RSS Feed

القوة .. والمراّة

إن اردت ان اخبرك هل انت قوى ام لا .. فقل لى هل لك اعداء؟
إنها العداوة أحدهم لا يحبك لسبب معلوم او مجهول .. ولماذا العداوة .. لأن ليست كل الناس بشر
وهل لك اعداء .. أتفكر .. امازلت تفكر .. من منا ليس له اعداء ..كان لموسى (عليه السلام )عدو وهو فرعون .. وكان لرسول الله (عليه الصلاة والسلام) عدو وهو ابو جهل .. وكان للمسلمين اعداء كثيرون .. اتريد المزيد
إنها القوة تأتى عندما يكون لك اعداء ..وكان هذا سبب من الاسباب التى جعلت المسلمين اكثر قوة
دعنى اوضح .. .. كانت مصر اكثر قوة عندما كانت لها عدو واضح (اسرائيل ) الان ورغم ان مصر اصبحت احدث سلاحا إلا إنها اقل قوة (الا ما رحم ربى ) ولماذا اصبحت اقل قوة .. انه السلام .. ليس لنا اعداء .. لما الحذر كن مسالم
ما معنى مسالم وهل انت مسالم .. كم مرة تعطى العذر للأخرين ..كم مرة تقول اسف .. لو مؤاخذة .. اكسيوزمى ..كم مرة تردد عبارة (المعذرة) فى اليوم الواحد ؟...هل هم على حق وانت على باطل لتعتذر لهم ... ولماذا لا يعتذروا هم لك .. دعنى اجاوب (لانك مسالم) ليس لك اعداء عديم القوة
وما هى القوة ...اهى قوة العضلات .. .. حسنا تمرن على لعب الحديد لمدة عام ثم قم بعركة مع احد الضعفاء .. قد تضربه ...ولكن احذر انه يمكنه ان يهزمك اذا كان يحمل بيده (موس حلاقة ) .. نصيحة ان وجدت هذا الموس فى يده ابتعد (الضربة فى الوش مفهاش معلش)
انت تبتعد حسنا .. لنرجع الى الوراء الى العداوة .. ما نتيجة العداوة (حرب على المستوى العالمى ) (خناقة على المستوى الشخصى)
أ انا قولت خناقة ..ولماذا الخناقة وكيف ومتى .. واين؟ ...الخناقة ببساطة ضارب ومضروب ...اتخانق حتى لو عدوك هيضربك ..مش مهم لانك تانى مرة هتضرب عدوك وتنتصر .. زيك زى الجميع .. احسن ما تكون مسالم .. غلبان .. ضعيف..
أ انا قولت ضعيف .. انه الضعف .. تكره الحياة ..تزعل ..تتمنى الانتحار .. الانتحار ضعف .. الانتحار كفر ..حسنا انها الخناقة مرة اخرى
مازلت احاور نفسى ..خناقة أى عركة تأتى من كلمة معركة .. هل هذه محاورة فى اللغة بدأت اشعر ان هذه (محاورة كراتيليوس في فلسفة اللغة_ أفلاطون) نعم هى محاورة ولكن نفسى ليست كراتيليوس وانا لست افلاطون .. .. ولكن ربما تكون هذه فلسفة الخناقة .. ولماذا الخناقة ..لان احدهم يريد ان يستكبر عليك وانت تقول فى نفسك .. محدش احسن من حد محدش احسن منى ...حسناً بدأت الخناقة .. ولكن لحظة ماذا اريد من هذه المحاورة ؟...ولماذا هذه المحاورة ...وهل هذه محاورة ...
امممممممممم .. اريد ان اكون مراّة كل اللى يبص فيها مايرجعش تانى غلبان مسالم ضعيف ... حسنا سوف انظر الان فى تلك المراّة ..ما هذا انا ارى احدهم كانت بيننا عداوة .. ادقق النظر فى وجه وأتسائل فى اى مكان ابدأ بالضرب فى وجه ..بدأت اشعر بضمة يدى .. ما هذا ..إنها العداوة ...وما هذا الذى فى ضمة يدى ..إنها القوة ...أنظر الى عينى إنها اصبحت تشبه عين الصقر ..انا مستعد لك اخرج من المراّة واجهنى ولكن احذر فأنا معى (موس) ..وربما احضر مطوى ..سافوريا..حتة ستة وتلاتين .. احذر
..
لا تكن لطيفا اكثر من الازم .. هذا اسم كتاب وان اردت نصيحتى لا تكن لطيفا مع الجميع لا تحب الجميع فالذى يحب لا يكره وانت لك اعداء كثيرون على المستوى الشخصى والدولى انظر الى اعدائك تمرن على الكراهية انت تضم يدك بقوة انت تكره .. هنيئاً لك القوة
اقولت هنيئاً .. وهل القوة هدية .. ولماذا القوة ومتى وكيف .. واين ...احذر .. ولماذا الحذر .. من لا يَرحم لا يُرحم ...وارحموا من فى الارض يرحمكم من فى السماء ... واستغفر ربك حتى يجعل لك مخرج من كل ضيق ويزيدك قوة الى قوتك ... .. .. ..
- ما هذا اتتلاعب بى وبالدين .. انا اكرهك ..
=لحظة انا لا اتلاعب.. انت لست لعبة .. وانا لست لاعب .. انا مراّة انظر فيى جيداً..

