RSS Feed

عندما تتحدث الفراعنة

اتكلم ..هى مجموعة قصصية ..اتمنى ان تعجبكم


2- عندما تتحدث الفراعنة





بينما كنت فى الجيزة اشاهد الاهرامات .. فجأة لقيت مصباح علاء الدين .. دعكت المصباح طلع منه عفريت لابس فرعونى


قالى ..حاما تاما تاحاتون ... انا طبعا استنتجت ان هو بيقول تطلب اى .. قولتله انا عاوز ابو الهول يتكلم بس بالعربى وكمان مصرى


قالى ..تان ماح تون ...وفجأة سمعت صوت غريب


#اى ده يا عم انت رجعنى زى ما كنت رجعنى ساكت ..اى ده انا مش عارف اقفل بقى مش عارف اسكت


قال له العفريت الفرعونى وهو يشاور عليا .. تاحا تام تاحنوت


# يا كابتن قوله يخلينى اسكت


$ وأنت عاوز تسكت ليه


# اصلى ... أصلى كلامى مش هيعجبهم


$ مش لازم كلامك يعجب كل الناس


# اصل هما لو كلامى معجبهمش مش هيسبونى فى حالى


$ ليه هو انت هتقول اى


# هقول اى !! هقول التاريخ طبعاً


$ يا راجل ..


# اى ده هو انت متعرفش ان انا شاهد على التاريخ ولا أى .


$ بجد !


# اى طبعا أومال انت فكرك اى


$ بس اللى بيقبى شاهد على التاريخ بيتكلم ويقول الحقيقة .


# حقيقة واحدة دا أنا عندى حقايق ....تعرف انا هقولك على واحدة منهم بس خلى بالك لان الحقيقة دى ممكن تغير حجات كتير اوى انت متتخيلهاش


$ واو ... قول بسرعة


# الحقيقة دى بقى هى ...اى ده... انتو مين ؟ ...هى الناس دى واخدانى على فين ..انا مقولتش حاجة ..يا كابتن قولهم ان انا برئ انا مقولتش حاجة .. يا خفرع قولهم ان انا تابعك ..يا جماعة حد يتصل بإخناتون ....يا كابتن اطلب من العفريت انه يخلينى اسكت ..انا مش عارف اسكت..مش عارف



.

29 الناس الى بتكتب فى الكشكول:

GiGi world يقول...

مستنيين الباقى
بس ياريت توضح مين اللى بيتكلم اصل تقريبا انا متخلفه عقليا
فضلت اقرا تلات ارع مرات على مافهمت وعلى ماعرفت مين الاخضر ومين الازرق
تحياتى

دكـــــتور جدا يقول...

جميل واسلوب حضرتك مميز جدا
ننتظر باقي السلسلة

عطش الصبار يقول...

يا ويل
لالالا ما تحاولش تقنعنى ان ابو الهول اللى شايف وساكت من الاف السنين يقدر عفريت يضحك عليه
التاريخ كله عدا عليه وهو بيتعلم من التاريخ ياعنى عدا عليه زى الجماعه اياهم كتييييييييييير امال هو ساكت ليه
تحياتى

Unknown يقول...

ليه هو احنا
حنستنى لما تتكلم
ياسى هولوابولو
احنا بناخد اللى يفكر
يعنى فكر يعنى بس يفكر
انه يتكلم:(وخدين بالكم
ياللى ساكتين

Unknown يقول...

هكذا قال
الزبانية
لما خدوا
ابو الهول
لانه فكر
يتكلـــــم

Yusuf يقول...

ودي كانت نهاية ابو الهول

والبركة بقا ف ابنه هول

بس اهم حاجة ان هول يتعلم الدرس

وميتحشرش ف كلام الكبار ( واخدين بالكوا )

مدونة جميلة

وتدوينة رائعة

تحياتي

Tarkieb يقول...

انت متاكد من الترجمة دي؟ ياخوفي لا يكون بيشتم على اللي حصل لمصر هههههه

طوبه فضه وطوبه دهب يقول...

ya reto yfdal sakt a7san lano lo atkalm klamo hywg3na awy olo yoskot a7san lna

well يقول...

جى جى ...
معلش بقى يا جى جى استحملينى اصلى انا متعب شوية ....الاخضر هو الشجر والازرق هو النيل .ههههههههه
شكرا على تعليقك الجميل .وتحياتى

well يقول...

دكتور جداً
تعليق حضرتك هو اللى اجمل ومنور الكشكول .تحياتى

well يقول...

