RSS Feed

انا والليل

بيقولوا ما ينمش غير مرتاح البال زمان كانت الناس بتنام وتشخر دلوقتى الناس ولا عارفة تشخرولا عارفة تنام الكل ما بقاش يجيله نوم زى الاول يعنى مثلاً عندك محمود محسن جارنا طول الليل بيبقى صاحى بيفكر في عياله هيأكلهم منين ويعلمهم منين ويجيبلهم كسوة منين ويجهز بناته منين وكل حاجة بقت غالية وهو يدوب مرتبه على قد الاكل والايجار وبس . اما بقى على شوقى صاحبى اللى ساكن فى اخر الشارع من ساعة ما ربى دقنه وهو بقى يخاف ينام اصله خايف يحسن امن الدولة تطب عليه مرة واحدة ولما سألته لما انت بتخاف كده طب ربتها ليه قالى نفسى اعمل حاجة اعرف بيها العالم اننا مسلمين . اما بقى جابر شرف او زى ما بيقولولوا ( جابر باشا ) ده بقه بيخاف ينام اصله بيحلم بكاوابيس بيحلم ان الناس اللى ظالمهم بينتقموا منه ومبيقدرش يدافع عن نفسه . اما البيت اللى على اليمين ده ساكن فيه واحد عنده 80سنة ده بقى بيخاف ينام يحسن يموت وهو نايم اصله كون فلوس كتير اوى لكن معندوش عمل صالح يدافع عنه لما يموت . اما البيت اللى هناك ده بقى ساكن فيه ابو فضل او زى ما بيقولولوا ( المعلم ابو فضل ) ده بقى ما بيعرفش ينام من ابنه فضل الصغير طول الليل فضل بيصرخ العلاج مش جايب معاه نتيجة وبعدين ازاى هيجيب نتيجة وهو اصلا بفلوس حرام ..فلوس حشيش.
كل دول بالليل بشوف بيوتهم منورة وبتخيل عيونهم الحمرة نفسها تنام لكن مش عارفة او خايفة .

25 الناس الى بتكتب فى الكشكول:

لقد خلقنا الله احرارا يقول...

كده مش هينفع
البوستات الحلوة اللى ورا بعضها دى
وانا ورايا ستائر عايزة اعلقها
طيب بعد اذنك
اشوف موضوع الستاير واحاول انام

well يقول...

لقد خلقنا الله احرار ..

اى اخبار الستاير ...يارب تكون اتعلقت
احلام سعيدة
وكل عام وانتى بخير

أحمد الصعيدي يقول...

كل عام وأنتم بخير
عيد سعيد

well يقول...

احمد الصعيدى ..
وانت بخير يا احمد وعيد مبارك عليك وعلى الامة الاسلامية

tefa يقول...

لالالا انت مكانك مش هنا انت مكانك فوووووووق

norahaty يقول...

لو هم كده
فلــــهم حق
ما يعرفوش
يناموا فعلاً!

well يقول...

طيفا ...
كل عام وانت طيب
فوق ..امممممممممم

well يقول...

norahaty ....
كل عام وانتى طيبة وعيد مبارك عليكى وعلى الامة الاسلامية

قلم رصاص يقول...

السلام عليكم

كل سنة وحضرتك طيبة وعيد سعيد عليكم

واحييكم على البوست الرائع

هو وصف بسيط بصحيح لكنه عمق بساطته واظهر حقيقته

ايه الكلام اللي باقوله ده
هههههههههههههههه

عيد سعيد عليكم جميعا

اقصوصه يقول...

كل عام وانتم بخير

تمنياتي بقضاء عيد سعيد:)

GiGi world يقول...

ربنا يعزك
يارب دايما نتفكر فى اللى بيحصل حوالينا
كل عام وحضرتك بخير يارب
تقبل الله منا ومنك

THE illusionist يقول...

كل سنه وحضرتك طيب
واحشنى قوى قوى والله
عيد سعيد عليك وعلى الاسره كلها

well يقول...

قلم رصاص ..

و انت بخير وصحة وسعادة
وعيد مبارك عليك على الامة الاسلامية
وبجد نورت الكشكول

well يقول...

قصوصة..
و انتِ بخير وصحة وسعادة
وعيد مبارك عليكى وعلى الامة الاسلامية
ونورتى الصفحة

well يقول...

جى جى ..
يا ويلكم يا ويلكم
و انتِ بخير وصحة وسعادة
وعيد مبارك عليكى عليكى وعلى الامة الاسلامية
ونورتى الشاشة

well يقول...

THE illusionist....
وانت بخير وصحة وسعادة
القلوب عند بعضها
وعيد مبارك عليك وعلى الامة الاسلامية

osama44 اسامه 44 يقول...

ويل
كل عام وانت بخير
اه صحيح العيديه فين
موضوعك لذيذ
اه الفسحه متى واين وكيف
وكل عام وانت بصحه وسعاده

well يقول...

اسامة..
وانت بخير وعيد مبارك عليك وعلى الامة الاسلامية
الفسحة بعد الحصة الثالثة وزمن الحصص انتهى
...تحياتى

سمسمه يقول...

اول واحد اعيد عليه على الشبكه العنكبوتيه معلشى متاخره بس مميزه
بوست رائع
وطبعا الكشكول كله متميز
كل سنه وانت والامه الاسلاميه بخير

عطش الصبار يقول...

كل سنه وانت بخير يا ويل
مافيش حد تانى سهران غيردول مافبش حد عنده امتحان ولا ام سهرانه بتمرض طفلها المريض ولا بتفكر فى ولادها المسافرين ولا واحد سهران بيقرا فى كتاب الله
السهرانين كتير لكت الاسباب مختلفه
الشعب المصرى كله سهران
تقبل تحياتى

well يقول...

سمسمة..
وانتى بخير وصحة وسعادة ونورتى الكشكول

well يقول...

عطش الصبار..
وحضرتك بخير وصحة وسعادة
على فكرة تعليقك اكتر من رائع
وفعلا الشعب المصرى كله سهران

الفرعون المصرى يقول...

تمام

well يقول...

الفرعون المصرى ..
ياويلكم يا ويلكم نورت الكشكول

شاب مفقوع يقول...

تعرفي ان اسم مبارك مربوط باسم 80 مليون مصري مش لاقيين ياكلوا كلهم بيقولوا في نفس واحد

حسبنا الله ونعم الوكيل فيك يا مبارك