30 الناس الى بتكتب فى الكشكول:

well يقول...

لو مؤاخذة ..

الحياة الطيبة يقول...

لا تكن لطيف أكثر من اللازم ,نصيحة جيدة والإعتدال في كل شيئ هو المطلوب ,بوست دسم واعتقد أنه دعوة للمتخاذلين ومن يظنون أنهم ضعفاء أن يكونوا أكثر قوة لكن بالحجة والمنطق لا بالعضلات ,عدونا خارجي وليس من جلدتنا وأما الإختلافات التي تحدث بيننا فهي من نزغ الشيطان وعلاجها الإستعانة بالله والتحلي بالحسم في حلها وليس الإعتذار حتى وإن كنا على
حق ...... طرح متناسق

الحياة الطيبة يقول...

Well
هناك خطأ في كتابة السطر الأخير أن لا نعتذر في حال كوننا على حق بل نكون أكثر حسم.

أنا - الريس يقول...

أبو قالي وأنا صغير
كله الا الكرامة

The illusionist يقول...

تصدق بالله يا شيخ

يمين بالله اول موضوع فى التدوين اشوفه يكيف دماغى ويحسسنى انى لو انا فكرت اكتب مش هكتبه اوقع من كده

طول حياتى عندى عقده

ليه انضرب ويتقالى المسامح كريم

يعنى ايه المؤمن القوى احب اللى الله من المؤمن الضعيف

كانت فى دماغى المعضل

وطلعت اللى ايمانه قوى

بس طلع ان كمان المؤمن اللى بيهتم بصحته احسن

عشان هيبقى قوى ويقدر يدافع عن نفسه وعن الضعفاء وعن الحق

خلاصه الكلام المهروش ده

ان القوى احسن من الضعيف

يعنى لو انا سامحت فى موقف ضعف ابقى انا ضعيف

لمما اتخانق وانضرب واقعد جوايا انتفض واترعش واقول ربنا هييبلى حقى

يبقى انا ضعيف

كل حاجه ايمانيه كويسه

بس وبعدين

هتفرج على ناس بتنضرب واقول انا مليش دخل

بس انا عارف انى لو قوى والناس بتعملى حساب

هخش اقول ياد يا ابن ال

كلو هيجرى

ممممممممممممممممم

ده جزء

جالى واحد من الباب للطاق وانا ابن ناس ومسالم وبشرب نيدو وبقرا كتاب سلاح التلاميذ ولاد التيت دول

وقالى ولالالالالا

انت هتنضرب

هات عشره جنيه

هات جزمتك

اقوله ايه

وحياه المسالمه يا كوتشلا

انا طيب

ولا مسرحيه المتزوجون

بتقول شريهان لاحمد راتب

تعرف كاراتيه

قالها اه

بتاع اهلا اهلا كارتيه

طعمك حلو كده ليه

قالتله افرض حد ضربك

قالها ويضربنى ليه ما انا فى حالى اهو

طب ده اقوله ايه

غير

اغنيه لسه نازله فى فيلم اسمه حترم الا ربع

بيقولك انا عامل دماغ قراقيش

علشان مبقاش فى حشيش

وبعدين ناخده غرزتين فى وشه

وهو يمشى متنح ويقول

الضربه فى الوش

مفهاش معلش

The illusionist يقول...

معلش على التطويل يا باشا

بس عجبنى بصراحه

The illusionist يقول...

