RSS Feed

صباحو فل

اعترف بنجاح عدد كبير من الاغانى الشعبية ولكن هل هذه الاغانى سوف تنجح مرة اخرى ؟
لقد تعود كاتب الاغنية الشعبية قبل ان يبدأ كتابة الاغنية ان يصتبح (يشرب حشيش) وقد تعود الملحن على هذا حتى المغنى نفسه قبل ان يسجل الاغنية او يظهر على المسرح قد تعود ان يصتبح ...
كل يوم( احد) قبل ان يذهب محسن الى السينما مع الشلة تعود ان يصتبح
حتى هيثم تعود ان يصتبح كل يوم قبل ان يعاكس البنات ...

عندما ذهب مبارك لاجراء عملية له فى المانيا اختفى الحشيش فجأة..
هل الحشيش اختفى حزناً على مبارك ولان الحشيش عنده اصل
ام انه اختفى خوفا من نظيف ..
هل سوف يعود الحشيش مع عودة مبارك ....

قرأت من يومين فى جريدة ( صوباع الحشيش الفستك بـ 150 جنيه ) .. مع العلم فستك تعنى مغشوش .
هل سوف يصتبح الشباب مرة اخرى وتعود لهم حالة النشوى والسعادة
ام سوف يتوبوا بعد ان تتجمع جزيئات مخهم التى لحسها الحشيش ...
تعود صاحب الفرح ان يوجب مع الحبايب بفرشة او اقل حاجة نص فرشة حشيش ...بدون حشيش كيف سوف يكون فى الفرح معزومين ويرقصوا حتى الصباح ....

ايها الحشيش صاحب السعادة الوهمية ذو اللون البنى ان ظهرت ظهر معك الفساد بجميع انواعه وان اختفيت اختفى معك الفساد شيئأ فشيئاً
اختفى ولكن قبل ما تختفى صبحنى الاول

38 الناس الى بتكتب فى الكشكول:

Unknown يقول...

ايه التدوينة اللبش دى!!

Unknown يقول...

افتح الشباك يابنى
الحكوومة جااااية:)
واللى معاه حاجة يرميها
من الشباك احنا داخلين على كمين!

Unknown يقول...

هل فعلاً اللى
ما يتسمى دا
كان فعلاً مختفى
الكام يوم اللى
فاتوا؟!الصراحة
معنديش علم بالموضوع
وكمان ماعرفش حد بيستعمله:)

well يقول...

نورهاتى
مش لبش ولا حاجة بس الناس كلها عماله تتكلم فى الموضوع ده كل مكان اروحه القيهم بيتكلموا فى الموضوع ده اى حد جديد اتعرف عليه يكلمنى فى الموضوع ده
مش عارف هو الموضوع مهم اوى ولا الناس بقت مدمنة
عموما انا شايف ان اختفاء الحشيش هيصلح حجات كتير لان هو اس الفساد
تحياتى

well يقول...

نورهاتى ...

هو فعلا اختفى لانهم شددوا الامن على المنافذ زى اسكندرية وبور سعيد وهكذا
الحشيش اصلا بيصنع بره مصر
الحشيش اللى موجود دلوقتى فى مصر حشيش مغششوش (فستك)لانه اتصنع فى مصر .

تحياتى

الغاردينيا يقول...

هههههههههههه

حلوووووووة وفي الصميم !

تحية عطره ,,

just waiting يقول...

حتى الحشيش المصري مغشوش
احسن برضو انه يختفي يمكن الشباب المسطول يفوق شوية احتمال حالنا ينصلح

♥نبع الغرام♥♪≈ يقول...

صباحك احلى من السكر

روق وسيبها لله مسيرها تتعدل


ربنا يكرمك

أبو العريف يقول...

ايه التصبيحه دي

اقصد التدوينه دي

هههههههههههههههههه

ايه كميه الدخان دي

كح كح كح


بوست ف الجون

تسلم يا باشا

richardCatheart يقول...

