RSS Feed

انا صوتى اقوى من الرصاصة ام بَرود

قبل ما تطالب بحقك ..(1)
..

قبل ما تطالب بحقك
البس قميص ضد الرصاص

ودع امك ..وكل احبابك ..ودع اهلك

إتشاهد ..وحضر تبوتك

وشهادة موتك

او شهادة قتلك

قبل ما تطالب بحقك

................................................

دانا صوتى اقوى من الرصاصة ام بَرود..(2)
...
انا ليا حق وهطلبه بعلو صوت
دانا صوتى اعلى منكوا
دانا صوتى اقوى من الرصاصة ام بَرود
وعمر الرصاصة ما خوفتنى
وعمرها ما صنعت سكوت
دانا صوتى أعلى منكوا
وحتى الشهادة حالف لأقولها بعلو صوتى ساعة الموت
دانا صوتى اقوى من الرصاصة ام بَرود
.............................................
ثلاث طرق تؤدى الى الجنة ...(3)

1..تصلى وتصوم
2..تروح فلسطين وتجاهد
3..تمشى فى مظاهرة وتخدلك رصاصة وتبقى كدة (شهيد)




40 الناس الى بتكتب فى الكشكول:

حصان المرجيحة يقول...

انا مش متفق معاك في ان الموت في المظاهرة تبقي شهادة
لاني اصلا ضد فكرة المظاهرات
لانها مجرد تفضية للشحنة المكبوتة
و بدل ما نطلعها في حاجة تفيدنا
للاسف بنطلعها في صوتنا العالي
و النتيجة و كالعادة=صفر
و اظن من يوم ما اتولدت و انا شايف مظاهرات
و لا القدس اتحررت و لا العراق ماضربتش و لا افغانستان ماتدنستش
فبقي الامر مجرد ترويح عن النفس مش اكتر
ده رايي
شكرا ليك

richardCatheart يقول...

صباح الفل على الصوت اللى اعلى من الرصاصه ام برود


الف رصاصه ورصاصه تخرم عنهم وقلوبهم
تهد قواهم وتاخد رحوهم وتمحى صوتهم
كانو فاكرين هايخوفوهم وبرصاصهم يهتوهم
كانو فاكرين هانخاف مالموت لاءخلاص مافى سكوت
كله فتح صدره ورايح ولا هايهمه ولا هايبايع
يلا يا كفره يا ولاد تتتتتتتتتت
دانتو خلتو حياتنا كرنبيييييييت

زمان لغايه وقت مش بعيد كنت ضد المظاهرات
بس وجه نظرى اتغيرت مع تغير الاوضاع فى البلد وصلنا لمراحل من الكفر والعياذ بالله
مش هافتى واقول شهيد ولا لاء
بس على ماتعلمت فى دينى ان الشهيد
اللى يموت وهو بيدافع عن ماله او نفسه او عرضه او طبعا فى سبيل الله
متهيئلى دا واضح اللى طالع بيطالب بلقمه نضيفه وبيت يتجوز فيه ويصون نفسه وعرضه من بلاوى الدنيا اللى الكل شايفها وانه يبقى بنى ادم عادى
زى بلاد الدنيا

واتهف رصاصه جابت اجله دا ايه مابيدافعش عن كل دول

والله نحتسبه حتى عند الله شهيد

وحسبى الله ونعم الوكيل كله هايقعد فى عيالهم

تقبل مرورى

طهر فؤادك يقول...

السلام عليكم ورحمة الله وبركاتة

اخبارك اية ياويل

ان شاء الله ربنا كبير وبأذن الله الغمة دى هتزول بس دة بتمسكنا بدينا وان شاءء الله الخير جاى بأذن الله تعالى ...

اما عن الشهادة قال صلى الله عليه وسلم: (ما تعدون الشهادة؟ قالوا: القتل في سبيل الله فقال رسول الله صلى الله عليه وسلم الشهداء سبعة سوى القتل في سبيل الله : المطعون شهيد والغرِق شهيد وصاحب ذات الجنب شهيد والحَرِق شهيد والذي يموت تحت الهدم شهيد والمرأة تموت بجمع شهيد) متفق عليه

عطش الصبار يقول...

