الباقى كان فيه فلوس ورق ..بينى وبين نفسى قولت ياااا هو لسه حد معاه فلوس ورق ...

لما روحت البيت اكتشفت ان الفلوس الورق فيهم نص جنيه مدمر ...قولت رجعنا تانى للعادة القديمة والواحد لازم يبص كويس فى الفلوس قبل ما ياخدها ...ده الفضة ارحم

النهاردة فى الصباح ..وانا راكب الميكروباص طلعت النص جنيه المدمر مع ربع جنيه وناولته للتباع ...لقيته بيمدلى ايده تانى وهو ماسك النص جنيه ...اخدت منه النص جنيه بصيت فيه وانا بقلبه ال يعنى معرفش فيه اى

انا = ماله ده يا نجم ماهو زى الفل اهو

التباع = انا لو عليا يا برنس عادى بص انت عارف الزبون

ناولتله نص جنيه بداله وشلت النص جنيه المدمر فى جيبى وانا بقول فى نفسى.. مش مشكلة كدة كدة هتتصرف وسط الفلوس

دلوقتى جيبى والحمد لله خالى من اى نص جنيه ورق او جنيه ورق ...

عاشت الفضة لنا وعاشت العُملة البطروسية

..

29 الناس الى بتكتب فى الكشكول:

غير معرف يقول...

طب الحمد لله ان لسة فى فلوس

أحمد الصعيدي يقول...

ربنا يزيد ويبارك

حفيدة عرابى يقول...

اولا مبروك على امنيتك الغاليةالتى تحققت
ربنا يتقبل
وبعدين يانجم:)
ماهو لو كانت الفلوس الورق مصنوعة من مواد أرقى شوية
مكناش اتبهدلنا معاها كده
عندنا فى توك توك
كنت بتكسف ادفع له فضةفى الاول
دلوقت ولا بيهمنى
وبحس انى ماشية فى الشارع بصرة من الدنانير
او من الدراهم للأمانة التاريخية

تحياتى لك:)

عطش الصبار يقول...

انا كتير بيحصل معايا الموقف ده
لكن بخاف احطها وسط الفلوس لاتقع فى ايد حد ما يعرفش يتصرف فيها بأوديها البنك كل ما اجمع شويه لان كل النقود الورقيه بكل فآتها بقت كد
ان شاء الله دايما يبقى جيبك مليان فلوس حلتحياتىال وسليمه

promise is promise يقول...

بص يا حضره الكشكول اللى مائه ورقه

عليك باحضاره صره لحمل النقود زى اللى كنا نبشوفها فى مسلسلات الف ليله وليله

عايزه اقول لحضرتك حاجه كمان انا بشتغل فى بنك وفى اوامر من البنك المركزى ان مواطن بيسحب فلوس نقديه لازم على الاقل ياخد 20 جنيهات فضيه

وبيقولوا والله اعلم ان الخمس جنيه فى الطريق الينا
اللى انت بقا ما تعرفوش ان كل يوم بتحصل خناقه مع موظف الخزنه علشان المواطنين مش عايزين الفلوس دى وموظف الخزنه دى تعليمات عليه لازم ينفذها
واحنا اصلا اكتر ناس مستاه من العمله دى

promise is promise يقول...

مبرووووووك على الامنيه

ونشوفك ان شاء الله يوم القيامه من اصحاب الاعناق الطويله

وربنا يكرمك ان شاء الله

راجية الرحمه يقول...

لا ورق نافع ولا فضه نافع

بأمانه اول مره اتعاطف مع الحكومه
هيعملوا ايه تانى ؟
الورق الناس بتخله اكنه دايس عليه قطر رايح جاى
و الفضه بتقع وتضيع

خواطر شابة يقول...

بداية مبروك تحقق الامنية ربنا يتقبل منك ان شاء الله
تانيا بالنسبة للنقود هناك ظاهرة قرأت عنها انها كثيرة في مصر الا وهي الكتابة على النقود الورقية وكأنها دفتر ذكريات وكنت رأيت صور لهذا ياترى ده صحيح ولو صحيح هل لازال موجود
تحياتي

إمرأه من ثلج يقول...

انا بقى بكرة الفلوس الفضة لانى بحس انا مفروض نرجع بزمن ورا شويو ونروح سوق عقاظ ونشترى كيس دراهم علشان نحط فيها الفلوس دى شرف لى دعمك مدونتى الجديدة إمراة من ثلج

غير معرف يقول...

