RSS Feed

الرجل الحقيقى

هل انت حقا هو انت
هل عندما يظنون انك زعلان هل تكون حقا زعلان
هل تكون فرحان .. كما يظنون انك فرحان
عندما يحدثك احدهم وتقول حاضر او ماشى او طيب
هل حقا فهمت ما قاله بنسبة 100%
على اى اساس اخترت الرد الذى نطقته وهل يوجد رد غيره وهل يمكنك ان تقول غيره
هل تفهم ما يجرى حولك على حقيقته
هل تستوعب الحقيقة
ما هو مقياس الحقيقة عندك
................
هل انت من قرر ان يقرا هذا البوست
هل انت من قرر ان يجلس امام شاشة الكمبيوتر
هل انت من قرر ان يشاهد هذا البرنامج التلفزيونى ويترك البرنامج الاخر
هل انت من قرر ان يبتسم لهذا ويكشر لهذا
هل انت من قرر ان يسامح هذا ويخاصم هذا
هل انت من قرر ام انها مجرد عادة
...........
عمرك مشيت فى مظاهرة
طب عمرك فكرت تعملها
طب ليه مش عاوز تعملها
مش شايف نفسك فيها
طب شايف نفسك فى اى .. مؤيد .. معارض .. بيستضفوك فى برنامج .. او ساكت
هو انت مش قد ان انت تمشى فى مظاهرة وتقول ارحل او احنا عاوزينك
لو زى ما بتقول" قدها " ليه مفكرتش فيها قبل كدة
...........
قريت او اتفرجت قبل كدة عن قصة للرجل الطائر "سوبر مان"
او الرجل القوى"هركليز"
او الرجل الحديدى
طب بإمانة عمرك شوفت قصة عن "الرجل الحقيقى"
عارف يعنى اى الرجل الحقيقى
......
انا عارف اجوبتك كويس عن الكلام اللى فات
اصلى اجوبتى زى اجوبتك
اصل انا برضو زيك اكتشفت من فترة قريبة انى معرفش يعنى اى الحياة
وقررت ان انا اتعلم الحياة ولاول مرة اقرر
اسهل وسيلة للتعليم هى التقليد
عملت نفسى زعلان عشان لازم اكون زعلان وعملت نفسى فرحان عشان لازم اكون فرحان
ايوة كلمة السر "عشان لازم "
عشان لازم تنجح عشان لازم يشوفك الناس انسان كويس عشان لازم تبقى احسن من فلان
قلدت كل حاجة اصبحت افعل اشياء هى فى الحقيقة ليست اشيائى
...
لم اعد اعلم انا.. قوى ام ضعيف ... محترم ام قليل الادب
....
اسأل نفسى لماذا وانا معهم اتمسك بإيمانى اما وانا وحدى يأتى الى مخيلتى اشياء ضد الايمان
..
هل انا ميكس
هل عندما استعير رأى اصحاب البرامج التلفزيونية واقولها فى السياسة
اصبح هكذا ميكس
لماذا لا اقول رأيى انا .. هل عندما اقول رأيى انا سيشعرون ان بداخلى غباء سياسى او انى مبفهمش وربما يضحكون ويقولوا ده شكله ما يعرفش حاجة عن الدنيا
...
هل انا ميكس
هل انت ميكس
هل انت مثلى فكرت فى الرجل الحقيقى
الرجل الحقيقى الذى يقول رأيه كما يراه
الرجل الحقيقى الذى يفعل ما يراه صحيحا فى كل الحالات
الرجل الحقيقى الذى عندما يفعل شئ فانه يكون لديه اكثر من خمسين سبب لفعله هذا الشئ
الرجل الذى لا تأثر فيه العادات وانما يفعل ما يجب فعله
الرجل الذى لا يتخيل شئ ويكون ذهنه حاضر بنسبة 100%
الرجل الذى يدرك قيمة الاشياء على حقيقتها
......
هل انت ما زلت هنا
هل انت طول فترة القراءة كان ذهنك حاضر هنا
هل قررت ان يكون ذهنك حاضرا دائما لا يتخيل اشخاص صدموك
هل قررت ان تدقق فى كل شئ حولك حتى فى كوباية الشاى اللى على المكتب
هل قررت ان تدقق فى كل شئ عشان تقدره وتعرف الحقيقة
هل قررت ان تكون الرجل الحقيقى
....
هل استوعبت ما قرئته جيدا
هل هتخسر حاجة لو قريته تانى
....
؟
 
 

14 الناس الى بتكتب فى الكشكول:

richardCatheart يقول...

:) عايز الحقيقة انا مش عرفنى انا توهت منى انا مش انا انا عشان لازم انا عشان رغما الغريب انى كتبت حاجة من كام يوم اسمها رغما عنى اهى شبه كلامك كدا ونفس المضمون بتاع عشان لازم لما تقرها اكيد هتفم اقصد ايه فى وجه الشبه بين كلامنا فى البوستين دول

على فكر فحيييييييييييييت البوست دا

Gamal Abu El-ezz يقول...

well
كل شئ مسير بامر الله ولكن الله يضع الأسباب فى الأرض وتأكد أن أمر المؤمن كله خير
فقد يبتليك الله بالشر لكى تعرفه وتعرف قيمة الخير من بعده
وكما قال الله تعالى "إن الله لا يغير ما بقوم حتى يغيروا ما بانفسهم"

المهم أن نعرف من نحن والاهم أن نعرف لماذا خلقنا

شكرا على البوست الجميل

الحياة الطيبة يقول...

