RSS Feed

المال الان

يوجد من ذهب الى حيث اراد
ويوجد من ذهب الى حيث ارادت الظروف
أصبح( المال الان) هو اهم شئ
الناس اصبحت تتنازل عن بعض حقوقها من اجل (المال الان )
اصبحت تتنازل عن عزة النفس ..ووقت الراحة ..بل ان بعضهم يعمل اكثر من 12 ساعة يوميا
اصبح العمل هو الحياة الاساسية من دونه قد ينهار المجتمع ..نسيت الناس الحياة
الحياة التى هى عبارة عن وقت راحة ..يكون مع الاولاد او خروجة ..او التمشية على شط النيل مع زوجتك..او برفقة صدبق.. الحياة التى هى عبارة عن كتاب او قصة فى وقت الفراغ ...لن يعطيك الكتاب مال
ولن تعطيك الاولاد مال ولن تعطيك الزوجة مال ...فلماذا وقت الفراغ ...العمل الاضافى قد يعطيك مال ..وسوف تنسى الحياة الانسانية
يوجد من رضى بالقليل ..وذهب الى حيث اراد ..وتحقق حلمه
ويوجد من نظر الى (المال الان) ونسى حلمه ...وذهب الى حيث ارادت الظروف ..
تم مسح كلمة (التمشية على شط النيل مع حبيبتك)
...................................................
اضافة .. بعد ما الاستاذ جاب الكوبيات وكان فيها اكواب كريستال جميلة واكواب عادية
قال الأستاذ لطلابه:
تفضلوا ، و ليصب كل واحد منكم لنفسه القهوة، وعندما بات كل واحد من الخريجين ممسكا بكوب تكلم الأستاذ مجددا، هل لاحظتم ان الأكواب الجميلة فقط هي التي وقع عليها اختياركم، وأنكم تجنبتم الأكواب العادية ؟؟؟
ومن الطبيعي ان يتطلع الواحد منكم الى ما هو أفضل، وهذا بالضبط ما يسبب لكم القلق والتوتر، ما كنتم بحاجة اليه فعلا هو القهوة وليس الكوب، ولكنكم تهافتم على الأكواب الجميلة الثمينة، و بعد ذلك لاحظت أن كل واحد منكم كان مراقباً للأكواب التي في أيدي الآخرين، فلو كانت الحياة هي القهوة، فإن الوظيفة والمال والمكانة الاجتماعية هي الأكواب...
وهي بالتالي مجرد أدوات ومواعين تحوي الحياة ، ونوعية الحياة (القهوة) تبقى نفسها لا تتغير، و عندما نركز فقط على الكوب فإننا نضيع فرصة الاستمتاع بالقهوة ..
وبالتالي أنصحكم بعدم الاهتمام بالأكواب والفناجين، وبدل ذلك أنصحكم بالاستمتاع بالقهوة، في الحقيقة هذه آفة يعاني منها الكثيرون
اللى عاوز يقراها من اولها .. http://www.amrkhaled.net/articles/articles2894.html

10 الناس الى بتكتب فى الكشكول:

GiGi يقول...

الدنيا فلوس ومصالح شئت ام ابيت
على فكره التدوينه اللى فاتت فعلا ماتنفعش تكون غير مصر
ممكن اقول لحضرتك حاجه كمان
على فكره ماينفعش واحد يمشى مع خطيبته على شط النيل لما تكون بقت مدام سيادته ولاعند حضرتك اعتراض
تحياتى

well يقول...

جى جى نورتى المدونة وشكرا على التعليق
جى جى الدنيا قعلا مصالح...
والتدوينة اللى فاتت كانت فعلا لمصر .
بالنسبة لموضوع التمشية على النيل ...
فليس عندى اى اعتراض ..وتم التعديل
ومرة تانية نورتى المدونة والشاشة ..

MinGaH يقول...

طب الناس تعمل ايه يا well
عشان تعرف تعيش ما هو الشغل هو اللي بيجيب الفلوس والشغل اقل من 12 ساعه مش حياكلك عيش
طبعا انا مش مع ده بس الناس مش مخيره انها تشتغل اقل من 12 او 12 نفسهم في ناس بتشتغل طول اليوم عشان وراها التزامات وناس عايزه تخطب وناس داخله علي جواز وناس عندها عيال عايزه فلوس مدارس
ايه النظاره السوده اللي لبساها انا دى :o

لقد خلقنا الله احرارا يقول...

