RSS Feed

حصة نحو

جوه المدرسة تلاميذ فى الفصل


الحصة الثالثة حصة نحو


أعرب كلمة عرب


افتح كشكولك واكتب ورايا الدرس


العين مفتوحة عصر الفتوحات والنصر


والراء راية الاسلام منصورة وفتحت مصر


والباء هو احنا ساكتين خايفين وكأننا شئ مسكون


الباء هو احنا وعليها سكون


افتح صفحة جديدة واكتب من اول السطر


قررت ان اكون الياء التى تكسر سكون العرب


قررت ان اكون الياء المكسورة


الكلمة اصبحت عربى


اكتبها فى ضميرك


زى ما مكتوبة علـ صبورة




16 الناس الى بتكتب فى الكشكول:

سبهللة يقول...

أكتر من هايل البوست دة
تسلم ايدك

osama44 اسامه 44 يقول...

سلام عليكم
كلام جميل مالهوش مثيل
اكثرمن رائع
عندك حق لازم نكتبها فى ضمايرنا
بوست رائع

حفيدة عرابى يقول...

ربنا يكرمك ياويل
مش لاقية بجد كلام اقوله
لكن مين يسمع ومين يقرا

وحي القلم يقول...

السلام عليكم

الله ع النحو ، بس مش نحو الامية

حقيقي تدوينة رائعة بجد

بس ياريت تسيبك م التربية والتعليم

تقبل مروري

علاء ابو كمال يقول...

السلام عليكم
ازيك ياول وحشنى والله
بجد
كلام جميل جدا وجامد اوى اوى وده بيخلينى ارشحك رئيس نقابه المدونات مع كل الاحترام الكامل لكل اصحاب المدونات الموجوده انت بجد تستاهل اكتر من كده وبتوفيق ان شاء الله

GiGi world يقول...

يااااااااااااااه
بجد حصه نحو قاسيه جدا زي كل واقعنا المؤلم

well يقول...

سبهللة ..
اسعدنى تعليقك ونورتى الحصة

well يقول...

اسامة ..
وعليكم السلام ورحمة الله
تعليقك هو اللى جميل
ونورت الكشكول

well يقول...

لقد خلقنا الله احرار ..
شكرا على كلماتك الجميلة يا استاذة
نورتى المدونة والفصل

well يقول...

مصعب صلاح..
وعليكم السلام ورحمة الله وبركاته
شوف يا ابو صلاح انا اصلا مش ماسك فى التربية والتعليم علشان اسيبها
بعدين النحو ده لذيذ صحيح انا نسيت كل اللى اخدته من النحو ايام الدراسة بس بحبه ...وشكرا على تعليقك اللى نور الشاشة

well يقول...

علاء ابو كمال ..
وعليكم السلام ورحمة الله
والله يا ابنى واحشنى
اى الكلام اللى انت كاتبه ده ما بلاش تكلم فى السياسة ..
شكرا يا علاء على تعليقك وعلى السؤال

well يقول...

جى جى والعالم ...
بيقولوا الحقيقة بتوجع وانا اتكلمت عن حقيقة العرب بشكل من اشكال النحو
علشان كدة الحصة قاسية ..
شكرا لمرورك وتعليقك ..وبجد نورتى الشاشة

النسر المهاجر يقول...

حصصة جميله ولكن ينقصها الطلبة الكبار

safsaf يقول...

برافو ويل بس الدرس لازم يكون قاصى اكتر من كده والاستاذ يضرب ويمد بعصايتو ويوريهم العين الحمره

well يقول...

المهاجر ..ديما تعليقك ممتاز

well يقول...

صفصف ...

بس احنا كدة هنسجن ..يلا اهو كله فى سبيل العلم