sms نص جيجا

إزاى يا نور النجمة بتنبت فى وسط ظلام
وإزاى يا قمر بتكتمل بعد أما كنت هلال
وإزاى يا موج البحر بتتبخر تطير فى السما
وتنزل مطر شربه حلال
وليه انا زى ما انا
مش عارف اكون انسان
...........................................................
..........................................................
sms نص جيجا
..........................
من مصر الى مبارك
لماذا لم ترد على رسائلى الاخيرة
هل حقا لا ترانى
انظر حولك جيدا فانا فى كل مكان
........................................
من الشعب الى مبارك
أرحل
.....................................
من مبارك الى الشعب
حرمت اخر مرة
...................................
من الحزب الوطنى المنحل الى مبارك
بعد الرحيل يفضلى اى بعدك يا غربتى فى بعدك
....................................
من الشعب الى صفوت الشريف
يا حلوة يا بلحة يا مئمعة شرفتى اخواتك الاربعة
..................................
من بطرس غالى الى الشعب
اللى يحصلنى يكسرنى
.................................
من الشيخ الى أبونا
كلنا اخوات يا ابن عمى
...............................
من الشعب الى مصر
يا صباح الخير
..............................
من مصر الى الشعب
يا صباح القشطة
.............................
من فلسطين الى العرب
اصحى يا نايم
............................
من القذافى الى العرب
انتظروا قريبا كتاب التفاح الاخضر
.........................
من سيف الاسلام الى الشعب الليبى
انا زى بابا بالظبط
..........................
من الشعب السورى الى الاسد
ارحل احنا مش فى غابة
..........................
من الاسد الى اوباما
الاسود مش بترقص .... الاسود بتعض وبس
.........................
من جهنم الى القذافى والاسد
انتظركم على نار
.........................
من مصر الى مرتضى منصور
انتى تشتغلى اى
.......................
من عمرو دياب الى تامر حسنى
انا بابا يا له ....
.....................
من حسام حسن الى الشعب
طب عليا النعمة الدورى بتاعنا
.........................
من ابو تريكة الى الشعب
نحن قوم لا نستسلم .... ننتصر او نتعادل
..........................
تنبيه
الذاكرة لاتكفى لاستقبال رسائل جديدة
من فضلك امسح بعض الرسائل

موال الطيب

اول حاجة اسف على الغياب وانى مبردش على تعليقات ولا بعلق عند حد وده عشان الكومبيوتر تعيشه انتوا اتحرق (قضاء وقدر)
تانى حاجة مواال الطيب ॥ وياعين ياليل يااااا ليل

ياعم يااااااطيب
॥ياعم يا طيب يالى الشيطان عمره ما فى يوم وزك
ولا جر رجللك وللمعاصى شدك
॥ ياللى تقول ده مش قصده وده معذور
ياللى تحب كل الناس ولو مكسور
ياللى تبات تبكى عشان مظلوم
ياللى تبات تشكى عشان مهموم
ياللى بترضى بالقليل
وتحب للناس الخير
وماتقولش لحد لأ ॥وتقول حاضر وطيب
لو حتى هتيجى عل نفسك تكون منه قريب
اما صحيح طيب
ياللى تسامح كل الناس وتداوى وتطيب
اما صحيح طيب
طيب يا دنيا وعايش فيكى طيب
راضى وصابر وبقول حاضر واقول طيب
لكن انجرح اهو ده اللى مش طيب
لكن اندبح اهو ده اللى مش طيب
ولا حد سألنى مالك ولا خد بخطرى وطيب
شكرا يا ناس انا كويس
وبجد انا طيب
شكرا يا ناس انا كويس وبجد انا طيب
بجد اناااااااااا طيب

ولسه بتحلم

ولسه بتحلم يكونلك جناح

وتتمنى يوم يعود اللى راح

وترجع صبى من الصبيان

عيونه بتعشق بنت الجيران

ويضحك ويلعب

وعمره ما يتعب

ولا يهمه دنيا ولا أيام

ولسه فى قلبك شوية كلام

ونفسك تقوله لحبيبتك زمان

ولكن خسارة عدى الزمان

وفات الاوان

ولسه بتحلم