RSS Feed

هو انتى مين

هو انتى مين
شعرك نخيل
وعنيكى نيل
مرسوم جواه قمر الليل
هو انتى مين
صوتك منقوش على الاحجار
فستانك اخضر مزروع اشجار
وطرحتك لونها قمحى
وانا لونى قمحى
وفى ابتسامتك دوا لجرحى
ابتسمى وزيدى الحنين ..هو انتى مين
لما بتمشى على الشط الميا بتمسح خطوات رجليكى
الميا ملحة لكن الحياة حلوة فيكى
وعلى اكتافك شنطة جواها كتب واقلام
جواها علم وايمان
جواها اسرار وتارخ ثوار
تلاميذ .. عمال ..كتاب ..ابطال ..ولوحة فنان
وناس كتير ..هو انتى مين
هو انتى نيل ولا عروسة النيل
ولا انتى نجمة منورة رغم الليل
هو انتى مين ..حبك جميل

12 الناس الى بتكتب فى الكشكول:

GiGi يقول...

هو الكشكول دايما مستنينى
ربنا يكرمك ولذيذه جدا التدوينه دى
وبعدين انا حبيت البنت دى

MinGaH يقول...

هي بنت؟؟؟
انا حسيت انك بتتكلم عن مصر
الوصف جميل

لقد خلقنا الله احرارا يقول...

انا فهمت ياباشا انها مصر متنفعش غير كده ------------بوست جميل ياويل ربنا يوفقك

علاء ابو كمال يقول...

الله عليك يافنان ياكبير اوى اوى ربنا يارب يكرمك ويوافقك كمان وكمان ومع اطيب تمنياتى بلابداع الدئم

well يقول...

جى جى ..انتى اسمك مكتوب اساسى فى الكشكول ..
وبعدين خلى بالك من البنت دى علشان دى غالية قوى عندى
..هى مصر نخلة عالية
هى مصر سفينة عايمة
هى مصر ارض امنة
هى بيتنا وهى دارنا

well يقول...

MinGah
..احنا فعلا بنتكلم عن مصر
بس بنتكلم بالشفرة ..علشان البلد مقلوبة اليومين دول
..على فكرة نورتى المدونة والكشكول
..ومرة تانى هى مصر ..سعات بتبقى بنت وسعات بتبقى ام..
هى مصر لما السحاب بيتحول مطر يسقى الارض العطشانة
هى مصر رغم الليل بتكون قمر يونس الناس السهرانة

اسامه الهندى يقول...

ازيك يا ولى بص انا وعلاء استنناك وانت مافتاحتش على العموم (انتى مين )حلوه اوى وربنا يوفقك وعلى فكره انا اتحنقت منك قولى هانعمل ايه يوم الاحد وياريت ترد عليه او تكلمنى على الموبيل ويا وليدانا عايز احط كلامى عندك
اسامه ابوكريييييييييييييييييييييم

well يقول...

لقد خلقنا الله احرار
..استاذتنا ..انتى جاوبتى صح وعلشان كدة هاتخدى نجمة وكمان بتنور..
هى فعلا مصر ..
هى ابتسامة الناس فى الشوارع
تسمع اسمها فى القراءان وانت بتصلى فى الجامع
ادعيلها لوكنت ساجد او راكع
هى مصر

well يقول...

علاء ابو كمال ...نورت المدونة
احنا بنتعلم الفن منك وبجد نورت المدونة

well يقول...

اسامة الهندى ....
يا ابنى صالحوا النت اللى عندكوا
حلوان من ساعة ما بقت محافظة النت اللى فيها اضرب خلاص
جارى الاتصال .............

المهاجر يقول...

جميلة جداwell والأوصاف جميلة فى القصيدة

well يقول...

المهاجر ...نورت المدونة
هى جميلة علشان مصر جميلة