RSS Feed

إنسـان غلبـان ..

ماتمشى ..وعدى

ليه واقف بين الظلمات

وليه عجباك

حجات مرفوضة فى الديانات ..

وليه بتمشى . . يمين مرة

. . . شمال مرة

وترجع تشتكى زمنك

وإن الدنيا دى مُرة

ماتمشى مستقيم ودوق الصبر لو مَرة

علشان توصل .

..

هناك . . باب السما مفتوح

هناك دوا . . لشئ جواك كتير مجروح

وسيبك . . من الدنيا ده توب الدنيا مش توبك

أصلك من جواك طيب . . تحب الخير

ولكن ليه . . تملى بتمشى عكس السير

..أما انت صحيح غلبان..

ولا انت ملاك

ولا انت شيطان ..

وديماً خطوتك تايهة

ولا بتوصل .

..

بتعصى . ورب الكون شيفك

وترضى . كأنه شئ ولا يهمك

....أما انت صحيح قلبك كله سواد

ده أصل الذنب بيموت - قلوب فيها بياض ..

وتندم على ذنبك . . وترجع تحلف يكون مابنكوا فراق

. . وترجع تانى له تشتاق

..أما انت صحيح غلبان ..

ولا انت ملاك

ولا انت شيطان

دا أنا طالب اكون إنسان

ونفسى اوصل .







58 الناس الى بتكتب فى الكشكول:

الغاردينيا يقول...

جميلة

برغم الحزن الذائب فيها

تحية عطرة ^_^

الغاردينيا يقول...

اه ونسيت اقوووول شئ


يااااااااااااا


فرررررررررررررحتي



انا اووووووووول تعليق يا عاااااااااالم

ههههه

well يقول...

الغاردينيااا ..

(جميلة) شكرا على كلمتك الجميلة ...

ممكن نقول حزن ذائب وممكن نقول ندم ..

او لوم ..(النفس اللوامة )..

لكى جميع تحياتى وابتساماتى

well يقول...

الغاردينيااا..

اول تعليف وتانى تعليق ..اممممممم
على مهلك علينا ده هما كلهم 100 ورقة
هههه تحياتى

فكرة من الزمن ده يقول...

اللي بيرجع للذنب تاني ويشتاق اكيد موش شيطان لان كونه بيرجعله دليل انه تركه ورحع مرة اخرى
واكيد الشيطان عمره ماتاب
اما الانسان فا هذا هو حاله في الدنيا في محاولة صراعه النفسي المستمرة لترك المعاصي

جميلة جدا خاطرتك ياويل سلمت يداك
تحياتي

ليله شتاء يقول...

السلام عليكم
لا ده مش أنسان غلبان بس ده حييييييييييييييييراااااااااان (ولاعارفة يبقى ملاك ولا عارف يبقى شيطان)


*******
نعيب زمننا والعيب فينا

دام قلمك

مهموهـــــــة يقول...

الله يا ويل
بجد خاطرة تحفة
عارف بحب في الخواطر المصرية ايه ؟؟
انها بتوصف حال كل المصريين بجد

و مش عارفة ليه دايما المصريين لازم بتوصفوا بالحزن
دايما حيرانين و غلبانين
لا هم ملايكة
و لا هم شياطين

ربنا يفرح قلبك و قلوب كل المصريين
يا رب

خالص تحياتي و تقديري

جارة القمر يقول...

ويل ياويل


الكلمات رائعة جدا

ومليانة حكم ومنها استفدنا

فعلا احنا بالنهاية بشر بنتخبط بين الصح والغلط

ودايما وابدا لازم يكون مينا ملجأنا الله سبحانه وتعالى

/
/
يسلمووووو ياويل

richardCatheart يقول...

هو كده ياول الممنوع مرغوب ولو الانسان عنده القدره انه يروض نفسه بردو بيقع مره ويرجع يتوب ويتعذب ويزعل وبعدين يقع
اما بقى لو سايب نفسه لمتع الدنيا بيتوب بردو بس فى مراحل قريبه اوى من بعض
هو دا الانسان نفس اماره بالسؤ
وحرب لا منتهيه مع الشطان

عجبنى جمله ليه واقف فى الظلمات وعجبك حاجات مرفوضه فى الديانات

لانها كلها متع اتحرمت على البشر فى الدنيا علشان يأجرو عليا ثوبها فى الاخر
وطبيعى كل البشربيحبو المتع بنسب طبعا
بس فى النهايه هو دا البنى ادم وهى دى الدنيا هايفضل الانسان غلبان
حلوة اوى ياول تسلم والله

داليـ ـ ـ ـ ـ ـ ــــا يقول...

