RSS Feed

" المدون إكس".. X..


بطلى المفضل (1)
-------------------- 
..
تعرفت على بلوجر بالمصادفة من خلال البحث على جوجل
أدمنت بلوجر قبل انشاء مدونتى بسنتين
"المدون اكس" احببت كل شئ يكتبه هو ايضا عرفته عن طريق المصادفة
فى كل يوم اذهب الى مدونته لعلى اجده كتب شئ جديد
اقرأ له القديم والجديد .. تعرفت على اميله
كنا نتحدث يوميا بالكتابة عن طريق الاميل .. لم اكن اصدق اننى احدث " المدون اكس "
وكيف اصدق فالمدون اكس بالنسبة لى هو بطل خيالى .. وعندما يكون البطل الخيالى حقيقى
.. يصبح شئ يصعب تصديقه
.. اتفقنا انا واكس على ميعاد لنتقابل
.. انا هنا انتظر فى المكان المحدد منذ فترة طويلة جدا ليس لان "المدون اكس" تأخر ولكنى اتيت هنا قبل الميعاد بفترة طويلة
.. اتسائل .. هل هو هنا الان .. هل يرانى ..
هل ملابسه بلون الاورنج الغامق كالون بلوجر .. كيف هو .. كيف ملامحه .. كيف وكيف ..و.. هل هو حقا شئ حقيقى ام مجرد بطل خيالى
وقع فى قلبى شعور غريب .. شعور مجهول .. لا استطيع ترجمته
كان الشعور الغريب يزداد كلما اقتربت منى خطوات "المدون اكس"
عندما رئيت عينه الواثقة ايقنت انه هو .. مددت يدى بالسلام
برغم وجوده على ارض الواقع مازلت اشعر انه بطلى الخيالى
...                             ***********

يوم التعارف (2)
.--------------.
عملت فى هذه الشركة منذ شهرين فى كل يوم عندما ارى "كمال" اشعر ان الان سوف نشتبك بالايد وتبدا"الخناقة"
"كمال" هو رجل ضخم ..كل فعل منه يعبر انه يتحدانى استطاع ان يكون صديق مقرب من اصدقائى "عمرو ويحيى " اصدقائى فى الماضى .. حتى" ريم" التى أتت الى الشركة منذ شهريين وكانت مقربة لى .. الان انضمت الى "الشلة" التى صنعها "كمال"
اتسائل هل "كمال" هو الذى اجتذبهم له ام انهم من اختاروا ان ينضموا له .. هل رأوا فيه شئ لم اراه حتى الان
.. للمرة الاولى منذ شهور طويلة اجتمع انا و"يحيى " فى وقت الـ ريست" بدأ يتحدث كثيرا كعادته ثم نصحنى بعمل بحث على جوجل عن مدونته " الرجل والابداع" فاجبت : انا عارفها كويس .. تسائل: ازاى عارفها .. فأجبت : انا "المدون اكس" ....نظر لى قائلا : "سمعنى اللى انت قولته تانى"
اخذنى من يدى بقوة واتجه نحو " كمال وعمرو وريم " ليقول لهم : ده يبقى" المدون اكس "
ابتسمت ريم وهى تردد " بجد" اما عمرو فقد وجه ضربة قوية الى صدرى جعلتنى اشعر بصعوبة فى التنفس .. ثم اضاف: اعرفك بقالى سنتين ومتقوليش .. ثم رجع الجميع خطوة للوراء عندما اقترب منى "كمال"
تسائلت فى نفسى .. هل الان يا كمال وقت "الخناقة" ..هل سوف ننهى التحدى الان
اقترب "كمال" وهو يفرض زراعيه ليأخذنى بالحضن ثم بعد الحضن رئيت على وجهه دموع كثيرة ... اقترب منى" يحيى" وقال بصوت خفيف : كمال يبقى صاحب مدونة "انسانية بدون اضافات" فقولت له مستغربا :"سمعنى اللى انت قولته تانى"
ثم مرة اخرة اخذنى كمال بالحضن .. بعد الحضن اخرجت من جيبى كيس المناديل واعطيت له منديل ليمسح دموعه ولكنه ...
اخذ المنديل وبدأ يمسح وجهى .. وضعت يدى على وجهى لاستوعب ماذا يفعل .. فوجد دموع كثيرة وكثيرة نزلت من عينى "دون وعى"
.....                   ************************