اللام عليكم
عارف يا ويل انا من ساعه بس كنت بتفرج على فيلم اجنبى اسمهالقلعه الاخيره مش عارفه ايه اللى خلانى اربط بين الفيلم والبوست بتاعك
يمكن عشان روح التحدى
فى الفيلم رفض قائد التمرد ان يقدم المزيد من الارواح لتحقيق النصر على الظلم
قدم نفسه هو بس وانتصر بالتفكير بالعمل بالتخطيط
برضه الطيق للجنه فيه العمل وفيه بناء الوطن وفيه كلمه الحق
تحياتى

ريمان يقول...

يا مساء الرصاص


ربنا يصلح الحال يا رب وان شاء الله النصر قريب

تحياتى ومودتى

طهر فؤادك يقول...

السلام عليكم ورحمة الله وبركاتة

اخبارك اية
عندى خير ليكوااا ان شاء الله كبير بأذن الله تعالى فية جمعية يااشباب لرعاية مرضى السرطان ومحتاجة دعمكم يااشباب عن طريق نشر حسابات الجمعية المعترف بيها من الجهات الحكومية لانها فعلا بتساعد ناس كتير من مرضى السرطان وكمان عائلتهم وكمان فية اهتمام اكبر بمستشفى 57357 وفية اهتمام اعلامى كبير بيها فياريت نساعد بعض فى مساعدة الجمعية "الامل فرع سوهاج "علشان تساعد ناس اكتر من المرضى كمان قال رسولنا العظيم فى حديثة :-
أتى النبي صلى الله عليه وسلم رجل يستحمله فلم يجد عنده ما يتحمله فدله على آخر فحمله فأتى النبي صلى الله عليه وسلم فأخبره فقال إن الدال على الخير كفاعله

** فياريت ياشباب نتبرع ولو بجنية علشان نساعد الجمعية دى وننشرها اكتر على جميع الناس والتبرعين .واليكم ارقام الحسابات

بنك فيصل الاسلامي 26270 فرع سوهاج

البنك الاهلى 734626 فرع سوهاج

البريد المصري 152077 فرع سوهاج

باسم جمعية الامل لرعاية مرضى السرطان

ودة ميل نائب مدير الجمعية لاى استفسار ومساعدة :---

g.elamal@yahoo.com


وقال صلى الله عليه وسلم : " إذا مات ابن آدم انقطع عمله إلا من ثلاث صدقة جارية ، أو علم ينتفع به ، أو ولد صالح يدعو له "

خليها صدقة جارية يااشباب وسااعدونا الله يكرمكواااااااااااا

الرجاء النشر

فشكووول يقول...

ازيك يا حبيبى

تحياتى
هو كدا المفروض يكون صوتنا اعلى من الرصاص

بس على فكره انا خايف يكونوا بيلعبوا بالكارت الكسبان واحنا اللى شايفينه خسران
هما عارفين من اين تؤكل الكتف
تحياتى

♥♥ شذا ♥ الروح ♥♥ يقول...

الله الله

بجد أتكلمت عننا بشكل صح
فعلا هو ده حالنا يافندم
لو تعرف قد ايه بكيت وانا بقرء كلامك

ربنا يسترها معانا
مش عارفه اقول ايه
غير ربنا يحفظك يارب من كل شر
سعدت بمرورى

الاول وليس الاخير
دمت ودام اسمك وقلمك الراقى

well يقول...

حصان المرجيحة ..

شكرا على رئيك ..
انا معاك ان النتيجة صفر بس صدقنى المظاهرات دى لو كانت فى بلد ايجابى كانت غيرت حجات كتير
تحياتى

well يقول...

ريتشارديا قلب القطة ...

يا صباح الانوار ..

ربنا ما يوصلنا لمرحلة الكفر ..

على فكرة المظهارات متهمنيش اوى لكن بعد الكلام المستفز ده ما اتقال من نواب المجلس ...بقت تهمنى اوى

كله هيقعد فى عيالهم ..انا ضد فكرة ان حد يشيل ذنب حد تانى ...لكن ..حسبنا الله ونعم الوكيل

تحياتى

well يقول...

طهر فؤادك ..

وعليكم السلام ورحمة الله ..

(صدق رسول الله صلى الله عليه وسلم ) ..

شكرا على الافادة ..

تحياتى

well يقول...

عطش الصبار ..

وعليكم السلام ورحمة الله ..

روح التحدى ...شكرا على التعبير ده

يمكن الاستفزاز هو اللى صنع روح التحدى

تحياتى

well يقول...

ريمان ..

يا مساء الطخ .. طخ

..امين ..

ونورتى الكشكول ..تحياتى

well يقول...

طهر فؤادك ..

وعليكم السلام ورحمة الله وبركاته ..