حسيت فى كلامك انك تايهه

لو هختار حسب كلامك
هختار غلبااااااان

انما ملاك دى كلنا بنتولد ملايكه والدنيا طبعا بتحول الملاك لانسان خطاء
انما شيطان كل كلامك ده ميدلش على ان الشخص ده شيطان

نفسك توصل ومش عارف تعمل ايه والدنيا متوهاك

ربنا ينولك الا فى بالك

مجرد انسان يقول...

جميله جدا وحزينه جدا بس حزنها يخليك برضه مستمر فى القرايه
بجد جميله جدا تحياتى

حياه بلا عنوان يقول...

السلام عليكم ورحمه الله وبركاته
جميله قوى الكلمات
بس اللى بيرجع فى كلمه بيقولها بيكون نقصه فكر وقله عقل ومش متواظن على ما اعتقد ده يعنى بس الموضوع جميل قوى وربنا يبعدنا الشيطان يارب العالمين
تحياتى

عطش الصبار يقول...

لله
جميله جدا
ربنا يبعد عنا الشيطان

دندنة قيثارة الوجد يقول...

وأنا إنسانه غلبانه .. أوي أوي أوي

سلمت الأنامل

Ms Venus يقول...

كلماتك جميلة اوى فعلا


تحية واحترام ليك

مرايتى يقول...

نعيب زماننا والعيب فينا وما لزماننا عيب سوانا

إنسان غلبان لاهو ملاك ولا هو شيطان
إنسان ماشى فى الدنيا حيران
شداه الشهوات ويرجعه قلبه الطيب والضمير إلى لسه فتاته جواه

بجد حلوه جدا
تقبل تحياتى

انت تسال والكمبيوتر يجيب يقول...

مدونه جميله متميزه ...سرنا المرور هنا ولذلك نوجه لك هذه الدعوه وننتظر التواصل معنا
نحن اول برنامج أذاعى عن النت والمدونات ويذاع يوميا عدا الجمعه التاسعه وعشر دقائق صباحا على موجات الأذاعه الرئيسيه لمصر
نحن نطرح موضوعات الحلقات قبل اذاعتها فى مدونتنا لبعلق عليها اصحاب المدونات او غيرهم من الزائرين
ونذيع هذه الموضوعات مع التعليقات ومقتطفات من مدونات اصحابها اذا رغبوا
وبذلك نجمع لأول مره بين الأعلام التقليدى والنت
مدونتنا
http://netonradio.blogspot.com

أحمد الصعيدي يقول...

مابين نفس لوامة وعزيمة تكون حاضرة أحيانا غائبة كثيرا

تاهت النفوس الضعيفة



بارك الله لك

موجة يقول...

بسم الله ماشاء الله ربنا يكرمك ويحميك
كلمات سهله ومرتبه ومعبرة
"توب الدنيا مش توبك"
عجبانى اوووى
تسلم كيبوردك

well يقول...

فكرة من الزمن ده ..

هو الانسان كدة ديما فى صراعه تانفسى ضد المعاصى (الجهاد الاكبر)

تحياتى ونورتى الكشكول وانا سعيد ان الفكرة وصلتلك

well يقول...

ليله شتاء ...

وعليكم السلام ورحمة الله ..

حيرااااااااان امممممممم

هو فعلا العيب فينا

تحياتى

well يقول...

مهمومة ..

اصل هما بشر ولا ملاك ولا شيطان ..وحياة الرفاهية مش متوافرة عندهم ..بس بيعرفوا يضحكوا ..يمكن بيضحكوا من همهم .

تحياتى

well يقول...

جارة القمر...

احنا فعلا ملناش غير الله ..اجمل حاجة

تحياتى

well يقول...

richardCatheart ...

صباح الفل ..الممنوع مرغوب ..والانسان بيوقع تملى ويرجع يتوب ..
ديما ممتازة فى التعليق ..

