RSS Feed

مرجان احمد مرجان

لو عاوز تركب المترو ممكن تنزل محطة مبارك ولو عاوز تقرا كتاب ممكن تروح مكتبة مبارك أما بقى لو عاوز تلعب رياضة عندك ستاد مبارك بالسويس واستاد مبارك لمتحدى الاعاقة ببنى سويف

وعندك كمان أكاديمية مبارك للامن ومعهد مبارك للاورام بالزقازيق

تعرف ان اسم مبارك مرتبط بأكثر من 2600 مدرسة و 400 مستشفى ومركز صحي و 52 مشروع إسكان و300 قرية و90 مركزًا بحثيًا و 180 مشروعًا زراعيًا، و600 قاعة كبرى للاجتماعات بالمؤسسات الحكومية و62 شارعًا ومحطة باصات

13 الناس الى بتكتب فى الكشكول:

غمض عينيك يقول...

في ايه ياعم
انت مش عاجبك ولا ايه؟؟؟
لا لا

اكيد اكيد البوست دا تعبير عن اعجابك بالاسم والانجازات
مش كده ولا اييييييييييه؟

محمد سمير

well يقول...

غمض وارقص بخفة ودلع الدنيا هى الشابة وانت الجدع
شكرا على تعليقك
هو فعلا زى ماانت وضحت كدة بالظبط ..انا عاوز اعيش
محمد سمير بجد نورت الكشكول

أبو العريف يقول...

تحيا جمهورية مبارك العربيه

بس عموما عيد مبارك عليك

والسنه الجايه يكون اخر جمال

هههههههههههههه

osama44 اسامه 44 يقول...

ويل يا ويل
اخيرا اخيرا دلوقتى خسيت انى مش لوحدى
انا اسعد مخلوق بانضمامك للجماعه مبروك عليك وعلينا
هههههههههههههههه
بوستك رائع

عطش الصبار يقول...

شوف يا ويل موضوع اسم الحاكم على كل المشاريع دى عاده مصريه قديمه
وما تقلقش الحاكم اللى بعده هييجى بشيل ااسمه من على كل المشاريع ويحط اسم الحاكم الجديد برضه عاده مصيه قديمه
وعلى فكره كتير من الحكام ما بيبقاش عندهم فكره بالمشاريع دى لكن بقى الموظف المصرى من قديم الازل وهو بيدرب على فن النفاق
تقبل تحياتى

well يقول...

ابو العريف ...
اممممممممم...عيد مبارك عليا وعليك وعلى الشعب كله وصباح الجمال

well يقول...

اسامة ..
جماعة اى بس بعد الشر ...انا عاوز اعيش
تعليقك اروع

well يقول...

عطش الصبار ...
اى مشروع دلوقتى بيطلقوا عليه اسم مبارك من اجل التقرب من السلطة
شكرا على تعليقك الاكثر من رائع

سبهللة يقول...

انت نسيت ان العيد كمان مبارك؟؟
ومبارك عليك التدوينة الجديدة
يا راجل قول يا باسط
هى جت على دى ؟؟
ياريتها تيجى على قد كدة وبس
ههههههههههه

well يقول...

سبهللة...
مبارك علينا وعليكى ...العيد طبعاً.
....وشكرا على تعليقك ....

Unknown يقول...
أزال المؤلف هذا التعليق.
The illusionist يقول...

ازيك يا ويل
منور يا باشا
ايه الكلام ده
تصدق بالله
كنت مشغل واحده راب كنت بشوفها حلوه ولا لا
وفتحت مدونتك ساعتها
انكسفت على دمى وقفلتها
كلامك شديد قوى
بس العالم بقى جبله
محتاجين
كرابيك
مش كلام زى زمان

well يقول...

THE illusionist ....
واضح انك كنت بتعلق على موضوع ممكن بقى تفوق شوية
..يمكن الكلام يعمل حاجة ..شكرا على تعليقك الجميل ونورت الكشكول