هى للفضه فوائد بس تخيل لما تاخد باقي العشرين جنيه او العشره فضه قلبي بيوقف المحفظه ما تستحمل كل الفضه دى وبتضيع والواحد ما بيحس انه معاه فلوس
بحس انى معايا شلنات !!
بطروسيه كلمه جديده << ممكن نسبه لوزير الماليه :D

safa7_karmooz يقول...

خلى بالك وانت بتاخد الفضة

النص جنيه حصوصا

ناس بتنصب وتديلك بداله 10 قروش

او شلن

مستغلين انهم لون بعض وفى بعض الاحيان نفس الحجم

The illusionist يقول...

هههههههههههههههه
الله عليك والله
العمله دى جامده جدا
خصوصا بتاعه الفين وخمسه
اللى بتتباع بميت جنيه باين ولا بخمسه وسبعين
ابحبها والله
الورق مبقاش حلو
هنرجع لايام الجاهليه قريبا
واحتمال كمان
نبقى نشتغل بالتبادل
بيض وجبنه وكده

well يقول...

star in the sky ...

الحمد لله على كل شئ

الكشكول نور ...تحياتى

well يقول...

احمد الصعيدى ...

انا وانت والسامعين

...نورتنى

تحياتى

well يقول...

حفيدة عرابى ..

شكرا.. وربنا يحققلك كل امنياتك

ان كنت فى روما فأصنع كما يصنع اهل روما
نورتينى ...تحياتى وابتسماتى

well يقول...

عطش الصبار ..

كان نفسى الناس كلها تفكر زيك

ربنا يجعل قلبك مليان بالايمان

تحياتى

well يقول...

promise is promise ...

دلوقتى كل شركة بتاخد 1000 جنيه فضة اجبارى من الفلوس اللى بتقبض بيها الموظفين
والشركة بقه توزع بمعرفتها
ربنا يصلح الحال

نورتينى ....وتحياتى

well يقول...

راجية الرحمة ..

المشكلة فى الشعب ....انا قولت يتعدم قولتولى حرام ...استحملوا بقه

تحياتى ونورتينى

well يقول...

خواطر شابه ...

افتكر انى كنت محتفظ بكام جنيه من اساتذتى مكتوب عليهم اهداء علشان جوبت صح او نجحت فى امتحان طبعا كل ده فى الدرس الخصوصى
وكنت محتفظ بإرباع من الجنيهات اللى لسه جاية من البنك مكتوب عليها اسم مولود وتاريخ ميلاده وحجات من دى كتير
بس للاسف الفلوس دى كلها اتصرفت ....خسارة
ربنا يحققلك كل امنياتك
تحياتى

well يقول...

promise is promise...

شكرا وربنا يحققلك كل امنياتك

well يقول...

promise is promise...

شكرا وربنا يحققلك كل امنياتك

well يقول...

امرأة من ثلج
............

حد يكره النعمة ..

جارى الزيارة

تحياتى

well يقول...

ايه سباق ...
............

الحوار اللى بيحصل كالاتى ..

1-اى ده
2-ده بقيت العشرة
1-هو انت لامم الفضة كلها وجيبهالى متوزعها عليا وعلى بقيت اللى فى العربية
2-كل الناس واخدة الباقى كدة انا معايا يجى 70 جنيه فضة بس الفضة قد اى
للامانة هو قال 70 او 30 جنيه فضة ده حوار حصل قدامى امبارح
بطروسية ...هو فى غيره اللى يشك فى قلبه
تحياتى ونورتينى

well يقول...

safa7_karmooz ...

فعلا ده بيحصل ....نص جنيه = 10 قروش

شكرا على النصيحة وتحياتى

well يقول...

The illusionist ...

هههههه حلوة التبادل دى

بس تفتكر الناس ممكن تتبادل بالكتب ...

تحياتى ونورتنى

!! a7mad sala7 !! يقول...

والله خدنا عليها خلاص

دا حتى شكلها لذيذ الفضة دى

well يقول...

a7mad sala7 !! ...

ما محبه الا بعد عداوة ....

تحياتى

غير معرف يقول...

احنا فعلا مينفعش معانا غير الفضة

فلتحيا الفضة :)

well يقول...

سمو الامير ...

احنا ينفع معانا اى حاجة ...بس انت جرب

تحياتى