بمناسبة القادمون ..اناوصلت لـThe Arrivals (arabic) 10 - القادمون(10)
وده طبعا بسبب سوء احوال الجو والنت
وعاوز اقولك الطريقة اللى بيقدموا بيها السلسلة ممتازة وهى جمع الصدف والحجات الغريبة ويربطها بشئ معين
انا طبعا وافقت على حجات كتير بس فى حجات طبعا اعتبرتها تخاريف ...
وعلى فكرة انا اتفرجت على فيلم ماتريكس اكتر من كذا مرة وعندى استعداد اتفرج عليه 100 مرة ...المهم كل مرة كنت بتفرج عليه كنت بسأل نفسى هو المؤلف كانت اى الفكرة اللى بدور فى دماغه علشان تخليه يكتب القصة دى ..دلوقتى بس عرفت (حجات غريبة شافها ومش فاهمها جمعها وربطها بشئ اسمه ماتريكس شاف ان فيه حجات بتتحكم فى الانسان من غير ما يشعر )
وانا بتفرج على السلسلة دى مش عارف ليه حسيت انها تشبه لكتاب ..الذين هبطوا من السماء .
وعلى فكرة ..اول مرة افهم يعنى اى دجال ..تصورى ان بلدنا دى مليانة دجالين وبيداروه المرض علشان تبان جميلة وهى يا حرام بتتألم ..ده العالم كله طلع مليان دجالين .
على فكرة دبى اتظلمت فى الموضوع
ان شاء الله لما اخلص السلسلة انا ناوى اكتب عن القادمون حاجة كدة صغنتوتة ومختصرة وبشكل تانى ..مش ناوية انتى كمان تكتبى .
يا نهار ابيض انا طولت اوى فى التعليق ربنا يستر
شكرا على تعليقك وشكرا على القادمون
تحياتى

well يقول...

داليـــــ..ـا..

(حسيت فى كلامك انك تايهه)ونفسى اوصل

هو الانسان بيتولد ملاك وقلبه بيكون مليان خير لكن سعات بيمشى فى الاتجاه المعاكس ..اتجاه الشيطان ..وعشان كدا انا قولت
اصلك من جواك طيب تحب الخير ولكن ليه تملى بتمشى عكس السير
يمكن علشان غلبان .

نورتينى ويارب ديما منورانى
تحياتى

well يقول...

مجرد انسان ...

انا متشكر جدا جدا على كلامك الجميل
ونورت الكشكول

تحياتى

well يقول...

عطش الصبار ..

انا سعيد انها عجبتك ..وربنا يبعد عنا الشيطان ..امين

تحياتى

well يقول...

حياه بلا عنوان..

وعليكم السلام ورحمة الله ..

(بس اللى بيرجع فى كلمه بيقولها بيكون نقصه فكر ) اصله انسان غلبان

تحياتى وربنا يبعد عنا وعنك الشيطان

well يقول...

دندنة قيثارة الوجد...
انا سعيد انى لقيت حد غلبان زيـى
يارب توصلى بخير ...توصلى للجنة

تحياتى

well يقول...

Ms Venus...

تحية واحترام لمشاعرك الجميلة

تحياتى

well يقول...

مرايتى ..

هو فعلا ميزته ان قلبه طيب

تحياتى

well يقول...

احمد الصعيدى ..

تعليق جميل
ان شاء الله النفوس اللى تاهت تفوق وتوصل .. للجنة

تحياتى

well يقول...

موجه ..

اصل توبى الدنيا متاع الغرور .. ربنا يرزقك الجنة

تحياتى ونورتى المدونة

richardCatheart يقول...

هههههههههههه ياعنى اقولك ايه لاء اتكلم برحتك انت فى بيتك


بص دى كانت وجه نظرى وانا بتفرج لغايه
الجزء السادس كده ابتداى الموضوع يتنظم

وكنت بتفرج بعين ناقده مضاده للفيلم لانى ماكنتش ناويه انى اصدق والاهم كنت بتفرج
وانا متربصه للفكر الشيعى وكل حاجه شكيت فيها كنت بتفرج عليها تانى علشان اعيد

سبحان الله كل اللى شاف الفيلم دا
ضرب كف على كف من فيلم ماتركس
طبعا ماتركس كانو مطلعين دولتهم صهيون
فالكل كان بيربط بنها وبين اسرائيل
واللى اجمل لورد اوف ذا رنجس كل ما اشوفه احسه احنا ليه مش عارفه
بعد كده طبعا فهمت
سواء بيتر جاكسون يهودى او مسيحى فهو متدين كما يكون دينه الحق وفاهم الرؤيه وعلشان كده تشابهت بين رؤيتنا الاسلاميه وطلعت تحفه فنيه من تحت ايده

تسلم يا ويل واتمنالك تستمتع بالفيلم
والتقيل ورا يا معلم خلى بالك
تحياتى لعقل مبدع

حصان المرجيحة يقول...

واللله ده حالنا
و ربنا يستر علينا
بجد تسلم ايدك

well يقول...

richardCatheart ...

الافلام مبنية على فكرة ...فى ناس بتتفرج على الافلام علشان تتمتع بمشاهد التمثيل وفى ناس بتتفرج علشان تفهم مفهوم الفكرة ...