ربنا يقدرك ويقدرنا على فعل الخير

تحياتى

well يقول...

فشكول يا صديقى القديم ..

ان روحت شرق ابقى انهزمت
وان روحت غرب ابقى انكسرت
العب ياعم وادينى كارت
وكارت تانى لو سمحت ..
(زى السيجارة وحرقوها وبقت دخان )

شعر قديم كنت قريته لواحد مش فاكر اسمه ..
..
الشعب بالنسبالهم كارت كسبان ..علشان الاصوات فى الانتخبات ..هما بيكسبوا من الكارت ده لكن احنا ديما بنخسر
والعب ياعم وادينى كارت وكارت تانى لو سمحت
تحياتى

well يقول...

شذا الروح ..

لو كنت اعرف انك هتبكى انا مكنتش كتبت حرف واحد .. دموعك غالية علينا

شكرا على تعليقك الجميل وان شاء الله يكون فى تواصل ونورتى الكشكول
تحياتى ..

مهموهة أحمد يقول...

ويل يا ويل

بجد بجد مدونة رائعة اوي اوي و تساهل المتابعة بجد
و فعلا ضيفتها عندي في القيمة المهمة علشان اتابعك

اما عن البوست كلامك رائع و الله
و ما اقدرش اقول عليه غير ربنا يرحمنا برحمته يا رب
و ينصر عباده المسلمين في كل مكان يا رب

تقبل مروري الاول و ان شاء الله مش الاخير

خالص تحياتي و تقديري

UncŁē Sam يقول...

تحياتى لك ولمدونتك المميزه ولقلمك الرائع
--------------

ده الثوري النوري الكلمنجي .. هلاب الدين الشفطنجي
قاعد في الصف الاكلنجي ... شكلاطة و كاراميلا ..


يتمركس بعض الايام ... يتمسلم بعض الايام
و يصاحب كل الحكام .. و بسطعشر ملة ..


حلاويلا يا حلاويلا .. يا خسارة يا حول الله


يا حلاولو لو شفتو زمان .. مهموم بقضايا الانسان
بيتكتك لتقول بركان .. و لا بوتجاز و لا حلة ..


حلاويلا يا حلاويلا .. يا خسارة يا حول الله


اش حالك يا قريب اليوم .. اش جاب التفاح للدوم
و اش جاب الغرفة ببدروم ... للعربية و فيلا

على فكره الاغنيه اسمها

soldier of love
http://www.youtube.com/watch?v=JbZzgwn-DHU

♥♥ شذا ♥ الروح ♥♥ يقول...

السلام عليكم

مممممممممم

مش عارفه خلى قلبك يدلك ويقولك
مش عارفنى







؟؟؟؟؟؟؟؟؟؟؟؟

أنا مدونه ومن أحب الناس اللى بتابع كتباتك
بس عملت أكوانت جديد
ياريت تكون عرفتنى
لو عرفت انا مين خليها فى سرك
صدقنى أيون انا اللى فى بالك
باى ياقمر

فتافيت كلام يقول...

السلام عليكم
وتبقى شهيد المظاهرات
اشكرك على اسم الكتاب

تحياتي

ليله شتاء يقول...

السلام عليكم
أكيد احنا موصلناش للدرجة دى يعنى مش كل ما أطالب بحقى اودع أحبابى

صوت الحق اكيد هيكون اقوى من الرصاص والبَرود


طرق الجنة
الصلاة والصوم والاستشهاد فى فلسطين مش فى مظاهرة

تحياتي

هبة النيـــــل يقول...

فعلا أنا مع عمو فشكول

المفروض يكون اقوى من الرصاص

ربنا يفك كربنا جميعا

أحمد الصعيدي يقول...

ازيك يا ويل


في حاجة رابعة انت نسيتها

تتخانق مع ظابط أو حتي صول أو مخبر


هي دي مصر


ربنا يسعدك

miroooo يقول...

السلام عليكم
اول مرة ازور مدونتك الجميله وبجد سعيده انى دخلتها وكمان ميرسى على زيارتك
طبعا البوست رائع وفعلا احنا بقينا خايفين نطالب بحقنا بس للاسف مفيش كتير شجعان زي ما انت بتقول حال الشباب بقى فى مستوى متدنى وسيىء للغايه خلاص كله بقى بيكبر دماغه ومحدش عايز يتحرك من مكانه بس لسه الامل موجود
تحياتى لك ولقلمك
تقبل مرورى

richardCatheart يقول...