صباح الفل
الفستك او الفشل كان فعلا وصل 200 جنيه وبعدين 400 لكن وللاسف الاسيف

انه ابتدى سعره ينزل تانى وهايبقى فى متناول يد المواطن الكييييييييييف مره اخرى
الغريب ومثير للانتباه انى فى الكلام بين الناس الاصدقاء والمعارف والزمايل والجيران ان الكل بيتكلم ومضايق من بنات فى سن 18 الى ستات محترمات فى الربعين اه كلامهم على استحياء لكن الكل بسال بعضه هاتجيب منين هههههههه وفى مجتمع الرجال
الكل بقى بيتكلم عينى عينك مش على المدارى
اه كنت عارفه انه نسبه الشرب بين المواطنين بمختلف الاعمار عليت بس ماكنتش متخيله ان البلد غرقانه
ومبقاش مقتصر على طبقه او فئه معينه

بس على العمو احب اطمن الاخوة المواطنين
ان الحكومه مش هاتقدر على ثوره المصرين وفوقنهم عليها وهايتم فتح اكشاك تابعه للجيش ووزاره الهدوم الداخليه للتوزيع ورفع المعناه عن المواطن الكييييييييييييييف


والله يخربيت اللى كان دخله البلد اشاسا حسبنا الله ونعم الوكيل

خواطر شابة يقول...

هل الامر واضح ومؤثر لهذه الدرجة لتكتب عنه الصحافة وتتناوله المدونات هل غياب الحشيش الذي المفترض والطبيعي هو ان يغيب هل هذا الغياب منطقي ان يشكل أزمة

مرايتى يقول...

لو عاوز ضيوف يبقى تمنع التدخين عندك تماما


الصحه مش مستحمله دخان السجاير يبقى حشيش كمان
وقوام قوام عدى التصبيحه دى لا يتقبض علينا ونتاخد من غير ذنب

بجد فعلا بقت حاجه محزنه ربنا يهدى المسلمين يارب

عطش الصبار يقول...

اعتقد انك تقصد الجزء ده
ايها الحشيش صاحب السعادة الوهمية ذو اللون البنى ان ظهرت ظهر معك الفساد بجميع انواعه وان اختفيت اختفى معك الفساد شيئأ فشيئا
هو انت تقصد بالكلام ده مين

غير معرف يقول...

هههههههههههههههه

واضح ان الواحد هيفكر يجرب الحشيش ده

معاكش حتة اجربها ولو عجبنى اكمل :D

well يقول...

الغاردينيا ....

وجودك هنا هو اللى احلى ونورتى الكشكول وان شاء الله يكون فى تواصل
تحياتى

well يقول...

Just waiting ...

الحمد لله ان مفيش منه صينى ...

نورتى المدونة

تحياتى

well يقول...

ابتسامة ملاك ...

جميلة اوى كلمة سيبها على الله ...بتريح القلب

تحياتى

well يقول...

ابو العريف بتكح ليه هو الصنف مغشوش ولا اى

تحياتى

well يقول...

richardCatheart ..

انتى صدمتينى ..حتى البنات والستات كمان بيسألوا هتجيب منين
إنا لله وإنا اليه راجعون ..

تحياتى

well يقول...

richardCatheart..

نفسى الاقى مدونتك ..
تحياتى

well يقول...

خواطر شابة ...

اصل دى حالة اول مرة تحصل فى مصر عامة والقاهرة خاصة

ربنا يصلح حال البلد

تحياتى

well يقول...

مرايتى ..

مفيش تدخين وانتى اول المدعويين ..

وهنعدى التصبيحة دى اواوم قبل ما تحصل كابسة

وربنا يهدى المسلمين فى كل مكان وزمان

تحياتى

well يقول...

عطش الصبار ...