مستنى التقيل ...وعارف ومتأكد انه شئ له قيمته

شكرا على متابعتك وديما يا رب منورانى

تحياتى

well يقول...

حصان المرجيحة...

ربنا يصلح الحال ... ويهدى الانسان

تحياتى

الشـوكة الــنـاعـمـة يقول...

جميله اوى والله
اجمل حاجه عجبتنى
وتنوى ان يكون بينك وبين الذنب فراق وترجع له نتنى مشتاق
مظهر جمالى عميق
بجد حلوه اوى زى البوست اللى قبلهويارب نشوف دايما حاجات احلى
تحياتى

توفى يقول...

كلام جميل و نصايح غاليه

ياريت كلنا نفوق و نصحى و نلتزم

بتعاليم خالقنا قبل الوقت ما يعدى و

ميبقاش فيه فايده

قهوة بالفانيليا - شيماء علي يقول...

:)
الخاطرة حلوة اوي ..
كنت باحدث نفسي من شوية بكلام شبه الكلام دة ..
الانسان ضعيف ..
و على طول بيغلط ..
بس املي في ربنا كبير ان رحمته واسعة .

سبهللة يقول...

فنان ومبدع

سمسم/سما يقول...

اعتذر عن التعليق خارج الموضوع
إعلان دورة فوتوشوب للمبتدئين
- تعلن مدونة امتـــــــــــــــي عن بدء دورة فوتوشوب للمبتدئين
- ،فعلى الراغبين فالمشاركة إعلامي عن طريق المدونة
- الهدف: تعلم اساسيات الفوتوشوب وصناعة التصاميم
- الفئة المستهدفة : المبتدئين فالبرنامج وخاصة الذين لم يسبق لهم التعامل مع البرنامج
- الدروس :
- - التعرف على شاشة البرنامج والادوات وكيفية استخدامها
- - استعمال الفلاتر والتحديد على الصور
- - التعامل مع الطبقات
- - الكتابة على الفوتوشوب
- - دمج الصور
-
- آلية عمل الدورة :
- - سيتم شرح كل درس بطريقة مبسطة وسهلة ويعقبها تعليق ومناقشة من قبل المشاركين
- - سيكون هناك تدريب للمشاركين كتطبيق عملي على الدرس الذي تم شرحه,ويتم ارسال التطبيقات عن طريق الايميل لنشرها فالمرة المقبلة

richardCatheart يقول...

ويل يا ويل ويل يا ويل

وتم بحمد الله الافتتحاح

http://richardcatheart.blogspot.com/

Tarkieb يقول...

مش انت لوحدك وحياتك كلنا كدة
well ya well

(ست* جنى* الحسن) يقول...

سلامو عليكو ..
اظن انك بتتكلم عن نفس الكائن البشرى بيغلط ويرجع بيكذب ويصدق ....
لكنه اسلوب سلس ورقيق
برجاء قبولى صديقة للمدونة

ساسو يقول...

جميله جدا كتاباتك
وكلامك كله علي العين والراس
دمت متألق وللأمام دائما



ممكن تقبلني صديقه
وتشرفني في مدونتي

غير معرف يقول...

صباح الفل والورد
ازيك يمستر
يااااااااااه بجد وحشتنى المدونة
كلامك جميل جدا


رأيتُ الذنوبَ تميتُ القلوب ويتبِعُها الذلَّ إدمانُها
وتركُ الذنوب حياةُ القلوبِ وخيرٌ لنفسكَ عصيانُها
وهل بدَّلَ الدينَ إلا الملوكُ وأحبار سوءٍ ورُهبانُها
وباعوا النفوسَ فلم يربَحوا ولم تغلُ في البيع أثمانُها
لقَد رتعَ القومُ في جيفةٍ يبينُ لذي العقلِ أنتانُها





و لما قسا قلبي و ضاقت مذاهبي *** جعلت رجائي دون بابك سلما
تعاظمني ذنبي فلما قرنته **** بعفوك ربي كان عفوك أعظما
فما زلت ذا عفو عن الذنب لم تزل **** تجود و تعفو منة و تكرما
فإن تنتقم مني فلست بآيس **** و لو دخلت نفسي بجرمي جهنما
و لولاك لم يٌغوى بإبليس عابد **** فكيف و قد أغوى صفيك آدما
و إني لآتي الذنب أعرف قدره **** و أعلم أن الله يعفو ترحما


مش عارفة عرفتنى ولا ايه
بس نقول قمر بلا دموع ههههههه
ولا همسات مرت من هنا وبتسلم عليك
وبتقولك ادعيلها
امتحاناتها يوم 13 6
وفرحها 5 7 ههههه
بس خليها فى سرك بقى ههههههههه
بكون سعيدة لما امر من هنا
لا اله الا الله

غير معرف يقول...

