RSS Feed

أمايا يا أما

أمايا يا أما حطى إديكى على راسى وأقرى القراّن
وادعيلى يا أما قلبى الصغير الاسى يتملى إيمان
أمايا ليه حاسس بضلمة حاسس بخوف
حاسس انى بغرق فى بحور ظلام مش عارف اشوف

مدى اديكى وضمى راسى فى حضنك ابكى
مدى اديكى دانا جوه منى بيصرخ قلبى
أمايا ليه الناس ليها بدل الوش وشوش
والدنيا ليه ظلام مع ان كل شئ مكشوف
مدى إديكى غمضى عيونى .. علشان بقلبى اشوف
..
أمايا يا أما

36 الناس الى بتكتب فى الكشكول:

غير معرف يقول...

ياريت
بس مابقاش سهل انك تلاقى كده


الزمن كله مابقاش فى حنيه

جيجي

well يقول...

لا يا جى جى ماتقوليش كدة ..
لسه الزمن فيه حنية ..الام هى اساس الحنان وربنا يباركلنا فى امهاتنا المؤمنات
غمضى عيونك هتشوفى الحنان بقلبك

تحياتى

غير معرف يقول...

هحاول اغمضها يمكن اشوف حنيه



بجد شكرا ليك قوى على تعليق عندى مع انه بوست تخريف بس كلامك ده اثر فيا بشكل لا تتخيله
وجه فى وقته
بصراحه تعليقك ريحنى كتييييييييييييييييييير مع انه بوست اي كلام

لس مجاملتك فرقت كتيييييييييييييير معايا


يارب يكرمك ويحفظك من كل شر ويرزقك من خيري لدنيا والاخره
جيجي والعالم

مرايتى يقول...

أولا بحيك على البوست

بجد تحفه وإحساسه عالى

ثانيا بشكرك جدا جدا لانك من غير ما تشعر ربنا يسرك لخير مش حقولك عليك بس بعرفك إنك كنت سبب فى تفريج كربه عن مسلم فى وقت سحر

ربنا يكرمك ويعزك يارب

norahaty يقول...

(أمايا يا أما حطى إديكى على راسى وأقرى القراّن
وادعيلى يا أما قلبى الصغير الاسى يتملى إيمان
أمايا ليه حاسس بضلمة حاسس بخوف
حاسس انى بغرق فى بحور ظلام مش عارف اشوف

مدى اديكى وضمى راسى فى حضنك ابكى
مدى اديكى دانا جوه منى بيصرخ قلبى
أمايا ليه الناس ليها بدل الوش وشوش
والدنيا ليه ظلام مع ان كل شئ مكشوف
مدى إديكى غمضى عيونى .. علشان بقلبى اشوف)
كل ما أحط جزء الاقى الجزء اللى بعده أجمل احطه الاقى التالت اجمل وأجمل رحت حطيت القصيدة كلها :جميلة جدا جداً
هو أقل وصف ليها .
..

richardCatheart يقول...

أمايا يا أما حطى إديكى على راسى وأقرى القراّن
وادعيلى يا أما قلبى الصغير الاسى يتملى إيمان
أمايا ليه حاسس بضلمة حاسس بخوف
حاسس انى بغرق فى بحور ظلام مش عارف اشوف

مدى اديكى وضمى راسى فى حضنك ابكى
مدى اديكى دانا جوه منى بيصرخ قلبى
أمايا ليه الناس ليها بدل الوش وشوش
والدنيا ليه ظلام مع ان كل شئ مكشوف
مدى إديكى غمضى عيونى .. علشان بقلبى اشوف
..
أمايا يا أما

والله تسلم ايدك بحب خير الكلام ماقل ودل
فعلا ساعات الواحد فى عز الخوف والزخمه بيحتاج يغمض ويتأمل علشان البصيره تنور وتحل محل البصر اللى بيبقى خلاص من كتر الهموم ضلم والاجمل ان اللى يساعدنا فى دا اطهر خلق الله على ارضه
الام تسلم يا ويل ربنا يوفقك ديما
تقبل مرورى

أحمد الصعيدي يقول...

الملاذ الوحيد

والانسانة الوحيدة التي يمكن أن تثق فيها من جنس النساء


ويل

يارب تكون بخير

ليك بدري مش عندي

بأتمني تكون بخير

حفيدة عرابى يقول...

هو فى مشكلة
انتم حظكم فى البلد دى اسوء منى انا على الاقل
انا مكنتش زعلانة كده وانا فى سنك
ربنا ينتقم من الظالمين
هما خنقوكم من بدرى ليه

إمرأه من ثلج يقول...

