RSS Feed

هو انتى اى اصلك

هو انتى اى اصلك
بتكلمى فرعونى ولا عربى
ما تردى ..
ولا كلامى مش عجبك
...
سعات اشوفك لبسه فرعونى وانتى بتكلمى العالم
وسعات فى الفجر اشوفك لبسه حجاب وبتسجدى وتصلى
وتقولى يا رب يا عالم
وسعات فى الليل يطبلولك ..تحزمى وسطك
هو انتى اى اصلك
..
سعات اشوفك امى ..نفسى اقولك بحبك ..وارتمى فى حضنك
وسعات اشوفك مرات ابويا ..ظلمتى اختى سجنتى اخويا
واخدتى منى حقوقى وبرده مش عاجبك
...
سعات انادى عليكى واقول بلدى
حكالى ابويا عنك وقال ارضى
دلوقتى باعوا ارضك
هو انتى ليه ساكتة
هو انتى مين سجنك
.....


5 الناس الى بتكتب فى الكشكول:

السامه ابوكريييييييييم يقول...

احمدك يارب اخيرا يا ولى اشترات كشكول ورجعت تكتب من تانى هى جامده بس يا ريت تزود اكتر من كده وتوضح الصوره اكتر ماشى انا اعايزك تنزل ( حكاية بنت و واد) بتاعت علاء واتش انا خلصتها مع تمنياتى بالظهور اكتر من كده


اسامه الهندى

من مصرى بيغير على دينه ووطنه يقول...

ياوليد حابب اكتب ملاحظه على كلام لقد خلقنا الله احرار لانه بيكلم عن حسن نصر اللات بشكل ايجابى
للاسف فى شعوبنا العربيه فى ناس كتير مفتونيين بالزعيم الشيعى بس همه مش غارفين انى الخطر الشيعى اشد من اليهودى لانه اليهودى مظهرلك العداء اما الشيغى فهو يبطن العداء وحقيقى الناس مش عارفه المد الشيعى البى عايزن مصر تدخله
وعلشان كده احب اذكر لقد خلقنا الله احرار انى لمه حبت الحكومه اللبانيه تيسطر على شبكة الاتصالات بتاعت الحزب الشيعى قام حسن نصر بضرب بيوت السنه فى لبنان وقتل واصابة العديد من الاسر السنيه
والكلام ده حصل بعدالانتصار المزيف للشيعه على اسرائيل وياريت تقرا كتبهم بتقول ايه وفتاويهم واليوتيوب خير شاهد على سب الصحابه
والسلام عليكم ورحمة الله وبركاته
اسامه ابو كرييم

لقد خلقنا الله احرارا يقول...

ماأنت عارف ياويل هى كل دول مع بعض وده سر جمالها الجد فرعونى كان بيعبد امون واوزوريس ووحد ربنا مع اخناتون والاب قبطى دخل المسيحية وصور مريم العظيمة زى ماكان بيصور ايزيس ولما شاف عمرو وطليعة الجيش غلبه الحنين ودخل فى الاسلام ---------ممكن تقول عليها ام وممكن تكون ساعات مرات اب بس ياويل عمرها مااتحزمت حرام عليك ماتظلمهاش فى حلم من احلام النقاهة لنجيب محفوظ للاسف مش فاكره اسمه بيحكى عنها لما ولادها خلصوا خيرها وقعدوا جنب جثمانها يتخانقوا سوا بس بذمتك ياشيخ مش عسل واخده موقع استراتيجى محصلش كده بحر ابيض وكده بحر احمر والنيل فى النص سرها فى تنوعها وفى حيرتك فى فهمها هو مش تميم البرغوثى قال اصل المحبةبسيطة ومصر تركيبة ومصر حلوة ومرة وشرحة وكئيبةده انا اختصر منصب الشمس واقول شمعة ولا اختصر مصر وانده مصر ياحبيبه

well يقول...

اسامة ابو كريم ..
انا مش هطول فى الرد علشان انا بكرة هكلمك ..على العصر
كنت عاوز اتصل بيك دلوقتى بس الوقت متأخر وكل الللى معايا دلوقتى دقيقة بس ..بمناسبة ملاحظتك على كلام لقد خلقنا الله احرار ..المعلومة وصلت ولكل واحد وجهة نظر وبينى وبينك الموضوع كبير والهدف اللى انا عاوز اوصله واللى لقد خلقنا الله احرار عاوز يوصله ..هزيمة اسرائيل ..
بعد كدة نبقى نفوق للشيعة ..وللكلام بقية فى التلفون بس اوعى تلفونك يكون متراقب حاكم انا عارف الحركات دى كويس

well يقول...

لقد خلقنا الله احرار ..
طول عمرى بفتخر بتاريخ مصر ..
واقعد احكيه لاصحابى فى البحرين والمغرب واليمن.. على الاميل ...وهما ولا فاهمين حاجة ..بس انا بحب احكى
....اصل التاريخ كبير ...والمكان جميل