وتندم على ذنبك . . وترجع تحلف يكون مابنكوا فراق

. . وترجع تانى له تشتاق

مفهمتهاش
يعنى هو بيندم يعنى المفروض
يحلف ان مايكون بينهم لقاء

او يحلف ان يكون بينهم فراق

لكن اللى انت كاتبها كدا
ان بيندم وبيحلف انه مش هيسيب الذنب دا
طب ازاى بيرجع له تانى يشتاق

ولا اييييييييييه

غير معرف يقول...

امشى يلا وعدى قول يارب انا رافع يدى عايزة رضاك عنى
يارب خد بإيدى لجنتك و متسبنىش وحدى
صدقنى اول ماترفع ايدك هيجرى ويقول لبيك عبدى
جرب واعملها وخليك فى التوبه طمعان
دا أنا مش طالبه منك غير انك تكون إنسان

مش نفسك نوصل وتنول رضى الرحمن
اما انت صحيح غلبان

ايه راييك
هههه
همسات

شذا الروح يقول...

ربنا يبارك لك يارب ويحفظك

انت رائع اوووووووووووى

مرايتى يقول...

فى تاج عندى أهديتهولك ياريت تقبله

well يقول...

يااااااااا انا اسف جداا على التأخير فى الرد بس انا بشكركوا كلكوا ...واسف على الغياب

حفيدة عرابى يقول...

حمدا لله على السلامة
عن نفسى مش بعرف اقول حاجةلما الكلام يكون حلو كده

عطش الصبار يقول...

ايه الحكايه
اسامه يرجع انت تستخبى
وبعدين
طمنا عليك

osama44 اسامه 44 يقول...

..أما انت صحيح غلبان..

ولا انت ملاك

ولا انت شيطان ..

وديماً خطوتك تايهة

ولا بتوصل .


اللهم ارزقنا الوصول اليك

ويل مازال ويل المبدع بتلك الكلمات الرائعه
دومت ويل الصاحب

4xmisr يقول...

تم افتتاح منتدى
ibond.builder-eg.com
ويقوم أعضائه بكتابة موضوعات مجلة المجتمع المدنى العربى
csmag.builder-eg.com
و دليل المصادر المفتوحة
foss.builder-eg.com
بالاضافة لمواقع أخرى سيتم افتتاحها بعد نجاح و ثبات المواقع السالفة ,
مزايا الاشتراك فى الموقع:
* الحصول على عروض مختلفة!
مثال:
الاعلان عن موقع أو مدونة العضو
الحصول على تخفيضات فى أى موقع تابع لنا, حاليا موقعنا يختص بالاستضافات و بيع البرامج, لكن قريبا سيتم تأسيس موقع للتجارة الاليكترونية ان شاء الله

* الاشتراك فى مجموعات التى سيتم انشائها ل :

* تأسيس مكتبة لكتب الأعضاء, و ذلك بعد عمل عدد لا بأس به من الكتب( بشروط أهمها أن يكون الهمل جماعى أو فردى لكن حاز اعجاب أغلبية الأعضاء)
* مجموعات دعم المصادر المفتوحة , مثل الترجمة و الشرح , بالاضافة لدعم أى مشروع عربى مفتوح المصدر
*مقدمى خدمة توصيل أقراص برامج مفتوحة المصدر ,
* تحرير مجلة المجتمع المدنى
* كتابة مقالات دليل البرامج مفتوحة المصدر
* كتابة مرجع للأمن الاليكترونى
* العمل على زيادة تحديث و تطوير المجتمعات المالية العربية لكى تصبح مجتمعات لا نقدية ,( استخدام بطاقات الائتمان و الحسابات الاليكترونية الخ)
* و اجمالا تبادل الخبرات بين أعضاء الموقع
وغير ذلك كثير بإذن الله
شكرا

♥♥ شذا ♥ الروح ♥♥ يقول...

السلام عليكم
اخبارك ايه
وايه الغيبه دى

وايه يا عم الاحلام الجامده دى
ربنا يسعدك يارب
ابقى طمنى عليك

دمت ودام اسمك

نهــــــــــار يقول...

السلام عليكم ورحمة الله وبركاته..
جميله أخي
وأحببت وضوحها
واقعيه جدا ..
...
دمت بخير