كتابك اهو يا باشا

ما تحط لنك بالمره لانو شكله حلو يمكن حد يحمله

اللنك اهو وصاروخ

والكتاب فى ملف وورد

اى خدمات يا باشا

http://www.mediafire.com/?clq3iz3vjjj

The illusionist يقول...
أزال المؤلف هذا التعليق.
غير معرف يقول...

شكرا على البوست

غير معرف يقول...

انا بحب اجى هنا جدا
هقراء البوست اول ماصحى
مكسله كمان اسجل
اسراء عمان،،،راجية الرحمه

Unknown يقول...

القوة هي شيء بسيط جدا
هي العفو عند المقدرة

و اذا لم تكن عندك المقدرة الان
فستدور الدنيا و تاتيك المقدرة
و عندها ان تعفو تكن اقوى من ان تقتص لحالك

فان ما عند الله هو خير مما نحن فيه

موضوع فلسفي واقعي
اسعدني طرحك

تقبل مروري و تحياتي
دمت بخير :)

just dream يقول...

بس قبل مانبحث عن العدو الخارجى نبحث جوانا هنلاقى العدو الداخلى وهى النفس الاماره بالسوء فمن ينتصر عليها فهو بالفعل الاقوى
بحييك على البوست الجميل ده

richardCatheart يقول...

ولمؤخزتك معاك يا يا خويا

ههههههههههه

والله جميل اننا نبص فى مريا نشوف نفسنا من جوه نشوف نقطه القوه

خير وسيله للدفاع الهجوم على فكره صح

لاتكن لطيفا مع الناس طول الوقت
كثير ما يكون اللطف خداع لوجه قبيح قد يكون شديد القبح

تحياتى وياعنى على الفلسفه العاليه
جميل يا ويل

راجية الرحمه يقول...

عدنا..
بوست فى منتهى العمق...
القوه دايما مطلوبه ولكنها سلاح ذو حدين
و زى ما قال الريس
كله الا الكرامه

well يقول...

الحياة الطيبة ..

(بوست دسم) ...
نعم عدونا خارجى ...
والاختلافات التى بيننا من نزغ الشيطان .. لكن لماذا بيننا خلافات ولماذا رضينا ان يكون بيننا خلافات وكيف واين ومتى ..

الشيطان يمكنه ان يتدخل بيننا عندما نبتعد عن عبادة الله ..عندما ننسى تقدير كلمة نحن مسلمين قبل اى شئ
الشيطان عدو من ضمن الاعداء .. نحن لنا عدو واحد .. نحن اكثر قوة

(لا نعتذر فى حال كوننا على حق ) .. اصبتى الهدف

على فكرة انتى اكتر واحدة كنت مستنى تعليقها لانك بتكتبى عن التنمية الذاتية والايجابية .. واعتقد ان هذا البوست قد كسر بعض قواعد الايجابية ..(نحن نعيش فى دنيا لها شئون )

تحياتى لتعليقك ...

well يقول...

MR.PRESIDENT ...

سيادة رئيس البلوجر ...

الكرامة فوق كل شئ
الكرامة تجعلنا اكثر قوة
الكرامة شرف
الكرامة كلما لها ثقلها

تحياتى لوالدك ولك

well يقول...

The illusionist ...


(اول موضوع فى التدوين اشوفه يكيف دماغى).. الود ودى اعلقها شهادة بس حضرتك لازم تمضى عليها وكمان تديها ختم النسر

(يعنى ايه المؤمن القوى احب اللى الله من المؤمن الضعيف)سؤال يفسر معناه
(واترعش واقول ربنا هيجيبلى حقى
)كلامك صح بس ماتستهونش بالكلمة دى لان معناها كبير بس مرة تانية كلامك صح
(ولا مسرحيه المتزوجون) متهيألى كدة اسمها سك على بناتك ان لم تخونى الذاكرة
سيبك انت اخر اتفاق بنا فى البلاستيشن انت اختر ايس ميلان
اممممم انا لأما المنتخب او تشيلسى
وبعدين تخيل كدة لو واحد فى البلوجر قالك هات باسوردك هتعمل اى ... مش هينفع معاه اهلا اهلا كارتيه ... هههههه
بالنسبة للكتاب هنزل الرابط بتاعه ان شاء الله هو ورابط كتاب فلسفة اللغة لافلاطون ..وشكرا على النصيحة
وطول بمزاجك البلوج بلوجك
تحياتى يا مبدع

well يقول...