صباح النور والرصاص الاتنين ماعرفش يجو ازى مع بعض بس دلوقتى ينفع

قصدى مش حد يشيل ذنب حد
قصدى داين تدان
ومافيش اغلى من الضنا والاخ والزوج والصاحب والجار
واللى يسترخص حياه الناس ويفكر يطخهم بالرصاص لسبب غير انهم مجرمين يبقى هو كمان وكل حبايبه رخاص عندى بشكل خاص وعند الكل بشكل عام
دول ماقولش على المجرمين بتوع المخدرات والسلاح يتعمل فيهم كده ياخى
واهو الكل دلوقتى اتلم وبينفو كلامهم وبيقول لاء ماكناش نقصد كده كنا بنقصد كده وكده وكده
ااااااه يابلد عايزة ولد بس الناس مش فاضيه واقفه فى الطوابير

تقبل مرورى يا ويل

well يقول...

مهموهـــــــة...,وليه الهم

شكرا على كلامك الجميل وبجد نورتى المدونة والكشكول كله ويارب كدة منورانى ديما ..

ان شاء الله يكون فى تواصل

تحياتى

well يقول...

QŁp 7āZēŋ ...

اى ياعم الكلام الرائع ده ..ده عاوز يتحط فى بوست لوحده

شكرا على كلماتك الجميلة ومتشكرين على الاغنية ..

وان شاء الله يكون فى تواصل

تحياتى

well يقول...

شذا الروح ..

ما يهمنيش اسمك مايهمنيش لونك ..

يهمنى الانسان ولو ملوش عنوان

انتى غيرتى اسمك لكن ماعرفتيش تغيرى طريقتك الحلوة فى الكتابة

تحياتى

well يقول...

فتافيت كلام ..

شكرا على مرورك ..على فكرة الكتاب لديل كارينجى (يارب اكون كتبت اسمه صح )والكتاب اسمه فن الخطابة

وان شاء الله يكون فى تواصل

تحياتى

well يقول...

ليلة شتا ..

ديما حب الشتا اكتر من الصيف

احنا فعلا ماوصلناش للدرجة دى بس لنعتبر اللى مكتوب نوع من السخرية

..
ان شاء الله يكون فى تواصل

تحياتى

well يقول...

هبة النيل ..

امممم مع عمو فشكوول ..صديقى القديم

امممممم انتى كدة مع الكارت الكسبان
وعلشان خاطر عمو فشكول ليكى 3 صفحات زيادة ونورتى الكشكول

تحياتى

well يقول...

احمد الصعيدى ...

عظيمة يا مصر يا ارض اللوا

نورتنى ونورت الكشكول ..تحياتى

well يقول...

miroooo ...

نورتى يا فندم ...
كله مكبر دماغه ...هى فين الدماغ اصلا
بس لسه الامل موجود

شكرا على كلماتك الجميلة ونورتينى ونورتى الكشكول كله
وان شاء الله يكون فى تواصل

تحياتى

well يقول...

ريتشردايا ..

...(كما تدين تدان)
..
(...ااااااه يابلد عايزة ولد بس الناس مش فاضيه واقفه فى الطوابير...)

والله انا فاضى ...بس البلد هى اللى مش فاضية


تحياتى

داليـ ـ ـ ـ ـ ـ ــــا يقول...

اكيد كلنا نتمنا نموت شهدا

بس مش معنا اننا نتمنا كده نقوم كلنا نروح نعمل كده

يعنى الهدف مش انك تدافع

يبقا كده الهدف انك تموت شهيد


تحيه ليك

just waiting يقول...

صح قبل ما نروح نطالب باي حق من حقوقنا لازم دلوقتي نلبس قميص مضاد للرصاص
اصلهم عايزين يطبقو القصاص زي ما قال القصاص
وباذن الله الحكم العدل هياخدلنا حقنا منهم ويقتص لينا كلنا

well يقول...

داليا ...

كل واحد على حسب نيته

تحياتى ونورتى المدونة

well يقول...

Just waiting ..

اتمنى الحكم يكون عادل

تحياتى

الغاردينيا يقول...

كلام جميل

وصوتك اقوى من رصاصه

وصوتك باقى حتى بعد الموت

لك التحية وانا اتنقل بين تدويناتك

اليوم كلها جميله ^_^ ,, حماك الله واكرمك

well يقول...

الغاردينيا ..

شكرا على كلامك الجميل
تحياتى