انتى ركزتى فى الكلام اكتر منى

تصدقى فعلا ان الحشيش ومبارك اختفوا مع بعض

تحياتى على التركيز العالى

well يقول...

star in the sky..

لا لا لا مش عاوزين حد يجربه ...اصلوا لعنة وحاجة ملعونة ..

تحياتى

إمرأه من ثلج يقول...

ازيك انتى فين من زمان

امال حال شبلبنا وصل للهو فية دة ازاى

ربنا يحميك وكل شباب المسلمين من القرف دة

والحمد لله جت كمان فى الحشيش مغشوش زى مكل حاجة فى مصر كدة

تحياتى

طهر فؤادك يقول...

السلام عليكم ورحمة الله وبركاتة

اخبارك اية ياويل ؟؟؟

ربنا يكرم شبابنا ان شاء الله بصحوة بأذن الله تعالى وربنا يبعد عنهم كل سوء اللهم امين وان شاء الله عما قريب بأذن الله تعالى ..

richardCatheart يقول...

هههههههههههههههههههههههههههههه

ريح نفسك ماتدورش ماليش مدونه انا بتفرج بس

GiGi world يقول...

بجد انت تحفه


بجد انا برجو من ربنا انك تبقى حاجه كبيره قوى فى البلد انت تستاهل
بجد البوست روعه وحاجه مااخدناش بالنا منها

واحده واحده لما اختفى اهم اسباب الفساد بدات تختفى بعض اسباب الفساد
ربنا يحمى شبابنا كلهم يارب

just dream يقول...

هههههههه اه والله فعلا بقى موضوع الساعه الايام دى الحشيش راح الحشيش جه الحشيش غلى الحشيش رخص وحاجه تجنن قال يعنى الشعب كان ناقص جنان وبيرجعوا يشتكوا من الفقر امال بيجيبوا فلوس الحشيش منين
انا لله وانا اليه راجعون
الله عافنا واعفو عنا ياااااارب
دام قلمك الخفيف

دكـــــتور جدا يقول...

السلام عليكم
نرجو مشاركتنا في نشر الفن الهادف
بنشر (شبكة صوتنا للفن الهادف)
http://www.sawtona.blogspot.com/
ووضع البانر الخاص بالشبكة في مدونتكم الرائعة
http://img23.imageshack.us/img23/6886/91117988.jpg
جزاكم الله خيرا

well يقول...

أمرأة من ثلج ..

ان شاء الله حال الشباب يتصلح ومصر تبقى فى احسن حال

تحياتى

well يقول...

طهر فؤادك ..
وعليكم السلام ورحمة الله وبركاته .

انا الحمد لله ..
اخبارك اى

ربنا يكرم الشباب وامة محمد (عليه الصلاة والسلام )

تحياتى

well يقول...

hardCatheart ..

هفضل ادور ..انا نفسى طويل

well يقول...

جى جى ..

شكرا يا جى جى على كلامك الجميل ..
ديما تعليقك بيبقى جميل

تحياتى

well يقول...

قول يا رب..

فعلا إنا لله و إنا اليه راجعون ...

تحياتى

well يقول...

دكتور جدا ..

علم وجارى التنفيذ

تحياتى

Unknown يقول...

هههههههههههههههههههههههههههههههه
حلو الكلام ده
بس انا اشيف ان سبب هجوم الحكومة و لمتها للحشيش فجأة كده
له سبب من اتنين
يا اما لقوا عندهم كثير جدا من محصول البانجو اللي سوقه وقف خالص بعد تدني سعر الحشيش
و حبوا ينعشوا سوق البانجو من تاني علشان يتلفوا الجزء الباقي من دماغ الحشاشين
يا اما وحشهم حامد عبده و اغانيه
و زهقوا من كتر الناس اللي بقت بتغني للحشيش بس
هههههههههههههههههه

صباح الفل يا دنيا

well يقول...

ZEMA ..
صباح الفل يا ZEMA