RSS Feed

هو انت ليه معملك سور

هو انت ليه معمولك سور
وباب مقفول
ده الدنيا ضلمة وجواك نور
.......
هى ليه الجوامع بتتقفل ؟
.......هى مش مصر دولة اسلامية ..... !
تم تعديل كلمة سور بدل من صور ..
الحكاية بقى انى كنت ماشى ولقيت جامع حوليه سور حديد بباب حديد
والباب الحديد مقفول وباب الجامع هو كمان مقفول ...هما خايفين على الايمان ليسرق من الجامع
..المهم ..الكلمات دى خرجت من جوايا بجد ..ورغم كدة انا لسه شايف مصر من النضارة بتاعتى ..انها دولة اسلامية
..واحد قالى دى سياسة .. بيقفلوا الجوامع ..ويسيبوا الناس تبيع حشيش ..علشان يقللوا من الارهاب سلامات يا سياسة
..نخرج شوية عن النص ..السياسة عاوزة تكتب تاريخ على مزاجها او بمعنى اصح تألفه..لكن اللى محدش يعرفه ان كتاب التاريخ هو الكتاب الوحيد اللى بيكتب الحقيقة اللى الناس عايشاها وممنوع تألف فى كتاب التاريخ ..او تفرض نفسك بالعافية على كتاب التاريخ ...وتحياتى الى كتاب التاريخ من اول مينا موحد القطرين مرورا بالفتح الاسلامى مرورا بصلاح الدين مرورا بوقفة عرابى قدام الخديوى مرورا بالظباط الاحرار وتأميم قناة السويس حتى حرب اكتوبر المجيدة وبعد حرب اكتوبر المجيدة كدة مفيش مكان فى الكشكول علشان اكتب بقيت التاريخ الناصع بالبياض وكأنوا مغسول بــ كلوركس للأبيض والألوان ..

9 الناس الى بتكتب فى الكشكول:

لقد خلقنا الله احرارا يقول...

مش عاجبهم ياخويا انها اسلامية وكمان بيطلبوا ببجاحة تتشال حتة المادة التانية من المأسوف على تعديلاته الدستور علشان ننسى اننا مسلمين وبعدين ما الجوامع مقفولة من زمان ايه اللى جد يعنى ---احنا بصراحة بلد الدين فيها مقنن على مزاج الحاكم وكهنته بس كانوا بيقولوا زمان عبد الناصر ما يعرفش من القران غير الاية الكريمة (ان الله لايغفر ان يشرك به ويغفر مادون ذلك لمن يشاء)---حمدلله على السلامة ياباشا وشكرا على المجاملة بس احنا لسه فى دور التجريب واحتمال نضحى بجوجل علشان المدونة تعيش -------------------كلمة كده على جنب انا مفهمتش انت تقصد ايهمن اول سطر فى البوست

لقد خلقنا الله احرارا يقول...

هو انت تقصد سور ؟ لو كده امسحها بسرعة وامسح تعليقى التانى كمان والاهخليك تعيد الكشكول

اسامه الهنى يقول...

مما لا شك فيه اننا دوله ماشيه ناحية العلمنيه بس لتل ما فهمتش حاجه ولكن لاويدك فى وجهة نظرك





اسامه الهندى

well يقول...

لقد خلقنا الله احرار .. تم التعديل يا استاذتنا ..ويغيروا الدستور زى ماهما عاوزين لو حتى يغيروا اللغة العربى برضوا هنفضل مسلمين

well يقول...

تقولى يا اسامة تحب اى فى الصاحب يا ويل ..اقولك احبه لما يقف جمب العبد لله ويؤيده فى الرأى ...ونعم الصحوبية ..انا عملت تعديل على الموضوع واكيد هتفهم ..وابقى اسئل يا ابنى وهاتلك خط موبنيل بدل فودافون علشان اكلمك بالليل ده الدقيقة بخمس قروش ...لا تعليق ...

اسامه الهندى يقول...

ههههههههههههه ازيك يا ولى بص انت ميه ميه حقيقى بيحاربو الاسلام علشان همه خايفين منه عارف ليه يا وليد علشان الاسلام دين العدل لانه وببساطه لو الاسلام خد وضعه فى البلاد الاسلاميه اول العدل لما ينزل ينزل على حبايبنا الحلوين انا زهقت خلاص

بص يا ولى انا خلصت حكاية علاء واتش وعايز انزلها عندك شور عليه ماذا نحن بفعالين

اسامه ابو كريييييييييم

لقد خلقنا الله احرارا يقول...

عارف يا استاذ wellانا من يومين كنت فى جامع كبير تابع للجمعية الشرعية وكنا مجموعة بنات كتيرة مستنيين صلاة المغرب علشان عندنا حفلة لتكريمنا فى دار المناسبات التابعة للمسجد فقلنا نقضى الوقت نتعلم من بعض تجويد القران وكانت الجلسة جميلة جدا لغاية ما الست المسئولة عن النظافة بهدلتنا وأصرت انه مينفعش نعلم بعض تجويد فى الجامع الابتصريح ولقينا للاسف كلامها مظبوط وحسب كلام المسئولين فى المسجد لازم يكون فى موافقة من امن الدولة -------ففكرت لو قررت احضر حفلة لشاكيرا لازم امن الدولة يوافق ؟ساعتها افتكرتك بجد وقلت ياريت الحكاية سور وبس ده الظاهر اننا فعلا بنتحول للعلمانية ربنا يخيب امالهم واعمالهم

Rosa يقول...

بوست رائع

ام روزا يقول...

شكرا على تشريفك لمدونتى واتمنى يجى اليوم اللى المسجدفيه يبقى فاتح حضنه للكل لانالايمان فى قلوبنا ااقوى من اى سور وخلينا نحلم باليوم اللى يبقى فيه الانسان انسان ومش شايل على كتفه الف عام وعلى راى عم صلاح جاهين "الفجر طالع مين يحوشه من الطلوع" شكرا مره اخرى لزيارتك مدونتى