Well
كن كما أنت ولا تشك في نفسك لحظة ...وأكيد هم لايدركون حقيقة شعورك بالضبط لايدركه سوى أنت ولحظة صفا مع النفس تعرف أدق تفاصيلها وهناك طبعاً أفكار ليست أفكارك لأن الشيطان يجرى في ابن آدم مع الدم فأي فكرة ليست جيدة ليست فكرتك ارفضها للتو وفي الحال ولا تشك أنها منك لأنك تحمل جوهر نقي كما خلقه الله وتتزثر بأشياء كثيرة حولك كطريقة تعامل البشر معك وإحباطات الفشل وأشياء أخري لن ندخل في تفاصيلها لكن تبقى طريقة تعاملك معها وتقبلك ووعيك وتفهمك هي الفاصل والمحك الذي يقيس درجة نجاحك ، كن كما أنت ولا تخشى أن يقول الآخرون عنك مالايعجبك فكله يصب في صالحك استعن بالله في كل أمورك وتقدم كل يوم خطوة وأبدع ولا تلتفت وتتعمق أو تحلل أي فكرة تضعفك وتبقى الحقيقة ناقصة لنا نحن البشر والحقيقة الكاملة عندالله سبحانه وما علمنا إلا كنقطة لذا نحن نعتمد على الإيمان بالله ونستمد القوة منه ، لذا كان جزاؤنا عند الله الجنة ، كم أحب كتاباتك وأفكارك وإبداعاتك ، دمت بألف خير .
تحياتي .

شمس النهار يقول...

ايه الدربكه دي
:)
التدوينه دي فكرتني بالكلمة الشهيرة اللي بتيجي في اغنية جميل جمال
:))
الظمبليته في الصالون

انا قريت مرتين
ومش عارفه ارد عليك
:))

well يقول...

richardCatheart ...
.............
جارى يا باشا قراءة البوست (رغما عنى )
..
(شبه كلامك كدا ونفس المضمون بتاع عشان لازم ) والله ده شرف ليا ..
..
منورة ديما يا ريتشارد المدونة ...
..
تحياتى

well يقول...

Gamal Abu El-ezz ...
..
"إن الله لا يغير ما بقوم حتى يغيروا ما بانفسهم"

انا بعتبر الاية دى سر من اسرار التغيير ..
..
شكرا على وجودك ديما هنا برغم ان الواحد مقصر معاك
..
منورنى ديما
تحياتى

well يقول...

الحياة الطيبة..
..
"كن كما أنت "
"وتبقى الحقيقة ناقصة لنا نحن البشر والحقيقة الكاملة عندالله سبحانه "
"لذا نحن نعتمد على الإيمان بالله ونستمد القوة منه "
انا بصراحة شايف ان التعليق اللى انتى كاتبتيه ينفع بوست ممتاز
بكون سعيد جدا برؤيتك فى التعليق
"كم أحب كتاباتك وأفكارك وإبداعاتك"الود ودى ابروزها وعلقها على الحيط كــ شهادة اعتز بيها
رافعة ديما من روحى المعنوية
تحياتى

well يقول...

شمس النهار ..
..
هى بينى وبينك فيها دربكة .
وبعدين بقه انا ضربت فى دماغى وهنزل اغنية جميل جمال مخصوص عشان اعرف موضوع الظمبليته فى الصالون
انا سعيد اووى ان انتى قريتى مرتين
..
شكرا على وجودك ديما فى االمدونة
شمسك منورة صفحات الكشكول
تحياتى

faroukfahmy يقول...

بالصدفة البحته اهتديت الى مدونتك عن طريق اخى وحبيبى جمال ابو العز
وبعد ان هضمت كلامك الدسم واخذت بعده زجاجتين من المياه الغازيه لارجع الى حالتى الطبيعية واتيقن هل انا انا او شخص آخر وانا الآن أسأل
هل يكون من الصالح ان اكون انا كما أنا او اكون انا كما يريد الناس ويكون هذا طالحا ضد صالحا
عموما شدتنى مدونتك وسمحت لنفسى ان اكون من متابعينك لاتواصل مع جديدك وارجو ان تفعل المثل للتواصل الحميد
وشكرا لماافدْت واجدّت
وانا فى انتظار تشريفك لمدونتى
الفاروق

well يقول...

faroukfahmy ...
الفاروق .. احببت الصدفة التى اهدتك الى هنا .. واشكر صديقى جمال ابو العز على هذه الهدية العزيزة
كن انت كما تحب ..
"وسمحت لنفسى ان اكون من متابعينك لاتواصل مع جديدك " ده شرف كبير ليا
ان شاء الله يكون فيه بنا تواصل
..
سعيد بوجودك هنا وبتعليقك
اسعد الله حياتك
تحياتى

الحياة الطيبة يقول...

Well
أنا من سيبروز ردك الجميل وشكراً جزيلاً كلمات طيبة وروح طيبة ،دمت بخير .

well يقول...

الحياة الطيبة
..
شكرا على كلماتك الاجمل
دمتِ بخير

Malik Badawy يقول...

العاب تلوين

LOLO MOHAMED يقول...

العاب بنات
العاب تلوين
العاب اطفال
العاب سيارات
العاب طبخ
العارب باربي
العاب ذكاء