RSS Feed

حكاية كتبتها الايام


بسم الله الرحمن الرحيم
....................
..دى افتتاحية لمدونة اعز اصحاب http://a3zso7ab.blogspot.com/
ابيات من الشعر العامى للشاعر المصرى اسامه السيد باسم ( حكاية كتبتها الايام)


عايز اكتبها عايز ارويها
عايز اقولها عايز احكيها
عايز انشرها ولاخر الدنيا اوديها
................
عايزاكتب قصه باحلى العبارات
مش موجوده فى الروايات
قصه اصلها.. بنت وواد
قصه بدايتها زيارات
قصه من اولها تقول دى خرافات
كره عميق وكوبية الشاى مش على البراد
سبحان مغير الاحوال وشافى الامراض
حاكم بيقولوا الحب ده مرض.. بس مالهوش علاج
ولاحتى فى الاجزاخانات
واول ما بدا الكلام سالها وسالته شوية سؤالات
طبعا بحذر.. والاجابه من غير استعباط
..............
ولما طلب منها تليفونها
حس انها مغامره.. مش هينلها
اصله كان فاكر انه غريب
بس الرد كان عجيب
قالتله عادى و ايه المشكله وهو انت حد غريب
.............

وبعدها خدوا التليفونات
واضوها رنات على بعض فى المناسبات
لحد ماجه النت وبدا الكلام على الشات
بدا الكلام يجر كلام
لحد. ما اصبح ادمان
.............

وكل واحد ابتدا يحس بالتانى
بس مش قادريطلع اللى فى قلبه من معانى
............

وبدوا يحسوا ببعض بشده
بس الخوف ليحصل صدمه
لواحد فيهم وتبقى القصه مجرد ذكرى
.............
حاكم صاحبنا كان خواف
اقوله اعترف بمشاعرك يقولى بخاف
.............

وفى يوم من الايام جات رحلة القناطر الخيريه
قلها ما تيجى معايا دا الرحله هتبقى ميه ميه
قالتله ماقدرش ارفضلك طلب.. دانت فى غلاوة قلبى وعنيا
............
وساعتها صاحبنا حب يجس نبضها
بس هى رفضت تبوحله باللى فى قلبها
اصلها كانت خايفه من رد فعلها
.............

وبعدها جريت الايام وراء الايام
لحد ما جه الفرح فى ماعدوه بالتمام
وساعتها حبت تزنقوه فى الكلام
وتساله عن مشاعره. وكان السؤال باهتمام
قالتله ايه حال قلبك مشغول ولا مانع الا تصال
رد صاحبنا واتعمد الكلام
قالها قلب ايه. دا فاصل شحن من زمان
انا لو مكانها كنت ضربته تلت تلام
بس الحمد لله.. خلص فرحنا
وانتهى على خير وروحنا
...........
وبعدها رجع الكلام من تانى
يتقال فى ماعدوه بالدقايق والثوانى
بس المرادى حبت تحط النقط على الحروف
وتشكله بلون معروف
وساعتها سالته بصوت ملهوف
انت بتحب ولا عندك عزوف
رد صاحبنا.. وساعتها وشه جاب الوان من الكسوف
قالها بالله عليك اعملى فيا معروف
مش لازم السؤال ده دلوقتى حاكم انا مكسوف
قالته وايه سبب الكسوف
............

قالها مانتى اللى بحبها وقلبى دايب بحبها
وساعتها سهمت سكتة هيست ما تعرفش ايه اللى حصلها
صاحبنا فضل مستنى ردها
وساعتها صاحبنا خاف عليها راح قام كتبلها
وبسرعة الاميل بعتلها
...........

قالها انا اسف متزعليش
اصل كنت فاكر ان دمى خفيف
راحت رد ت عليه وقالته.. هوانت كنت بتهزر يا ظريف
قالها لا لا لا ما تخفيش
انا بحبك اوى وكفايه كده وما تكسفنيش
قالها ممكن اعرف جوابك بصراحه وماتخبيش
قالته عيشها وعيش عيشها وعيش
حب حقيقى وكره مافيش
بقولهالك بصراحه ومبخبيش
بحبك اوى ما تسبنيش
........&&&&&.........
دى كانت ابيات من الشعر العامى تاليف : اسامه السيد ( ابو كريم ) صحبى
( حكاية كتبتها الايام) كان فيه موضوع كنت كتبته اسمه اروينى حب لــ علاء واتش والقصيدة دى مرتبطة بالموضوع
دى كانت افتتاحية لمدونة اعز اصحاب http://a3zso7ab.blogspot.com/ ...دى مدونة جديدة انا عاملها ليا ولاصحابى وانا هكتب فيها شعر ان شاء الله


12 الناس الى بتكتب فى الكشكول:

اسامه السيد( ايو كريم ) يقول...

حقيقى انا سعيد جدا يا وليد وهكون فى شدة السعاده لما رواد المدونه يكتبوا تعلقتكهم واد ايه هتكون مفيده بالنسبلى ودى فرصه علشان اشكر كل اللى ساعدنى فى خروج هذا العمل للنور اولا القلم والورقه اللى كتبة بيهم القصيده واخيرا حبيبى وليد اللى ساعدنى فى خروج هذا العمل للنور وما تنسوش ابطال القصيده علاء واتش وادهمه طلعو اللى كان نفسى اقوله بجد وانتظرونى فى اعمال قادمه باذن الله

حفيدة عرابى يقول...