ماتريكس "اعرف نفسك" (3)
..---------------------------
اعرف انك هنا ..استطيع الشعور بك ..اعرف انك خائف من التغيير
دعنى اقول لك لماذا انت هنا .. لانك تعرف شئ .. ما تعرفه لا يمكنك شرحه .. ولكنك تشعر به .. لقد شعرت به طوال حياتك .. شئ تحدث به نفسك وتريد ان تكتبه ..شئ هو كشظية فى عقلك .. شظية تدفعك الى الجنون .. هذا الشعور هو الذى اتى بك الى هنا .. الى بلوجر
هل تعرف ما اتحدث عنه .. هل تعرف ما هى بلوجر ..بلوجر هى فى كل مكان .. انها من حولنا .. حتى فى هذه الغرفة ..يمكنك التفكير فيها عندما تريد ان توصل فكرة لغيرك .. بلوجر هى عالم من دون قواعد او تحكم .. عالم من دون حدود .. عالم الصداقة الحقيقية به ممكنة ..هو ليس عالم خيالى .. حاول ان تدرك الحقيقة .."
هل تستطيع الكتابة .. الكتابة مثل الحب .. لا احد يستطيع ان يقول لك انك تحب انت تعرف هذا ....
هل انت واثق انك تريد سماع هذا: انا اعتقد بأنك  .. انت" بطلى المفضل" ..انت تعرف ماذا اريد قوله ..اريد ان اقول.. انا اثق بما تكتبه "انت لديك الموهبة ولديك روح جيدة " .. ماذا تكتب .. هو خيار اتركه لك.............
الذى قلته لك .. هو لك .. لك فقط .. لا تشغل بالك كثيرا بما قلته لك اعدك عندما تخرج من هنا ستشعر بتحسن
...                              *********************
                                             انتهت ..

8 الناس الى بتكتب فى الكشكول:

Gamal Abu El-ezz يقول...

well
أنت ايضا بطلى المفضل
قد يكون كل منا له عالمه الخاص ولكن فى النهايه فنحن أصدقاء

well يقول...

gamal abu elezz
...
أخجلتم تواضعنا ... "انا مش قد الكلام ده ياعم"
...
ربنا يبارك فى هذه الصداقة
..
تحياتى ايوها البطل

richardCatheart يقول...

طب ايه ياعنى بئا اجيب شجرة واتنين ليمونادة ههههههههههههههه

صباح الفل لويل صديقى الصدوق وبطله المفضل صديقه الصدوق واستاذى :)


مش عارفة ابتدى منين الحقيقة زى عادتى بالرغم انى اجيد البدايات ولا اجيد النهايات اطلاقا

هتكلم وخلاص

سؤال جه على باللى وانا بقراء انت ليه يا ويل ما بتكتبش ثرد بالشكل دا كتير انت رائع فى الكتابه دى واللغة ماشاء الله مسعداك واسلوبك من الاسليب الغريبة والمختلفة اللى بحبها
بيجيلى احساس انت بتفرج على شريط سيما ليه ماعرفش المهم انى بستمتع


اختيارك لبطلك المفضل جميل حد الروعه وصحيح بلا جدال لانه ببساطة هو كمان حد مختلف فعلا مختلف اسلوبه قوى ويمكن من كتر قوته بحس انه بيتواضع فى كتابته علشان يوصل للزى انما هو لسه عنده كتيييييييييييييييييييير انا شوفت دا بنفسى فى اسلوبه وفكره

انا كمان عندى بطلى وبطلتى المفضلين
على فكرة هو احساس حلو اوى :) وخصوصا لما يكون الشخص يستاهل الاحساس واللقب دا

اى حد متخيل ان النت وبلوجر وفيس عالم افتراضى احب اقوله روح اتعالج
دول الجزء الجديد للعالم اللى عايشينه هو جزء مكمل للتوسيع زى المدن الجديده كدا انا عن نفسى عرفت اغلب الناس اللى اتعملت معاهم بشكل شخصى وفى منهم قبلتهم كتير بردو ودا فى حد ذاته كسر لفكرة العالم الافتراضى اعز صديقاتى عرفتهم من النت والفيس واكتر ناس حبتها عرفتهم منها بردو بالعكس دول نعمة طلعتلى لما دعكت الكىبورد زى الجنى كدا ههههههههههه

ربنا يديم بينكم كل الحب والخلاص والود والصداقة الحقيقة اللهم امين
لان ببساطه كل حاجة فى الدنيا بتروح الا الصداقه الحقيقيه هى الوحيدة اللى بتفضل بجد جزع قوى ثابت بطن الارض

يلا انا طولت عليك اوى بس البوست جميل جدا وانا استمتعت عالصبح :)
صباحك ورد وفل واشراق يا ويل يا ويل

well يقول...

ريتشاارد ..
....
يا مسااء الفل ... انتى مش غريبة يا ريتشارد هاتى الليمون من الشجرة على طووول
...
(بيجيلى احساس انت بتفرج على شريط سيما ليه ماعرفش المهم انى بستمتع) .. ربنا يخليكى يا رافعة من روحى المعنوية ..
الفيس بوك اثبت وجوده لما كان له دور فى الثورة ومن مكانى هذا بدعوا لثورة تانية عشان بلوجر يثبت وجوده ... اجهزى
الصداقة حاجة جميلة ... اصيلة ...

كان نفسى التعليق يطوول عن كدة ببقى سعيد بكلامك
صباحك زى الفل يا بطلة
..
تحياتى

norahaty يقول...

بلوجر هو متنفس
لى ولك ولناس كتير
ليس عالم خيالى ولا وهم
ولكنه رئة وأوكسجين وهواء
لكل من يرغب فى التنفس بحرية

well يقول...

Norahaty..
.. معاكى حق هو فعلا متنفس لى ..
تعليق جميل .. نورتى المدونة
..
تحياتى

Malik Badawy يقول...

العاب بنات

Malik Badawy يقول...

العاب تلوين