RSS Feed

هلال صغير


(1)
ولسه عندى امل
إنك فى يوم راح تكتمل
يا هلال
كل عيوبك إن انت بس وسط الظلام
يمكن دى حكمة علشان تبان
أتأملك
......
(2)
يا اللى انت فى السما
من غير جناح عمال تلف
قرب كمان
دانا جوه منى الف سؤال
ونفسى الاقى إجابة من اللى فيها الشفى
قلبى العليل يصبح يخف

قرب كمان
اروينى نور
من اللى مكتوب علـ الورق
فهمنى معنى الكلمة ومعنى الحرف
اروينى نور
من اللى شوفته لما سجدت
فى قلب جامع
هناك دمعت
اروينى نور دا الدمع جف

قرب كمان
نفسى اكتمل
اصبح قمر
نفسى اشقشق من وسط البيوت
يدن أذان
يعلن للفجر صوت
يمحى السكوت
يمحى الظلام
..............



25 الناس الى بتكتب فى الكشكول:

أنا - الريس يقول...

الكلمات جامد والاحساس أجمد ، وبدون ما أحكم ، كنت اتمني إن يكون الشعر فيه غنائية اكثر كان هيبقي حاجة مفيش منها

well يقول...

MR.PRESIDENT ...

سيادة الرئيس تحية طيبة وبعد
شكرا على كلماتك الجميلة
(كنت اتمني إن يكون الشعر فيه غنائية اكثر كان هيبقي حاجة مفيش منها)..لو تقصد بالغنائية ان الكلام يكون موزون احسن من كدة انا اوافقك لانى بقالى اسبوعين بحاول اشيل كلام واحط كلام لغاية ما وصلت لكدة بس انا حاسس ان فى احسن من كدة
اما لو تقصد انها تطول شوية فأنا كمان كان نفسى بس الكلام على قد الفكرة ...لسه افكارنا صغيرة
تحياتى

الحياة الطيبة يقول...

صباح الخير ,صباح مشرق بالنفوس الطيبة ’Well ماهذا الإبداع؟
مافيش أجمل من كده خاصة المقطع الأول .
لا تتخلى عن ذلك الأمل ولا تهتم بذلك القدرمن الظلام لأنه في يوم ما سينجلي ,أتدري متى ... يوم أن تكتمل تجربتك وتأخذ كل الفوائد منها ساعتها
ستكتشف كم أصبحت شيئ آخر وستكون ممتن لذلك الظلام الذي أخرج أفضل مافيك وستكتشف أنك تملك الكثير .
ولو نملك Well قدر أكبر من الأمل لكان تأثرنا بالتحديات أقل .
أجد في كلماتك الكثير من الشفافية
.والصدق في البحث عن مايرتقي بالنفس
أرى أنك تريد أن تستعين بنور القمر في الليالي المظلمة منتظر نور أكبرتشرق فيه نفسك ...وسيكون بإذن الله .
كلمات أكثر من جميلة ...حقاً أبدعت ,أنت مبدع لكن هذه المرة ناطحت السحاب ....دمت بخير ونتطلع لجديدك .

أنا - الريس يقول...

مستر ويل أنا أقصد الأولي وانت أؤمن أنك تملك الموهبة والفطرة

well يقول...

الحياة الطيبة ...

صباحك طيب كحياتك المضيئة بالنور ...
تعليق كتب بأجمل الكلمات ..قراءة جيدة للفكرة ..كلامك منسوج بالامل..شكرا

تحياتى

well يقول...

MR.PRESIDENT ...

شكرا يا ريس على المتابعة ...وعلى الكلام اللى بيرفع من الروح المعنوية ..

تحياتى لك

just dream يقول...

قرب كمان
نفسى اكتمل
اصبح قمر
نفسى اشقشق من وسط البيوت
يدن أذان
يعلن للفجر صوت
يمحى السكوت
يمحى الظلام
لا تعليق بعد الكلام ده وكلام مدونه الحياه طيبه
اكيد الخييييييير جاااااااااااااى يمكن اتاخر شويه علينا بس هو موجود فعلا
الزمن الطيب جاى ياويل

حفيدة عرابى يقول...

جميلة ياصاحب الهلال
شوف اللينك ده كده هيعجبك ان شاء الله

http://www.youtube.com/watch?v=2V1l-e3Jb8U

promise is promise يقول...

مش عارفه ازاى بتتخيل الحاجات دى وبطاوعك الكلمات قوى كده رائعه جدااااااا

افتكر مره كنت كاتب حاجه دعاء الكروان كانت عجبانى قووى كنت كل شويه اقراها دى بقا احسن منها بكتير بس هما الاتنين حلوين برضه

واحلى حاجه فيها الامل

ولسه عندى امل
إنك فى يوم راح تكتمل
يا هلال
كل عيوبك إن انت بس وسط الظلام
يمكن دى حكمة علشان تبان
أتأملك

ساسو يقول...

بجد مفيش كلمه تتقال بعد رقه كلماتك
دمت متألق

well يقول...

قول ياااارب ...

مدام قلبك طيب حياتك طيبة يبقى اكيد احنا فى الزمن الطيب
طبتى وطابت حياتك

تحياتى

well يقول...

حفيدة عرابى ..

اختياراتك ديما جميلة
وحمدالله على السلامة .. نورتى الكشكول
ماتغبيش تانى .. هستنى تعليقاتك

تحياتى

well يقول...

promise is promise ...

قريت تعليقك دى اكتر من مرة ..شكرا على كلامك الجميل ..شكرا من كل قلبى
تحياتى

well يقول...

ساسو ..

انتى الرقة كلها .. انا عارف انى مقصر فى الزيارة بس ان شاء الله يكون فى تواصل

تحياتى

الغاردينيا يقول...

احساس عذب جداا

سلمت :)

ارق التحيات

طهر فؤادك يقول...

السلام عليكم ورحمة الله وبركاتة

ماشاء الله كلمات جميلة ورقيقة ووصلت الرسالة فعلا

مهرة سالم يقول...

السلام عليكم..
كلمات جميله سلسله
..
موفق

عطش الصبار يقول...

(كل عيوبك ان انت بس وسط الظلام)
ماهوده مش عيب هو اصلا اتخلق لينير الظلام
في انتظار الجديد

well يقول...

الغاردينيا ...

شكرا على وجودك وعلى كلماتك وعلى تحياتك

تحياتى

well يقول...

همسات وبحــ الحياه ــر ...

امين .. ربنا يجعله عام كله رحمة ونصر وايمان وبشرة للمسلمين

تحياتى

well يقول...

طهر فؤادك ...

شكرا على كلماتك الجميلة وعلى وجودك

تحياتى

well يقول...

نهــار ..

نورتى الكشكول بنهارك ...

تحياتى

well يقول...

عطش الصبار ..

..حمدالله على السلامة وكل عام وانتى بخير ..فرحت لما شوفت تعليقك .. مستنيكى تكتبى مستنيكى تنورى الظلام ..

تحياتى

هبة النيـــــل يقول...

احساسها رووووووووووووووووووووووووعة

فعلا روعة

بس كانت هتبقى في الجون لو نظمتها زجل

بس الاحساس واصل بصراحة حتى من غير زجل

بس بجد أحييك جدا على الاحساس

well يقول...

هبة النيـــــل ...

شكرا على كلماتك الجميلة
وبالنسبة للزجل ... المرة الجاية ان شاء الله ..

نورتى المدونة وشكرا على تعليقك