عارف يا ويل
اجمل حاجة ان البنى ادم مايكونش عنده كبر
بس مش كده ياباشا
لما حد يقولك على رأى او رغبة فى التعديل مش لازم تعمل اعلان بكده
تعرف بس هى برده صفة حلوة فيك ربنا يوفقك
اما المال الان
فبوست جميل ياويل
وحلوة اوى سكة الفلسفة البسيطة الرقيقة اللى انت بتستخدمها فى الكتابة
كل يوم بيزداد اعجابى بمدونتك اكتر متن الاول
انا كده هاعمللك شهادة تقدير واكرمك فى الاذاعة

well يقول...

mingah ليه بتسمى الواقع نضارة سودا
...بس انا شايف ان الناس دى لو سمعت محاضرات لــ ابراهيم الفقى هتتغير وتغير الواقع للأحسن....
وعلى فكرة مش الشغل بس اللى بيجيب الفلوس ..الارزاق من عند الله (يَا مَرْيَمُ أَنَّى لَكِ هَذَا قَالَتْ هُوَ مِنْ عِنْدِ اللَّهِ)

well يقول...

لقد خلقنا الله احرار ...
التدوينة دى انا كاتبتها ونشرتها على طول من غير ما افكر اعدل فيها ..بس بينى وبينك كانت محتاجة تعديل ..
بالنسبة لشهادة التقدير ياريت تشوفنا جمبها شهادة icdlوشهادة كورس انجلش و...اممممممممم واى حاجة على ذوقك ..مهو علشان تشتغلى فى البلد دى لازم شهادات ..بلد بتاعت شهادات ..اما بالنسبة للاذاعة المدرسية ..هتكون عندى احسن من اذاعة الاف ام بمليون مرة ..وشكرا على الشهادة

واحدة مفروسة يقول...

انك لحكيم
مش حكيم المغني
ولا الحكيم اللى بيدي حقن
لاااااا بتقول حكم
بس ياريت الناس تفهم و تحاول انها تتغير
و تغير نظرتها للحياة كلها
حتقولى الكلام ليكي يا جارة يا مفروسة
حقولك انا ماليش مزاج لاني شايفه الناس مش بتشغل مخها
ماليش مزاج لان مافيش سيطرة على الشعب لا بالكلمه الطيبه و لا غيره
كل واحد بيعمل اللى فى دماغه مش عاوز يفهم ولا يشغل مخه

تصدق ان الس اللى بتبيع فراخ بقولها من ساعة النيلة انفلونزا الطيور على انها ممكن تعيا ولا يجيلها المرض و انها لازم تحافظ على النضافه
تفتكر الرد يكون ايه؟؟؟؟

خليها على الله انتى بتصدقى الكلام ده ديه الحكومة بتقول كده علشان الناس اللى بتبيع الفراخ المجمده بالغالى
اتفرس ولا مش اتفرس؟؟؟
اتفرس من الحكومة اللى مس عارفه تسيطر على الناس الجهلة و تدور على طريقه تفهمهم بيها
و اتفرس من الست اللى مش عاوزه حتى تاخد حذرها
و اتفرس من الناس اللى بتشتري اصلا منها
(على فكره انا مش بشتري منها هيه قاعده فى الشارع قدام الفكهاني)
ايه رايك بقا
بعد اللى قلته عن واحد فى المليون من اللى بيدور حواليك
ليك مزاج؟؟؟؟؟
ههههههههههههههههههههه
اكيد اتفرست

well يقول...

وحدة مفروسة ...نورتى المدونة والشاشة ..والله الشاشة منورة
وعلى فكرة انا لسه ما اتفرستش ..اصل نفسى طويل
وعلى فكرة البلد كلها دلوقتى بقت فراخ مجمدة
وانا سمعت من مصدر غير مسؤل ..صحبى يعنى ..ان احمد نظيف لى نسبة 30% من ارباح شركة كوكى الامريكية
تخيلى انتى لما تكلى فراخ متعرفيش مدبوحة ازاى ..والله النهاردة كان نفسى اكل فراخ ..بس اعمل اى بقه فى البلد دى ..حاجة تفرس

MinGaH يقول...

ابراهيم الفقى هتتغير وتغير الواقع للأحسن....
.................................
عشان كده قلتلك النظاره سودا
عشان اكيد في حجات كويسه ممكن نعملها او طريقه ايجابيه
.......................
..الارزاق من عند الله
....................
اكيد ونعم بالله طبعا بس لازم نسعى مش نقعد في البيت ونقول الرزق من عند الله

المهاجر يقول...

فيه مقولة بتقول الفلوس تغير النفوس ودى حقيقة تجد الفقير قنوع حى يغتنى فيتمرد ولكن من يعم الى أين يذهب سحر العمله