عطش الصبار ..
هو ساكت لانه لو اتكلم حجات كتير هتتغير اصل هو اتعلم التاريخ صح ويعرف يفرق اوى بين الحضارة والجهالة بين الحرية والزنزانة بس لو اتكلم ..هيروح يصيف .

well يقول...

norahaty ...
اممممممممممممممم انا دلوقتى عرفت مين اللى اخد ابو الهول .انا معرفوش ...انا مقولتش حاجة
....
هو الزبانية باشا تبع الليلة اممممممم..بس ابن حلال .

well يقول...

Yusuf ...
يؤسفنى اقولك ان هول بن ابو الهول اتاخد هو كمان ..ضاع الامل البركة بقى فى خوفو ...محدش بيتعلم ببلاش .
شكرا على تعليقك الذى اضاء الكشكول .تحياتى

well يقول...

Tarkieb ...

متخفش متخفش انا ترجمتها على موقع جوجل ترجمة .....
شكرا على وجودك هنا
.تحياتى .

well يقول...

طوبه فضه وطوبه دهب...
الحقيقة صحيح هتوجعنا بس هنرتاح بعد كدة ...وبعدين انا لو لقيت مصباح علاء الدين تانى هبقى اطلب منه يخلى ابو الهول يسكت ويخلى النيل يتكلم ...
تحياتى

حبات التوت يقول...

انتوا مين؟؟؟



ابو الهول يتكلم

والله انا بعتقد انو ابو الهول كان بيتكلم ايام زمان بس من كتر اللى شافه مررارتة اتفقعت واتشل وبطل يتكلم

انا متاكدة من دة

دة شاف بلاوى الله يكون فى عونة



مبسوطة اوى انى كتبت فى كشكوللك ابو مية ورقة

مع تحياتى ويلا

The illusionist يقول...

انا عل فكره جيت بردى
والنت فصل
بس احب اقولك
خليهم يرجعوه عشان لو رحت ملقتوش

مش هيحصلهم كويس
والا هقول انا بقى
وهتبقى فدااااااااايح

آه وكفى يقول...

هو ابو الهول ده مبيحرمش مهم كسرولو مناخيرو عشان مينطقش لسه برضو غاوي سجون

ابو على يقول...

هههههههه

انا مفهمتش حاجه

osama44 اسامه 44 يقول...

ويل يا ويل
اخيرا ابوالهول نطق
انا فى غاية السعاده انهو نطق
بس بجد لو كلمك تانى قوله اسامه بيبعتلك السلام وقوله انكلم واحنا كلنا وراءك يانصير الغلابه

Heba Faruq يقول...

فكرة جميلة وتدوينة رائعة



فعلا المسكوت عنه في التاريخ كتير
والمغلوط أكتر

وما أحوجنا حقاً لمن يتكلم ويكشف ويصحح

well يقول...

wella...
بجد انا سعيد بوجودك ونورتى الكشكول
تحياتى ...

well يقول...

THE illusionist....
مش لازم نستنى لما ابو الهول يتكلم لازم احنا اللى نتكلم
شكرا لتعليقك ..تحياتى

well يقول...

آه وكفى...
معلش مسير الايام تعلمه
تحياتى ونورت الصفحة

well يقول...

ابو على ...
المهم ضحكتك واضحك يا ابو على يا خفيف الدم
تحياتى ونورت الشاشة

well يقول...

osama44 اسامه 44...
اهلا بالناس اللى مبتسألش
هو مش هيتكلم تانى بقه خلاص كل سنة وانت طيب
تحياتى

well يقول...

Heba Faruq ...
شكرا على تعليقك الجميل وشكرا على وجودك هنا ونورتى الكشكول
تحياتى ...

mimi يقول...

ليه مش كتبت " يتبع"؟

ولا هيا كده تمت؟

بس الفكرة جامدة جدا

وياريت لو قابلت مصباح علاء الدين بتاعي في سكتك مش تطلب منه أن ابو الهول يتكلم

لا ... اطلب منه خللي ابو الهول يسكت أحسن ده رغاي موووت

هههههههههه

بجد صدفة عجيبة

هوا علاء الدين موضة ولا إيه؟

well يقول...

ميمى ..
يا ويلكم يا ويلكم
نورتى الكشكول ...
هطلب ان ابو الهول يسكت بس النيل يتكلم ...
مصباح علاء الدين اخر موضة ....
بجد نورتى الكشكول وسعيد بتعليقك
تحياتى