الام اغلى واحن قلب

وممكن تكون هيا الحب الوحيد والحقيقى فى الدنيا دى ب حب ربنا لينا

تحياتى لمشاعرك وكلماتك الراقية تحياتى

العيسوى الصغير يقول...

كله الا حضن الام يقلب الواحد عيل فى ثانية

عطش الصبار يقول...

بتحس بخوف ازاى وامك شايله خوف الكون كله من الخوف عليك
خليك فى حضنها وانت مش هتعرف للخوف معنى

osama44 اسامه 44 يقول...

مدى إديكى غمضى عيونى .. علشان بقلبى اشوف
..
هو ده الحل

مش عارف اقولك ايه
الله ينور عليك
دائما مبدع

الغاردينيا يقول...

هي دي الدنياااااا وشوش

وكل وش مغشوش ,, جميلة جداااااا

و ربنا يحميك من الوشوش المغشوشه

ومن ظلام القلب والدنيا ,

تحية عطره يا ويل

Tarkieb يقول...

يا بخت اللي يقدر يعمل زييك

well يقول...

شكرا يا جىجى على كلامك الجميل

well يقول...

مرايتى ..

الحمد لله ..

well يقول...

نور اهاتى ..

شكرا على كلامك الجميل

..

well يقول...

richardCatheart ...

اجمل مرور ..

تحياتى

well يقول...

احمد الصعيدى ..

معلش يا احمد انا عارف انى مقصر معاك ومع ناس كتيرة ..

تحياتى

well يقول...

حفيدة عرابى ...

امممممممممم..
ولا مشكلة ولا حاجة ..سهلة
تحياتى

well يقول...

امرأة من ثلج ...

الام هى الحب الحقيقى ...الذى لا يمكن ان نشك فيه

تحياتى

well يقول...

العيسوى الصغير ..

نورت المدونة والكشكول ..

تحياتى

well يقول...

عطش الصبار..

علم وينفذ ...

تحياتى

well يقول...

اسامة ....

وعليك يا اوس اوس ..

تحياتى

well يقول...

الغاردينيا ..

فى ناس بوشين ...وفيه بكذا وش ...ربنا يحفظنا من شرهم ..


تحياتى

well يقول...

Tarkieb..

يبقى يا بختك ..

تحياتى

مصعب صلاح يقول...

السلام عليكم
الحنان موجود بس القسوة متوفرة
الحمد لله انه خلق لنا ام هي مركز الحنان
أنا ابويا الله يرحمه كان مصدر الحنان عندي
ولما مات كانت أكبر قسوة حسيت بيها

الشموع السوداء يقول...

ده ايه الجمال ده
: )

إنـســـانـة يقول...

اااااه فينيك ياما تشيلي همي ، هي فى بلد وانا فى بلد ... فكرتني ليه بيها وبهمي الله يسامحك بقى

:)

well يقول...

مصعب صلاح ..

وعليكم السلام ورحمة الله

ان مع العسر يسر

تحياتى

well يقول...

الشموع السوداء ..

شكرا على كلامك الجميل

نورتينى

well يقول...

إنسانة ..اسم جميل ..


ربنا يجمعكم مع بعض فى الجنة

ويجمع شملكم فى الدنيا

امين
تحياتى

الملاك الحزين يقول...

ربنا يسعدك يارب

قد ايه احساسك جميل

على فكره وحشتنى جامد

well يقول...

الملاك الحزين ..

لماذا الحزن وحشتنى ابتسامتك

تحياتى

فاروق بن النيل يقول...

Well ...
الحقيقة ... بتعجبنى كلمة أماي وأموما
يأمه .. أكتر بكتيرمن ماما التى هى غريبة علينا من بلاد بره وطبعا لاحظت أنى إستخدمتها فى مقطوعتى الشعرية " سرقوا أحمى " التى تفضلت وعلقت عليها وأشكرك على زيارتى وشرفتنى وإلى المزيد من الشعر الواقعى [ن البلد الفلاح المصرى ولاتحرمنى من تعليقاتك على باقى مواضيعى وشكرا لك وهذه أول مرة أدخل على مدونتك وسأضيف أسمى عنك أرجو منك ذلك أيضا لنتواصل وشكرا

well يقول...

فاروق بن النيل ..

كلمة امايا هى كلمة تحمل حنين ..عندما يسمعها القلب يلمسه الدفى

شكرا لتعليقك ونورت الكشكول .. وان شاء الله يكون فى تواصل

تحياتى