يوميات شحات ...

شكرا على وجودك ويارب يكون البوست عجبك .. وان شاء الله يكون فى تواصل

تحياتى ..

well يقول...

اسراء عمان،،،راجية الرحمه...

احلام سعيدة ...

ونرجع مرة تانى ونقول صباح الخير ...

(القوه دايما مطلوبه ولكنها سلاح ذو حدين) نعم القوة لها كذا وجه

والكرامة فوق كل شئ

تحياتى وشكرا على متابعتك وكلامك الجميل

well يقول...

Ahmed Mustafa - zema ...

اصبت المعنى الحقيقى للقوة .. العفو عند المقدرة ... مفهمتش المعنى ده الا لما كان واحد صحبى بنيانه قوى كان بيتخانق مع واحد تانى .. وقالى انا هسامحه علشان حاجة واحدة بس وهو ان انا اقدر اضربه ..

تحياتى وشكرا لتعليقك

well يقول...

قول ياااارب ...

نعم بداخلنا عدو وهو النفس الامارة بالسوء ..
عدونا شيطان يوسوس فى صدورنا

لنا اعداء لا نراهم بأعيننا ولكن نعلمهم .. نحن نعلم عدونا .. نحن اكثر قوة

تحياتى

well يقول...

richardCatheart ...

طبعا اخوات
خير وسيلة للدفاع هى الهجوم ..او الخناقة

(وياعنى على الفلسفه العاليه) من بعض ما عندكم
..
اى حد الناس بتطلق عليه ريتشارد وده لانهم بيشوفوا قوى
ولما الناس تشوف ريتشارد + قلب القطة ....تحياتى للاعتدال

تحياتى

richardCatheart يقول...

ههههههههههههه

اشكرك يارفع معدنياتى


تم اضافه مدونتك لبيت المدونين فى القسم المنوع
نرجو المتابعه

وحي القلم يقول...

السلام عليكم
نظرية تحترم
بس ممكن مظاهر القوة تبان في نمو اقتصادي ونماء سياسي
العملية مش فتونة

الحياة الطيبة يقول...

فعلاً Well
سؤال غاية في الأهمية (لماذا بيننا خلافات؟)
وسرعان ما جاوبته (لأننا ابتعدناعن عبادة الله )
عدونا الشيطان ولنا عدو آخر كما قال )قول ياااارب )هو نفسنا الأمارة بالسوء والراكنة للراحة ومتبعة للأهواء فصار كل منا لا يفكر إلا بنفسه ونسينا روح الجماعة فاستغل الشيطان هذه النقطة .
علينا أن نتصل بالله أكثر ونكون أكثر وعي بهدف عدونا المشترك ,نحب بإخلاص بعضنا كما نحب أنفسنا ,حب لا نمسح فيه حدودنا وكرامتنا فالمؤمن القوي أحب إلى الله من المؤمن الضعيف ,قوة لا تؤذي إخواننا لكنها ترسم وتحدد حقوق كل منا وواجباته .
قد سعدت Well بكلماتك الطيبة
أدام الله ذلك الفكر النير ودمت بخير

well يقول...

richardCatheart ...

شكرا ياريتشارد على اضافة المدونة وجارى المتابعة

تحياتى

well يقول...

مصعب صلاح ...

العملية فعلا مش فتونة والقوة لها اشكال متنوعة
نظرتك تمام

تحياتى

well يقول...

الحياة الطيبة ...

شكرا على المتابعة

وشكرا على كلامك الواضح والممتاز دائما

تحياتى

الغاردينيا يقول...

والله انا بنظر للموضوع من ناحية ثانيه
مين قال ان الشخص المسالم ضعيف ؟
ومين قال ان القوة تقاس بعدد الاعداء
انا عن نفسي اعدائي قله ومش علشان انا مسالمه ..علشان انا مبحبش اخسر حد
وبحاول كل جهدي اني اطلع باقل الخسائر
في اى شئ

ساعات ايوا بفكر لما بتالم انو لازم انتقم بس ارجع اذكر شئ " والكاظمين الغيظ " وشئ ثاني انا بحب اوكل الله يجيب لي حقي في اى شئ حتى لو كنت قادره اجيب حقي ... ( مافي اجمل من اني اوكله هو )
تحية عطره

well يقول...

الغاردينيا..

" والكاظمين الغيظ "
( مافي اجمل من اني اوكله هو )
..تمام


..
تحياتى