مبروك لك ولاسامة ياباشا
احساس رقيق
بس معلش همارس دورى
ماينفعش التلفونات والشات والقناطر
اسامة هيقول ده فن وماتنطبقش عليه المعايير الاخلاقية والدينية
هقوله احنا مش قاعدين مع عبد المعطى حجازى
بس عجبنى فيها حقيقى الرقة وخجله انه يعبر لها عن مشاعره وخوفه من رد فعلها
لكن كلمة كده على جنب
ايه البت الواقعة دى
الف مبروك ومستنين مزيد من الانجازات
اه نسيت هو مش كان فى فرح ولا انا متهيألى
فرح مين ده؟

well يقول...

لقد خلقنا الله احرار.. الله يبارك فيكى
....على فكرة اسامة كان بيحكى عن قصة حصلت فى الواقع ..اما حكاية الفرح فده كانوا معزومين فيه ..انا بعترف ان اسامة موضحش النقطة دى ..بمناسبة المعايير الاخلاقية والدينية فى القصيدة..هرجع واقول ان دى قصة واقعيةوحاجة بينى وبينك انا اول مرة اقره لاسامة قصيدة فى الحب كل اللى شوفته لاسامة كان عن السياسة والشعب والعيش وفلسطين ...وان شاء الله الحجات دى هتكون موجودة فى مدونة اعز اصحاب ...
بالنسبة بقى للكلمة اللى كانت على جمب (ايه البت الواقعة دى)..انا حاسس انك اسرعتى فى الرد..لان الواد والبنت دول مخطوبين وكل اللى كان بنهم خروجة القناطر ومكنوش لوحدهم دى كانت مجموعة ...
اسمحيلى ادافع عن البنت دى مرة تانية واقول انها على خلق ...
وزى ما قولت دى قصة واقعية اسامة حب يترجمها لقصيدة ...وانا شايف ان هو ابدع ..
لقد خلقنا الله احرار ..شكرا على تعليقك ونورتى الصفحة واتمنالك التوفيق

اسامه الهندى يقول...

الى لقد خلقنا الله احرارا
اد ايه انا سعيد حدا بتعليقك الجميل
بس حرام عليك تشبهنى بعبد المعطى حجازى اما بخصوص القصيده فهى واقع ممكن اختلف معه بس واقع لازم اقوله زى محصل اما بخصوص الفرح كان فرح اخت بطل القصيده اما بخصوص البت الواقعه من سياق القصيده هتعرف اد ايه هما حسوا ببعض بشده
ومن الاخر احمد ربنا انى عرفت اكتب فى الرومنسى زى ما قلك وليد انى كل كلام سياسه ولقمة العيش وعلى العموم لا يسعنى الا ان اشكر وجزاك الله خيرا

اسامه الهندى يقول...

الى ويل يا ويل
حقيقى انا اتشرفت لما القصيده نزلت على مدونتك وان شاء الله انتظر المزيد
وحقيقى يا وليد عرفت ترد والف شكر على تعليقك الجميل واحنا طبعا تلاميذك يا استاذ ربنا يوفقك

ابوكريييييييييييييم

حفيدة عرابى يقول...

ياجماعة انا معرفش والله ان القصيدة دى عن قصة حقيقية وان البنت دى موجودة فعلا
وبعدين كلمة ايه البت الواقعة دى تهريج على اساس انى بتعامل مع شخصية خيالية لكن مادام الموضوع طلع كده انا اسفة

علاء ابو كمال يقول...

السلام عليكم قبل ايه حاجه انا بجد فخور انى مصاحب 2 من اعز اصحابى وهما وليد واسامه وبجد انا مش عارف ارد جميلهم دى ازاى وربنا يارب يوفقوم ومع تمنياتى لكم بمزيد من الابداع
واحب اوضح حاجه اتش مش بس خطبتى دى بنت عمتى وعاوز اقولها انى ماقدرش اعيش من غيرها وادعولنا بلزواج فى اسرع واقت ان شاء الله

ذو النون المصري يقول...

مبروك للمدونه و صاحبها

safsaf يقول...

السلام عليكم ورحمة الله وبركاته لا اجد كلام لاعبر به عن مشاعرى بعد ان رأيت هذه المشاعر المتدفقه بين اخوتى واصحابى اولا برافو عليك يا اسامه انت اثبت لنفسك ولينا انك بجد تكتب اى حاجه وما فيش حاجه تقف قدامك وبجد ابدعت فى القصيده دى وثانيا انا بدعو لاخويا وصحبى علاء بتمام قصته على خير وربنا يوفقه فيها عشان هو انسان طيب وقلبو ابيض وثالثا ومسك الختام امير الاندلس وحبيبى وليد انت عايش مكتشف يكتشفك بجد عشان انت جواك كلام يملئ جرانين وزى ما قولتلك قبل كده انت مكانك مش هنا انت عارف طبعا مكانك فين وطولت عليكو والسلام ختام

well يقول...

لقد خلقنا الله احرار ...اسامة
هو مين مع عبد المعطى حجازى؟
ذو النون المصرى ..صفصف نورتوا المدونة

اسامه الهندى يقول...

الى صفصف
حقيقى انا اتشرفت بتعليقك الجميل واد ايه انت اسعدتنى بتعليق الجميل وتشرفيك للمدونه وجزاك الله خيرا

ابو كريم

غير معرف يقول...

~................................