RSS Feed

بلاش تحلم

حكيت للشيخ عن حلم شوفتوا فى منام

لقيت الشيخ بيلتفت يمين وشمال

وقرب منى ..

وقالى بصوت واطى

بلاش تحلم

بلاش احسن

كفاية احلام ..

كفاية كلام . تعبت

وعاوز انام

ومش عاوزفى منامى اشوف احلام

ده اصل الحلم من كتره بقه اوهام

اغمض .. اشوف فى منامى نور

واسمع مصر تندهلى تقولى قوم

وتدينى سيف بيلمع .. سيف مسنون

الاقينى فى فلسطين

بفتح لحمام ابيض .. كان مسجون ونفسه يطير

والاقى ناس بتقرب ..لها روس شياطين

ارفع سيفى .. دانا حالف لاخلى الدم بحور

الاقى شئ بيمنعنى

بيصرخ فيا يفوقنى

افتح عيونى .. الاقى الشيخ

يقولى بلاش تحلم

بلاش احسن

كفاية احلام ..

ده عمر الحلم ما خاف من الزنزانة ولا السجان

لكنى انا خايف عليك تتهان

اقوله يا شيخ سيبنى

دا اصل الحلم من طيبته

خلانى بقيت انسان

وكان نفسى اكون انسان

15 الناس الى بتكتب فى الكشكول:

الحياة الطيبة يقول...

كلام جميل وأحلى ما في الأحلام إنها تخلينا نحقق الأشياء التي نرغب بتحقيقها في الواقع ولم نصل لها وهي متنفس لضغط من ضغوط الحياه وهي نعمة م نعم الله .

richardCatheart يقول...

الللللللللللللللللللللللللللللله

على دا حلم ياويل حلو بنحلم انه يتحقق

بس المصيبه لما الشيخ اللى لازم يقولنا حققو الحلم دا هوهو اللى بيقولنا لالالا بلاش تحلم

ياخوفى

الحلم ساعات كتير بيريح صاحبه بينفس فيه عن رغبه حاسسها مستحيله
وساعات كتير بيوجع صاحبه ويحسسه بعجزه

يارب يحققلك ويحققلنا حلمك اللى كلنا بنحلمه
تسلم على كلامك الجميل
ايواكده النشاط حلو

أنا - الريس يقول...

في عهد الظلوم
اصبحت الاحلام كوابيس
فان سألوك فأخبرهم
ان ذاك مجرد تهيس
و ان كبسوا
فنادني
سأجعل من لحومهم كابيس

همسات وبحــ الحياه ــر يقول...

ويل ياويل ويل ياويل

123
321
حاجة حلوة خالص فتحت نفس الواحد هههههههههه

تستاهل اسقفلك من هنا للصبح بجدددددددددد
بحيييك

همسات وبحــ الحياه ــر يقول...

لو بطلنا نحلم نموت

بحلم بمدنى وبرج حمام وارض حضنها بيسعنى بحلم ولو منعوا الاحلام هقول محدش يمنعنى
بحلك اشوف الكون واحة واشوف سنابل طراحة وانسى الليالى الجراحه وقلوب بقسوة بتمنعنى

بحلم لو عاد الاسلام يحكم من تانى ويخلى صحارى الاوطان خضرة وامانى

احلمممممممممممم واوعى حد يمنعك عشان الحلم لما انت تؤمن بيه وتصدقه هيتحقق

موجة يقول...

اللـــــــــــــــه
جميل اوووى اووووى
فوق الوصف
بس لو بطلنا نحلم نموت كما قال الشاعر يعنى
احلم ياعم
هيبقى لا حلم ولا حقيقة
بارك الله فيك
تحيه طيبة خاصة لشخصك

همسات يقول...

من حقى احلم واتنمى واشوف براح الكون جنه واغنى احلام تتغنى فى كون بيرفض يسمعنى

ساسو يقول...

الله يا ويل
بجد مش هقدر اقولك غير ماشاء الله عليك
ربنا يحفظك ويقويك

الاحلام جميله
حتي لو مش بتتحقق
كفايه ان بنبقي سعدا واحنا بنحلم
وبنحلم بحاجات نفسنا فيها
بس مفيش حاجه بعيده عن ربنا
بايده يحقق احلامنا
ويسعد ايامنا

يارب تحقق حلمك
يا شاعر الجمال

well يقول...

faten...

تعليق اجمل ...الاحلام نعمة ... والاحلام هى باب بيوصلنا لما نتمنى ..

تحياتى ونورتى الشاشة

well يقول...

ريتشارد ..

اممممممممم .. عارفة انتى خلتينى احس انى ظلمت الشيخ ... بس الشيخ يا ريشارد كان خايف عليا يحسن اتهان ...تلاقيه مجرب يا ريتشارد
ربنا يحققلك حلك يا ريتشارد

تحياتى

well يقول...

MR.PRESIDENT ..

سيادة الرئيس ..

انتظر ان ارى لحومهم كابيس

تحياتى لما كتب قلمك

well يقول...

همسات وبحر الحياة ..

كفاية تسقيف يا بنتى الجيران اشتكوا ..

اى الاحلام الجميلة دى ... سيددى يا سيدى
من حقك تحلمى ...
كان نفسى احقق احلامك بس مفيش فى ايدى غير انى اهديكى قص حمام .. معلش كفاية جوز بس انا مش عندى برج
تحياتى

well يقول...

موجة ..

احلم يا عم ... ( علم وينفذ )

تحياتى لاجمل موجة

well يقول...

ساسو ..

تعليق مليان مشاعر ..

الحلم شئ جميل .. الحلم هو اللى بيصنع الانسان ..

تحياتى

الغاردينيا يقول...

جميل جداااااا ^^

ومن يدري يمكن الشيخ بكره يقولك

بلاش ماتحلمش هههه تحية